Ndalimi i kandidimit të Fredi Belerit për Bashkinë Himarë nga KQZ ka ngjallur reagimin e Athinës Zyrtare. Fredi Beleri është kryetar i Omonias në Himarë, ndërsa hodhi kandidaturën për kryetar të Bashkisë Himarë në zgjedhjet e 30 qershorit.
Në vlerësimin e kandidaturës së tij, KQZ vendosi që Beleri nuk i plotësonte kriteret pasi ishte në shkelje të ligjit. Beleri është gjetur në shkelje të ligjit të dekriminalizimit ku rezulton i dënuar nga Gjykata e Athinës në vitin 1999 për armëmbajtje pa leje dhe nga Gjykata e Vlorës në vitin 2006 për thirrje urrejtjeje nacionaliste.
Ministria e Jashtme greke tha se vendimi i KQZ nuk ka bazë ligjore dhe po ndjek me shqetësim këtë situatë.
“Vendimi i Komisionit Qendror të Zgjedhjeve në Shqipëri për të mos lejuar kandidimit e zotit Beleri është tepër shqetësues. Me sa jemi në dijeni deri më tani ky vendim nuk ka bazë ligjore. Jemi duke ndjekur zhvillimet dhe jemi të gatshëm të ndihmojnë përfaqësuesit e minoritetit.” – thuhet në reagim
