Tag: fondi

Vettingu, 18 milionë lekë për rivlerësimin e gjyqtarëve

Këshilli i Ministrave ka akorduar 18 milionë lekë për disa prej institucioneve të drejtësisë së re. Vendimi i Këshillit të Ministrave akordoi shumën për organet e Vettingut që kryejnë rivlerësimin e gjyqtarëve dhe prokurorëve për pastrimin e sistemit të drejtësisë. Konkretisht shuma prej 18 milionë lekësh do të ndahet në 7 milionë lekë për Komisionerin Publik, 9 milionë lekë për Komisionin e Pavarur të Kualifikimit si dhe 2 milionë për Komisionin e Posaçëm të Apelimit.

Vendimi u morr gjatë mbledhjes së të mërkurës të Këshillit të Ministrave me kërkesë të Ministrisë së Financave dhe të Ekonomisë në kuadër të projektbuxhetit rezervë të 2019.

Procesi i Vettingu është një ndër më të vlerësuarit edhe nga ndërkombëtarët që do të bëjë të mundur krijimin e një drejtësie të re, që vijon me dorë të hekurt pastrimin e gjyqësorit nga korrupsioni dhe krimi.

Tërmeti, miratohet fondi: 1 mln dollarë për dëmet

Këshilli Bashkiak i Tiranës ka zhvilluar një mbledhje urgjente pasditen e të dielës, ku ka miratuar fondin 1 milion dollarë për t`u ardhur në ndihmë familjeve të prekura nga tërmeti. 20% e këtij fondi, do të shkojë në ndihmë të bashkisë së Durrësit si fond solidariteti për t`u ardhur në ndihmë familjeve të prekura nga tërmeti në këtë qytet. Gjatë fjlaës përpara këshilltarëve, Erion Veliaj u shpreh se mandati i ri po nis me një sfidë të madhe për të gjithë.

“Sot po kalojmë një fond prej 1 milion dollarësh të ndarë 80% për qytetin e Tiranës, por në mënyrë simbolike vendimi i parë është për 20% të këtij fondi, pra 200 milionë lekë, për qytetin e Durrësit, në ndihmë të koleges sonë atje, që ka një sfidë akoma më të madhe. E fillon mandatin me një sfidë të jashtëzakonshme, me tërmet në qytetin e saj, kështu që do të doja shumë që t’i gjendeshim pranë Valbonës dhe vëllezërve e motrave në Durrës”, theksoi Veliaj.

Ndërkaq, nisur nga situata, Bashkia e Tiranës miratoi me urgjencë edhe dy vendime të rëndësishme që u vijnë në ndihmë njerëzve në vështirësi ekonomike. Kështu, pagesat për muajin shtator për të gjithë njerëzit me aftësi të kufizuar dhe ata që marrin pagesa nga fondi 6% për ndihmën ekonomike do ta marrin atë më parë. Në shenjë solidarizimi, anëtarët e Këshillit Bashkiak të Tiranës vendosën unanimisht që pagën e tyre të shtatorit ta dhurojnë për të prekurit nga tërmeti.

Skip to toolbar