Merkato
e futbollistëve shqiptarë në Spanjë vijon të jetë aktive. Pas Rei Manajt, që u
bashkua me ekipin e Barcelonës B, një tjetër futbollist i kombëtares ka
ndryshuar ekip.
Bëhet
fjalë për mesfushorin e kombëtares U-21, Kleandro Lleshi, që është bashkuar me
skuadrën e Recreativo në Segunda Divizion në Spanjë. Lleshi do të jetë i
huazuar nga ekipi i Leganes deri në përfundim të sezonit.
Në
gjysmën e parë të sezonit aktual, Kleando Lleshi luajti i huazuar për ekipin e
Fuenlabrada në La Liga 2, ndërsa tani do të luajë në Segunda Divizion, kategori
ku do të luajë gjithashtu dhe Rei Manaj.
Gjatë këtij sezoni, Kleandro Lleshi u aktivizua në disa ndeshje me skuadrën e Fuenlabrada, duke luajtur ndeshjen e fundit me këtë ekip në Copa del Rey. Tashmë, talenti 20-vjeçar do të nis një aventurë të re në Spanjë.
Futollisti
i kombëtares U-21, Kleandro Lleshi debutoi të martën me ekipin e tij të ri të
La Liga 2, Fuenlabrada. Talenti 20-vjeçar u huazua në verë tek ekipi i
Fuenlabrada nga skuadra e Leganes për të pasur më shumë hapësirë aktivizimi.
Lleshi debutoi në ndeshjen e raundit të dytë të Copa del Rey, ku skuadra e tij
u përballë kundër Pena Sport, duke arritur të kualifikohet për në turin tjetër.
Deri më tani, futbollisti i Shpresave nuk ishte aktivizuar pasi kishte pasur lëndime. Megjithatë, mesfushori, që u aktivizua mbrojtës krahu, duket se ka fituar vend në formacion, pasi në ndeshjen debutuese të tij, ai është vlerësuar me notën 7.2, si një nga lojtarët më të mirë të skuadrës në kualifikimin e Fuenlabrada.
Kleandro Lleshi luajti 88 minuta në atë sfidë, duke u zëvendësuar për shkak të një lëndimi të lehtë, por pa rrezik për futbollistin. Tashmë talenti kuqezi pret të debutojë edhe në La Liga 2 me skuadrën e Fuenlabrada, aty ku kundërshtarë do të ketë tre futbollistë të tjerë të kombëtares, Keidi Baren dhe Armando Sadikun te Malaga dhe Rey Manaj tek Albacete.
Futbollisti i Kombëtares shqiptare, Kleandro
Lleshi do të vijojë karrierën në nivele të larta në kampionatin spanjoll të
futbollit. Mesfushori që aktivizohet me ekipin e Leganes, në La Liga, është huazuar në ekipin e
Fuenlabrada në La Liga 2, aty ku do të luajë për një sezon dhe më pas do të
rikthehet tek ekipi i tij. Marrëveshja mes dy klubeve është arritur këtë javë,
ndërsa futbollisti 19-vjeçar, ka firmosur dhe kontratën e re.
Kleandro Lleshi bëhet aktualisht i vetmi futbollist në moshën 19-vjeçare që ka një kontratë profesioniste me një nga klubet e Segunda Divizion (La Liga 2).
Kalimin në formë huazimi te futbollisti të kombëtares, e ka përshëndetur edhe një nga legjendat e futbollit brazilian, që është aktivizuar me Interin dhe Real Madrid, Roberto Carlo. Në një video mesazh, siguruar nga Realstory.al, ish-mbrojtësi i Realit, i uron suksese futbollisti të kombëtares shqiptare për firmën me klubin e ri.
“Përshëndetje Kelandro nga unë Roberto
Carlos. Të uroj shumë suksese dhe të përqafoj fort”, i shkruan ish-mbrojtësi i
majtë, që mbahet mend për gjuajtjet e tij spektakolare dhe të forta, ndërsa
tani vijon karrierën si trajner në nivel klubesh. Kleandro Lleshi është prej
disa sezonesh pjesë e Leganes në Spanjë, ku është aktivizuar kryesisht me
ekipin e dytë.
Paraqitjet e mira kanë bërë që futbollisti të grumbullohet disa në ekipin kombëtar U-21, ndërsa në qershor u thirr dhe nga Edy Reja në kombëtaren A. Ai shihet si një nga talentet e të ardhmes, pasi aktivizohet në qendër të mesfushës, pozicion që aktualisht në ekipin ynë kombëtar e vuan për shkak të ndërrimit të brezave.
Nga ambientet e stadiumit “Elbasan
Arena”, gjatë ditës së sotme kanë dalë në konferencë për shtyp dy lojtarë të
kombtares U-21. Klenadro Lleshi dhe Aristidi Kolaj, ishin dy futbollistët që
kanë folur, në prag të ty ndeshjeve të muajit qershor, asaj zyrtare me Turqinë
dhe 2 ndeshjeve miqësore me Uellsin.
Të dy lojtarët ishin pjesë e
grumbullimit provizor me Kombëtaren A, e drejtuar nga Edy Reja, duke treguar
emocioniet e grumbullimit për herë të parë në ekipin A. “Mikpritja e grupit
ishte shumë e mirë, u ndjeva shumë komod. Të gjithë ishin me dëshirë dhe
lojtarët shumë pozitivë”.
“Sa i përket aktivizimit, i përket trajnerit unë kam për detyrë të stërvitem dhe të kryej detyrat që më takojnë, të tjerat ia lëmë kohës. Çdo gjë vjen me kohën, duke dhënë maksimumin tënd në çdo hap”, ka thënë futbollisti i Leganes B, që sezonin e ardhshëm pritet të debutojë në La Liga.
Shqipëria U-21 do të përballet me Turqinë në ndeshjen zyrtare, që do të zhvillohet në transfertë më 7 qershor. Mesfushori është shprehur se në këtë takim ekipi ynë do të synojë rezultat pozitiv. “Për ne ndeshja me Turqinë është shumë e rëndësishme pasi duhet të marrim rezultat, kjo vjen për arsye se kemi luajtur 2 ndeshje në këto eliminatore dhe nuk kemi marrë atë qe duhet sa i përket rezultatit”.
“Për ne çdo ndeshje është e rëndësishme dhe shkojmë për fitore, pavarësisht kundërshtarit. Futbolli luhet 11 ndaj 11, ne kemi dhënë maksimumin por nuk kemi pasur edhe fatin me vete”, ka thënë mesfushori.
Në fund ai ka folur edhe për të ardhmen e tij, duke u shprehur se këtë sezon do të bashkohet me ekipin A të Leganes në La Liga. “Për momentin luaj me Leganes B por kontratën e kam me ekipin A, shpresoj shumë shpejt ti bashkohem, por është zgjedhje e trajnerit”, është shprehur Klenadro Lleshi.
Ndërsa futbollisti tjetër, Aristidi Kolaj u shpreh: “Ne jemi një skuadër kombëtare shumë e bashkuar dhe po shkojmë në ndeshjen e Turqisë, për të marrë një fitore. Në Itali luaj me ekipin e Sasuolos U-19, kam bërë mirë në kampionat dhe për tu stërvitur stërvitem me ekipin A. Jam grumbulluar edhe për ndeshje miqësore të kombëtares dhe jam ambjentuar me shokët e ekipit”.
Kleandro Lleshi është një nga lojtarët e thirrur rishtazi në ekipin kombëtar nga trajneri Edy Reja. Talenti 19-vjeçar, që aktivizohet në Spanjë me ekipin e Leganes B, do të jetë një nga 12 lojtarët e U21, që do të vëzhgohet nga Edy Reja, për të vendosur më pas nëse do të jetë pjesë e grupit që do të grumbullohet me kombëtaren për dy ndeshjet zyrtare të muajit qershor.
Megjithatë, edhe ky grumbullim, për lojtarin është një arritje, një ëndërr e bërë realitet. Nesfushori i talentuar kuqezi ka shkruar një postim në rrjetet sociale, duke shprehur kënaqësinë që i është dhënë mundësia të grumbullohet me ekipin kombëtar. “Një ëndërr e nisur që në prekjen e parë të topit, në vrapimin e parë”.
“Të përfaqësosh kombin tënd është një ëndërr për çdokënd që e ndjek këtë rrugë, një dëshirë e papërshkrueshme. Çdo gjë duket larg dhe afër në të njëjtën kohë, deri në momentin që e prek atë moment, e ndjen atë ndjesi. Ndjen krenarinë që më parë mendoje që mund të jetoje në një të ardhme, por që arrinë të ta japë shumë shpejt kjo bluzë e këto ngjyra”, shkruan talenti kuqezi.
