Tag: gaz lotsjelles

“Gazi lotsjellës u përdor vetëm në situata ekstreme”

Ministri i Brendshëm, Sandër Lleshaj tha se gazi lotsjellës është përdorur në protestë vetë në rastet kur ajo ka shkuar në ekstrem. Lleshaj shtoi se nuk janë përdorur Forcat e Ndërhyrjes së Shpejtë në linjën e parë për të shmangur konfrontimet fizike. I ftuar në Top Show, ministri u kërkoi gjithashtu ndjesë banorëve që janë prekur nga gazi lotsjellës.

“I kërkoj ndjesë çdo qytetari që është prekur në mënyrë të padrejtë nga përdorimi i gazit lotsjellës në protestë. Opozita e ka spostuar në mënyrë tinëzare protestën nga bulevardi në qendër të banuar. Është trishtuese që qytetarë nëpër shtëpitë e tyre janë prekur nga gazi. Shmangëm FNSH-në në protesta për të shmangur konfrontimet fizike.” – tha Lleshaj

Gazi lotsjellës, i certifikuar nga BE dhe importuar edhe gjatë qeverisë Berisha

Gazi lotsjellës i përdorur gjatë protestave të opozitës nga policia ka ngjallur reagime të shumta nga qytetarët, të cilët kanë mbetur të lënduar por dhe vetë organizatorët e protestës.

Opozita është shprehur shpesh se gazi lotsjellës mund të ketë përmbajtje të tjera kimike që janë të dëmshme për shëndetin e njeriut.

Por sipas një dokumenti zyrtar gazi i përdorur është i certifikuar nga BE dhe NATO dhe se të tilla granata apo fishekë lotsjellëse për shotgan janë importuar edhe më 23 mars 2011 në kohën kur qeveriste Sali Berisha, pak kohë pas protestës së 21 janarit.

Dokumentet tregojnë se ky gaz është certifikuar sipas parametrave të Bashkimit Europian dhe lëndë të ngjashme tregtohen në të gjithë vendet e Europës perëndimore. Përveç efekteve të parashikuara, si lotët, kolla dhe veshja e shikimit, gazi nuk përmban elemente të tjerë të dëmshëm.

Skip to toolbar