Drejtoria e burgjeve ndryshon IEVP për kryebashkiakun Erion Veliaj
ABC News mëson se Veliaj është transferuar këtë të mërkurë nga burgu i Durrësit në IEVP Fier. Lëvizja mësohet se nuk është bërë me kërkesë të Veliajt.
Veliaj ndodhet në qeli prej 10 shkurtit 2025, kur u arrestua nga Prokuroria e Posaçme për veprat penale të korrupsionit dhe pastrimit të parave përmes një skeme që përfshin edhe bashkëshorten e tij, Ajola Xoxa. Sipas SPAK, Veliaj dhe Xoxa kanë përfituar rreth 1 milionë euro nga kjo skemë korruptive, para që janë përdorur kryesisht për stilin e jetesës dhe blerje luksoze në internet.