Tag: Ambasadoret

Quinti i ambasadorëve: Masakra e Reçakut, shkaku pse nisëm bombardimet në Kosovë

Ambasadorët e Shtetve të Bashkuara të Amerikës, Francës, Gjermanisë, Italisë dhe Mbretërisë së Bashkuar, reaguan të martën (14 janar 2020) në një deklaratë për 21-vjetorin e asaj që njihet si “Masakra e Reçakut”. Quinti i ambasadorëve e cilëson këtë masakër si arsyen kryesore që bindi NATO-n të ndërhynte për t`i dhënë fund katastrofës humanitare në Kosovë.

“Njëzet e një vjet më parë, masakra që ndodhi në Reçak përfundimisht bëri që aleatët e NATO-s të ndërhyjnë dhe të përfundojnë një katastrofë humanitare. Ne e nderojmë kujtimin e atyre që humbën në Reçak dhe të gjitha masakrat e tjera në Kosovë dy dekada më parë, duke punuar së bashku për të ndërtuar një të ardhme të paqes, drejtësisë dhe prosperitetit për brezat e ardhshëm”, thuhet ndër të tjera në deklaratën e kuintit të ambasadave në Kosovë.

Më tej, ambasadorët e vendeve aleate, i bëjnë thirrje Kosovës dhe Serbisë që të sigurojnë akses të plotë në drejtësi për familjet e viktimave. “Qeveritë e Kosovës dhe të Serbisë duhet të sigurojnë që viktimat dhe familjet e tyre të kenë akses të plotë në drejtësi, dhe informacione në lidhje me fatin e të dashurve të tyre”, thuhet në deklaratë. Ndërkohë, në fund të saj, ambasdorët shprehen se do të mbështesin Kosovën për të zbatuar një nga kërkesat e Deklaratës së Pavarësisë, për të “përballuar trashëgiminë e dhimbshme në një frymë pajtimi”.

“Qytetarët e të gjitha etnive duhet të ndjehen në shtëpi dhe të lirë të jetojnë dhe të punojnë në paqe me fqinjët e tyre. Siç thotë Deklarata e Pavarësisë së këtij vendi, Kosova është një vend “i përkushtuar për të përballuar trashëgiminë e dhimbshme të së kaluarës së fundit në një frymë pajtimi dhe faljeje. Të përkushtuar për mbrojtjen, promovimin dhe nderimin e larmisë së popullit tonë”. Qëllimi ynë i përbashkët është të mbështesim vazhdimisht Kosovën në këtë rrugë”, përfundon deklarata.

Kjo deklaratë vjen vetëm pak kohë pasi Presidenti i Serbisë, Aleksandër Vuçiç e quajti “trillim masakrën e Reçakut”, pasi sipas tij “ajo shërbeu për të justifikuar NATO bombardimet ndaj ushtrisë së Milosheviçit”. Megjithatë, gjatë vizitës në Tiranë, për punimet e samitit të Shengenit Ballkanik, në një intervistë për “Euroneës”, Vuçiç mohoi deklaratat e tij, duke u shprehur se “asnjëherë nuk kishte mohuar krimet e luftës”. E pranuar dhe nga vetë vendet anëtare të NATO-s, ishte masakrimi i popullësisë civile në Reçak nga forcat serbe, ajo që bindi Aleancën e Atlantikut të Veriut për të ndërhyrë në Kosovë. /Realstory.al/

Meta që në orën 8: Jam esëll, s’iki, s’më heqin, s’e ndaloj dot 30 qershorin

Ilir Meta vijon të jetë i qetë, por i dorëzuar. Ka durim të plotë, por i dorëzuar për 30 qershorin. Në konferencën për shtyp, ku foli për herë të parë për vendimin e Kolegjit Zgjedhor, që i dha goditje ligjore dekretit për anulimin e zgjedhjeve, Ilir Meta u shfaq larg qëndrimit të tij për vetëflijim si “Salvador Aliende” në emër të mbrojtjes së pluralizmit. Ai nuk dha as shenja të qëndrimit “heroik”, të cilin e mbante vetëm pak ditë më parë për dorëheqjen nga posti që mban. “Nisur nga dizinformacionet e shpërndara në media, dua të them se Kolegji Zgjedhor nuk mund të gjykonte asnjë dekret të Presidentit sepse këtë tagër e ka vetëm Gjykata Kushtetuese”.

Kreu i shtetit bën përpjekje titanike për tu dukur i qetë, duke i quajtur Amerikanët fondacion dhe Shqipërinë, një vend që të huajt e duan koloni. “Ky institucion nuk i përket Metës, por Republikës, dhe ku institucion nuk do të bjerë kurrë. Përkundrazi nga ky do të fillojë ringritja e Republikës, dhe nuk do të bëhet vendi koloni e asnjë fondacioni ndërkombëtar. Unë nuk hyj te ata politikanë që flasin në emër të ambasadave dhe fshihen pas tyre. Këtu i vetmi institucion që vendos datën e zgjedhjeve është presidenti. Unë nuk kam anuluar zgjedhjet në amerikë apo kinë. Mos prisni nga asnjë ambasador këtë që po jo them unë”, shtoi Meta.

Meta s`guxoi të kërcënonte parlamentin, por s`guxoi as të thoshte pse po kërkonte shkresat për deputetët. Pranoi  se s`ka asnjë mjet për të ndaluar zgjedhjet në 30 qershor. “Duhet të keni të qartë që presidenti nuk ndërhynë për të penguar zgjedhjet partiake, por padyshim lidhur me 30 qershorin, kjo datë ka rënë. Nuk ekziston më ligjërisht. Kush do të zhvillojë zgjedhje partiake është i lirë”, tha Meta.

Ilir Meta u shpreh se ai do të vijojë të mbetet President i Republikës deri më 24 korrik 2022, kohë kur dhe i mbaron mandati. “Shqipëria nuk do të kthehet në një tirani, dhe as në koloni ndërkombëtare. Bashkë do jemi këtu deri më 24 korrik 2022 Meta: Maxhoranca të tërhiqet nga kjo veprimtari e paligjshme dhe kjo do t’i hapë rrugën dialogut dhe tryezës së partive”

Presioni ndërkombëtar u ndje në gjuhën që s`ja përtypi më fjalët dhunë e kaos. Arma e vetme: s`do hapen negociatat, më besoni mua. “Edhe sikur i gjithë populli opozitar të dilte të duartrokiste ata që do votojnë më 30 qershor, e ardhmja evropiane e Shqipërisë do të ishte shumë larg. Zgjedhje të tilla nuk plotësojnë asnjë standard të kritereve të Kopenhagenit. Ua kam thënë edhe ambasadorëve. Pa zgjedhje me standarde më të mirë nuk ka çelje negociatash. Më besoni se jam esëll gjatë gjithë ditës, jo më tani në mëngjes”. Por, Juncker tha se të kundërtën në fakt: që negociatat s`ka, nëse s`ka zgjedhje. Tani, t`i besojmë Juncker apo Metës? Shqiptarët e kanë bërë këtë zgjedhje mes perëndimit dhe lindjes. I besojnë perëndimit.

Skip to toolbar