Trupi i pajetë i një personi është gjendur mëngjesin e së premtes në Tiranë.
Policia njofton se trupi është gjendur pa shenja jete rreth orës 07:50, në rrugën “Vëllezërit Huta” i shtrirë, në trotuar. Personi i gjendur i pajetë është identifikuar dhe është shtetasi S. B.,75 vjeç.
Nga këqyrja paraprake e trupit të pajetë, nuk janë konstatuar shenja dhune, apo dëmtime nga faktorë të tjerë. Dyshohet se shkaku i vdekjes është për shkaqe natyrale. Grupi hetimor po vijon punën për sqarimin e mëtejshëm të rrethanave të ngjarjes.