Një aksident i rëndë ajror, që i ka marrë jetën një familje të tërë, ka ndodhur në Alpet e Zvicrës. Helikopteri me të cilën po udhëtonte familja e kompozitorit anglez, Jonathan Goldstein shpërtheu në ajër duke lënë atë, gruan e tij dhe vajzën të vdekur.
Helikopteri tip “Piper PA-28 Arrow” shpërtheu ndërsa familja fluturonte drejt Italisë. Trupat e 3 viktimave u gjetën nga policia zvicerane, ndërkohë nuk dihet se çfarë e ka shkaktuar shpërthimin e helikopterit.
Një helikoptare është rrëzuar në zonën e Poros në Greqi, dhe si pasojë kanë mbetur të vdekur tre persona. Mësohet se gjatë orës 15:39 me orën lokale të shtetit fqinj, helikopteri është rrëzuar në ujë në zonën midis Poros dhe Galatas, pasi ka prekur në telat e energjisë elektrike. Si pasojë helikopteri është rrëzuar në ujë, duke bërë që të humbin jetën tre personat që ndodheshin në bord, piloti, një shtetas grek, dhe dy persona të tjerë rusë.
Pas ngjarjes skuadrat e shpëtimit kanë nisur kërkimet për nxjerrjen e trupave nga uji, dhe vetëm dy orë pas aksidentit, është bërë i mundur nxjerrja e tyre në breg. Për shkak të aksidentit ka pasur një ndërprerje të energjisë elektrike në ishullin Poros dhe zonën e Galatas.
Sipas autoriteteve vendase, energjia elektrike do të mungojë deri në orët e para të 21 gushtit, pasi është dëmtuar linja e transmetimit që u bë shkak për rrëzimin e helikopterit. Mjeti fluturues që u aksidentua në Greqi, ka qenë një helikopter Agusta A109, ishte nisur nga Kranidi në drejtim të aeroportit të Athinës “Eleftherios Venizelos”, ku do të dërgonte dy pasagjerët rusë.
Një helikopter është rrëzuar në krye të një ndërtese në 7th avenue në Manhattan, shumë afër Trump Tower që është 5 th Avenue. Helikopteri u shfaq për të bërë një ulje në çatinë e 7th Avenue, por duket se helikopteri ka pasur një “vështirësi në ulje”. Autoritetet raportojnë se piloti ka vdekur, ndërsa një zjarr shpërtheu kur helikopteri goditi çatinë. Forcat zjarrfikësit e kanë vënë zjarrin nën kontroll. Në një deklaratë për mediat autoritetet thanë se nuk ka asnjë indikacion se rrëzimi ishte i lidhur me terrorizmin, por ka ende shumë gjëra të paqarta në lidhje me aksidentin. “Helikopteri qëndroi në ajër vetëm për 11 minuta. Ai u ngrit në fluturim në orën 1:32 dhe rreth 11 minuta më vonë u rrëzua” tha komisari i policisë James O’Neill
Guvernatori i New Yorkut, Andrew Cuomo në një prononcim për mediat tha se “Informacioni paraprak është se ka pasur një helikopter që bëri një ulje të detyruar, ulje emergjente, ose u ul në çatinë e ndërtesës për një arsye apo një tjetër. Njerëzit që ishin në ndërtesë thanë se ndjenin që ndërtesa të dridhej,” shtoi ai.
Në lidhje me rastin ka reaguar edhe Presidenti Trump duke shkruajtur në Twitter se po monitoron situatën dhe qeveria është gati për çdo lloj ndihme që kërkohet.
“Administrata e Trump është e gatshme nëse keni nevojë për ndonjë gjë,” ai shkroi në Twitter.
Një aksident me pasojë vdekjen e tre personave ka ndodhur mëngjesin e sotëm në aeroportin Lukla në Nepal. Një avion i tipit Summit Air, që po bëhej gati të ngrihej në fluturim nga aeroporti, që ndodhet në malet Himalaje, mësohet të ketë dalë nga pista dhe të jetë përplasur me një helikopter që ndodhej në zonën e parkimit.
Incidenti ka ndodhur mëngjesin e sotëm rreth orës 09:10 me orën lokale, ndërsa nga aksidenti kanë humbur jetën tre persona. Mes tyre është piloti i avionit, Sunil Dhugana dhe një punonjës i policisë, të cilët kanë gjetur vdekjen e menjëhershme, ndërsa një tjetër punonjës policie ka humbur jetën gjatë rrugës për në spitalin e Katmandus, ka deklaruar Shefi Ekzekutiv i Aeroportit “Lukla” në Nepal.
Avioni nuk ka pasur asnjë pasagjerë në bord, teksa ishte duke u nisur për në Manthali, ka thënë një oficer policie në Nepal. Lukla është një aeroport i vogël mes maleve himalaje i ndërtuar në 2845 metër lartësi mbi nivelin e detit. Ky aeroport i shërben shumë turistëve dhe alpinistëve nga e gjithë bota, që vizitojnë çdo vit malet Himalaje në Nepal, apo ngjisin majën më të lartë të botës, Everest.
