Ashtu si e paralajmëroi një ditë më parë në konferencën për mediat, Presidenti Ilir Meta ndodhet sot në Dibër, në fshatin Zall Dardhë.
Përmes një postimi në ‘Facebook’ kreu i shtetit teksa kujton vargjet e këngës nga Qerim Sula, theksoi se edhe kjo trevë ka qenë përherë djepi i luftërave patriotike për liri.
MESAZHI I METËS I lumtur të vizitoj Zall Dardhën, fshatin me histori të madhe të luftërave për liri, për t’u përulur me respekt para kujtimit të burrave të shquar të kësaj treve, për të cilët mjeshtri Qerim Sula do të këndonte: “Me gjoks flakën ja shuajmë topit, Jemi gjaku Kastriotit!” Të rritur me Korabin përballë, bijtë e shquar të Zall Dardhës kanë marrë prej malit madhështor cilësitë e qëndresës dhe kryelartësinë në karakterin dhe shpirtin e tyre. Ashtu si e gjithë Dibra, edhe kjo trevë ka qenë përherë djepi i luftërave patriotike për liri, por edhe dhe identitet kulturor. Jo pa kuptim ata Kuvendin e tyre të burrave e quajtën “Dheu”, për të treguar, se si Anteu ata e marrin bekimin dhe fuqinë e tyre prej tokës që i lindi dhe rriti. Tradita e Kuvendeve në Reç e Dardhë, është ndër shembujt më të shquar të përgjegjësisë atdhetare, të organizimit dhe qeverisjes vendore. “Besa – besë, nihet zani, Zot t`i dalim këtij vatani…”/realstory.al
Një i moshuar, i cili jetonte prej vitesh i
vetëm në banesë, i dha fund jetës së tij duke u qëlluar me armë. Ngjarja e rëndë
ndodhi në fshatin Shumbat të Dibrës.
Në kushte të rënduara psikologjike, 68-vjeçari
Xheladin Mandri, qëlloi veten me armë në banesën e tij, duke i dhënë fund jetës.
Sipas policisë vetëvrasja ka ndodhur në kushte të rënduara psikologjike dhe për
faktin se i moshuari jetonte i vetëm.
Tërmeti me magnitudë 3.2 e shkallës Rihter lëkund
veriun e vendit. Epiqendra e tij ka qenë
1.7 km në veri të Shumatit në Dibër dhe ka rënë në orët e para të mëngjesit.
Nuk ka të dhëna për dëme materiale apo të lënduar
nga tërmeti.
Kujtojmë se më 21 shtator pjesa qendrore e
vendit u godit nga një tërmet i fortë i shkallës 5.6 dhe u pasua nga disa
goditje të tjera në ditët në vijim. Tërmeti la pas qindra shtëpi e objekte të
dëmtuara dhe të plagosur.
Prokuroria e Dibrës ka zgjatur me tre muaj
afatet për hetimet e mëtejshme në dosjen e bujshme “184”, e cila përmban
përgjimet e zyrtarëve të lartë të Partisë Socialiste, ministrave,
ish-ministrave dhe deputetëve, për pazaret e shit-blerjes së votave në Qarkun e
Dibrës, gjatë fushatës për zgjedhjet e pjesshme vendore të vitit 2016.
Ndërkaq ka dhe një zhvillim të ri pasi dosja
“184” ka ndryshuar edhe numrin, duke marrë numrin e ri “385”, për shkak se
është regjistruar si procedim në Prokurorinë e Dibrës. Dosja ku po hetohet
shit-blerja e votave, u transferua në Dibër, pasi Krimet e Rënda shpallën
moskompetencë.
Dy prokurorët e Dibrës që po merren me këtë
dosje janë Rifat Kojku dhe Belina Zeneli.
Krimet e Rënda shpallën moskompetencë për këtë
dosje, pasi prokurorët gjykuan se të dyshuarit nuk përfshihen në grup të
strukturuar kriminal.
Kjo është një nga dosjet më të bujshme, ku
gjatë fushatës të vitit 2016 për zgjedhjet e pjesshme vendore në Dibër, janë
përgjuar disa ministra dhe ish-ministra, si dhe kryeministri Edi Rama, me
persona dhe drejtues lokal të PS.
Në fakt, përgjimet e prokurorisë u bënë publike nga media gjermane Bild, ndërsa opozita i ka përdorur për të sulmuar qeverinë, duke e akuzuar për përfshirjen ne vjedhjen e votave.
Dy vatra të mëdha
zjarri kanë përfshirë pyjet e Dibrës dhe Bulqizës dhe po rrezikon banesat e
qytetarëve. Zjarri, i rënë prej 3 ditësh, vijon të forcohet dhe djeg gjithçka
gjen para. Autoritetet kanë kërkuar ndërhyrje nga ajri në mënyrë që të ndihmojnë
në vënien nën kontroll të flakëve.
Zjarri ka përfshirë
masivin pyjor me pisha në fshatin Vlashaj të Lurës, ku deri tani ka djegur 10
ha sipërfaqe, ndërsa rrezikohen disa banesa. Në këtë rast shuarja e flakëve është
e pamundur për tu bërë nga zjarrfikëset për shkak të terrenit të vështirë dhe kërkohet
ndërhyrje nga ajri.
Një tjetër vatër
zjarri ka rënë në Shupenzë, në pyjet me dushqe në fshatin Mazhicë. Flakët
rrezikojnë banesat, ndërsa është djegur mbi 5 ha sipërfaqe toke me pyje.
Mesditën e të hënës janë caktuar dy prokurorët
që do të gjykojnë dosjen hetimore për përgjimet në zgjedhjet e Dibrës, e njohur
ndryshe dhe si dosja 184. Prokurorët Rifat Kojku dhe Belina Zeneli, janë dy hetuesit
që tashmë do të kenë në dorë provat për hetimin e dosjes, ku të përfshirë janë
dhe emra politikanësh.
Dosja 184 u transferua vetëm pak ditë më parë
nga Prokuroria e Krimeve të Rënda, te Prokuroria e Dibrës. Krimet e Rënda
shpallën moskompetencë për këtë dosje, pasi prokurorët gjykuan se të dyshuarit
nuk përfshihen në grup të strukturuar kriminal.
Kjo është një nga dosjet më të bujshme, ku
gjatë fushatës të vitit 2016 për zgjedhjet e pjesshme vendore në Dibër, janë përgjuar
disa ministra dhe ish-ministra, si dhe kryeministri Edi Rama, me persona dhe
drejtues lokal të PS.
Në fakt, përgjigjmet e prokurorisë u bën
publike nga media gjermane Bild, ndërsa opozita e ka përdorur për të sulmuar qeverinë, duke e akuzuar për përfshirjen
ne vjedhjen e votave.
Një sherr masiv ka ndodhur mbrëmjen e së
enjtes në Dibër. Shkaku ka qenë prishja e miqësisë mes dy krushqinjve. Prindërit
e vajzës dhe të djalit janë takuar në lokal për të zgjidhur mosmarrëveshjet e çiftit
por më pas situata ka degraduar dhe personat janë përfshirë në një sherr ku janë
përdorur edhe sende të forta.
6 persona kanë përfunduar në spital për të
marrë mjekimet, por edhe aty ka vazhduar sherri.
Policia ka bërë të ditur se disa persona janë shoqëruar
në komisariat për ngjarjen.
“Rreth orës 20.15, në qytetin e Peshkopisë,
për motive të dobëta janë konfliktuar me sende të forta disa shtetas, (krushqi
me njëri tjetrin), ku për pasojë janë
dëmtuar lehtë, të cilët po marrin ndihmë mjekësore në spitalin e Peshkopisë.
Grupi hetimor po kryen veprimet në
vendngjarje, si dhe po punohet për sqarimin e rrethanave të kësaj ngjarjeje”,
njofton policia.
Një sherr masiv mes krushqëve ka ndodhur mbrëmjen e të enjtes në Dibër. Nga raportimet paraprake mësohet se nga sherri kanë mbetur të plagosur 6 persona. Ata janë dërguar në spitalin e Peshkopisë, ku mësohet se janë në gjendje të rëndë shëndetësore.
Mësohet se sherri mes dy krushqive ka vijuar edhe gjatë kohës që kanë shkuar në spital, duke rënduar dhe më tepër gjendjen e tyre shëndetësore. Ngjarja raportohet të ketë ndodhur në bulevardin kryesor të qytetit të Peshkopisë.
Ende nuk dihet nëse gjatë konfliktit ka pasur përdorim të armëve të zjarrit apo mjeteve të tjera të rënda, ndërsa policia pasi është njoftuar ka shkuar në spital, ku mësohet se ka nisur punën për të vënë nën kontroll situatën.
Nga informacionet e para, mësohet se sherri ka nisur në një lokal në bulevard, ku personat janë konfliktuar fizikisht me mjetet forta mes tyre. Më pas kanë vijuar dhe në spital. Identiteti i personave të plagosur dhe atyre të përfshirë në sherr ende nuk bëhet i ditur.
Një ngjarje e rëndë ka ndodhur në Bulqizë, ku një person 30-vjeçar ka mbërritur pa shenja jetë në spital. Viktima ishte gjetur me një plumb në kokë nga familjarët brenda në banesë, të cilët e kanë dërguar menjëherë në spital
Viktima e identifikuar si Ernit Dani, 30 vjeç,
nga fshati Vlashe, ka vajtur pa shenja jetë në spital. Mjekët raportojnë se kjo
ka ndodhur si pasoje e plagëve të marra.
Fillimisht rasti ishte i mistershëm pasi nuk
po kuptohej nëse viktima ishte vrarë apo kishte kryer vetëvrasje në banesë. Pas
hetimeve të kryera nga policia rezultoi se nga hetimet paraprake 30-vjeçari është
vetëvrarë.
Nuk dihen arsyet që e kanë çuar të riun të
marrë këtë akt të rëndë, policia vijon hetimet deri në zbardhjen e plotë
ngjarjes.
Militantët e PD kanë sulmuar policinë dhe KZAZ-në numër
19 në qytetin e Dibrës, që ndodhet në palestrën e shkollës së mesme “Nazmi
Rushiti”. Militantet e PD-se pas protestës në rrugët e qytetit kanë sulmuar
efektivët duke detyruar policinë që të hedhë gaz lotsjellës për të shpërndarë
turmën. Në krye të protestuesve ndodhet edhe ish deputeti i PD-së, Xhemal
Gjunkshi. Protestuesit janë duke quajtur me kapsolla dhe molotov në drejtim të
policisë duke rrezikuar jetën e tyre.
Nga përplasja dhe hedhja e gazit lotsjellës në Dibër, jashtë ambienteve të shkollës ku është vendosur KZAZ-ja , janë plagosur 6 efektivë policie dhe disa protestues. Në lidhje me ngjarjen ka reaguar edhe policia e shtetit, që thotë se rreth 300 persona po sulmojnë me kapsolla dhe bomba molotov për të hyrë brenda KZAZ-së.
“Nisur nga situata e krijuar në KZAZ-n Nr. 19 në
Dibër, ku rreth 250 – 300 persona po
vijojnë të sulmojnë punonjësit e policisë me sende të forta, kapsolla dhe bomba
molotov, me qëllim depërtimin brenda ambienteve të KZAZ-s, Policia e Shtetit iu
bën thirrje organizatorëve që të distancohen menjëherë dhe të ndalojnë sulmin
mbi forcat e rendit, pasi po rrezikojnë jetën e punonjësve të policisë.
Në ndihmë të Policisë së Dibrës janë nisur Forcat e
Lëvizshme Operacionale, të cilat do të bëjnë ndalimin e personave përgjegjës me
qëllim përballen e tyre me ligjin. Policia e Shtetit ka marrë të gjitha masat
për të mbrojtur objektet zgjedhore dhe do t’i përgjigjet me ashpërsinë e ligjit
çdo sulmi ndaj punonjësve të Policisë dhe objekteve zgjedhore” – thuhet në
deklaratën e policisë.
Dhuna në KZAZ, Lleshja: Verbëri politike që do marrë ndëshkimin e merituar
Ministri i Brendshëm, Sandër Lleshja ka regjura në
lidhje me dhunë e ushtruar në Dibër ndaj
policisë dhe KZAZ së vednisur në atë qytet. Ai e ka cilësuar një dhunë të verbër
politike por që do marrë ndëshkimin e merituar.
“Verbëria e dhunës politike po sulmon sot me molotov KZAZ e vendosur në shkollën “Nazmi Rushiti” dhe Policinë në Dibër, nën drejtimin e përfaqësuesve të lartë të opozitës. Ligji do të veprojë pa asnjë mëdyshje ndaj çdo forme të krimit!”
Verbëria e dhunës politike po sulmon sot me molotov KZAZ e vendosur në shkollën “Nazmi Rushiti” dhe Policinë në Dibër, nën drejtimin e përfaqësuesve të lartë të opozitës. Ligji do të veprojë pa asnjë mëdyshje ndaj çdo forme të krimit!
Shkodër, policia bashkiake përplaset me disa persona në KZAZ nr. 2, shoqërohen 5 persona
Policia bashkiake, me urdhër të Voltana Ademit, mban të mbyllura ambientet e KZAZ numër 2 e vendosur në pallatin e Sportit ‘Qazim Dervishi’. Kjo ka sjellë përplasjen e disa personave me policinë bashkiake, të cilët kanë kërkuar që të marrin materialet që kanë qenë brenda KZAZ numër 2 dhe kanë tentuar ta hapin atë me dhunë. Si pasojë qepenat e pallatit të sportit janë dëmtuar, nga hapja me forcë. Në lidhje me ngjarjen policia e shtetit ka shoqëruar 5 persona
Bllokimi i KZAZ nr.2 në Shkodër ka ardhur që më 18
qershor, ku policia bashkiake me urdhër të Voltana Ademit nuk lejuan që
anëtarët e KZAZ të futen në ambientet e brendshme.
Duket se incidentet dhe dhuna nuk po mungon, sidomos në Shkodër, ku disa ditë më parë ju vu flaka shkollës “Shejnaze Juka” nga militantët e PD. Ndërsa mbrëmjen e së enjtes iu vu flaka shkollës “Ndre Mjeda” në Bushat.
Voltana Ademi : Nuk e dhunuam ne KZAZ-në te Pallati i Sportit
Partia Demokratike e Shkodrës ka reaguar pas dhunës në
godinën e Pallatit të Sportit duke u distancuar nga akte të tilla.
Përmes një deklarate për mediat thuhet se “Bashkia e Shkodrës dënon dhe denoncon me
forcë aktin e rëndë të dhunimit të ndërtesës së Pallatit të Sportit nga persona
vandalë, të cilët janë përleshur me punonjës të Policisë së Shtetit dhe
Policisë Bashkiake, të cilët së bashku janë përpjekur të ndalojnë këta dhunues
të pronave të qytetarëve shkodranë”.
Më tej theksohet se “ka qenë një veprim banditesk, i cili nga sa mund të kuptohet deri tani,
frymëzohet edhe nga deklarimet e papërgjegjshme të qeveritarëve në Tiranë”.
