Në një përpjekje për të ndërprerë lidhjet e tensionuara prej vitesh me Turqinë, autoritetet greke janë në rrugën e tyre drejt krijimit të një programi një vjeçar të vizave pas mbërritjes për udhëtarët turq.
Pas një takimi midis kryeministrit të Republikës së Greqisë, Kyriakos Mitsotakis dhe Presidentit të Republikës së Turqisë, Rexhep Tajip Erdogan, mediat lokale në të dy vendet kanë raportuar mbi planet e Greqisë për të futur një sistem automatik të vizave për t’u mundësuar shtetasve turq të vizitojnë dhjetë nga ishujt e saj sipas rregullave të vizave të lehtësuara.
Në një konferencë të përbashkët për shtyp pas takimit, kryeministri Mitsotakis tha gjithashtu se qeveria e tij tashmë ka marrë miratimin e Komisionit të BE-së për futjen e një skeme të tillë, transmeton SchengenVisaInfo.com.
Viza do të jepet në vend dhe do të jetë e vlefshme për një periudhë maksimale prej shtatë ditësh, një hyrje. Ishujt që do të përfshihen në këtë skemë të re janë: Lemnos, Lesvos, Kios, Samos, Leros, Kalymnos, Kos, Rodos, Symi, Kastelorizo.
Gjatë gjithë konferencës për shtyp, kryeministri Mitsotakis shprehu gjithashtu mbështetjen e tij për kërkesën e Turqisë për akses pa viza në zonën Shengen.
Për sa i përket mbështetjes së vazhdueshme të Greqisë për procesin e anëtarësimit europian të Turqisë, vendi ynë mbështet lehtësimin e vizave, gjithmonë në kuadër të acquis europiane, në mënyrë që brezi i ri i Turqisë, shkencëtarët, biznesmenët, studentët të zhvillojnë marrëdhënie më të ngushta me Europën.