Dhoma e Përfaqësuesve e Kongresit Amerikan ka miratuar një rezolutë që vë në lëvizje zyrtarisht procesin përmes së cilit komisionet do të vazhdojnë hetimin për të përcaktuar nëse Presidenti Trump duhet të përballet me shkarkim nga posti.
Votimi tregoi përçarjen në Dhomën e Përfaqësuesve mes demokratëve të shumicës, udhëheqësit e së cilëve kishin argumentuar se nuk ishte e nevojshme një rezolutë e tillë për ta bërë procesin legjitim dhe pakicës republikane që deri tani e ka kundërshtuar hetimin, duke thënë se është një proces shumë hermetik dhe se atyre nuk u është dhënë një rol i barabartë.
Rezoluta bën thirrje për mbajtjen e seancave publike dhe më pas Komisioni i Zbulimit t’i dorëzojë një raport me përfundime dhe rekomandime Komisionit Juridik të Dhomës së Përfaqësuesve, që do t’i rekomandojë gjithë Dhomës së Përfaqësuesve nëse duhet mbajtur votimi për shkarkim apo jo.
Presidenti Trump akuzohet se ka bërë presion mbi homologun e tij ukrainas Zelensky për të ripahur hetimet për ish zëvendës presidentin Joe Biden për korrupsion, një lëvizje kjo për të diskredituar Biden, që besohet se do të jetë rivali i Trump në zgjedhjet presidenciale të vitit 2020.
Sipas të dhënave, asnjë republikan nuk votoi rezolutën e demokratëve. Megjithatë, kjo ka sjellë edhe diçka të veçantë, pasi Kryetarja e Dhomës Nancy Pelosi votoi “Po” për rezolutën duke zyrtarizuar hetimin e fajësimit ndaj Presidentit Trump, njoftoi Dana Bash i CNN. Siç shpjegoi Bash, folësit e dhomave zakonisht nuk votojnë – dhe Pelosi shënoi një pikë me votën e saj.
Pasi Kongresi Amerikan miratoi rezolutën që zyrtarizoi hetimin e fajësimit, Presidenti Trump tha në Twitter: Gjuetia më e madhe i shtrigave në historinë amerikane. Ndërsa përfaqësuesit e fushatës së Trump e quajtën rezolutën një përpjekje për të hequr një president të zgjedhur siç duhet për arsye rreptësisht politike. “Vota e sotme thjesht dëshmon se i gjithë procesi i fajësimit ishte një turp që nga fillimi”, tha menaxheri i fushatës së Trump, Brad Parscale. Ai shtoi se votuesit do të ndëshkojnë demokratët që mbështesin këtë farsë.