Islanda kalon në “sitë” Turqinë në aeroport, Ankaraja e quan “incident diplomatik”

Një incident gjatë kontrollit të lojtarëve të ekipit kombëtar turq në aeroportin e Rejkjavikut në Islandë, ka marrë përmasat e një problemi diplomatik. Mediat raportojnë se ekipi turk ka fluturuar drejt Islandës për ndeshjen që do të zhvillojë me këtë të fundit më 11 qershor, e vlefshme për kualifikueset e Euro 2020. Pas mbërritjes në aeroport, ekipi turk, sipas mediave, është mbajtur gjatë në kontrollin e pasaportave për më shumë se dy orë, pas dhënë asnjë shpjegim përë këtë.

Lojtarët i janë nënshtruar një verifikimi dhe kontrolli të rreptë. Gjithashtu, sendet private dhe bagazhet e lojtarëve janë kontrolluar imtësisht nga autoritetet e sigurisë në aeroportin e Rekjavikut. Për shkak të këtij incidenti, siç e ka quajtur pala turke, ka pasur shumë reagime nga shteti nga organet shtetërore në Turqi.

Trajtimi i ekipit tonë kombëtar të futbollit në aeroportin e Islandës është i papranueshëm si në aspektin e praktikave diplomatike dhe në kuptimin humanitar. Kombi ynë nuk duhet të ketë dyshime se ajo që është e nevojshme do të bëhet”, shkroi ministri i Jashtëm turk Mevlüt Çavuşoğlu në Twitter.

Lojtari Burak Yılmaz tha se siguria e aeroportit konfiskoi bagazhet e anëtarëve të ekipit ndërsa disa pjesëtar të stafit u mbajtën gjatë në kontrolline sigurisë për disa orë. “Kjo është mungesë respekti dhe vulgaritet. … Fluturuam për gjashtë orë e gjysmë dhe kemi pritur tre orë. Disa nga miqtë tanë ende nuk kanë dalë”, tha Yılmaz.

Zëdhënësi presidencial i Turqisë İbrahim Kalın gjithashtu komentoi këtë incident.  “Trajtimi i mospërfillshëm ndaj ekipit tonë kombëtar në Islandë nuk është i pranueshëm dhe çfarë është e nevojshme do të bëhet. Shteti dhe kombi ynë qëndrojnë pranë ekipit tonë kombëtar“, shkroi Kalın në Twitter.

Kujtojmë se Turqia dhe Islanda janë të dy ekipe që bëjnë pjesë në grupin ku luan dhe ekipi ynë kombëtar i futbollit, për ndeshjet kualifikuese të euro 2020. Vetëm tre ditë më parë, ishte skuadra jonë kombëtare që luajti ndaj Islandës në Rejkjavik, ku të besuarit e Edy Reja dolën kokulur.

“Për fajin tënd jam refugjat”, Përplasje diplomatike mes Cakaj dhe Daçiç

Gjatë Ministerialit të Ministrave të Jashtëm të rajonit që u mbajt në Varshavë, ministri Gent Cakaj është përplasur me homologun e tij serb, Ivica Daçiç.

Kërkesën e Daçiç, ku kërkoi që Ministri i Jashtëm i Kosovës, Behgjet Pacolli të mos ishte pjesë e takimit, nuk e ka pëlqyer aspak ministri Cakaj, i cili ka replikuar duke i thënë se kjo politikë që Serbia ndjek është pa sens dhe se për faj të kësaj politike ai vet ka 28 vite refugjat.

“Fjalimi i Daçiç është një retorikë e shekullit XX dhe totalisht pa vend dhe pa sens. Daçiç ka 28 vite në politikë e unë kam 28 vite jetë. Por për shkak të 28 viteve të tij, unë kam 28 vjet refugjat.” – tha Cakaj.

Debati mes dy ministrave do të vazhdonte por të mos ishte për drejtuesit e takimit që i mohuan fjalën Daçiç.

Një incident i ngjashëm ndodhi edhe disa ditë më parë në Konferencën mbi “Klimën në Ballkanin Perëndimor” që u mbajt në Tiranë, ku delegacioni serb nuk pranoi të rrijë bashkë me delegacionin kosovar duke u larguar.

Skip to toolbar