Ibrahimovic rezulton pozitiv me COVID-19, vetë izolohet gjigandi suedez

Futbollisti i Milanit, Zlatan Ibrahimoviç ka rezultuar pozitiv me COVID-19 dhe për këtë nuk do të luajë në ndeshjen e turit të tretë kualifikues për Europa League kundër Bodo/Glim.

Suedezi 38-vjeçar iu nënshtrua testit për koronavirus njësoj si e gjithë skuadra në momentin kur futbollisti tjetër, Leo Duarte rezultoi i infektuar.

Ibrahimovic është i detyruar tashmë të vete izolohet në pritje të testeve të radhës. Mungesa e Ibrës në këtë start të sezonit është shumë e madhe pasi suedezi tregoi që në fillim se është shumë i rëndësishëm për skemat e Piolit. Kundër Bolonjës, në ndeshjen e parë të Serie A, Ibra realizoi një dopjetë.

Bilanci Covid-19 në 24 orët e fundit në Shqipëri: Nuk ka humbje jete, 134 raste të reja, 100 të shëruar

Lajmë të mira nga spitalet Covid në vend në 24 orët e fundit. Në përditësimin e situatën Ministria e Shëndetësisë tha se nuk ka patur humbje jetë ndërsa kanë rezultuar pozitivë 134 persona. Betëjen me virusin në 24 orët e fundit e kanë fituar 100 qytetarë.

Dr. Flutura Beqo
Ministria e Shëndetësisë dhe Mbrojtjes Sociale

Ministria e Shëndetësisë dhe Mbrojtjes Sociale apelon qytetarët që të vijojnë të jenë të kujdesshëm në zbatimin e masave kundër COVID-19 për të parandaluar përhapjen e këtij infeksioni.
Ruani distancën fizike, lani shpesh duart, përdorni maska ose barriera mbrojtëse në ambiente të mbyllura dhe kudo ku nuk është e mundur të ruhet distanca, dezinfektoni objektet dhe ajrosni ambientet ku qëndroni. Ju lutemi mos e ulni vigjilencën, virusi është ende mes nesh dhe ne mund ta mposhtim atë vetëm nëse zbatojmë çdo ditë rregullat e vendosura, si armët e vetme në betejën me SARSCOV2.

Ju informojmë për situatën epidemiologjike në 24 orët e fundit.
Nuk është shënuar asnjë humbje jete në 24 orët e fundit, ndërsa numri i të shtruarve në spital vijon të jetë i qëndrueshëm.
Aktualisht në spitalin Infektiv dhe “Shefqet Ndroqi” po trajtohen 186 pacientë, 16 në terapi intensive, nga të cilët 5 pacientë janë të intubuar.

Vijojnë testimet dhe gjurmimi i rasteve të dyshuara në të gjithë vendin. Në 24 orët e fundit janë kryer 852 testime ku 100 qytetarë rezultojnë të shëruar duke e çuar në 7239 numrin e personave që e kanë mundur COVID-19.
Nga testimet e 24 orëve të fundit janë konfirmuar 134 të prekur me virusin SARSCOV2 dhe shpërndarja gjeografike e të konfirmuarve pozitivë është si vijon:
61 raste në Tiranë, 14 raste në Durrës, 10 raste në Elbasan, 9 raste në Shkodër, 7 raste në Fier,
5 raste në Korçë dhe Tropojë, 4 raste në Berat dhe Mat, 2 raste në Krujë, Vlorë, Mirditë,
nga 1 rast në Lezhë, Has, Kavajë, Lushnje, Kamëz, Pogradec, Malësi e Madhe, Bulqizë, Vorë.

Duke ju risjellë në vëmendje të mos neglizhoni shenjat e COVID-19, ju lutemi në çdo rast kur keni shenja të sëmundjes telefononi në numrin unik të Urgjencës Kombëtare 127. Ndërsa nëpërmjet linjës së gjelbër 0800 40 40 mund të lidheni me mjekun tuaj të familjes, të merrni këshillim psikologjik si dhe informoheni saktë mbi COVID-19.

COVID-19 – Statistika (24 Shtator 2020)
Testime totale 83103
Raste pozitive 12921
Raste të shëruara 7239
Raste Aktive 5312
Humbje jete 370 (Qarku Tiranë 177, Durrës 46, Shkodër 40, Elbasan 24, Fier 19, Korçë 18, Lezhë 15, Kukës 10, Dibër 8, Vlorë 7, Gjirokastër 4, Berat 2).

Shpërndarja gjeografike e rasteve aktive sipas qarqeve:
Tiranë 2630
Durrës 576
Shkodër 380
Lezhë 302
Elbasan 300
Korçë 250
Fier 246
Vlorë 195
Kukës 154
Berat 108
Dibër 90
Gjirokastër 81

Bilanci në 24 orët e fundit: Bie lehtë numri i të prekurve në Shqipëri, shënohen 121 raste të reja, 3 pacientë humbin jetën

Pëson rënie të lehtë numri i personave të prekur nga COVID-19 në vend. Ministria e Shëndetësisë deklaroi sot se janë 121 raste të reja pozitive me koronavirus. Fatkeqësisht kanë humbur jetën 3 persona.

Dr. Flutura Beqo
Ministria e Shëndetësisë dhe Mbrojtjes Sociale

Ministria e Shëndetësisë dhe Mbrojtes Sociale ju informon se vijojnë testimet dhe gjurmimi i rasteve të dyshuara në të gjithë vendin. Në 24 orët e fundit janë 97 të shëruar, duke e çuar 7139 numrin e qytetarëve që e kanë mundur COVID19.

Janë kryer 887 testime dhe janë konfirmuar 121 të prekur me virusin SARSCOV2.
Shpërndarja gjeografike e të konfirmuarve pozitivë në 24 orët e fundit është si vijon:

57 të prekur në Tiranë, 14 në Elbasan, 6 në Lezhë dhe Vlorë, 5 në Mirditë, 4 raste në Berat, 3 raste në Krujë, Lushnje, Patos, 2 raste në Kurbin, Dibër, Bulqizë, Gramsh, Vorë, 1 rast në Shkodër, Durrës, Fier, Librazhd, Kamëz, Gjirokastër, Përmet, Sarandë, Divjakë, Fushë- Arrëz.
Ju informojmë se aktualisht në spitalin Infektiv dhe “Shefqet Ndroqi” po trajtohen 189 pacientë, 18 në terapi intensive, nga të cilët 6 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19 një 70 vjeçar nga Tirana, 71 vjeçar nga Lushnja dhe një 81 vjeçar nga Korça. Ministria e Shëndetësisë dhe Mbrojtjes Sociale u shpreh ngushëllimet familjarëve.

Nisur nga vlerësimi i situatës epidemiologjike i përhapjes së infeksionit SARS-COV2 në vend, Ministria e Shëndetësisë dhe Mbrojtjes Sociale ju bën thirrje qytetarëve të respektojnë masat për parandalimin e ketij infeksioni të rrezikshëm:
Ruani distancimin social;
Mbani detyrimisht maskë në ambiente të mbyllura dhe aty ku nuk ruhet dot distanca;
Kujdesuni për higjenën e duarve dhe atë respiratore;
Dezifektoni objeketet që prekni, ajrosni ambientet, shmangni grumbullimet, të gjitha këto janë masa të rëndësishme që ju mbrojnë nga COVID-19.

COVID-19 – Statistika (23 Shtator 2020)
Testime totale 82.233
Raste pozitive 12787
Raste të shëruara 7139
Raste Aktive 5278
Humbje jete 370 (Qarku Tiranë 177, Durrës 46, Shkodër 40, Elbasan 24, Fier 19, Korçë 18, Lezhë 15, Kukës 10, Dibër 8, Vlorë 7, Gjirokastër 4, Berat 2).

Shpërndarja gjeografike e rasteve aktive sipas qarqeve:
Tiranë 2616
Durrës 564
Shkodër 381
Lezhë 305
Elbasan 304
Korçë 249
Fier 244
Vlorë 193
Kukës 150
Berat 105
Dibër 86
Gjirokastër 81

COVID19/ Gjermania mbështet Shqipërinë me aparatura, Manastirliu: Kemi rritur me 50% kapacitetet në terapinë intensive

“Kapacitetet e terapisë intensive në aparatura jetëshpëtuese janë rritur me 50% për përballimin e situatës së shkaktuar si pasojë e COVID19”. Deklarata u bë nga Ministrja Ogerta Manastirliu, gjatë ceremonisë së dorëzimit të 10 respiratorëve të rinj nga ambasadori gjerman në Tiranë, në spitalin COVID2 “Shefqet Ndroqi”.

Duke e vlerësuar si një ndihmë në kohën e duhur, Ministrja e Shëndetësisë dhe Mbrojtjes Sociale tha se po përgatitemi për përballimin e situatës së vjeshtë-dimrit, me disa skenarë.

“Falë mbështetjes së qeverisë shqiptare, Bashkimit Europian dhe partnerëve të tjerë kemi arritur të dyfishojmë flotën e aparaturave në terapinë intensive. Jemi përpara një situate e cila është serioze. Kemi rreth 200 pacientë të shtruar në të dy spitalet Covid. Por falë angazhimit të qeverisë, për të fuqizuar kapacitetet spitalore, vetëm në skenarin e parë ne kemi të dedikuar më shumë se 500 shtretër në dispozicion të qytetarëve të cilët kanë nevojë për trajtim spitalor. Në planin tonë të vjeshtë-dimrit kemi forcuar akoma më shumë kapacitetet e spitaleve rajonale, duke dyfishuar shtretërit në dispozicion të trajtimit të Covid19”, tha Manastirliu.

Ministrja e Shëndetësisë deklaroi nga spitali “Shefqet Ndroqi” se do të intensifikohen inspektimet në terren, në shkolla, aktivitete biznesi etj, për respektimin e masave antiCOVID.

“Kjo nuk është një luftë që fitohet vetëm me rritjen e kapaciteteve, por ka shumë rëndësi sjellja e qytetarëve. Strukturat tona po vijojnë punën në terren për të monitoruar zbatimin e masave antiCOVID në aktivitete biznesi, në shkolla dhe në aktivitete të tjera, pasi është shumë i rëndësishëm zbatimi i masave, për të patur një ecuri të kontrolluar të epidemisë”, tha Manastirliu.

Ambasadori i Gjermanisë në Shqipëri, z. Peter Zingraf shprehu mbështetjen e vazhdueshme për Shqipërinë nga vendet e Bashkimit Europian. “Jam shumë i kënaqëur për ndihmën e vazhdueshme nga vendet e Bashkimit Europian që treguan edhe një herë se janë aleatë të ngushtë të Shqipërisë. Edhe shtete të veçanta si Gjermania kanë ofruar akoma më shumë ndihmë, siç është kjo e sotmja me aparatura të teknologjisë së lartë për frontin e luftës kundër pandemisë, për të rritur nivelin e punës së stafit mjekësor”, tha ambasadori gjerman gjatë ceremonisë së dorëzimit të respiratorëve në spitalin “Shefqet Ndroqi”.

Plani vjeshtë-dimër i Ministrisë së Shëndetësisë dhe Mbrojtjes Sociale për përballimin e COVID19 parashikon rritjen e kapaciteteve spitalore, duke përfshirë edhe spitalet rajonale. Ministrja Manastirliu rikonfirmoi edhe angazhimin financiar të qeverisë shqiptare për vaksinën antiCOVID dhe kërkoi bashkëpunimin e qytetarëve për respektimin e masave për kufizimin e përhapjes së COVID19. Manastirliu ndau dhe me stafin e spitalit “Shefqet Ndroqi” angazhimin e qeverisë jo vetëm për të vijuar pagesën e bonusit special për mjekët në vijën e parë të përballjes me COVID19 por edhe rritjen e konsiderueshme të pagave për të gjithë mjekët dhe infermierët, duke filluar nga viti që vjen.

Bilanci në 24 orët e fundit, Shqipëria numëron 131 raste të reja dhe 3 të vdekur, 47 të shëruar

Ministria e Shëndetësisë informoi sot se janë 131 raste me COVID-19 dhe 3 të vdekur në 24 orët e fundit.

Dr. Rovena Daja nga Instituti i Shëndetit Publik në emër të Ministrisë së Shëndetësisë dhe Mbrojtjes Sociale apeloi qytetarët që të vijojnë të jenë të kujdesshëm në zbatimin e masave anti-COVID për të frenuar përhapjen e këtij infeksioni.

Rihapja e shkollave e rrit mundësinë e shtimit të rasteve, ndaj edhe një herë ju drejtohemi sidomos prindërve dhe mësuesve, të jenë të kujdesshëm. Në rast të shfaqjes së simptomave apo dyshimit për kontakte me persona të prekur, prindërit nuk duhet ti dërgojnë fëmijët në shkollë dhe mësuesit duhet të izolohen, siç duhet të bëjnë të gjithë qytetarët që janë jo vetëm të konfirmuar, por edhe të dyshuar si të prekur nga virusi SARS COV2.

Çdo thyerje e karantines është rrezik për infektimin e personave të tjerë.
Ju informojmë se aktualisht në spitalin Infektiv dhe “Shefqet Ndroqi” po trajtohen 201 pacientë, 17 në terapi intensive, nga të cilët 8 pacientë janë të intubuar.

Ju informojmë se në 24 orët e fundit, me gjithë përpjekjet e mjekëve, e kanë humbur betejën me COVID19 një 78 vjeçar nga Peqini, një 80 vjeçare dhe një 87 vjeçar nga Tirana. Ministria e Shëndetësisë dhe Mbrojtjes Sociale u shpreh ngushëllimet familjarëve.

Ju informojmë se vijojnë testimet dhe gjurmimi i rasteve të dyshuara në të gjithë vendin, ku në 24 orët e fundit janë kryer 825 testime dhe janë konfirmuar 131 të prekur me virusin SARSCOV2.

Numri i qytetarëve të shëruar nga fillimi i epidemisë ka kaluar mbi 7 mijë, me 47 qytetarë që janë të shëruar në 24 orët e fundit.

Shpërndarja gjeografike e të konfirmuarve pozitivë në 24 orëve të fundit është si vijon:
68 të prekur në Tiranë,
8 raste në Lushnje,
6 raste në Shkodër dhe Gjirokastër,
5 raste në Has,
4 raste në Krujë dhe Dibër,
3 raste në Durrës, Korçë, Kavajë, Berat, Divjakë,
2 raste në Kurbin, Devoll, Mat, Pogradec, Delvinë, Roskovec,
1 rast në Kukës, Vlorë, Malësi e Madhe.
Ministria e Shëndetësisë ju rikujton numrin 127 te Urgjencës Kombëtare, ku mund të telefononi nëse dyshoni se ju apo një i afërmi juaj është i prekur nga COVID19.
Telefononi në linjën e gjelbër falas 0800 40 40 për të kontaktuar mjekun e familjes, për shërbim psikologjik si dhe për çdo informacion tjetër rreth Covid19.

COVID-19 – Statistika (22 Shtator 2020)
Testime totale 81364
Raste pozitive 12666
Raste të shëruara 7042
Raste Aktive 5257
Humbje jete 367 (Qarku Tiranë 176, Durrës 46, Shkodër 40, Elbasan 24, Fier 18, Korçë 17, Lezhë 15, Kukës 10, Dibër 8, Vlorë 7, Gjirokastër 4, Berat 2).

Shpërndarja gjeografike e rasteve aktive sipas qarqeve:
Tiranë 2603
Durrës 564
Shkodër 380
Lezhë 301
Elbasan 297
Korçë 251
Fier 240
Vlorë 193
Kukës 150
Berat 114
Dibër 82
Gjirokastër 82

Covid-19 në Bashkinë e Shkodrës, rezulton pozitive kryebashkiakja, Voltana Ademi

Kryetarja e bashkisë Shkodër, Voltana Ademi ka rezultuar pozitive me COVID-19.

Menjëherë pas konfirmimit kryebashkiakja nuk ka dalë në zyrën e saj ashtu si çdo ditë ndërsa mësohet se ndodhet tashmë e izoluar derisa të marrë përgjigjet e tjera. Sipas burimeve gjendja shëndetësore e Ademit është mirë dhe nuk simptoma por ka dyshuar pas kontakteve që ka patur me persona të tjerë që më pas kanë rezultuar të infektuar.

Tashmë pritet që edhe punonjës dhe drejtues të tjerë të bashkisë Shkodër që kanë patur kontakte me kryebashkiaken t’i nënshtrohen tamponëve ndërsa pritet të merren masa për dezinfektimin e zyrës së kryebashkiakes dhe mjediseve të tjera brenda bashkisë ku Ademi mund të ketë lëvizur.

Disa kohë më parë në bashkinë Shkodër rezultoi pozitive nënkryetarja Emilia Koliqi dhe disa punonjës të tjerë por ata e kanë kaluar ndërsa sëfundmi është infektuar kryebashkiakja Ademi e cila tashmë është vetëizoluar derisa ta kalojë këtë situatë.

COVID-19 përgjysmon misionet arkeologjike ndërkombëtare në Shqipëri

Ekspedita arkeologjike me pjesëmarrjen e specialistëve shqiptarë dhe zviceranë në parkun kombëtar të Orikumit ka hyrë në javën e fundit.

Por realizimi i saj një muaj më parë, u vu në rrezik për shkak të pandemisë nga Covid-19.

“Qeveria zvicerane vendosi që qytetarët e saj, në kthim nga Shqipëria duhet të vetkarantinoheshin për dy javë,” thotë për BIRN bashkëdrejtori i misionit arkeologjik të Orikumit, Saimir Shpuza.

Programet individuale të parashikuara pas rikthimit në Zvicër në fund të muajit shtator, i detyruan disa nga specialistët e huaj, përfshirë edhe bashkëdrejtorin zviceran të misionit, që ta anulonin vizitën e punës në Shqipëri.

“Pjesa më e madhe e tyre erdhën në kohë, si arkeologët nga Universiteti i Gjenevës, edhe studentët nga Franca, Zvicra dhe Shqipëria, dhe gjithçka ka vijuar normalisht,” tregon më tej z. Shpuza.

Por jo të gjitha misionet arkeologjike dypalëshe të kësaj vere kanë arritur të realizoheshin.

“Më shumë se gjysma e tyre janë anuluar ose janë shtyrë për një kohë tjetër, vetëm si pasojë e pandemisë,” tha drejtori i Institutit të Arkeologjisë në Tiranë, Luan Përzhita.

“Muajt e parë të mbylljes mundësuan thellimin personal në temat studimore, si dhe në përgatitjen e publikimeve,” shtoi Përzhita, i cili vëren se në të njëjtën kohë arkeologjia e terrenit u vu në vështirësi, pikërisht nga pamundësia e lëvizjes së kolegëve të huaj.

Ekspeditat e kësaj vere në luginën e Drinos; në Butrint dhe në fshatin Babunjë të Lushnjes u hoqën nga programi pasi specialistët nga Macerata (Itali), nga SHBA dhe nga Gjermania njoftuan disa javë më parë mbi pamundësinë e udhëtimit drejt vendit tonë.

“Ne besojmë se brenda muajit shtator do të fillojnë edhe ekspeditat dypalëshe me arkeologë nga Universiteti i Bolonjës (Itali) në Foinike dhe në Butrint,” sqaroi prof. Luan Përzhita, duke shtuar se në të njëjtën kohë pritet edhe starti i punës së përbashkët në Bushat, pranë Shkodrës, në bashkëpunim me specialistët polakë të Universitetit të Varshavës.

Drejtori Përzhita ndalet veçmas në ekspeditën që pritet të zhvillohet në fund të këtij muaji në liqenin e Ohrit, ku pritet që arkeologë nënujorë shqiptarë dhe zviceranë të thellojnë për herë të parë së bashku kërkimet në një nga sitet prehistorike të zbuluara pranë fshatit Lin.

Një muaj më parë, kërkimet e arkeologut nënujor Adrian Anastasi çuan në gjetjen e tre zonave me material qeramike të periudhës mesjetare pranë Tushemishtit, ndërkohë që identifikimi i mëparshëm i palafiteve të periudhës së neolitit e vë bregun shqiptar të liqenit në krye zbulimeve më të hershme të prehistorisë.

Adrian Anastasi, arkeologu i vetëm nënujor në Institutin e Arkeologjisë në Tiranë tha për BIRN se ekspedita e programuar për në muajin qershor është shtyrë për në javët e ardhshme.

Rezultatet e misionit të përbashkët në stacionin e emërtuar Lin 3 pritet, që bashkë me zbulimet e deritanishme të sqarojnë një pjesë të madhe të elementëve të zbuluar pranë Pogradecit gjatë viteve të fundit.

Një pjesë tjetër e specialistëve të Institutit të arkeologjisë dhe kolegët e huaj janë përqëndruar edhe këtë verë në Koman, në Shurdhah dhe në luginën e Drinit të Zi.

Misioni i përbashkët me Qendrën Shkencore të Francës u zhvillua për një muaj radhazi duke provuar me të dhëna arkeologjike praninë e elementëve të kulturës arbërore, si vijimësi e kulturës ilire në këtë trevë.

“Ne përfunduam tre javë më shpejt kërkimet tona, për shkak të pandemisë që pengoi specialistët nga Zvicra, si dhe disa arkeologë francezë,” tha arkeologja Elvana Metalla, nga Instituti I Arkeologjisë në Tiranë.

Në Koman ekspedita është përqendruar në një territor të pasur me banesa që u përkasin shekujve 7 – 13-të.

“Prania e pesë kishave që i përkasin mesjetës së hershme e më tej, flet shumë për të kaluarën e këtij territori, i cili tashmë ka hyrë në fjalorin e përditshëm me termin ‘kultura arbërore e Komanit”.

Metalla shton se disa nga kolegët po vazhdojnë kërkimet nënujore në rrjedhën e Drinit të Zi.

“Ndryshimet që kanë ndodhur në shekuj me rrjedhën e lumit kanë bllokuar nën ujë mjaft elemente arkeologjike, sidomos në Sardë, siç njihej më parë Shurdhahu.

Edhe në Orikum të rejat e këtij viti janë premtuese.

“Jemi përqendruar në muret fortifikuese të qytetit,” thotë Saimir Shpuza, sipas të cilit “gjetjet e reja i shtohen zbulimeve me vlerë të 12 ekspeditave të fundit që kanë nxjerrë në dritë monumente dhe objekte me shumë vlerë”./BIRN