Luigi Soreca është rikthyer sërish në Tiranë dhe ka nisur nga puna deri në mbërritjen e ambasadorit të ri të Bashkimit Europian.
Rikthimin në Tiranë, Soreca e ka cilësuar një privilegj.
“Është një nder dhe një privilegj të jem përsëri në Tiranë në këtë moment veçanërisht të rëndësishëm për zgjerimin e BE-së dhe për procesin e integrimit të Shqipërisë në BE, si dhe në të njëjtën kohë me Samitin e ardhshëm të Procesit të Berlinit në Tiranë.
Bashkimi Evropian qëndron me vendosmëri pranë Shqipërisë në konsolidimin e progresit të arritur, thellimin e transformimit të vendit dhe nxitjen e reformave të rëndësishme që do ta sjellin Shqipërinë në BE”, tha Soreca.