Sipas një sondazhi të fundit të kryer nga Eduard Zaloshnja rezulton se është rritur ndërgjegjësimi i shqiptarëve përsa i përket masave të sigurisë gjatë udhëtimit me makinë.
Gjetjet e sondazhit tregojnë se 75% e shoferëve vendosin rripin e sigurimit teksa udhëtojnë. Por kjo shifër nuk është optimiste përsa i përket përdorimit të telefonave celularë për shkak se 45% të anketuarve pranojnë se përdorin celularin ndërkohë që i japin makinës.
Studimi i Zaloshnjas është kryer për institutin Agenda, dhe është një projekt i financuar nga qeveria suedeze për “Forcimin e Policimit në Komunitet në Shqipëri”. Rezultatet e sondazhit janë bazuar në vetë-raportimin e 1400 shqiptarëve (të ekzaminuar rastësisht në të gjithë vendin).
Zaloshnja zbuloi se rreth 75% e shqiptarëve (mbi 16 vjeç) përdorin rripa sigurie ndërsa drejtojnë apo ngasin automjete. Nga ana tjetër, 45% e shoferëve përdorin celularë ndërsa drejtojnë automjetin. Për fat të mirë, vetëm 2/3 e atyre përdorin celularë jashtë qyteteve dhe qyteteve, nëse kufijtë e shpejtësisë janë më të larta.
Ky është studimi i parë i bërë në Shqipëri mbi këto tema.
