Kryeministri Edi Rama ka vizituar banorët në zonën e Kasharit në Tiranë, shtëpitë e të cilëve janë prekur nga tërmeti. Gjatë takimit Rama u ka kërkuar atyre të tregohen të duruar pasi shtëpitë do të rregullohen të gjitha.
“Të rinjtë kujtojnë se bëhen punët menjëherë, por me durim tani, do i rregullojmë të gjitha” u tha Rama banorëve.
Rama u ndal në banesën e një familje ku ndodhet edhe një nënë, të cilës i dhuroi çelësat e shtëpisë së re, duke marrë duartrokitjet e banorëve përreth. Familja është futur në shtëpinë e re së bashku me kryeministrin Rama, ku nuk kanë munguar dhe batuat e tij ku i thotë nënës që të hyjë në shtëpi “me këmbën e djathtë” si për ti ecur mbarë e mirë.
Banorët kanë falenderuar Kryeministrin Rama, që shoqërohej edhe nga kryebashkiaku Erion Veliaj, i cili tha se shtëpia e kësaj familje ishte dëmtuar nga tërmeti i parë i 21 shtatorit. Veliaj tha se janë gati për tu dorëzuar edhe 50 shtëpi të rindërtuara të tjera për familjet e prekura nga tërmeti i shtatorit.