Një person është ndaluar të enjten në Portin e Vlorës, pasi tentoi të kalonte në mënyrë të paligjshme një shumë prej 57000 eurosh.
Pas kontrollit në vijën e dytë të një automjeti me targë gjermane kanë konstatuar të fshehura në brendësi të mjetit dy pako të mbështjella, brenda të cilave kishte një sasi eurosh të padeklaruara në kufi.
Nga verifikimet e mëtejshme rezultoi se në automjet ishin fshehur rreth 57000 euro.
Drejtuesi i mjetit, shtetasi E. P., 29 vjeç, banues në Kukës është shoqëruar drejt Drejtorisë Vendore të Policisë Vlorë dhe në përfundim të veprimeve u procedua penalisht në gjendje të lirë, për veprën penale “Mosdeklarimi në kufi i të hollave dhe sendeve me vlerë”.
