Ndryshimet klimatike vunë në alarm 11 mijë shkencëtarë, të cilët dolën me rekomandime se si të dilet nga kjo krizë globale. Kjo deklaratë u nënshkrua nga 11258 shkencëtarë nga 153 kombe nga çdo kontinent dhe u publikua në revistën Bioscience. Shkencëtarët kërkojnë ndërhyrje të menjëhershme si dhe japin këshilla se si të veprojnë liderët e botës për të “shpëtuar botën”.
Me titullin, “Paralajmërimi i shkencëtarëve mbi emergjencën e klimës” janë dhënë 6 masa apo rekomandime që udhëheqësit botëror duhet të nisin t’i zbatojnë tani. Rekomandimet kanë të bëjnë me sektorin e energjisë, uljen e emetimeve të gazit metan, hidrokarbureve dhe ndotësve të tjerë në ajër si dhe shtimi i bimësisë dhe gjelbërimit në botë. Ja 6 rekomandimet që japin shkencëtarët në të gjithë botën.
1. Sektori i energjisë. Ne duhet të zëvendësojmë karburantet fosile me burime të rinovueshme me emetim të ulët, të lëmë mënjanë rezervat e mbetura të gazit dhe naftës nëntokësore, të eliminojmë subvencionet ndaj kompanive të naftës dhe të vendosim taksa të karbonit mjaft të larta për të dekurajuar përdorimin e hidrokarbureve.
2. E dyta përfshin zvogëlimin e shpejtë të emetimeve të metanit, hidrokarbureve dhe ndotësve të tjerë të klimës. Kjo mund të zvogëlojë tendencën globale të ngrohjes në afat të shkurtër me mbi 50%.
3. Pastaj, e treta, vjen natyra. Sipas ekspertëve, ekosistemet si pyjet, kullotat, ligatinat duhet të restaurohen dhe mbrohen dhe këto ekosisteme mund të përdoren për reduktimin e dioksidit të karbonit atmosferik.
4. Varet nga ushqimi, rekomandimi i katërt. Si në raportin e fundit të IPCC, mënyra se si ne hamë po gërryen rezervat e planetit. Është e nevojshme të kalojmë në një dietë më të ekuilibruar bazuar në perime (veçanërisht uljen e sasive të mishit të kuq). Ndryshimi i dietës do të zvogëlonte shumë emetimet e gazrave të metanit dhe gazrave të tjerë serë.
5. E pesta prek ekonominë. Ka ardhur koha që të shndërrohemi në një ekonomi pa karbon. Vetëm në këtë mënyrë ekosistemet mund të shfrytëzohen në mënyrë që të ruajnë qëndrueshmërinë e burimeve të biosferës për një kohë të gjatë.
6. Rritja e popullsisë. Ne duhet të ndryshojmë kursin sepse popullsia njerëzore akoma rritet me mbi 200,000 njerëz në ditë. Kjo duhet të bëhet duke aplikuar qasje që garantojnë drejtësi sociale dhe ekonomike.