Presidenti i Federatës Shqiptare Armand Duka, foli nga Turqia para nisjes së ndeshjes së kombëtares. Ai u shpreh se atmosfera është fantastike dhe motivuese për të dyja skuadrat. “Atmosfera është fantastike, i motivon të dyja skuadrat. Është një ndeshje jashtëzakonisht e rëndësishme për ne dhe për ekipin turk. Për ne, për të vazhduar atë fije shprese që kemi. Dhe turqit për të marë kualifikimin”, tha Duka.
Më tej, Presidenti i FSHF-së, u shpreh se në
17 nëntor, në Shqipëri-Francë, ndeshja që do të luhet në “Arenën Kombëtare”, do
të jetë dhe më e bukur. Ndërsa, lidhur me masat e sigurisë në stadiumin turk,
Duka u shpreh se “ndoshta lidhet me mosrespektimin sa duhet të ligjit”.
“Ne mezi presim të luajmë në “Arenën Kombëtare”. Do krijojmë një dekor akoma dhe më të bukur. Mesatarja e çmimeve këtu nuk është më e shtrenjtë se në Tiranë. Nuk e di nëse duhet të ketë apo jo armë në stadium. Duhet të jenë të gjithë “fer” dhe të respektojnë ligjin”, tha Duka.
Më tej, ai foli në lidhje me rinovimin e
trajnerit Edy Reja, duke u shprehur se për këtë do të vendoset pas përfundimit të
kualifikueseve, por la të kuptohet se situata është pozitive. “Për rinovimin le
të shohim ndeshjen, por dhe ndeshjet e tjera. Ne jemi të kënaqur për mënyrën se
si Edy Reja ka punuar deri tani. Mund të them që jemi pozitiv. Unë jam shumë i
lumtur që ne ta fitojmë ndeshjen. Jam njeri që dua ta fitojmë ndeshjen, por se
çfarë do japi fusha, këtë duhet ta presim”, u shpreh kreu i FSHF-së.
Në fund, ai tregoi se trajnerit Edy Reja i qëndron
afër para ndeshjeve, me qëllim që t`i largojë presionin e përgatitjes së
ndeshjes. “Profesioni i trajnerit më duket një nga më të vështirët në botë. E mendoj
që kanë një ngarkesë të madhe para ndeshjes. Aq më shumë trajneri i ekipit kombëtar.
Jo vetëm Reja, por çdo trajneri, që i rrijë sa më afër, e bëj për ti larguar
emocionet para ndeshjes. Ky ka qenë qëllimi, për ta bërë sa më të qetë”, tha
Duka.
Kreu i Federatës Shqiptare
të Futbollit, Armand Duka ka dënuar dhunën e ndodhur para ndeshjes së derbit
kryeqytetas ndodhur në stadiumin “Selman Stermasi”. Për Dukën këto shfaqje janë
të shëmtuara dhe nuk kanë lidhje me emocionet që të jep futbolli. Duka tha se organizmi
nuk ishte i keq, ndërsa u bëri thirrje tifozëve të eliminojnë këto situata dhe
ngjarje të tilla, që fatkeqësisht janë të shpeshta në derbi.
“Njerëzit të mendojnë për veprimet që bëjnë, gjesti para lojës ishte
shumë i shëmtuar. Futbolli luhet në fushë dhe duhet ta bëjnë aktorët.
Organizimi nuk ishte i keq, por duhet të eliminojmë këto ngjarje, që janë të
shpeshta në derbi, por jo vetëm në Shqipëri. E përsëris uroj që të jenë kënaqur
gjithë spektatorët dhe besoj se kjo ishte një panoramë pozitive.
Dy ekipet dhanë maksimumin. Ishte një stadium që ishte
i mbushur. Shpresoj të jenë kënaqur me lojën. Derbit janë të vështira për të
arritur rezultate”, ka thënë
Armand Duka.
Në mbledhjen e radhës të Komitetit Ekzekutiv të FSHF-së, anëtarët e këtij komiteti kanë vënë “dorën në zemër”, duke u krijuar një hapësirë kohore të mjaftueshme, që klubet të përmbushin kriteret financiare, në mënyrë që të marrin liçensën për të garuar në Superligë sezonin e ri.
Në fakt, Kriteri Financiar është një nga
rregullat kryesor, që klubet duhet të përmbushin për të garuar në kampionat. Këto
kritere përfshijnë detyrimet ndaj lojtarëve, trajnerëve, federatës,
autoriteteve lokale dhe qendrore, që kanë lidhje me përdorimin e infrastukturës,
etj. Disa prej klubeve të Superligës “ngelin” te kriteri financiar, pasi kanë
detyrime të vjetra dhe të mbartuara financiare, duke nisur nga mosshlyerja e
pagave të lojtarëve apo borxhe të ndryshme.
Pavarësisht afatit që FSHF-ja ka lënë për përmbushjen
e këtyre kritereve, vështirë se disa prej klubeve të Superligës do të arrijnë që
të zgjidhin gjithçka në kohë. Megjithatë, FSHF ka bërë një paralajmërim të fortë
për këto klube që nuk do të përmbushin kriteret financiare.
“Në rast se edhe pas këtij afati, kriteri
financiar nuk do të jetë përmbushur, materialet do ti paraqiten Komisionit të
Licensimit të Klubeve në gjendjen aktuale, çka do të thotë se klubi juaj mund
të rrezikojë mosmarrjen e licensës e për rrjedhojë edhe mospjesmarrjen në
kampionatin Kombëtar të Kategorisë Superiore për sezonin 2019-2020”, shkruan
FSHF në njoftimin shpërndarë mediave.
Ende nuk dihet se cilët janë me saktësi klubet
që kanë probleme financiare, megjithëse gjatë sezonit që lam pas, Tirana, Luftëtari,
Flamurtari kanë pasur probleme me vonesat e pagave të lojtarëve. Gjithsesi, do duhet të pritet fillimi i muajit
gusht, për të parë nëse 10 klubet aktuale të Superligës do të kalojnë “klasën”
në “matematikë” apo do të ngelen, duke rrezikuar kështu edhe përjashtimin nga
sezoni.
Katër ekipet e Suprligës në Shqipëri njohën
kundërshtarët e tyre për sfidat evropiane këtë të martë. Partizani do të luajë
në Champions League, ndërsa Kukësi, Teuta dhe Laçi në Europa League. Shorti nuk
ka qenë shumë dashamirës me klubet tona, pasi përballë do të kenë rivalë të vështirë,
megjithatë, jo të pamundur, thotë Armand Duka.
Kreu i FSHF-së ka uruar klubet shqiptare që
do të luajnë në kompeticionet evropiane, duke u shprehur se nuk është e
pamundur për të arritur objektiva të rëndësishëm. Sipas Dukës, duke u nisur dhe
nga eksperienca e tij personale që arriti të zgjidhej anëtar i Komitetit
Ekzekutiv të UEFA-s, me strategji dhe
objektiva seriozë e pamundura bëhet e mundur.
“Suksese Partizanit, Kukësit, Teutës dhe Laçit në përfaqësimin europian! Sot skuadrat shqiptare kanë njohur kundërshtarët e tyre në kompeticionet europiane, UEFA Champions League dhe UEFA Europa League. Dua ti uroj të katër skuadrave shumë suksese në këtë garim në sfidat europiane dhe dëshiroj që të shkojnë sa më larg”.
“Me strategji dhe objektiva seriozë për të arritur objektiva të rëndësishëm, si dhe me besim e punë mund të shkoni larg, duke e bërë të pamundurën të mundur dhe utopiken një realitet të prekshëm. Suksesi është gjithmonë i arritshëm”, shprehet kreu i FSHF-së.
Ky mesazh i presidentit të FSHF-së vjen në një
moment kur klubet shqiptare kanë pasur rritje të nivelit sportiv. E njëkohësisht,
vjen në një kohë kur vetë kreu i FSHF-së arriti për herë të parë të përfaqësojë
Shqipërinë në nivele të larta të futbollit evropian, duke u zgjedhur anëtar i
Komitetit Ekzekutiv të UEFA-s.
Pasditen e kësaj të hëne Fedartën Shqiptare të
Futbollit e ka vizituar homologu i Armand Dukës në Çeki, Martin Malik. Ky i
fundit ka ardhur në Shqipëri së bashku me dy inspektorë të UEFA-s, ku kanë parë
nga afër punimet për ndërtimin e stadiumit të ri, “Arena Kombëtare”. Gjatë një prononcimi
për mediat, Armand Duka u shpreh se i ka vënë objektiv kompanisë që stadiumi të
jetë gati për ndeshjet zyrtare, që kombëtarja do të luajë në shtator.
“Ne i kemi vënë objektiv kompanisë që duam të luajmë në shtator dhe vërtetë e kemi shumë të nevojshme që të luajmë në shtator në këtë stadium. Jo vetëm sepse duam ta shijojmë stadiumin e ri, duam të kemi më shumë kushte për spektarorët, por edhe se mund të arrijmë më shumë rezultat me pranijnë e shumë spektarorëve dhe amtosferën akoma më të mirë. Kështu që do të bëjmë të gjitha përpjekjet, por edhe kompania po bën të gjithçka mundet. Ka spektikë ka optimist, por nuk mund të jemi shumë të sigurtë për shtatorin”, ka thënë Duka.
Armand Duka doli i qeshur nga “Elbasan Arena”,
i fundit nga personat VIP që ndodeshin në këtë sektor. Fitorja me Moldavinë
ishte e rëndësishme për ekipin tonë kuqezi, jo vetëm për të shpresuar për
kualifikimin në Euro 2020, por edhe për të rigjetur besimin dhe forcën për të
vijuar më tej. Për mediat, Duka u shpreh se uronte që kjo fitore t`i kthente
fatin ekipit tonë kombëtar.
“I kënaqur, patjetër me rezultat pozitiv çdo ndeshje është shumë e rëndësishme. Kësaj i kishim dhënë pak më shumë rëndësi sepse kishim bërë pak rezultate pozitive. Uroj që ti ket kthyer fat ekipit dhe atmosferenë pozitive”, tha Duka.
Më tej, kreu i FSHF-së tha se preferon një
lojë jo të mirë dhe me rezultate, se sa lojën e bukur por me humbje. Komplimentet,
Armand duka nuk ia kursen trajnerit Edy Reja, që sipas tij, në pak ditë i ka
kthyer optimizmin skuadrës.
“Jam i kënaqur me këtë lloj loje, sepse bëm lojë më të mirë në Islandë por erdhëm pa pikë. Mbajtëm topin më shumë, ne komanduam lojën ato morën rezultatin. Të gjithë ato që janë në kombëtare janë më të mirët, çdo njeriu që i jep fanellën e meriton atë”.
“E vetmja vrejtje që më kanë bërë kur kam vendosur Rejan trajner më thanë vetëm se është 73 vjeç, kurse për të tjerat nuk besoj se ka nevoj për notën time se është trajner shumë i mirë. Ka kontribuar maksimalisht që në pak ditë për kthimin e besimit te grupi”, u shpreh Duka.
Shanset për kualifikim në Euro 2020 janë të pakta, por Armand Duka thotë
se duhet të shpresojmë deri në fund. “Nuk mund të themi me që jemi gjashtë pikë,
dhe i jemi afruar vendit të dytë, çdo gjë mund të ndodhi. Është grupi i fortë
deri në fund, Franca është favorit kryesor, Turqia dhe Islanda janë më afër
saj. Por ne duhet të shpresojmë deri në fund”, tha ndër të tjera kreu i FSHF-së
pas ndeshjes.
Presidenti i Federatës Shqiptare të Futbollit, Armand Duka, ka qenë i pranishëm në qytetin e Durrësit gjatë ditës së sotme ku ka marrë pjesë në çeljen e Akademisë së Arbitrimit në edicionin e dytë të saj.
Pas ceremonisë zyrtare, Duka ka folur për mediat të cilat janë interesuar veçanërisht për punimet e stadiumit “Arena Kombëtare”. Duka u shpreh për herë të parë se nuk ishte parashikuar saktë koha e përfundimit të punimeve të stadiumit.
“Kuptohet që nuk është e lehtë nga pikëpamja konstruktive, arredimi, mobilimi, prodhimi i sinjaleve televizive. Këto gjëra të vogla e bëjnë të vështirë ndërtimin e një stadiumi”.
“Është një projekt shumë i madh, i parealizuar asnjëherë në Shqipëri. Do ishte shumë mirë që ta kishim parashikuar saktë për në qershor, por është e pamundur që të arrihet. Kështu që uroj që në shtator të mos gabojmë dhe të jemi në kohën e duhur”.
Akademia e Arbitrimit ka nisur edicionin e dytë të saj, duke krijuar mundësinë për përgatitjen e arbitrave të rinj. Edicioni i dytë i kësaj akademie ka nisur në Durrës, aty ku kursantët e rinj do të përgatiten në shkollën sportive “Benardina Qerraxhiu”. I pranishëm në hapjen e shkollës së arbitrimit kanë qenë Presidenti i FSHF-së, z.Armand Duka, anëtari i KE, njëkohësisht Presidenti i Shoqatës së Arbitrave, z.Tahir Kastrati, Drejtoresha e Shkollës znj. Alma Oshafi dhe Koordinatori i këtij projekti z.Sokol Jareci.
Në fjalën hapëse Jareci u shpreh: “Jemi për të promovuar edicionin e dytë të Akademisë së Arbitrimit pas një edicioni të parë të suksesshëm ku plot 70 djem e vajza u certifikuan. Duke parë suksesin e vitit të parë menduam ta zhvillonim sërisht.”-ishin fjalët e koordinatorit të projektit.
“Ju falenderoj për pjesëmarrjen dhe respekt për drejtoreshën e shkollës për mikpritjen dhe hapësirën për të zhvilluar një bisedë me nxënësit e kësaj shkolle. Mundësitë për tu bërë arbitre ose arbitër, nxënësit e “Benardina Qerraxhiu”, i kanë të mëdha nga fakti që është shkollë sportive.”-theksoi z.Tahir Kastrati.
Presidenti Armand Duka në fjalën e tij u shpreh: “Të bashkohesh me lojën e futbollit duhet ta konsiderosh privilegj, është një shans shumë i mirë, jo vetëm për të luajtur, por tani edhe nëpërmjet arbitrimit. Sport është edhe arbitrimi, është faktor shumë i rëndësishëm në futboll. Fizikisht është sport por mendërisht është më shumë se sport sepse do japësh drejtësi në fushën e lojës dhe të japësh drejtësi në fushën e lojës nuk është e lehtë”, ka thënë fillimisht Armand Duka.
Më tej në fjalën e tij, Armand Duka i ftoi vajzat dhe djemtë të ndjekin shkollën e arbitrimit dhe më pas për të pasur një karrierë të pasur. “Ne i ftojmë vajzat të merren me këtë sport apo profesion. E kemi filluar vjet këtë akademi, disa vite më parë ka qenë një trajnim spontan. Arbitrat duhet të edukohen shumë mirë pasi janë një faktor shumë i rëndësishëm për një ndeshje futbolli. Nga viti i parë kemi plot 70 arbitra të cilët kanë kaluar testet dhe aktualisht arbitrojnë. Në këtë edicion të dytë, uroj të mos kemi 70 arbitra por të dyfishohen apo të trefishohen”, ka thënë ndër të tjera Duka.
Vijojnë diskutimet për Reformën në Sport mes Federatës Shqiptare të Futbolit, Ministrisë së Arsimit dhe Sportit dhe palëve të tjera të përfshira në të. Gjatë kësaj të hëne është mbajtur një tryezë e rrumbullakët ku është diskutuar mbi “Luftën kundër dhunës në sport. Ndryshimet në Kodin Penal”.
Në këtë tryezë të organizuar nga Ministrja e Arsimit, Sportit dhe Rinisë, Besa Shahini, morën pjesë drejtuesit e të gjithë federatave sportive dhe u diskutua në lidhje me ndryshimet që kërkohen të bëhen në Kodin Penal për të luftuar dhunën në sport.
Ministrja Shahini tha se dhuna e shfaqur në sport në Shqipëri është tentuar të luftohet nga vetë Federatat sportive por masat që kanë marrë këto Federata kanë qënë të pamjaftueshme dhe nuk kanë arritur ti japin përfundimisht fund dhunës.
“Ka ardhur momentin që të ndërmarrim ndryshime dhe masa më strikte për adresimin e këtij fenomeni. Në këtë kuadër, për parandalimin e dhunës në sport, Ministria e Arsimit, Sportit dhe Rinisë në bashkëpunim me Ministrinë e Punëve të Brendshme kanë ngritur një grup pune dhe kanë hartuar disa ndryshime në Kodin Penal”.
Përfaqësuesit e Federatave të pranishme në këtë tryezë nënvizuan rëndësinë që ndryshimet mos të ngelen vetëm te Kodi Penal, por ti kushtohet një debat i madh ndryshime ligjore që kanë të bëjnë me aspektin financiar, duke parë vështirësitë që ka sot sporti në Shqipëri.
Presidenti i FSHF-së Armand Duka ka vlerësuar parashtrimin e disa pikave në Kodin Penal, që do të vlejnë për të parandaluar dhunën në sport. “Niveli i ekspertëve që i ka hartuar ka parashikuar disa masa që të përfshihen në Kodin Penal. Duhet të ketë një saktësim, që të mos ngatërrohet kondravajtja penale për spektatorët me pjesën sportive, Kodi Penal në asnjë rast nuk duhet të ndërhyjë në drejtësinë sportive”.
Më tej Armand Duka ka hedhur idenë edhe për krijimin e një ministrie sporti, që sipas kreut të FSHF-së do e ndihmonte shumë sportin.
“Mënyra sesi Shqipëria do ta drejtojë sportin, nëpërmjet një ministrie që ka brenda Arsimin, Rininë dhe Sportin, më duket e vështirë. Me vetëm një zëvëndës ministër që nuk ka një aparat nuk besoj se mund të prodhojmë shumë. Një zëvëndës ministër nuk mund të prodhojë as strategji për futbollin dhe as projekt ligje, kjo për faktin se nuk ka një administratë dhe nuk ka një buxhet të dedikuar. Shqipëria duhet të ketë patjetër një institucion i cili përgjigjet vetëm për sportin, gjithmonë nëse Shqipëria e ka në synim të ketë sport në këtë vend. Nëse e konsiderojmë sportin të rëndësishëm duhet të ndryshojmë qasje”.
“Ka ardhur momenti që asnjë sport të mos vijë në dyert e Ministrisë për të kërkuar lëmoshe, por të ndërtojmë një paketë ligjore që ti bëj këto sporte të zhvilluara, të kenë mundësi të mbajnë veten. Realisht kam dyshime nëse e sigurojnë mbijetesën, luftojnë shumë që të mbijetojnë. Duhet një reformë e thellë ligjore. Ne kemi bërë një draft me propozimet tona për të ndërhyrë në disa ligje gjatë tryezës që zhvilluam me Kryeministrin Rama”.
“Nëse nuk bëhet këto ndryshime në Ligjin për Sportin, Ligjin për Sponsorizimet, Ligjin për të ardhurat personale, Ligjin për TVSH-në dhe nxitjen e investimeve në sport. Ne nuk kemi një strategji të qeverisë shqiptare sesa Pallate Sporti do të ndërtohet në këtë vend në pesë vitet e ardhshme, sa palestra për peshngritje apo mundje e fusha futbolli. Sot në Tiranë luajnë futboll 8 mijë fëmijë. 50 fëmijë është standarti për të luajtur në një fushë, do të thotë që Tirana duhet të ketë 160 fusha futbolli. Kjo tregon situatën ku jemi sot”.
“Eliminimi i dhunës është shumë i rëndësishëm, por janë po ashtu shumë të rëndësishme edhe këto të tjerat për të pasur sport, për të pasur federata, për të pasur klube. Duhet të ndërtojmë një infrastrukturë ligjore që të zhvillohen, të rriten, dhe jo të kërkojnë lëmoshë. Për tu rikthyer ke futbolli, sporti që unë përfaqësoj sot në këtë tryezë, duhet të them se futbolli është një industri e fuqishme. Një industri që ka dhënë rezultate jo të këqija kohët e fundit, por që mund të shkojë akoma më përpara dhe ndryshime ligjore që ne kërkojmë nuk janë ndryshime për ti falur futbollit”.
“Këto janë ndryshime ligjore ku Qeveria investon për të fituar nga futbolli si industry. Nëse investohet në futboll, ato para rimerren. Nuk janë para të investuara dhe të falura. Sot nuk kemi klube të mirorganizuara, nuk jemi me një bazë ligjore të fortë. Kjo është arsyeja pse duhen bërë të gjithë ato ndryshimet që unë kam rënditur më lart. Besoj se të njëjtën gjë mendojnë edhe kolegët e mi sot në këtë sallë. Duke pasur këtu Ministren Shahini duam që ta kërkoni fort këtë ndryshim në Qeveri”.
“Ne duam më shumë vëmëndje, ne kërkojmë një institucion të dedikuar për sportin që të ketë strategji të qarta për sportin. Nëse do të ishte një institucion që ka objektiva të qarta për sportin gjithçkush do të dinte se çfarë do të bëhej. Një nga ligjet që do ta ndihmonte më shumë sportin është Ligji për Sponsorizimet. Unë kam pasur një takim me Ministren e Financave pak ditë më parë, dhe më vjen keq të them se nuk shof asnjë mundësi që ai propozim që ne kemi bërë të pranohet. Ju duke qënë nga Kosova, na sillni vetëm Ligjin e Sponsorizimit që aplikohet në Kosovë, asgjë më tepër”.
Francesco Guidolin ishte një nga emrat e përfolur si kandidat për tu emëruar trajner i Kombëtares së Shqipërisë, pas shkarkimit të Christian Panuccit.
63 vjeçari italian ka folur në një intervistë për “Calciomercato” në vendin përtej Adriatikut, duke zbuluar dhe arsyen pse e ka refuzuar ofertën e Armand Dukës për stolin e Shqipërisë.
“Ata zgjodhën Rejan dhe unë jam i lumtur për të, sepse e meriton dhe do të bëjë mirë atje. Më kërkuan dhe mua, u treguan shumë të sjellshëm. Presidenti Duka ishte shumë i sjellshëm por preferova të pres e të shoh se si do zhvillohen ngjarjet në këtë fazë të sezonit”, ka thënë trajneri i njohur italian.
Francesco Guidolini ka një karrierë të pasur si trajner klubesh brenda dhe jashtë Italisë, duke fituar disa trofe të rëndësishëm.
