EMRI/ Vritet ekonomisti i një firme inertesh, plagoset pronari. RENEA ‘rrethon’ Kurbinin

AKTUALITET


Një ngjarje e rëndë është regjistruar mëngjesin e sotëm në një firmë ku përpunohen inerte, ku në rrethana ende të paqarta është gjetur i pajetë ekonomisti i firmës, dhe i plagosur pronari i biznesit.

Sipas policisë, është vrarë me armë zjarri shtetasi me inicialet S. M, rreth 70 vjeç, si dhe është plagosur pronari, shtetasi me inicialet A. GJ, rreth 51 vjeç, i cili është transportuar në spital për ndihmë mjekësore.


Në ndihmë të Policisë vendore kanë shkuar forcat Kombëtare të Sigurisë dhe Forcat Speciale Renea.

Ngjarja ndodhi rreth orës 07:00, në fshatin Gurez të Kurbinit. Bëhet fjalë për Arian Gjeloshin. Ky i fundit ndodhet në spital, ndërsa nuk dihet gjendja e tij. Sakaq, nga ky atentat mbeti i vrarë Selman Mihana, 70 vjeç.

NJOFTIMI I POLICISE
Rreth orës 07:00, është marrë njoftim se në fshatin Gurez, Kurbin, në ambientet e një firme ku përpunohen inerte, në rrethana ende të paqarta është vrarë me armë zjarri shtetasi Selman Mihana, rreth 70 vjec, ekonomist i firmës, si dhe është plagosur pronari shtetasi A. GJ, rreth 51 vjec, i cili është transportuar në spital për ndihmë mjekësore.

Shërbimet e Policisë Vendore kanë shkuar në vendngjarje, është rrethuar zona dhe vijon kontrolli i territorit.

Ndërkohë është ngritur një grup i posaçëm hetimor nën drejtimin e Prokurorisë për zbardhjen e rrethanave të ngjarjes, identifikimin dhe kapjen e autorit/ve. Në ndihmë të Policisë vendore kanë shkuar forcat Kombëtare të Sigurisë dhe Forcat Speciale Renea. Në një moment të dytë do të ketë njoftim më të plotë në lidhje me ngjarjen.




Skip to toolbar