Mblidhet grupi i punës për ndryshimet në Kodin Zgjedhor, Lita kërkon kohë për propozimet e opozitës

Në zbatim të vendimit të Komisionit Parlamentar për Çështjet Ligjore dhe Administratën Publike të datës 14 Shtator, sot u zhvillua mbledhja e grupit të punës për hartimin dhe propozimin e amendamenteve që reflektojnë ndryshimet Kushtetuese në Kodin Zgjedhor.

Gazetari Ergys Gjençaj raporton për “Balkanëeb” se tre anëtarët e këtij grupi pune, deputetët Damian Gjiknuri, Klotilda Bushka dhe Korab Lita u njohën me propozimet e mbërritura në Kuvend, konkretisht ai i Partisë Socialiste dhe disa amendamente të artikuluara nga Grupi Demokrat.

Përfaqësuesi i opozitës parlamentare Korab Lita shprehu disa rezerva mbi propozimet e paraqitura dhe kërkoi më shumë kohë në dispozicion për të depozituar në këtë grup pune propozimet e tij në emër të opozitës parlamentare.

Grupi u dakordësua që të vazhdojë punën dhe të rimblidhet gjatë pasdites së sotme për tu njohur me propozimet e z.Lita, në kërkim të arritjes së konsensusit sa më të gjërë për amendamentet e Kodit Zgjedhor.

Komisioni Parlamentar për Çështjet Ligjore dhe Administratën Publike i ka lënë afat këtij grupi pune datën 30 Shtator për të përmbyllur draftin.

“Kanë peshë kandidatët e partisë, por elektorati ka të drejtën e shprehjes”, Gjiknuri sqaron listat e hapura sipas draftit të PS

Përfaqësuesi i PS-së në Këshillin Politik, Damian Gjiknuri sqaroi se listat për maxhorancën do të jenë të hapura përsa kohë ka vota parapëlqyese për kandidatët.

I ftuar në ‘Real Story’ në ‘News24’ Gjiknuri tha se një peshë të madhe kanë listat e partisë por edhe elektorati ka të drejtën e shprehjes së pëlqimit për një kandidat.

“Kushtetua thotë; listat propozohen nga partia. Zgjedhësit kanë dy vota; një për partinë dhe një për individin. Shumë zgjedhës duan partinë dhe jo individin. Ti mendon se do dalë një njeri me 500 vota dhe do të përmbysë një ekip politik. Atëherë merr votat më shumë se sigla ime. Po pate më shumë vota, ik dil vetëm. Unë jam organizatë politike dhe dal me një listë. Kjo është e korrigjueshëm. Ju e dini se kryetarët e partive vënë ca njerëz që s’kanë lidhje! Po kush do i mbledh votat?! Nëse merr më shumë vota se sa mesatarja e partisë time, unë të shtrëngoj dorën. Po pse e bëjnë kroatët këtë?! Ka dy mënyra, ose bëj primer, ose ik dil vetëm. Me 10 mijë vota del deputet sot në një qark. Normale të duket tjetra që në një vend ku partia ka marrë 50 mijë vota dhe 40 mijë kanë votuar për të dhe ato 100 vota i kanë marrë kandidatët. Kjo garë a është normale?! Listat janë të hapura për aq kohë sa ka votë parapëlqyese për secilin kandidat. Çdo parti kundërshton diçka për hir të interesave të saj joparimore. E kam bindjen këtë, që ka peshë lista e partisë por dhe elektoratit që t’i jepet mundësia të korrigjojë. Listat e hapura do të sjellin të gjitha ato probleme. Shiko Kosovën se ça problemi ka atje. Frika është dhe mospërfaqësimit të krahinave apo shumë elementeve të tjerë. Kjo deformon nga ana politike. Kur nxjerr listën, shoh dhe përfaqësinë rajonale, shoh elementet fetare dhe shumë elementë të tjerë. Po të ndodhi kjo që thua ti, një multimaxhoritar i pastër, mund të ketë elemente të tjera që mund të sjellin deformime. Ne jemi te hapur për të dëgjuar. Këta që hiqen si ndonjë që thotë se; “Jemi dhe ne për listat e hapura” të vijë në tryezë dhe jo në studio.”, tha Gjiknuri.
(BalkanWeb)

Heqja e koalicioneve?! Gjiknuri: Nëse kodi s’votohet më 30 shtator, prodhohet krizë e re kushtetuese

I ftuar në emisionin “Real Story” në ‘News24’ Gjiknuri tha se nëse në 30 shtator nuk votohet Kodi Zgjedhor, do të prodhohet një krizë e re politike. “Nuk copëtojmë votat e kundërshtarëve. Është barazi. Ne hyjmë me rregulla, dhe të gjithë kanë listat e tyre.”, tha Gjiknuri.

Duke u ndalur tek afati i vënë dhe ndaj opozitës jashtëparlamentare, Gjiknuri tha se: “Kush është jeta; Të shantazhohemi dhe të krijojmë krizë në Kushtetutë duke mos zbatuar ndryshimet kushtetuese dhe mos e bërë vendin me një legjislacion për zgjedhjet? Kjo nuk shkakton krizë më të madhe. Këto janë situata jo tipike, por ky është një rrisk i kalkuluar. Ti merr një vendim që të buron nga detyrimi kushtetues, edhe pse nuk mund të mos ta pëlqejnë të gjithë. S’ka vendimmarrje ku të gjithë janë të lumtur. Pse këta kujtojnë se pse po del njëri kundër e tjetri po ashtu kundër. Partitë politike kur bëjnë ligje elektorale nisen nga interesat e tyre, kur thyhen parimet, mosadokrdësia vjen dhe nga institucionet e tjera. Nëse interesi politik, palët e gjejnë, apo maxhoranca e votave që e reflekton dhe interesin politik të çastit, kjo është normale. S’ka asgjë të panjohur për këtë.”. Ndër të tjera moderatori Sokol Balla e pyeti Gjiknurin nëse ka ndonjë mesazh për përfaqësuesin e PD në Këshillin Politik, Oerd Bylykbashin, i cili është i ftuari i radhës në “Real Story”.

“Jo jo. I uroj që të vijë herë tjetër me një propozim në këshill, pasi mund të kenë propozime interesante. Pse jo mund të përfitojnë dhe nga ato kritikat që ju bëtë për propozimin tonë”, përfundoi intervistën e tij Gjiknuri.

“Tek ODIHR kërkohet opinion për drafte konkrete,” Gjiknuri komenton letrën e opozitës: Retorikë politike

Përfaqësuesi i PS-së në Këshillin Politik, Damian Gjiknuri ka komentuar në mbledhjen e këshillit politik letrën e opozitës së bashkuar për OSBE/ODIHR.

Për Gjiknurin letra është e njëanshme dhe nuk parashtron një draft konkret. Gjiknuri kërkoi nga opozita e bashkuar të sjellë një draft propozim konkret, pasi vetëm në këtë mënyrë mund t’i drejtohen OSBE/ODIHR.

“ODIHR i drejtohemi vetem me produkt konkret. Pres propozimet tuaja konkrete per amendamentet. Tek ODIHR drejtohemi për mosmarrëveshjet për draftet, jo mosmarrëveshje teorike. Sipas 14 Janarit, ODIHR i kërkohet opinion për cështje të administrimit zgjedhor”, -mësohet të jetë shprehur Gjiknuri në mbledhjen e Këshillit politik.

Opozita e Bashkuar paraqiti në mbledhjen e Këshillit Politik një kërkesë konkrete për të marrë asistencën e OSBE\ ODIHR për disa çështje themelore për të cilat palët nuk bien dakord. 5 pyetjet kryesore, të ngritura në kërkesën e paraqitur nga opozita, kërkojnë përgjigje për:

1. A përputhet me standardet ndërkombëtare mekanizmi aktual i Kodit për koalicionet dhe formula e shpërndarjes së mandateve?
2. A i lejon listat e hapura mekanizmi dhe formula aktuale dhe a është në përputhje me standardet e OSBE/ODIHR.
3. A mund të ndryshohen njëanshmërisht rregullat zgjedhore 6 muaj para zgjedhjeve?
4. A minon barazinë në garë dhe a bie ndesh me disa standarde të OSBE/ODIHR ndryshimi i njëanshëm i rregullave shumë afër zgjedhjeve?
5. Në kushtet e mosdakordësisë, cila është një zgjidhja në përputhje me standardet e OSBE/ODIHR për zgjedhje demokratike?

Në letrën drejtuar OSBE/ODIHR, ku shpjegohet edhe qendrimi i palëve, opozita thekson se koha e përgjigjes është shumë e rëndësishme.

Mbledhje të martën në Këshillin Politik, Gjiknuri i përgjigjet Hajdarit: T’i lëmë kohë opozitës jashtëparlamentare të sjellë propozimet, nëse refuzojnë…

Përfaqësuesi i mazhorancës në Këshillin Politik, Damian Gjiknuri i është përgjigjur Rudina Hajdarit për mbledhjen e së martës duke i kërkuar që t’i lihet më shumë kohë opozitës jashtëparlamentare.

Gjiknuri kërkon nga opozita jashtë parlamentit të sjellë propozimet në Këshill Politik, ashtu siç kanë bërë tashmë PS dhe Hajdari në emër të Nismës ‘Thurje’.

Por Gjiknuri paralajmëron se në rast se opozitëa jashtëparlamentare vijon të refuzojë ftesën për të kontribuar, atëhere opozita parlamentare mund të vijojë të propozojë amendamentet dhe t’i bëjë pjesë të diskutimeve që do të zhvillohet padiskutim në Komisionin e Ligjeve.

NJOFTIMI NGA DAMIAN GJIKNURI

E nderuar zonja Hajdari,

Në mbledhjen e fundit të Këshillit Politik, Partia Socialiste depozitoi amendamentet e saja për ndryshimet në Kodin Zgjedhor si reflektim i ndryshimeve Kushtetuese të hyra tashmë në fuqi. Amendamente që në gjykimin tonë garantojnë plotësisht parimet kushtetuese për hapjen 100% të listave ashtu sikurse sigurojnë të drejtën e çdo qytetari për të vlerësuar nominalisht me votë preferenciale secilin kandidat e më tej duke ri rënditur listën përpara ndarjes përfundimtare të mandateve. Gjithësesi, duke konfirmuar se jemi plotësisht të gatshëm të diskutojmë rreth propozimeve tona me synim arritjen e një produkti me konsensus sa më të gjërë, në cilësinë e përfaqësuesit të mazhorancës kërkova nga përfaqësuesit e tjerë të Këshillit Politik që të sjellin opinionin në raport me draftin tonë ose propozime alternative.

Gjej rastin të ju falenderoj që Ju zonja Hajdari ju përgjigjet pozitivisht thirrjes për të kontribuar në mënyrë aktive, me propozime konkrete. Duke qenë se Këshilli Politik u krijua si strukturë ekstra-parlamentare, me synim primar përfshirjen e kontributit të opozitës jashtëparlamentare në procesin e reformës zgjedhore, do kërkoja mirëkuptimin tuaj për ti dhënë kohën e nevojshme edhe përfaqësuesve të opozitës jashtëparlamentare që të paraqesin dhe ata propozimet e tyre konkrete për amendamentet e Kodit Zgjedhor. Duke patur kontributin konkret me drafte nga të gjitha palët në Këshill, mund të kryejmë më pas procesin e negocimit në këtë strukturë ekstra-parlamentare, për një produkt me konsensus sa më të gjërë të mundshëm.

Në rast se opozita jashtëparlamentare, brenda afateve që na ka caktuar Kuvendi, do të vazhdojë të refuzojë ftesën për të dhënë kontributin e saj me amendamente konkrete të Kodit Zgjedhor, Ju si opozitë parlamentare keni gjithësesi të drejtat dhe hapësirat e plota ligjore për ti bërë amendamentet tuaja pjesë të diskutimit që do duhet të zhvillohet padiskutim në Komisionin Parlamentar për Çështjet Ligjore dhe grupin përkatës të punës ku përfaqësohet si mazhoranca ashtu edhe minoranca në Kuvend.

Duke ju ftuar të depozitoni një kopjo të propozimeve tuaja zyrtarisht edhe pranë Komisionit Parlamentar për Çështjet Ligjore, mbetemi në pritje që opozita jashtëparlamentare të depozitojë në Këshillin Politik ose në Kuvendin e Shqipërisë propozimet konkrete për amendamentet e Kodit Zgjedhor në zbatim të ndryshimeve Kushtetuese të 30 Korrikut.

Faleminderit,Damian Gjiknuri

Përfaqësues i Partisë Socialiste

“Zgjedhorja”, Gjiknuri: Për sistemin flasim në janar

Bashkëkryetari i Komisionit të Posaçëm për Reformën Zgjedhore, Damian Gjiknuri deklaroi të enjten se sistemi zgjedhor nuk do të ndryshojë deri në vitin 2022. Megjithatë, Gjiknuri u shpreh se në muajin janar do të diskutohet për propozimet që do të vijnë nga palët. “Draftet e paraqitura për kodin zgjedhor janë ende teknike. Besoj se deri në vitin 2022 këtë sistem zgjedhor do të kemi. Çështja e sistemit është një çështje kushtetuese. Kemi dhe ne pretendimet apo propozimet edhe pse ky sistem në mendimin tim nuk është i keq. Ja kemi lënë këtë opozitës dhe nëse biem në konsesus atëhere i përket Kushtetutës”, tha Gjiknuri pas mbledhjes që zhvilloi Komisioni i Reformës Zgjedhore.

Ai i bëri thirrje opozitës të dërgojë propozimet e saj, ndërsa tha se po mendohet që në ndryshimet e Reformës Zgjedhore të pëfshijnë hapjen e disa kutive të caktuara për t`u riparë pas procesit të numërimit. Sipas Gjiknurit kjo do të sjellë transparencë më të madhe, ndsa shtoi se kështu synohet të rritet integriteti i procesit zgjedhor.

“Kuti të caktuara do të hapen për t’u riparë, kjo do të sjellë një transparencë të madhe ligjore. Këto kuti do të hapen pas përfundimit të procesit dhe kjo synon integritetin dhe një transparencë. Opozita solli një propozim dhe këtë do e bëjmë në një seancë të veçantë. Edhe aktorë të tjerë do të jenë të ftuar dhe do të bëjnë propozimet. Procesi do të shoshitet me kohë dhe të adresojmë çështjet të cilat janë kundër rekomandimeve të OSBE. Vijojmë t’i qëndrojmë mendimit që opozita të sjellë propozimet dhe ne qëndrojmë të hapur. E presim PD dhe partitë e tjera të opozitës të vijë”, tha ai.

Lidhur me përfshirjen e teknologjisë në zgjedhje, Gjiknuri u shpreh se është një proces që mund të kërkojë kohën e tij për zbatim. Për këtë arsye, Gjiknuri tha se vendi nuk mund të qëndrojë pa bërë zgjedhje për shkak të mungesës së teknologjisë. “Teknologjia është një mënyrë për t’u adresuar dhe kërkon kohën e saj. Edhe PD në dijeninë time ka qenë e përfshirë në këtë proces dhe propozim. Po mendojmë fazat ku do të shtrihet ky proces, teknologjia mund të kërkojë më shumë kohë por ne nuk mund të qëndrojmë pa bërë zgjedhje sepse nuk ka teknologji”, shtoi ai.

Bashkëkryetarja e Komisionit, Rudina Hajdari tha se të gjitha propozimet do të punohen përpara se t`i dërgohen ODIHR për një vlerësim. “Dy kërkesa e ndryshimit të sistemi, do të shqyrtohet në janar. U prezantua drafti për infrastrukturën e administratës zgjedhore dhe mekanizma të reja që do të kërkojnë partitë politike për transparencën para gjatë dhe pas. Do gjendet mekanizmi që kush vjedh votën do të shkojë në burg. Kjo kërkesë ka ardhur nga BE. Në një takim tjetër do të kemi edhe shoqërinë civile. Të kemi drafte të gjithë pranuara para se t’ia çojmë ODIHR. I referohem historisë parlamentare të 30 viteve të fundit, ne duam që të kemi një proces zgjedhore në mënyrë transparente, të mos bëhet për dy partitë kryesore por për çdo parti që hyn në garë. Ne duhet t’i krijojmë kushtet për të gjithë dhe jo për Rudinën”, tha Hajdari.

Depolitizimi i administratës zgjedhore, Partia Demokratike del kundër rekomandimeve të ODIHR

Partia Demokratike i është përgjigjur propozimit të bashkëkryetarit të komisionit për Reformën Zgjedhore, Damian Gjiknuri, i cili mbështeti propozimin e ekspertëve për depolitizimin e administratës zgjedhore. PD është kundër kësaj ideje, duke e argumentuar atë raportin e OSBE/ODIHR për zgjedhjet e 30 qershorit.

“Edi Rama nuk ka ndërmend të bëjë një reformë zgjedhore që garanton lirinë e votës, por vetëm të tallet me OSBE/ODIHR, me Bundetsgun, me shqiptarët. Ai synon të sanksionojë me ligj standardin e 30 Qershorit, ku administroi i vetëm procesin. Këtë qëllim ka edhe propozimi i PS që administrimin e zgjedhjeve ta bëjnë punonjësit nën varësinë e Edi Ramës. Administrata publike është e pabesueshme për të administruar një proces zgjedhor me standarde europiane. Raporti i ODIHR-it ka provuar se punonjësit e administratës janë nën presion politik, si dhe është bërë e qartë se ajo është e mbushur me militantë të Partisë Socialiste”, shprehet Gazmend Bardhi në përgjigjen drejtuar mediave.

Po çfarë tha Damian Gjiknuri të enjten në konferencë për shtyp?. “Ka ardhur momenti që Shqipëria të ketë një administratë zgjedhore të depolitizuar. Pasi të ketë një proces trajnimi, këta njerëz do të certifikohen. Ata do të zgjidhen me short dhe nuk do të propozohen nga partitë politike. Ne e vlerësojmë këtë proces që duhet thënë se është vizionar dhe përbën një risi që duhet vlerësuar”, tha bashkëkryetari i komisionit të Reformëz Zgjedhore. Në fakt, nisur nga ky pohim, mjafton t`i referohesh rekomandimeve të OSBE/ODIHR për zgjedhjet e 30 qershorit, dhe kupton se ajo çka propozojnë ekspertët është as më shumë e as më pak, por ajo që kërkon ODIHR.

“Në përputhje me rekomandimet e mëparshme të ODIHR, në mënyrë që të rritet besimi i publikut në procesi zgjedhor, duhet t’i kushtohet vëmendje formulave alternative për emërimin anëtarët e administratës zgjedhore. Masat efektive duhet të merren për të forcuar më tej metodat e rekrutimit dhe trajnimit të komisionerëve për të siguruar profesionalizmin e tyre. Për të rritur profesionalizmin dhe kapacitetin e komisioneve zgjedhore, KQZ mund të ofrojë trajnime periodike dhe certifikim e komisionerëve të mundshëm, me qëllim me krijimin e një liste me njerëz të kualifikuar”, thotë ODIHR.

Pra, propozimi i ekspertëve për depolitizimin e administratës zgjedhore, mbështetur nga komisioni parlamentar, është i bazuar në rekomandimet e OSBE/ODIHR, që thekson se duhet “formula alternative për emërimin e administratës zgjedhore”, duke vijuar më tej me përcaktimin se: “KQZ duhet të ofrojë trajnime periodike dhe certifikimin e komisionerëve”. Ndonëse rekomandimet e OSBE/ODIHR dhe propozimi i ekspertëve për depolitizimin e administratës zgjedhore janë të qarta, mbetet për t`u shpjeguar ky qëndrim i ri i opozitës kundër depolitizimit të administratës zgjedhore, ndonëse më herët është shprehur se “reforma zgjedhore duhet të bëhet mbi bazën e rekomandimeve të OSBE/ODIHR”. /Realstory.al/

ADMINISTRATA ZGJEDHORE, “SHKOLLË” PËR NËPUNËSIT CIVILË OSE LARGIM NGA PUNA

Hajdari përplaset me Gjiknurin: Jo reformë me dy faza

Dy bashkë-kryetarët e komisionit të Reformës Zgjedhore, Damian Gjiknuri dhe Rudina Hajdari patën përplasje për miratimin e kësaj reforme në dy faza. Për Gjiknurin është e rëndësishme që në muajin dhjetor të mbyllet drafti ku paraqiten rekomandimet e OSBE-së, ndërsa ndryshimi i sistemit të vijojë më pas duke qenë se kërkon një kohë më të gjatë diskutimi. Hajdari nuk është dakord në lidhje me këtë duke thënë se do diskutohen paralelisht edhe rekomandimet dhe sistemi përmes grupeve të punës të ngritura, dhe në fund kur të vijë momenti i miratimit do të jetë bashkërisht. Megjithatë palët kanë dakordësinë se reforma do të diskutohet brenda institucioneve të kuvendit, pavarësisht kërkesës së PD për ta bërë atë jashtë përmes një strukture të posaçme. Si Gjiknuri dhe Hajdari ftuan PD të jetë pjesë e tryezës me çdo mënyrë komunikimi për të adresuar çështje te reformës zgjedhore në një dialog sa më gjithëpërfshirës.

“Brenda një jave ekspertët do të paraqesin draftet e para për të adresuar rekomandimet e OSBE-së. Opozita ka të drejtën e propozimit për sistemin zgjedhor që do të adresohet paralelisht me rekomandimet e OSBE-së. Ne e bëmë të qartë që çështja e sistemit, vota e emigrantëve apo të tjerë të komplikuar do të duan më shumë kohë, ne duam që brenda dhjetorit të mbyllim çështjet që kanë të bëjnë me rekomandimet. PD nuk ka sjellë propozime, në çdo draft që do të diskutojmë natyrshëm edhe ata kanë të drejtë të bëjnë propozime si shoqëria civile, komente dhe vërejtje. Ne i kemi kërkuar PD-së të gjejë çdo forme komunikimi, çdo propozim edhe pa qenë pjesë e komisionit, ne jemi gati që ato propozime që janë në përputhje me rekomandimet ti marrim në konsideratë, por të jenë sipas rekomandimeve të OSBE-së.” tha Gjiknuri, i cili shtoi se opozita parlamentare nuk është dakord për ndarjen me dy faza, ndërsa shprehu se shumica ka vullnet për të parë edhe çështjet e sistemit.

“Jo nuk janë dakord, insistojnë për çështjen e sistemit zgjedhor. Por Shqipëria ka disa prioritete që lidhen me negociatat. Ne kemi vullnetin për ta parë çështjen e sistemit. Por komisioni filloi ta trajtojë çështjen dhe javë pas jave do të miratojmë paketa. Nëse PD-ja zgjedh rrugë komunikimi apo ka propozimet e saj jemi gati ti marrim parasysh. Tryeza me PD është përtej kodit, është e natyrës politike. Unë besoj që brenda dhjetorit kemi mundësi ti adresojmë çështjet që kanë të bëjnë me rekomandimet e OSBE-së.” tha Gjiknuri

Bashkë-kryetarja e Komisionit për Zgjedhoren, Rudina Hajdari theksoi se është kundër votimit të reformës me dy faza, por kërkon që si rekomandimet e OSBE-se ashtu edhe ndryshimi i sistemit zgjedhor të votohen së bashku. Hajdari bëri të ditur se do ngrihen grupe pune për të adresuar çështje të caktuara.

“Kemi rënë dakord të bëjmë disa grupe pune për disa nga çështjet, disa për ndryshimin e sistemit për një propozim konkret nga opozita parlamentare, atë që ne do të propozojmë. Nuk do të ketë reformë me dy faza, për këtë të jeni të qartë dhe për këtë kemi rënë dakord. Do të merremi edhe me rekomandimet e OSBE-së, por edhe për ndryshimin e sistemit, por kur të vijë momenti i miratimit do të jetë bashkërisht. Opozita parlamentare ka vetëm një qëllim; ndryshimi i sistemit, ta shembim këtë dhe qytetarët të votojnë përfaqësuesit e tyre dhe jo partitë politike.” tha Hajdari

Gjiknuri, Basha e do në burg, por e mbron Mediu

“Asnjë komision parlamentar, i drejtuar nga individë që duhet të ishin në burg për krime elektorale, nuk gëzon legjitimitetin për realizimin e Reformës Zgjedhore”, ishte një nga kushtete e Lulzim Bashës ndaj Edi Ramës, për hartimin e Reformës Zgjedhorem, publikuar të mërkurën. Pra, thënë ndryshe, Basha nuk do Damian Gjiknurin (të cilin e akuzon për vjedhje të votave në Dibër), që të jetë pjesë e Komisionit të Hartimit të Reformës Zgjedhore. Por a janë të gjithë aleatët dakord me Bashën? Përgjigjen e jep Fatmir Mediu. Në një intervistë për Report Tv, pasi përfundoi mbledhjen me Bashën dhe aleatët e tjerë të opozitës, Fatmir Mediu shprehet se, “largimi i Gjiknurit nuk është kusht”.

Sipas tij, Damian Gjiknuri është ekspert i Reformës Zgjedhore, ndërsa lidhur me akuzat për vjedhjen e votës, sipas Mediut, “kjo është çështje që i takon gjykatave ta gjykojnë”. “Nuk kam paragjykime për kundërshtarin tim, as nuk bëj rolin e gjyqtarit, nëse ka një çështje të ngritur janë ato që vendosin. Nuk është kusht, nga pikëpamja e moralit është e drejtë. Një dialog është një marrëdhënie besimi. Gjiknuri ka qenë ekspert i Reformës Zgjedhore dhe mbetet për t’u parë kontributi i gjithë secilit”, tha Mediu.

Më tej, Mediu është shprehur se opozita duhet të diskutojë me PS për përshpejtimin e Reformës Zgjedhore. “Patjetër që duhet të diskutojmë me PS për përshpejtimin e Reformën Zgjedhore, në Drejtësi dhe problematika të tjera që ka Shqipëria. Janë kushte ndaj qeverisë dhe opsione të opozitës për zgjidhje. Unë mendoj që ajo që i ka munguar Ramës është serioziteti për të vlerësuar nevojën për një dialog dhe të dëgjojë qëndrimet e ndërkombëtarëve. Ndërkombëtarët duan dialog të qenësishëm, pra që opozita të ketë të qartë zgjidhjen e problemeve. Nëse flasim për dialog politik, duhet të trajtojmë problemet tona dhe problemi ynë nuk është vetëm Reforma Zgjedhore. Ka disa elementë të tjerë”, tha Mediu.

PLANI I OPOZITËS, 5 “KUSHTET” E BASHËS PËR RAMËN

Imer Lala në fokusin e përgjimeve të BILD, nga kartat e identitetit tek biseda me Gjiknurin

Gazeta Gjerman Bild, publikoi mbrëmjen e së mërkurës, 10 audio-përgjime të reja që i përkasin “dosjes 184”. Kjo dosje njihet ndryshe edhe si dosja e përgjimeve për shit-blerjen e votave në zgjedhjet lokale të 2016 në Dibër.

Disa nga audio-përgjimet janë të fokusuara tek Imer Lala në bashkëbisedime të ndryshme me persona të paidentifikuar dhe në një bisedë me Damian Gjiknurin, ministër i Infrastrukturës dhe Energjisë në atë kohë. Ja disa nga audio-përgjimet e publikuara.

Përgjimi 5, nipi telefonon Imer Lalën: Mund të nxjerrin video të njërit me lekë nëpër duar

Imer Lala, i cili cilësohet nga BIld si bosi i krimit, dhe nipi i tij Elio flasin për një video te publikuar ne një emision investigativ ku flitet për njerëz me lekë nëpër duar. Sipas BIlD këto video tregojnë shit-blerjen e votës. Elio tha se është nxjerrë një video e Nehatit me lekë në duar dhe mendon se ka edhe video të tjera, ndërsa Imer Lala ja kthen se ato video nuk quhen provë. Nehat Rama është vëllai i Muharrem Ramës, kandidatit socialist për kryetar komune në Dibër.

Biseda e plotë

Elio: Hë mo xhaxha
Imer Lala: Hë mo xhaxha
Elio Lala: A po pushon?
Imer Lala: Po
Elio Lala: Jo, të mora në telefon se thashë të të pyesja për Adrmit Trukin, sepse dje ke fiksi kanë nxjerrë Nehatin kshu, kurse sot mund të nxjerrin një video tjetër me lekë nëpër duar
Imer Lala: ëhë
Elio Lala: Edhe thashë ta pyesja, a vepron policia, ose çfarë bën pas video
Imer Lala: Kur e ke takuar një herë?
Elio Lala: E takova, fola, se ja mora Ejsit numrin.
Imer Lala: Jo mo, s’quhet provë ajo
Elio Lala: Po kshu tha dhe ai, mos e rr*aj k*rin
Imer Lala: Mirë hajd
Elio Lala: Qenke lodhur
Imer Lala: Jam dërrmuar, po më dhemb këtu mo Elio, në fund të shpinës nga krahu i djathtë, kocka.
Elio Lala: Po a pive, ndonjë nga ato, advil? Pi nja dy?
Imer Lala: Do jap prap Fiksio video ë?
Elio Lala: Mund të jetë video tjetër…nuk kuptohet
Imer Lala: Ça ishte ky mamuni?
Elio Lala: Nga Sohdollmi, ishte i infiltruar, ishte i përgatitur. Ta mendosh që sot kanë ardhur ato të Fiksit, e ndoqa deri në qoshe, s’e kapa dot
Imer Lala: Erdhën ato të Fiksit ë?
Elio Lala: Po, erdhën dhe e morën me një Benz të zi

Përgjimi 6, Imer Lala informohet: Kreu i FRD-së me njerëzit e vet kanë votuar Sherefedin Shehun

Imer Lala bisedon me një person të paidentifikuar , i cili i thotë se disa persona nuk kanë votuar ashtu siç thanë. Personi i paidentifikuar i thotë Imer Lalës se kryetari i FRD-së me gjithë njerëzit e vet kanë votuar Sherefedin Shehun, i cili është kandidat i PD për Dibrën në zgjedhjet lokale në këtë qark. Reagimi i Lalës është i ashpër dhe më pas thotë se do ta marrë në telefon për t’i thënë disa fjalë.

Personi: O shef si të kam
Imer Lala: Mirë
Personi: A je mirë
Imer Lala: Mirë si je ti?
Personi: Kryetari i FRD-së me gjithë njerëzit e vet kanë votuar Serefedin Shehun
Imer Lala: Jo nuk është e vërtetë
Personi: Ore, e verifikova tani, para 20 minutash
Imer Lala: O ja q… robt e shpisë
Personi: Ja kontrollova unë se pata lënë një njeri aty. Kane qenë 5 veta duke votuar, të pestë për Sherefedin Shehun.
Imer Lala: Edhe çuni i vet ë?
Personi: Po
Imer Lala: Ja do ta mërrë në telefon atë halen, I thashë kur të shkosh atje te shtabi do takosh Remin dhe ne jemi për atë, i thashë e kupton shqipen, a jo? Më tha dhe Hasan Begu diç, shife njëherë atë m… tha.
Personi: E verifikova tani, para 20 minutash
Imer Lala: O ja q… motrat
Personi: Hajde mos e vrit mendjen, po ta thashë ta dije

Përgjimi 7, personi i drejtohet Imer Lalës: A i keni dhënë ndonjë kafe?

Imer Lala flet me një person të panjohur, i cili e njofton se dikush me emrin Basri Veseli nuk ka marrë gjë dhe e pyet nëse i kanë dhënë ndonjë kafe. Lala i përgjigjet se i ka mbaruar ato punë. Gjithashtu në fund të bisedës thuhet se disa persona janë rrahur nga ato me kapuça të Flamur Nokës.

Imer Lala: Hej Ardi,
I panjohur: O vëlla, një Basri Veseli, e njofim e kemi gjë?
Imer Lala: Si?
I panjohur: Basri Veseli
Imer Lala: Basri Veseli, po
I panjohur: E takova e takova po ska marrë gjë
Imer Lala: Si s’ka kurrgjo
I panjohur: A i keni sjellë ndonjë kafe.
Imer Lala: Po i kam mbaruar ato punë
I panjohur: Po i ke mbaru mo shoku por skanë shku ato punë
Imer Lala: Po leri ato bq…
I panjohur: O shok (Nuk kuptohet)
Imer Lala: Ri rehat se për atë vend ku është ai i ka çdo gjë në rregull
I panjohur: Mirë hajd hajd.
Imer Lala: Ku je ti?
I panjohur: (Nuk kuptohet)
Imer Lala: Çfarë ka ndonjë problem
I panjohur: Kurrgjo, atë nate smund e mora vesh
Imer Lala: Huh?
I panjohur: Atë që e rrafën mbrëmë në Maqellarë a e more vesh?
Imer Lala: Jo! Kush janë ata?
I panjohur: Po ku di gjë unë, kishin rrafë ça janë këta me kapuça të Flamur Nokës andej.
Imer Lala: E po e shof në televizor
I panjohur: Ishin nja 4 a 5

Përgjimi 8, personi i paidentifikuar-Lalës: A t’ia kthej kartat e identitetit

Edhe në përgjimin numër 8 të publikuar nga Bild, shfaqet përsëri Imer Lala që flet me një person me numër të paidentifikuar, ku përmendet emri i një tjetër personi, Shefki Xhura për t’i kthyer kartën e identitetit. BILD e cilëson mbledhja e kartave të identitetit si një nga mënyrat se si vidhej vota në zgjedhjet lokale të 2016 në Dibër.

0682300268: Vlla
Imer Lala:   Çarë bëre
0682300268: Sefki Xhura, a t’ia jap ato kartat apo mos t’ia jap.
Imer Lala: Jepja, jepja ..
0682300268: Qe, ok
Imer Lala:     Është kunati dhe gruaja se ai nuk është vetë
0682300268: Mirë, (Nuk kuptohet) T’ja jap kartën se jam kam mbajtur
Imer Lala: Jepja, jepja
0682300268: Kam mbaruar punë me të unë, po a ti jap kartën them.
Imer Lala:   Jepjaaa!

Përgjimi 9, Imer Lala telefonin Gjiknurin

Në përgjimin numër 9 dëgjohet një bisedë e Imer Lalës me Damian Gjiknurin, ku lënë një takim mes tyre, për të pirë kafe me njerëzit që e kanë lënë.

Damian Gjiknuri: Alo
Imer Lala: A je tu ardh 5 minuta, si e ke punën
Damian Gjiknuri: Ku je? Hajde pimë ndonjë kafe këtej
Imer Lala: Po e pimë kafen thashë po kam lënë njerëzit që të ndajmë sot monitorimin e …(e paqartë).
Damian Gjiknuri: Tek kioska aty jeni, tek lokali jot
Imer Lala: Eee. Mos u vono të lutem.

Përgjimi 10, Imer Lala tregon takimin me “bablokun e madh”

Në bisedën numër 10 është përsëri Imer Lala, që bisedon me bashkëshorten, vajzën dhe një person të tretë!

Biseda 1

Imer Lala: Do shkoj me një zyrë të madhe, a thua a jam vesh mirë a jo?
Grua: Po mirë mo je.
Imer Lala: Ma fut atë gjë në karikim.
Grua: E kam karikuar pa merak.
Imer Lala: Kur do dalësh ti?
Grua: Jam do jem atje
Imer Lala: Unë nga ora 11:30 nisem.
Grua: Në rregull, hajd

Biseda 2

Vajza: Ku je? Përveçse u çove nga kafja
Imer Lala: Në 10:30 kam një takim me atë robin, e po shkoj në zyrë
Vajza: Eh, kuptoj
Imer Lala: Sa të dal ta bëj telefon se pastaj jam për Pogradec.

Biseda 3

Imer Lala: O zotëri po ku je mor, ti rashë telefonit.
I panjohur: E kam mbyllur atë numër, njëherë për njëherë. Ju çfarë bëni
Imer Lala: Hej isha tek ai babloku i madh, tani sa dola
Imer Lala: Isha me Qifin më parë
I panjohur: Uhuh
Imer Lala: Ti mos e ruaj leshin për asgjë
I panjohur: Unë?
Imer Lala: Hajd se flasim. Se do vijë atje unë sot