Ndryshimet në Kodin Zgjedhor, Komisioni i Ligjeve shqyrton të hënën dy nismat dhe amendamentet e propozuara nga deputetët

Komisioni për Çështjet Ligjore, Administratën Publike dhe të Drejtat e Njeriut, do të realizojë të hënën në orën 11:00 mbledhjen për shqyrtimin në parim të dy nismave “Për disa shtesa dhe ndryshime në ligjin nr. 10.019, datë 29.12.2008 “Kodi Zgjedhor i Republikës së Shqipërisë” të ndryshuar”” si dhe amendamentetet e propozuara nga deputetët.

Nismat janë sjellë në Kuvend më 14.01.2020 nga deputetët Myslim Murrizi dhe Halit Valteri si dhe më 17.01.2020 nga deputeti Ralf Gjoni.

Do të shqyrtohen gjithashtu:
Amendamente të propozuara nga deputetët:
Damian Gjiknuri
Klotilda Bushka
Taulant Balla, depozituar më 21.09.2020
Amendamente të propozuara nga deputeti Andi Përmeti, depozituar më 24.09.2020
Amendamente të propozuara nga deputetët:
Myslym Murrizi
Halit Valteri
Rudina Hajdari
Arlind Çaçani
Ralf Gjoni
Arben Elezi
Alban Zeneli
Halil Jakimi
Korab Lita
Koçi Tahiri
Kostaq Papa, depozituar më 24.09.2020

Maxhoranca ka deklaruar se më 1 tetor do të votohen në Kuvend ndryshimet në Kodin Zgjedhor. Deri më 30 shtator është afati i Komisionit të Posaçëm Parlamentar për të reflektuar këto ndryshime, teksa në Këshillin Politik ende s’ka konsensus.

“Je tapë. Mos fol kështu”. Debate të forta në komision për paketën anti-shpifje

Vijuan të enjten debatet në Komisionin e Medias ku po diskutohen dy ligjet e paketës anti-shpifje, që janë përgatitur nga qeveria. Të enjten ishin të pranishëm disa drejtues mediash, gazetarë dhe pedagog të gazetarisë. Gjatë fjalës së tij, gazetari dhe pedagogu Mark Marku është përplasur me ish-ministren e Kulturës Mirela Kumbaro. Fillimisht, Marku u shpreh se ligji do të jetë një turp për ata që po e bëjnë.

“Mos bëni ligje kot, sepse pavarësisht se ju bëni ligj dhe ne do ta vazhdojmë rezistencën. Ky ligj do të jetë vetëm një ligj thjesht në letër nëse e bëni, por ama do të jetë në turpin e atyre që e bëjnë. Shkel thellësisht lirinë e medias. Vetërregullimi dhe normat rregulluese janë qartësisht të ndara nga normat ligjore”, tha Marku.

Por gjatë kohës që fliste Mark Marku, ndërhyri ish-ministrja Kumbaro e cila kërkoi fjalën. “A ka mundësi zonja kryetare për procedurë?”, por kryetarja e komisionit nuk ia dha fjalën, ndërkohë që Kumbaro u shpreh se në këtë mënyrë po shkelet procedura.

Por, Mark Marku ndërhyri përsëri duke iu drejtuar Znj. Kumbaro: “Pak edukatë, se je pedagoge. Nuk kam ardhur në furgon, po deshe dëgjo, po deshe dil. E keni bërë Kuvendin si furgon dhe doni ta bëni edhe median si furgon”. Ndërsa ish-ministrja i kërkoi pedagogut të ruante etikën, ndërsa pas këtij debati verbal ajo u largua nga salla.

Debati ka vijuar më pas edhe mes analistit dhe drejtuesit të “Politiko.al”, Alfred Lela me dy deputetë të opozitës në komisionin e medias. Lela i është drejtuar deputetit Selami Jenisherit duke i thënë: “Ti sikur je tapë”, ndërkohë që pas kësaj ndërhyri deputeti Halit Valteri i cili iu drejtuar analistit Lela: “Nuk mund tu flasësh deputetëve kështu e ti thuash sikur je tapë”. Ndërkohë, Alfred Lela replikoi me deputetin Valteri duke i thënë: “Çfarë deputeti je ti aman”.

Detajet, Meta, sot “i pandehur” në Komision. Ecën në këmbë drejt Kuvendit

Presidenti Ilir Meta do të jetë të hënën (sot) në orën 09:59 përballë deputetëve të komisionit hetimor parlamentar të ngritur për hetimin dhe shkarkimin e tij për shkelje të rëndë të kushtetutës të bërë përmes firmosjes së dekreteve antikushtetuese, siç ishte ai për anulimin e datës së zgjedhjeve. Presidenti ka vendosur ta bëjë në këmbë rrugën nga presidenca drejt parlamentit dhe do të jetë i shoqëruar nga tre këshilltarë.

Në mbledhjen e Komisionit, presidenti pritet të argumentojë arsyet që çuan në anulimin e datës së zgjedhjeve dhe më pas do t’u përgjigjet pyetjeve të deputetëve që lidhen me shkeljen e kushtetutës, kompetencat që Kushtetuta i njeh presidentit, si dhe precedentët e mëparshëm.

Pritet që mbledhja të karakterizohet nga debate dhe batuta mes palëve, ndërkohë që duhet thënë se kundër aktit të presidentit është edhe opozita parlamentare. Pra Meta do të ketë përballë në komision jo vetëm maxhorancën por edhe opozitën e re parlamentare.

Kjo është hera e parë në historinë e politikës shqiptare, që një president përballet me një komisionin hetimor që kërkon shkarkimin e tij.

Komisioni Hetimor i ka dërguar kreut të shtetit kërkesën që të jetë i pranishëm në mbledhjen e së hënës datë 9 shtator në orën 10:00. Ndërkohë, vetë presidenti e cilësoi “çmenduri” pyetjen e gazetarëve nëse ai do të jetë ose jo i pranishëm në Kuvend, ndërsa theksoi se “mezi pret të kthehet në parlament”.

Duke parë reagimet që nga qershori edhe deri më sot, Presidenti Meta pritet ta shfrytëzojë përballjen e tij me deputetët në Kuvend për të dhënë mesazhe të koduara ndaj Ramës dhe Bashës, ashtu siç ka vepruar në shumë dalje me akuza të rënda edhe për ndërkombëtarët deri në deklarata për “deep state”. Kohët e fundit ai ka treguar se i pëlqen të jetë në qendër të vëmendjen mediatike dhe për këtë ka shfrytëzuar çdo hapësirë që mundësojnë rrjetet sociale.

Gjithsesi dita e hënë pritet të jetë vendimtare për presidentin Meta, edhe për faktin se në Tiranë zbarkojnë ekspertët e Komisionit të Venecias, të thirrur nga Kuvendi për të dhënë ekspertizën e tyre për kërkesën për shkarkimin e presidentit. Në axhendë është parashikuar që ekspertët e Komisionit të Venecias të zhvillojnë disa takime. Fillimisht me presidentin Meta, për të vijuar më pas me takimet e tjera zyrtare; me krye parlamentarin Gramoz Ruçi; përfaqësuesit e mazhorancës dhe opozitës në Parlament, përfshirë Komisionin e Posaçëm Hetimor, Ministrin e Brendshëm, përfaqësues të KQZ-së dhe kryetarin në detyrë të Gjykatës Kushtetuese. Para se të vendosë për shkarkimin e presidentit, maxhoranca do të presë raportin paraprak të Komisionit të Venecias. Komisioni Hetimor parlamentar ka një afat 3 mujor i cili përfundon më 9 tetor. /Realstory.al

Dokumenti, Meta të hënën në Komision për shkarkimin

Presidenti Ilir Meta do të jetë të hënën i pranishëm në Komisionin Hetimor Parlamentar për shkarkimin e tij. Komisioni Hetimor i ka dërguar kreut të shtetit kërkesën që të jetë i pranishëm në mbledhjen e së hënës datë 9 shtator në orën 10. Ndërkohë që vetë presidenti vetëm dy ditë më herët e cilësoi “çmenduri” pyetjen e gazetarëve nëse ai do të jetë ose jo i pranishëm në Kuvend, ndërsa theksoi se “mezi pret të kthehet në parlament”. Një deklaratë kjo me shumë nënkuptime.

Gjithsesi duket se e hëna do të jetë vendimtare për presidentin Meta, edhe për faktin se të hënën në Tiranë zbarkojnë ekspertët e Komisionit të Venecias të thirrur nga Kuvendi për të dhënë ekspertizën e tyre për kërkesën për shkarkimin e presidentit. Duhet thënë se është hera e parë në histori që parlamenti i Shqipërisë ndërmerr nismën për të shkarkuar një president për shkelje të rëndë të Kushtetutës.

Në axhendë është parashikuar që ekspertët e Komisionit të Venecias të zhvillojnë disa takime. Fillimisht me presidentin Meta, për të vijuar më pas me takimet e tjera zyrtare; me krye parlamentarin Gramoz Ruçi; përfaqësuesit e mazhorancës dhe opozitës në Parlament, përfshirë Komisionin e Posaçëm Hetimor, Ministrin e Brendshëm, përfaqësues të KQZ-së dhe kryetarin në detyrë të Gjykatës Kushtetuese.

Para se të vendosë për shkarkimin e presidentit, maxhoranca do të presë raportin paraprak të Komisionit të Venecias. Pritet që ky komision do ta ketë të lehtë të japë një opinion të shpejtë, pasi nuk mungon precedenti. Komisioni i Venecias për një çështje të ngjashme kohë më parë kur qeveria moldave pati një përplasje me presidentit e vendit, u shpreh me një opinion i cili vlejti për të shkarkuar presidentin e Moldavisë për shkelje kushtetuese.

Nga ana tjetër mësohet se presidenti Meta do ta shfrytëzojë përballjen e tij me deputetët në Kuvend për të dhënë mesazhe të koduara ndaj Ramës dhe Bashës, ndërsa do të japë material të bollshëm për mediat. Kohët e fundit ai ka treguar se i pëlqen të jetë në qendër të vëmendjen mediatike dhe për këtë ka shfrytëzuar çdo hapësirë që mundësojnë rrjetet sociale.

Pasi të marrë dëshminë e presidentit, Komisioni Hetimor do të vijojë me dëshmitarët e tjerë sipas planit të hartuar dhe miratuar në mbledhjet e mëparshme. Ndërsa më herët ka bërë publike se ka mbledhur informacion nga shumë institucione shtetërore të cilat faktojnë se për shkak të dekretit të Metës për anulimin e datës së zgjedhjeve në vend u shkaktuan trazira e protesta të dhunshme.

Komisioni Hetimor parlamentar ka një afat 3 mujor i cili përfundon më 9 tetor. Në përfundim ai harton një raport me konkluzionet dhe kërkesën për ta shkarkuar ose jo presidentin e republikës. Ky raport kalon për votim në seancë parlamentare dhe është kuvendi që vendos. Vendimi i kuvendit shkon për mendim në Gjykatën Kushtetutese e cila vlerëson nga ana Kushtetuese gjithë procesin dhe thotë fjalën e fundit për shkarkimin ose jo të Presidentit./realstory.al

Të dashur kolegë gazetarë që vazhdoni të më pyesni nëse do të shkojë apo jo Presidenti Meta në Parlament.Ju konfirmoj…
Gepostet von Tedi Blushi am Freitag, 6. September 2019

META E PRANON: JAM ÇMENDUR! MEZI PRES KTHIMIN NË KUVEND! (PËR HETIMIN)