Analisti Roland Bejko deklaroi se ish-kryeministri Berisha është kthyer në një “tigër prej letre”, duke argumentuar se ai ka hyrë në kompromise për ekzistencën e tij personale dhe politike. Sipas Bejkos, pozicioni aktual i Berishës lidhet edhe me faktin se ai ndodhet nën ndjekje penale nga drejtësia dhe është shpallur “non grata” nga Shtetet e Bashkuara të Amerikës.
Bejko u shpreh gjithashtu se kryeministrit Edi Rama i intereson që Berisha të mbetet në këtë pozicion politik, ndërsa shtoi se qytetarët e kanë braktisur prej kohësh Berishën. Ai kritikoi edhe sistemin elektoral në Shqipëri, duke thënë se ai është kthyer në një sistem të kryetarëve, që u ka dhënë pushtet të madh drejtuesve të partive politike.
“Egërsia e Berishës është e tigrit prej letre. Berisha ka rënë në kompromise për ekzistencën e tij personale dhe politike, nën ndjekje penale nga drejtësia, non grata nga Amerika. Ramës i intereson Berisha në të tillë pozicioni, qytetarët e kanë braktisur Berishën me kohë. Sistemi elektoral është sistem i kryetarëve, u ka dhënë pushtet kryetarëve. “