Greqia shtyn vendimin, vijon mbyllja e Kapshticës deri më 8 mars

AKTUALITET



Është shtyrë sërish afati për hapjen e pikës kufitare të Kapshticës nga pala greke, për shkak të situatës së krijuar nga pandemia e koronavirusit.

Policia shqiptare njofton të gjithë qytetarët se pala greke ka vendosur të mbajë të mbyllur Kapshticën deri më 8 mars 2021.


Njoftimi i policisë:

Drejtoria Vendore e Kufirit dhe Migracionit Korçë.
Stacioni i Policisë Kufitare Kapshticë:
Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë, deri në datën 08.03.2021.
Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, vijon të jetë e mbyllur.
Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, vetëm për këmbësorët dhe mjetet e tonazhit të rëndë (kamiona mallrash). Mjetet si autobusa, taksi, apo çdo mjet tjetër i transportit të pasagjerëve, nuk do të lejohet të kalojë.
Duke ju falenderuar për mirëkuptimin.