Cristiano Ronaldo dëshiron të largohet nga Juventusi, me sulmuesin portugez që duket më pranë Manchester City. Agjenti i CR7 është në Torino ku është takuar me klientin e tij për të diskutuar mbi mundësinë e kalimit të Ronaldos në Premier League.
Në këto kushte Juventusi ka filluar kërkimin për zëvendësuesin e Ronaldos. Në skenë janë tre emra kryesorë që i pëlqejnë bardhezinjëve. I pari është një lojtar që e njeh mjaft mirë kampionatin Italian. Bëhet fjalë për ish sulmuesin e Interit Mauro Icardi. Argjentinasi aktivizohet tek PSG por me ardhjen e Messit sulmi është mbipopulluar në Paris dhe ndoshta nuk do ketë hapësira për Icardin.
Dy emrat e tjerë janë Moise Kean dhe Luka Jovic. Mesa duket zërat për një largim të Ronaldos nga Juventusi janë të vërteta, duke parë bardhezinjtë që po kërkojnë një zëvendësues për Ronaldon.