Botërori i basketbollit, Spanja “kurorëzohet” kampione

Spanja është shpallur Kampione e Botës në basketboll për meshkuj, pasi ka mundur në finalen e madhe Argjentinën me rezultatin 95-75, me ndeshjen finale që u zhvillua në Pekin. Skuadra spanjolle ka dominuar në të katër periodat, duke fituar me 20-të pikë diferencë ndaj rivalëve të Argjentiës. Në periodën e parë, Spanja fitoi me rezultatin 23 me 14, në të dytën 20-17, në të tretën 23-17 dhe në të katërtën 29-28.

Pavarësisht këtij përmirësimi të lojës në periodën e katërt, Argjentina nuk mundi të ndryshonte fatet e lojës, vendosur në tre periodat e para. Kjo është hera e dytë që Spanja shpallet Kampione e Botës në basketboll për meshkuj. Mediat spanjolle ia dedikojnë këtë sukses trajnerit Sergio Scarillo, i cili ka ditur të ndërtojë një skuadër kompakte dhe solide në parket.

Në të katër periodat e lojës, skuadra e  Spanjës mbajti nën presion kundërshtarët e Argjentinës, jo vetëm duke mos lejuar hapësira  në mbrojtje, por duke i sulmuar vazhdimisht. Një nga lojtarët që spikatën në këtë takim, ishte ricky Rubio me 20 pikë për Spanjën, ndërsa shkëlqyen gjithashtu dhe Rudy Fernandez, Marc Gasol, Sergio Llull dhe vëllezërit Gernangomez. Argjentina u udhëhoq nga Nicolas Laprovittola dhe Gabriel Deck, të cilët shënuan përkatësisht 17 dhe 24 pikë.

Nesër luhet finalja e basketbollit, tifozët e Teutës akuzojnë klubin e Goga Basket!

Nesër do të luhet finalja e pestë dhe e fundit e kampionatit të basketbollit për meshkuj mes Goga Basket dhe Teutës. Katër takimet e para janë mbyllur në barazim 2-2, duke e lënë për ndeshjen e fundit çështjen e titullit kampion në Superligën e meshkujve.

Ndeshja do të luhet në pallatin e sportit “Dhimitraq Goga”, ku pritet të ketë një atmosferë të zjarrtë tifozerie. Mirëpo klubi pritës, Goga Basket, sipas tifozëve të Teutës nuk i ka shitur asnjë biletë tifozëve të saj. Për këtë arsye tifozët e Teutës kanë bërë dhe një reagim publik në rrjetet sociale.

“Duke marrë shkas nga reagimet e sotme të dyja klubeve finaliste të superligës Shqiptare të basketbollit. Ku thuhet se ekipi i Goga Basket ka vendosur që mos të shesë asnjë biletë për tifozerinë Durrsake por duke ja dhuruar “çunave” nga Shijaku për të krijuar sado pak atmosferë artificiale në “Dhimitraq Goga” dhe për të vënë në veshtirësi gjoja ekipin e TEUTËS”.

“Ketu ekipi i Goga Basket sapo bëri ndarjen përfundimtare nga të qenurit ekip “Durrsak”. Sporti luhet për tifozë dhe sportdashësh, kur ju përjashtoni 80% të dashamirësve te sportit Durrsak vetëm për inate personale këtu ka mbaruar qytetaria, sepse të dëmtuarit e vetëm nga kjo lojë janë vetëm DURRSAKËT ! #ForcaTEUTA”.

Basket femra, Flamurtari fiton Superkupën e Shqipërisë!

Ekipi i basketbollit të Flamurtarit për Femra ka fituar Superkupën e Shqipërisë, duke mundur rivalet e Sh.B. Tiranës, në ndeshjen e luajtur në qytetin e Vlorës. Ndeshja ka përfunduar 62-58, ndërsa Superkupa bëhet i pari trofe sezonal për ekipin e Flamurtarit në basketboll për femra.

Në këtë finale morën pjesë ekipi kampion në fuqi (Flamurtari) dhe ekipi fitues i Kupës së Shqipërisë (Sh.B.Tirana). Për vlonjatet e trajnerit Toska ky trofe është një hakmarrje ndaj Sh.B.Tiranës, pas dështimit në Kupën e Shqipërisë, në shkurt të këtij viti.

Ndeshja ka qenë gjatë gjithë kohës e ekuilibruar, ku herë udhëhiqte njëra skuadër e herë tjetra. Deri në fund sfida ka qenë e hapur, me emocione dhe rivalitet, ndërkohë që niveli nuk ka qenë ai që pritej dhe gabimet e lojtareve të shumta.

Duket se të dyja ekipet e ndjenë presionin e kësaj sfide të rëndësishme, që ishte një test para gjysmëfinaleve të play off-it, që nisin këtë fundjavë, ku këto dy ekipe do të përballen sërish mes tyre. Nesër, në qytetin e Durrësit, do të luhet Superkupa e Shqipërisë për meshkuj midis Tiranës dhe Teutës.

Skip to toolbar