Paris/ Gazetarja marokene do të apelojë kundër ndalimit të hixhabit në foton e kartës së shtypit

BOTA


Gazetarja marokene me bazë në Paris, Manal Fkihi, e cila mban hixhab, tha këtë të premte se do të paraqesë një apel kundër një rregulli që ndalon gratë të mbulojnë kokën në fotot e kartës së shtypit. Fkihi tha se kërkesa e saj për një kartë shtypi u refuzua, duke e bërë të vështirë për të punën, raportoi Reuters.

“E rëndësishme është që të na pranojnë ashtu siç jemi”, tha 25-vjeçarja.


Ankesa është hapi i parë në luftën kundër margjinalizimit të grave që mbajnë hixhab në profesion, tha agjencia. Fkihi tha se aplikimi i saj u refuzua nga komiteti i kartës së shtypit të ČIJP, i cili thotë se fotot e identitetit duhet të plotësojnë të njëjtin standard si fotografitë e pasaportës.

Franca ndalon mbulimin e kokës në fotot e pasaportave. CIJP njoftoi se, edhe pse është e pavarur, ajo kryen detyrat e saj për shtetin dhe respekton të njëjtat standarde të nevojshme për dokumentet zyrtare.

Komisioni deklaroi se respektimi i një formati të ngjashëm me pasaportën është më i mirë për sigurinë. Fkihi do të apelojë në CIJP, duke argumentuar se rregulli i saj është diskriminues dhe se karta e shtypit është një kartë profesionale, jo një formë ID, tha avokati i saj Slim Ben Achur. Nëse kjo dështon, ajo do të shkojë në gjykatën administrative./abcnews.al




Skip to toolbar