“Enveri mburrej se ishte diktator”

Ish mjeku i Enver Hoxhës, Isuf Kalo tha në ‘Real Story’ se Enveri e kishte krenari dhe mburrej me faktin që ishte diktator. Ai tha se nuk e mendonte dhunën dhe spastrimin si krim apo vrasje , por një mjet të nevojshme që diktatura ta lejonte për të arritur ‘qëllimet e partisë’

“ Enver Hoxha pranonte dhe mburrej se ishte diktator. Ai krenohej me të. Dhunën e mendonte si një mekanizëm të nevojshme të një regjimin diktatorial për të arritur atë që partia apo ai vetë synonte.” tha Kalo

Isuf Kalo shtoi se Enveri dyshonte tek të gjithë dhe për çdo gjë, por vetë nuk e ka ndjerë asnjëherë dyshimin mbi veten. “Unë kam mjekuar diktatorin, jo diktaturën. Ai dyshonte por unë nuk jam ndjerë i dyshuar. Ai më ka besuar.”

Isuf Kalo: Më akuzuan se helmova Enverin, pastaj pse i zgjata jetën

“Më kanë akuzuar për helmim të Enverit dhe më pas pse i zgjata jetën” tha ish mjeku personal i Enver Hoxhës, Isuf Kalo në emisionin ‘Real Story’. Akuza këto të hedhura nga nusja e djalit të Enver Hoxhës, Liliana Hoxha, që në fakt Kalo i ka cilësuar si akuza të lindura nga paranoja e bllokut. Kalo tha se Enveri nuk ishte helmuar dhe se këto akuza që e helmova dhe më pas ‘90 më akuzon se pse ja zgjata jetën janë pa baza dhe të kota.

“Ajo që më ka akuzuar për helmimin e Enverit, ka qenë paciente e imja. Pas 90′ jam akuzuar se pse i zgjata jetën diktatorit. Pas publikimit të librit më akuzoi se ringjalla sërish Enver Hoxhën. Këto në fakt janë akuza të kota të ngritura nga paranoja e Bllokut. Enveri nuk vdiq nga helmimi. Unë kam mjekuar diktatorin, jo diktaturën. Ai dyshonte por unë nuk jam ndjerë i dyshuar. Ai më ka besuar.’ tha Kalo në ‘Real Story’

Ish-mjeku i Enver Hoxhës: Blloku mendohej si “Parajsë”, por ngjallte frikë

Ish mjeku personal i diktatorit Enver Hoxha ka folur mbi jetën që bënin njerëzit e Bllokut në kohën që ai shërbente si mjek në zonën më të mbrojtur dhe enigmatike të Tiranës. I ftuar në emisionin ‘Real Story” në News 24 , Isuf Kalo tha para gazetarit Sokol Balla se Blloku duket nga jashtë si “Parajsa’ në Tiranë, por në fakt brenda mbizotëronte një territor frike dhe kujdesi maksimal në çdo fjalë apo veprim që mund të bëhej. Në lidhje me faktin se a pati frikë të publikonte librin e tij “Blloku” dhe pse ishte i vetmi që foli për jetën që bëjnë në Bllok, Isuf Kalo tha se ai ka kaluar një pjesë të madhe të jetës në Bllok dhe se kishte parë shumë ngjarje e situata që mund të tregoheshin, edhe pse cilëson se ky libër nuk mban monopolin e të vërtetës.

“Blloku ishte mendësi e supermacisë së një kaste mbi njerëzit e tjerë. Nuk kam pretenduar që kam monopolin e të vërtetës, në këtë libër. Pres çdo këshille apo vërejtje. Ai është i bazuar në impresionon dhe përjetimet e mia. Në Bllok jetonin bllokistë edhe pse nuk lidheshin me zonën e Bllokut, ato kishin mentalitet të njëjtë. Por njëkohësisht brenda bllokut jetonin edhe një armatë e madhe njerëzish që i shërbenin bllokistëve, ku bëja pjesë dhe unë si mjek. Në paguheshim nga shteti, jo Blloku. Kisha perceptimin se blloku ishte një pjese Parajse në Tiranë, pasi ashtu dukej nga jashtë. Por në fakt ishte një territor ku mbizotëronte frika” tha Kalo

Isuf Kalo tha se ai vetë nuk kishte ndjerë frikë në Bllok, por ndroje se mos ndonjë fjalë apo veprim i tij mund të keqinterpretohej dhe në këtë rast frika shoqërohej me familjen dhe persekutimin e saj.

“Unë nuk u përzjeva në çështje politike të tyre, nuk mora asnjë post. Kjo ndoshta më la larg shigjetimit nga bllokistët. Megjithatë blloku ishte një ambient ku të gjithë dinin diçka për njëri-tjetrin dhe kishin frikën e njëri-tjetrit. Unë personalisht nuk kisha frikë, por droje se mos kishe bërë diçka që nuk duhej apo dikush mund të bënte interpretime të gabuar për atë që mund të bëja. Frika më e madhe ishte tek familja, jo individuale.” tha Kalo