Vendimi i presidentit Meta për të anuluar zgjedhjet e 30 qershorit ka tensionuar mjaft marrëdhëniet e tij me qeverinë, që këmbëngul se ato duhet të mbahen në datën e përcaktuar. Të enjten në Kuvend, është miratuar me 100 vota rezoluta që kundërshton vendimin e Metës, ndërsa të hënë pritet të dorëzohet në Kuvend lista me emrat e 55 deputetëve që kanë firmosur mocionin për shkarkimin e tij.
Gjithashtu me një shkresë dërguar KQZ, presidenti Meta ka kërkuar të dijë numrin e deputetëve në Kuvend duke lënë të kuptohet se mund të ketë një shpërbërje të parlamentit, pasi nga 140 që duhet të jenë, aktualisht ai funksionon me 122 deputetë.
“RealStory.al” hap një tjetër sondazh dhe kërkon mendimin tuaj. Përplasja President-Qeveri. Meta ka të drejtë për: 1-Anulimin e zgjedhjeve 2-Shpërndarjen e parlamentit 3- Asnjërën dhe duhet të ikë.
