Konfiskohen mbi 10 mijë euro të falsifikuara në Kosovë, arrestohet i dyshuari

KOSOVA


Hetuesit policorë nga Drejtoria për Hetimin e Krimeve Ekonomike dhe Korrupsionit, dje në fshatin Shakovicë të Podujevës, një i dyshuar gjatë realizimit të masave të fshehta të hetimit nga hetuesit policorë, ka ofruar për shitje 5000 copë monedha nga 2 euro, e të cilat synonte t’i shiste për 6 mijë euro.

Sipas Policisë, ata kanë zbatuar urdhëresën për ‘masa të fshehta hetimore’, përkatësisht ‘Blerja e simuluar e artikujve, shërbimeve ose sendeve’, të lëshuar më nga Prokuroria Themelore Prishtinë.


“Gjatë zbatimit të urdhëresës, në fshatin Shakovicë të Podujevës,  i dyshuari A.A., (viti i lindjes 1987, mashkull kosovar), gjatë realizimit të masave të fshehta të hetimit nga hetuesit policorë, ka ofruar për shitje 5000 copë monedha nga 2 euro (5000×2=10000).

I dyshuari këtu monedha synonte t’i shiste për 6 mijë euro.Policia,  gjatë kontrollit në veturën e tij, kanë gjetur dhe sekuestruar  5000 x 2 euro monedha, dyshohet të jenë të falsifikuara, 3 kartëmonedha nga 20 euro, dyshohet të jenë të falsifikuara, Vetura e përdorur nga i dyshuari dhe një telefon celular. I dyshuari  është intervistuar në prezencën e avokatit mbrojtës të caktuar sipas detyrës zyrtare.  Me aktvendim të prokurorit kujdestar, i dyshuari  dërgohet në mbajtje për 48 orë”, thuhet në komunikatën e Policisë.




Skip to toolbar