Tërmeti, Forcat shqiptare dhe ato aleate në Herat mbledhin fonde

Solidariteti për të prekurit nga tërmeti në Shqipëri është shtrirë deri në Afganistan. Forcat e Armatosura Shqiptare, Kontigjenti i VI që ndodhet në Herat, mbylli misionin e tij duke organizuar një garë vrapi me ushtarakë të ushtrive aleate.

Gara është është zhvilluar me qëllim mbledhjen e fondeve, të cilat më pas do të shkojnë për të prekurit nga tërmeti. Lajmi për këtë garë e dha Ministrja e Mbrojtjes, Olta Xhaçka.

“Kontigjenti i VI shqiptar në Herat e mbylli misionin duke organizuar një garë vrapi mes ushtarakëve aleatë e partnerë, për të mbledhur fonde për të prekurit nga tërmeti i 26 nëntorit në Shqipëri.

Pas aktivitetit solidarizues, trupat e Batalionit të II të Këmbësorisë ia dorëzuan detyrën kolegëve të Policisë Ushtarake, për të vijuar kontributin e vendit tonë në misionet paqeruajtëse të NATO-s”, shkruan Xhaçka.

Ambasadori italian: Gati 20 milionë euro për projektet me Shqipërinë

Ambasadori italian Alberto Cutillo ka deklaruara se Italia është e gatshme të zhvillojë projekte dhe të mbështesë financiarisht qeverinë shqiptare në programe të ndryshme. Këto deklarata Cutillo i bëri pas inspektimit të qendrës së re shëndetësore në Vaun e Dejës, një investim prej 68 milion lekësh, ku një kontribut kryesor kishte edhe Italia.

“Kemi fondet për të nisur një program të ri mbështetje prej 20 milionë euro.” tha Cutolli, ndërsa shtoi se “qeveria italiane është duke pritur qeverinë shqiptare të jetë gati, në mënyrë që të hapim garën për projektet që do të mbështeten në të ardhmen.”