Nuk ishin të vetmit e as të parët, Fiorin Durmishaj dhe Mario Vrushaj, lojtarët që refuzuan Shqipërinë në mars të këtij viti, për të luajtur me një kombëtare tjetër.
Shqipëria është mësuar tashmë me të tilla histori, por një nga ato të bujshmet e disa viteve më parë rikthehet në kujtesën e të gjithëve, as më shumë e as më pak, por nga vetë protagonisti.
Elvis Kabashi është një nga lojtarët që vite më parë refuzoi ftesën e Shqipërisë, pasi shpresonte të luante me kombëtaren e Italisë, pasi bënte pjesë te të rinjtë e Juventusit.
Mesfushori i qendrës, që aktualisht luan me Dinamom e Bukureshtit, ku aktivizohet dhe mbrojtësi Naser Aliji, ka folur në një intervistë për gazetën rumune, “Digisport.ro”.
Ai ka risjellë në kujtesë letrën që asokohe, sipas Kabashit, ish-menaxheri i tij i dërgonte FSHF-së duke refuzuar kombëtaren shqiptare.
Elvis Kabashi ka treguar se po punon fort që të marrë një ftesë nga kombëtarja e Shqipërisë. Sipas tij, ajo letër e pozicioni kundër Kombëtares, ndërsa shprehet se me ish-menaxherin është në gjyq për këtë çështje.
“Me Alijin kuptohemi shumë mirë dhe kemi një marrëdhënie shoqërore dhe jashtë fushe. Është mirë të jesh në një ekip me një shqiptar tjetër. Shpresoj, sepse ka pasur disa keqkuptime sa i përket grumbullimit tim me Kombëtaren”
“Është folur për një letër që unë kam shkruar, por nuk është e vërtetë, sepse letrën e pati shkruar ish-menaxheri im, me të cilin kam disa gjyqe të hapura. Ajo letër më pozicionoi kundër kombëtares, sepse, nëse unë nuk do të doja të luaja me Shqipërinë nuk do të luaja as me 19-vjeçarët në eliminatoret e Europianit”.
“Prindërit e mi janë Shqiptarë, unë kam lindur në Itali, por gjaku im është ai i një shqiptari, ndaj nuk ka arsye pse ta refuzoj Kombëtaren e Shqipërisë. Gjithë këtë rrëmujë e ka shkaktuar ish-menaxheri, i cili nuk donte që të luaja me Kombëtaren, por të përqendrohesha vetëm tek Juventusi”
“Njerëzit kanë të drejtë të më gjykojnë, pasi nuk e dinin të vërtetën, ndërsa unë nuk kam folur më parë për këtë letër, sepse nuk kam shkruar asgjë dhe në ndërgjegjen time jam i qetë”.
“Ndoshta duhet të isha kundërpërgjigjur, por m’u duk sikur do t’i hidhja benzinë zjarrit. Tani është në dorën time të tregoj se sa e rëndësishme është Kombëtarja për mua. Shpresoj të grumbullohem, pasi është një krenari të mbrosh ngjyrat e vendit tënd. Do të përpiqem të stërvitem e të punoj sa më shumë për t’u rikthyer në Kombëtare”, tha Kabashi.”
Trajneri i ekipit kombëtar U-18, Nevil Dede, ka folur në konferencë për shtyp një ditë pas ndeshjes miqësore me Maqedoninë e Veriut, ku 18 vjeçarët tanë barazuan me homologët e tyre maqedonas.
Nevil Dede u shpreh fillomisht se lojtarët e grumbulluar janë më të mirët e moshës së tyre, megjithëse, sipas trajnerit, për shkak se kjo gurpmoshë nuk rakordon me datat e UEFA-s dhe FIFA-s, disa lojtarë që kanë pasur ftesë nuk janë lejuar nga klubet të vijnë në grumbullim.
“Është një moshë delikate pasi janë 1 vit më të vegjël se mosha zyrtare, si numër lojtarësh është i madh. Ne jemi munduar të marrim pjesën më të mirë, por duhet theksuar se kjo moshë nuk rakordon me datat e UEFA-s dhe FIFA-s, kemi bërë disa ftesa në Gjermani dhe Itali por klubet nuk na janë përgjigjur pozitivisht pasi jane ende ne aktivitet. Pavarësisht këtyre fakteve, me grupin që kemi po mundohemi të krijojmë një bosht solid deri ne fund të vitit 2019 ku do mund ti shërbejnë ekipeve përfaqësuese me rradhë”, është shprehur ndër të tjera Dede.
Më tej ai ka analizuar ndeshjen miqësore të luajtur dje kundër Maqedonisë së Veriut, duke e vlerësuar pozitivisht paraqitjen e ekipit tonë.
“Unë gjykoj që deri diku bëmë një paraqitje të mirë sa i përket ndeshjes miqësore me Maqedoninë e Veriut, por është hera e parë që grumbullohen dhe futbollistët e kanë të vështirë që të japin më të mirën, duhet koha e duhur për të bërë paraqitjen e mirë. Për këto dy ndeshje 50% ishin nga Shqipëria dhe 50 % nga jashtë, me mbështetjen e federatës do të kryejme edhe një stejxh seleksionues dhe ne maj do të kemi grupin e plotë për turneun miqësor”, është shprehur trajneri.
Në fund ai ka treguar edhe takimin e zhvilluar me trajnerin e ekipit kombëtar A, Edi Reja, që pas prezantimit ka pasur dhe një takim me trajnerët e ekipeve zinxhir të kombëtares.
“Nga viti në vit shpresojmë të rritet cilësia në klube se ata janë faktori kryesor i rritjes së një lojtari. Një fëmijë mund të lind talent por varet sesa punohet dhe a zhvillohet sesi duhet lojtari. Pas emërimit trajneri Reja na takoi të gjithë ne trajnerët e moshave, për mua ishte shumë i vlefshëm, trajneri dontë informacion të saktë për U21 dhe U19.” – ka përfunduar Dede.
Etrit Berisha është nga të vetmit lojtarë të Kombëtares, që ka pasur fatin të trajnohet nga Edi Reja në të kaluarën, kur ishte pjesë e Lacios në Serinë A.
Portieri kuqezi, që aktualisht luan me Atalantën në Itali, ka folur për Supersport, duke komentuar emërimin e Edi Rejës si trajner të ekipit tonë përfaqësues, duke u shprehur se 73-vjeçari ka shumë kualitete në mbrojtje.
“Kam pasur rastin të punoj me Rejën rreth 6 ose 7 muaj kur ishte trajner te Lacio. Ka shumë kualitete në pjesën e mbrojtjes. Në ato muaj kemi mësuar shumë, me ardhjen e tij ndryshuan shumë gjëra dhe u rikthyem te rezultatet pozitive”, ka thënë Berisha.
Më tej, portieri i Kombëtares ka folur edhe për ndeshjet e radhës, që kuqezinjtë do të luajnë në qershor. Berisha shprehet se një fitore do rriste moralin në ekip dhe do i ndihmonte të kualifikoheshin në Europian.
“Një fitore në ndeshjen e radhës do të na ndihmonte për moralin, por edhe për mundësitë tona për t’u kualifikuar në Europian. Jo vetëm për të përgatitur lojën, por Reja edhe të punojë nga ana psikologjike e të rikthejë harmoninë në ekip. Shpresoj të na ndihmojë në arritjen e objektivave tona”.
Lorik Cana është ndoshta një nga shqiptarët që e njeh më mirë se kushdo trajnerin e ri të Kombëtares, Edy Reja. Ky i fundit, gjatë kohës që ishte trajner i Lacios në sezonin 2011-2012, e ka pasur Canën lojtar në ekip, duke e stërvitur çdo ditë. Kështu ish-kapiteni i kombëtares shqiptare ka një raport tjetër me 73-vjeçarin italian.
Lorik Cana, i ftuar si specialist futbolli në “Tring Sport”, ka analizuar ndër të tjera dhe ardhjen e Edi Rejës si trajner i Kombëtares. Ai është shprehur se Reja është një trajner me eksperiencë shumë të madhe, mirëpo i vetmi ‘shqetësim’ për Lorik Canën, është fakti që 73-vjeçari ka drejtuar shumë pak klube jashtë Italisë.
“Edoardo Reja është një trajner me eksperiencë shumë të madhe. Me shumë mundësi, një nga trajnerët, që besoj se ka moshën më të madhe jo vetëm në Itali, por në mbarë futbollin.
Ne kemi pasur edhe Bariç, por ky vjen me moshë më të madhe. Unë e kam pasur Reja-n trajner te Lacio, në sezonin 2011-2012 dhe në vitin 2014. E njoh mirë. Kur një trajner ka moshë 73-vjeçare dhe shumë përvojë, qëllimi është i qartë me të: të stabilizohet ekipi dhe të merret më e mira deri në nëntor, së paku.
Mirëpo, kjo pjesa që nuk ka absolutisht asnjë lloj përvoje, përveç kampionatit italian, ngre pak pikëpyetje. Reja është një person që e njeh mirë futbollin dhe shpresojmë që të arrijë të marrë më të mirën nga ky ekip”.
Ish-mbrojtësi i Interit, Marko Materaci ka qenë i ftuar në Tiranë në një event, teksa ardhja e tij ka mbledhur qindra fansa tifozë të Interit, ekip me të cilin 45-vjeçari ka luajtur dhe fituar shumë trofe.
Gjatë fjalë së mbajtur për mediat shqiptare, “The Matrix”, ka analizuar eleminimin e Juves nga Ajax në çerekfinalen e Champions League, duke mos i kursyer thumbat për ish-ekipin rival të Serisë A.
“Si tifoz interist që jam, nuk më vjen keq për eliminimin e Juventusit nga Champions. Megjithatë mund të them që ndoshta mund ta fitojnë një ditë. Gjithsesi nuk bëj tifo për Juventusin, sepse jam tifoz i Interit.
Barcelona mendoj që ka shanse ta fitoje Champions, sepse ka një skuadër të fortë. Megjithatë, nuk do jetë e lehte të kalojë Liverpulin, në një gjysmëfinale mjaft të fortë edhe interesante”, deklaroi Materaci.
Më tej ai i është përgjigjur interesit të gazetarëve për trajnerin e ri të Kombëtares, Edi Reja. Materaci është shprehur se ai është një trajner qē ka bërë mirë te Lacio dhe Napoli, ndërsa ka theksuar se Shqipëria ka një ekip cilësor.
“Shqipëria ka marrë një trajner kompetent si Edi Reja, i cili ka punuar shumë mirë te Napoli dhe te Lazio. Është një prej teknikëve të gardës së vjetër, por që e njeh mirë punën e tij.
Keni një kombëtare cilësore, edhe pse ne dy vitet e fundit ka pasur rënie pas pjesëmarrjes në Europian. Megjithatë, keni lojtarë cilësorë që aktivizohen në liga të rëndësishme, madje edhe në Itali”, u shpreh Materaci.
Edi Reja është zyrtarisht trajner i ri i ekipit tonë kombëtar, që merr postin e lënë vakant nga Christian Panucci, i cili u shkarkua nga detyra më 23 mars të këtij vitit pas humbjes së ndeshjes zyrtare me Turqinë.
Ndonëse 73-vjeç, Edi Reja ka treguar se është energjik dhe ka dëshirë të provojë një tjetër eksperiencë si trajner, ku për herë të parë do të drejtojë në nivel ekipesh përfaqësues. Eksperienca e tij e madhe është akumuluar ndër vite, pasi ka drejtuar shumë klube të njohura në Itali, me të cilat ka pasur sukses. Po kush është Edi Reja?
Jeta dhe karriera si lojtar!
Emri i tij është Edoardo Reja (Edy shkurt), i lindur më 10 tetor 1945 në Lucinico, një rajon i vogël afër kufirit italo-slloven. Karrierën si futbollist e ka nisur me të rinjtë e skuadrës së Spal në vitin 1963, ndërsa dy vite më pas është bashkuar dhe ekipin e parë të Spal që shkonte në Serinë A.
Pas vitit 1968 ai bashkohet me skuadrën e Palermos, ku aktivizohet për 5 vite si mesfushor duke luajtur në total 12 ndeshje, ndërsa dy vitet e fundit të karrierës, Reja do të luante me skuadrën e Alessandrias.
Karriera si trajner në nivele amatore!
Në vitin 1979 ai nis punë zyrtarisht si trajner, duke drejtuar fillimisht ekipin e Molinella në Serinë D, ndërsa më pas do të drejtojë ekipe të ndryshme në kategoritë e ulta të futbollit italian deri në vitin 1989.
Në këtë vit ai përzgjidhet si trajner i Pescaras në Serinë B, ndërsa dhjetë vite pasi drejton klube të ndryshme në Serinë B, ai do të debutonte, më 1998, si trajner edhe në Serinë A me skaudrën e Viçenzas.
Debutimi si trajner në Serinë A!
Më pas karriera e Edi Rejas vjen në ngritje, pasi në shekullin e XXI ai bëhet trajner i disa klubeve të rëndësishme të Serisë A në Itali, ku përfshihen emra si Genoa, Catania, Cagliari dhe Napoli, klub të cilin e drejton për katë vite radhazi deri në vitin 2009, kur largohet dhe merr drejtimin e Hajduk Splitit në Kroaci.
Më pas do të rikthej përsëeri në Itali ku drejton Lazion për dy sezone, dhe më pas Atalantën në sezonin 2015-2016, ku mbyll karrierën si trajner dhe i futet botës së vëzhgimit dhe përzgjedhjes së lojtarëve.
Shqipëria do të jetë eksperienca e tij e parë si trajner në nivel kombëtaresh, ku ashtu siç u shpreh ai, nuk ka ardhur me objektiva të bujshme, por për të bërë mirë dhe për të krijuar një filozofi loje, gjë e cila mungoi gjatë drejtimit të Kombëtares nga Christian Panucci.
Informacione personale!
Edi Reja është martuar me gruan e tij Livia në vitin 1969, të cilën e njohu gjatë kohës që luante me Spal në Ferrara, kur luante së bashku me Fabio Capelon, që është një nga miqtë e tij më të mirë gjatë jetës.
Armand Duka dhe Edi Reja kanë hedhur firmat respektive në
kontratën, që e bën trajnerin italian pasardhës të Christian Panuccit në krye të
stolit kuqezi. Ndonëse ishte parashikuar një konferencë për shtyp në orën 15:00
e numrit një të FSHF-së, Armand Duka, dhe trajnerit të ri të Kombëtares, Edi
Reja, ajo është shtyrë me më shumë se një orë, për shkak të një vonese me
avionin që Reja erdhi në Shqipëri nga Italia.
Pasi firmosën kontratën, Duka dhe Reja u janë përgjigjur
intersitë të gazetarëve në lidhje me bashkëpunimin e ri. Edi Reja ka firmosur
një kontratë që e mbanë të lidhur me Shqipërinë deri në fund të muajit nëntor të
këtij viti, periudhë që përkon dhe me përfundimin e ndeshjeve kualifikuese të
Euro 2020. Nëse gjërat shkojnë me sukses, kontrata mund të shtyhet, në të kundërt
Reja largohet. Më poshtë është fjala e plotë e Armand Dukës dhe Edi Rejas dhënë
për gazetarët.
Armand Duka
“Do të doja t’i uroja mirëseardhjen Rejas në krye të kombëtares.
Duhet të kemi performancë më të mirë dhe pse jo pjesëmarrje në Europian.”
Edi Reja
“Shpresoj që të
krijojmë marrdhënie të mirë me shtypin. Edhe nga përvoja ime personale, kam
kërkuar të krijoj amrrdhënie të mirë me shtpin, kudo ku kam qënë. Faleminderit
presidentit Duka që besoi te mua. Nuk ka qenë eksperiencë e mirë për mua.
Skuadra u vendos në vështirësi. Jam i angazhuar me përzgjedhje lotjtarësh. Nga
natyra ime nuk më pëlqen të flas gjatë, kështu që pres pyetjet tuaja.”
Cili detaji iu bindi ti thoni “po” Shqipërisë dhe
objektivat?
“Kontrata ime është deri në nëntor dhe më pas do të shohim dhe nga kushtet. Unë firmos zakonisht kontrata njëvjeçare, sepse janë rezultatet që vendosin. Kisha mundësi të punoja në Itali, por kisha dëshirë të drejtoja një kombëtare dhe ja ku erdhi rasti të drejtoj Shqipërinë. Dua të përshëndes Panuçin për punën që ka bërë, më vjen keq që u largua. Duka më telefonoi pas shkarkimit të Panuçit dhe jam krenar për këtë ofertë.”
Keni bashkëpunuar me Taren për shumë vite, ke marrë ndonjë
këshillë nga ai?
“Igli Tare më telefonoi kur e mori vesh se isha një nga kandidatët dhe më tha:
‘Çfarë bën në shtëpi, shko me vrap’. Do të flas dhe me të kur të shkoj në Romë.
Atje është dhe Strakosha që e kam përzgjedhur unë kur isha atje, pasi e kam
ndjekur që fëmijë kur erdhi dhe e pranova.”
Çfarë duhet të bëjë Shqipëria për të përsëritur veten?
“Mua më pëlqen të
impostoj skuadra me logjikë, unë kam qejf skuadrat agresive, por jo gjithmonë.
Kjo është një punë që duhet ta bëj në pak kohë. Varet nga shumë situata, varet
nga grupi. Çfarë stimujsh mund të ketë lojtari. Në vitet që kam gjatë
eksperiencës time, arrij të kuptoj dhe t’u hyjë në kokë lojtarëve. Në këtë
punë, kushdo që punon me kombëtaret nga që si ka gjithë kohën lojtarët, duhet
të hyjë në mënyrë sa më të shpjete në sintoni me ta. Më lini pak kohë të njoh
skuadrën dhe që shohim rezultatet.”
Armand Duka
Federata ka limite në financë, por zgjodhi një trajner
ekspert…
“Mendoj se kemi bërë
më të mirën. Pasi të përfundoj do të shohim nëse kemi bërë mirë apo keq. Një
trajner me eksperiencë, besoj se do të japi atë që ka nevojë ekipi ynë. Kemi
lojtarë cilësorë. Kanë nevojë për një ekspertizë, për një motiv dhe besoj
se Reja i ka cilësitë për ta bërë këtë. “
Ndërhyn Reja: Nuk ka të bëjë fare ana financiare. Kalon në plan të dytë
për mua. E rëndësishme është të ndërtojmë një grup që të identifikojë kombin.”
Thatë që pranoni të punoni me afat të shkurtër…
“Të shikojmë sepse nëse funksionon projekti do të varet nga federata. Nuk është problem. Kemi një objektiv të qartë, të shkojmë në Europian dhe të bëjmë figurë të mirë. Ka shumë ndeshje, për mua për skuadrën për të gjithë.”
Armand Duka
E vërteta e Shkodrës?
“Jemi takuar pas
ndeshjes, patjetër që i kam kërkuar një opinion, e njihni Shqipërinë, e
keni parë më parë. Pa e menduar se do të jetë ai trajner i Shqipërisë. Pastaj
kemi folur në telefon, jemi takuar në Bolonja. Gjëja që më ka bindur më shumë
që besoj se është zgjidhje e duhur është eksperienca e madhe dhe mënyra si i ka
trajtuar problemet. Kishte informacion për të gjithë futbollistët që janë jo
vetëm në kombëtare, por edhe rreth e rrotull”.
Edi Reja
A mund të na zbuloni diçka për mënyrën e lojës?
“Kam parë skuadrën që luan me 4 pas, pasi jep më shumë garanci. Unë gjithnjë luaj me tre në qendër, por duhet parë mënyra e lojës. Nuk dua të ndryshojë shumë filozofinë e kësaj skuadre dhe asaj që kishte bërë De Biazi. E rëndësishme është që skuadra duhet të punoj.”
Çfarë roli ka luajtur De Biazi që i’u te merrnit drejtimin
e Shqipërisë?
“De Biazi është
historia e fundit e Shqipërisë, ne jemi miq dhe me Panuçin. Me De Biazin kam
folur me të për disa gjëra, pasi kemi dhe një raport të mirë. Kam folur me
De Biasin dhe më ka treguar gjëra fantastike për Shqipërinë dhe kjo për shkak
të rezultateve të mira që ka pasur. Mendoj se duhet të duartrokas për atë që ka
bërë De Biasi ka qëndruar 4 vite këtu. Duhet përgëzuar dhe Tramezzani, pasi ka
qenë ish-lojtari i imi. Njoh mirë dhe Xhimshitin, pasi i kam besuar kur ka
ardhur në Itali dhe hap pas hapi po bën mirë dhe luan te Atalanta.”
Sa do qëndroni në Shqipëri?
“Shqipëria është një vend i bukur për të jetuar. Ne trajnerët kemi dhe nevojën të qetsohemi. Për shembull kemi dhe Durrësin afër (duke qeshur). Unë do të jem në Shqipëri, pasi dua të di çdo gjë që ndodh në këtu. Unë duhet të qëndroj këtu, pasi duhet të njoh më tepër situatat rreth meje dhe të gjithë bashkëpunëtorët e mi.”
I njihni mirë lojtarët e Shqipërisë, ka potencial kjo
skuadër për të shkuar në Europian?
“Mendoj se Shqipëria
ka potencial për të luajtur. Besoj se kjo skuadër mund të bëj mirë. Megjithëse
kërkoj maksimumin nga të gjithë lojtarët”
Nëse një lojtari të kombëtares do t’i ndodhte të humbiste
avionin do ta linit jashtë?
“Që të jetë një
disiplinë ndaj çdo lojtari për të arritur përpikmërinë, kjo patjetër. Unë do e
gjobisja, por nëse lojtari është i rëndësishëm për mua unë nuk heq dorë. Të
gjithë lojtarët janë një lloj thuhet, por nuk është kështu sepse ka lojtarë që
janë thelbësor”.
“Kam trajnër shumë
lojtar me potencial, por ata nuk kanë patur mendësinë e nëvojshme. Strakosha
vetëm humbi avionin, por s’di të ketë ndonjë debat tjetër. Një lojtar që do
Kombëtaren duhet t’i marrë masat një orë para për të mbërritur me përpikmëri.
Por nga ana ime do të kisha vendosur ta gjobisja”
Keni punuar si vëzhgues talentesh, keni parë lojtarë nga
kampionati shqiptar…
“Kam parë diçka.
Mendoj se lotjarët shqiptarë mund të bëjnë mirë në të gjithë Europën. Të gjithë
do të ndiqen. Është mirë të ndiqen të gjithë. “
Shqipëria i ka besuar shumë trajnervë italianë, besoni se
do të sillni një tjetër futbolli, apo atë futboll që është i prapambetur?
“Trajnerët italian kanë bërë mirë. Ançeloti, Sarri, Kapelo kanë fituar gjithandej. Është një kulturë që ne kemi si teknikë, kemi bërë mirë në gjithë botën. Nuk mund të thuash që trajnerët italianë janë të mbaruar. Në Champions luajnë lojtarët dhe jo trajnerët. Për fat ne nuk jemi ata më të parët. Këto janë pyetje të momentit. Juventusit i mungonin lojtarë të rëndësishëm, nuk kishin kondicion të plotë. Ka qenë skuadra më e mirë që kemi parë.
E merr në konsideratë Reja një lotjarë që thotë se nuk do
të vij sa të jetë ky trajner…
Ai duhet të shohë
kombëtaren jo për trajnerin, por për veten dhe federatën. Por, ka bërë 6-7
gola këtë sezon, dhe është një lojtar me vlera të mëdha. Është më shumë
ofensiv, dhe disi më pak defensiv. Të gjithë lojtarët duhen vlerësuar dhe të
shikojmë në çfarë gjendje janë, dhe më pas do bëjmë grumbullimin
Armand Duka
Në 2 këndvështrime
nuk do të t’i thoja jo Lenjanit, sepse më ka gëzuar me kontributin e tij në
Kombëtare, prej më shumë se 7-8 vitesh. Do ta kondicionoja shumë një trajner të
ri, po t’i thoja që s’do të marrësh këtë, dhe kështu do i bëja skuadrës.
Pavarësisht se çfarë thuhet, Lenjanit i ka shkuar ftesa me shumë vonesë, të
përcaktuara nga rregulloret e FIFA
Bashkëpuntorët?
“Unë kam që tani
bashkëpuntorët e mi. Emrat do të bëhen të ditur kur çdo gjë të bëhet zyrtare,
pra nga java tjetër. Duhet të flas dhe me presidentin, pasi duhet ta
zyrtarizojë dhe ai.
Pritjes
i erdhi fundi, pasi nesër shqiptarët do të njihen me trajnerin e ri të ekipit
tonë kombëtar. Me anë të një njoftimi shpërndarë gazetarëve, Federata Shqiptare
e Futbollit ka njoftuar një konferencë për shtyp ditën e nesërme me Presidentin
e FSHF-së, Armand Duka, e cila do të mbahet në orën 15:00 në ambientet e federatës.
Është
e qartë se kjo konferencë do të mbahet për të prezantuar trajnerin e ri të
ekipit kombëtar të futbollit, që do të zërë vendin e Christian Panuccit, i cili
u shkarkua pasi humbi ndeshjen e parë kualifikuese të Euro 2020 me Turqinë.
Ndonëse
federata ka qenë hermetike me informacionet për mediat, megjithëse këto të
fundit kanë arritur të zbulojnë, ndonëse ende pa e konfirmuar 100%, se trajneri
i ri i Shqipërisë do të jetë Edi Reja.
Italiani
në moshë 73-vjeçare pritet të jetë krah Armand Dukës nesër për t`u prezantuar
para medieve, teksa aktualisht janë zbuluara dhe detaje nga kontrata që do të
firmosë Edi Reja me FSHF-në.
Mediat
italiane kanë raportuar se trajneri i ri i Kombëtares së Shqipërisë, do të ketë
dhe një ndihmës po italian, ndërsa kontrata fillestare mund të nënshkruhet deri
në përfundim të këtij viti me të drejt rinovimi.
Nëse
Shqipëria përfundon me sukses kualifikueset e Euro 2020 dhe kap fazat finale të
këtij kompeticioni. Kështu trajneri i ri, që pritet të përfitojë një rrogë pak
më të lartë se ajo e Panuccit, do të përfitojë bonuese financiare dhe të tjera
benefite.
