Video/ Dermaku “mur”, Lukaku shpëton Interin nga turpi

Pas Juventus, ishte radha e Interit të ndalej nga një ekip modest. Parma e mbrojtësit të kombëtares shqiptare Kastriot Dermaku i mori një pikë Interit në shtëpinë e këtyre të fundit. Candreva shënoi golin e parë për Inter në të 23` minutë, teksa topi i gjuajtur prej tij nga brenda zone, u devijua dhe nga mbrojtësi shqiptar, Kastriot Dermaku.

Megjithatë, Parama gjeti golin e barazimit me Karamoh që lëshoi një predhë nga jashtë zone në të 26`, duke rihapur lojën. Miqtë nuk u ndalën me kaq, pasi ishte Gervinho që dyfishoi për Parmën në të 30`, pas një gabimi në mbrojtje të Interit.

Me nisjen e pjesës së dytë, skuadra zikaltër u hodh në sulm për të gjetur golin e barazimit. Për këtë mendoi sulmuesi belg, Lukaku. Ai shënoi në dy kohë pas një pasimi të Candrevas në të 51`, duke shpëtuar Interin nga humbja. Interi është në vend të dytë të Serie A me 22 pikë, një më pak se Juventus që kryeson me 23 pikë.

Ndërkohë, pavarësisht devijimit të topit, mbrojtësi i kombëtares shqiptare Kastriot Dermaku është vlerësuar me notë të lartë në këtë ndeshje. Param ndodhet në vendin e 7-të me 13 pikë, duke synuar që të arrijë kupat e europës këtë sezon.

Dermaku: Do jap maksimumin për Shqipërinë, vitin tjetër luaj në Serie A

Kastriot Dermaku është një nga lojtarët me më shumë minuta në këmbë për këtë sezon. Qendërmbrojtësi i Cosenzas ka luajtur titullar me ekipin e tij pothuajse në çdo ndeshje të sezonit në Serie B, duke bërë paraqitje të mira. Ai ka folur për disa tema, mes të cilave ka përmendur dhe atë që është çshtje kryesore për të, transferimin në një tjetër klub. Dermaku u shpreh se në drejtimt ë tij ka disa oferta, duke saktësuar se shanset janë që sezonin e ardhshëm të luajë në Serie A.

Skema e lojës – “Me Cozencan kemi luajtur me katër edhe tre mbrojtës. Ndihem mirë në të dyja sistemet e lojës. Të shohim çfarë mendon trajneri, cili do jetë moduli më i mirë me grupin që ka në dispozicion”.

E ardhmja e Shqipërisë – “Duhet të japim maksimumin, të marrim pikë dhe të shohim deri ku mund të mbërrijë kjo kombëtare. Të gjitha ndeshjet janë të vështira, por me rëndësi është që ta japim maksimumin”.

Konkurrenca – “Konkurrenca është e madhe dhe është pozitive. Nuk pres të jem titullar, do jap maksimumin. Nëse më jepet shansi do kërkoj të jap më të mirën time”.

Partneri në mbrojtje – “Nuk e di me kë dua të luaj. Me rëndësi është të luaj, me këdo. Me rëndësi është të kem minuta dhe të tregoj veten”.

Ndryshimi mes Rejës dhe Panuccit – “Nuk jemi grumbulluar të gjithë që të jap një gjykim të rëndësishëm. Tani ka më shumë liri. Javën tjetër do jetë ndryshe. Mendimi për momentin është pozitiv”.

Ofertat – “Kemi biseduar me disa ekipe. Kontrata më mbaron në qershor. Ka shanse të luaj në Serie A. Më pëlqen me karakteristikat që ka, Pique i Barcelonës. Sot ka mbrojtës shumë të mirë, të rinj që po dalin, si Romagnoli. Edhe Chiellini më pëlqen”.

Goli në Serinë B dhe e ardhmja, Dermaku tregon gjithçka!

Kastriot Dermaku ishte heroi i Cozencës në ndeshjen e fundit në kampionat, pasi qendërmbrojtësi shënoi golin e fitores për ekipin e tij në përballjen kundër Specias.

Ajo fitore e afron Cozencën me vendet e kreut, pavarësisht se zona e play-off është ende larg në Serinë B. Pas ndeshjes, Dermaku ka folur për mediat në Itali, duke treguar emocionet e golit të shënuar dhe objektivat e klubit.

Objektivi – Nuk e di çfarë kanë bërë të tjerët, por di që objektivi jonë ishte të kalonim 40 pikët dhe ia arritëm 3 ndeshje para fundit. Goli ishte i rëndësishëm, hera e parë që shënoj në Serie B dhe kjo më gëzon.

Ëndrra për të kapur “Play-Off”-in? – Nuk e di! Nuk duhet të mendojmë për të siç bëmë dy muaj më parë kur ishim një hap larg nga play-off dhe më pas humbëm disa ndeshje. Tani do të luajmë me më shumë besim. Ndoshta nëse bëjmë një rezultat pozitiv në Benevento, mund të ëndërrojmë. Nuk ishte një fillim i lehtë për një skuadër që vinte nga Seria C.

E ardhmja- Kemi biseduar gjatë javës për këtë gjë. Situata është disi e komplikuar. Kam pasur kontakte nga klube të tjera, por asgjë konkrete. Kontrata ime është drejt përfundimit, do të pres dhe pak.

Kombëtarja- “E dija që do ta kisha të vështirë të vazhdoja, pasi qendërmbrojtës të tjerë u rikthyer. Pres një telefonatë, nëse do të më vijë do jem shumë i gëzuar”.