Një javë pas tërmetit të fuqishëm që goditi vendin mëngjesin e 26 nëntorit, lëkundjet sizmike në vendin tonë vijojnë ende. Pllakat tektonike ende nuk kanë gjetur qetësi, megjithatë goditja e tyre fatmirësisht është më e lehtë dhe e shkurtër në kohë. Pavarësisht kësaj njerëzit vijojnë të kenë panik dhe ankth, por jeta dalë nga dalë po kthehet në normalitet.
Sipas Qendrës Mesdhetare Europiane të Tërmeteve (EMSC), aktiviteti sizmik në Shqipëri ka ardhur duke u ulur. EMSC publikoi të hënën hartën e lëkundjeve sizmike në vend, ku shihet se aktiviteti sizmik vijon ende, por lëkundjet kanë fuqi më të vogël.
“Harta e azhornuar e aktivitetit të tërmetit në Shqipëri vlerësohet se është me ulët so se ajo e dy ditëve më parë. Kuptohet plotësisht se ulja nuk është kurrë aq e shpejtë sa duhet”, thuhet nga EMSC. Ndërkohë, mesnatën e të martës një tjetër lëkundje me magnitudë 4.4 ballë u regjistrua në vend, ndërkohë që valë sizmike me fuqi më të ulët ka pasur por me frekuëncë kohore më rrallë.
