Këshilli Europës: Kosova të heq taksën dhe të rifillojë dialogun. Liberalizimi i vizave ende pa datë

“Kosova duhet të rifillojë dialogun me Serbinë dhe të revokojë menjëherë taksën 100% të produkteve serbe.” Kjo është kërkesa që Këshilli i Europës ka bërë në deklaratën e saj në lidhje me përmbushjen e kushteve për proceset integruese në BE. “Vendimi i njëanshëm i Kosovës për të rritur tarifat deri në 100% në importet nga Serbia dhe Bosnja & Hercegovina në nëntor 2018, shkel detyrimet e Marrëveshjes së Tregtisë së Lirë si dhe minon bashkëpunimin rajonal. Të bëhet revokimi i menjëhershëm i saj”

Për sa i përket liberalizmit të vizave, Këshilli ka deklaruar se aktualisht është në shqyrtim dhe nuk ka dhënë një datë se kur ky vendim do të merret.

Këshilli njeh rëndësinë e liberalizimit të vizave për qytetarët e Kosovës. Komisioni bëri një propozim zyrtar në maj 2016 për të transferuar Kosovën në listën e vizave Shengen dhe paraqiti një raport në korrik 2018 mbi përmbushjen e standardeve të mbetura. Në mars të vitit 2019, Parlamenti Evropian mbështeti propozimin e Komisionit. Vendimi mbi propozimin aktualisht është në shqyrtim në Këshill.” – shkruhet në deklaratën e Këshillit të Europës.

Këshilli i Europës ka kërkuar se Prishtina duhet të bëjë përpjekje të mëtejshme për zhvillimin e dialogut me Serbinë si dhe të përmbahet nga çdo veprim që mund të perceptohet si provokim. Këshilli thekson se status quo aktuale nuk është i qëndrueshëm. Është thelbësore që dialogu të rifillohet sa më shpejt që të jetë e mundur dhe të gjitha marrëveshjet e arritura nga dialogu mes dy vendeve duhet të zbatohen. Përparimi në normalizimin e marrëdhënieve me Serbinë është një parim thelbësor për zhvillimin e marrëdhënieve dhe bashkëpunimit mes BE-së dhe Kosovës. 

Lajm i mirë për Kosovën

Kryeministri i Kosovës, Ramush Haradinaj, pas samitit të Berlinit, ka zhvilluar një takim edhe me ministrin e Brendshëm gjerman.

Pas përfundimit të takimit Haradinaj ka darë edhe një lajm mjaft të bukur ku Gjermania mbështet liberalizimin e vizave për Kosovën.

“Pas takimit me Ministrin e Punëve të Brendshme të Gjermanisë, Horst Seehofer, morëm “Po”-në e Gjermanisë për liberalizimin e vizave.

Faleminderit Kancelares Merkel dhe shtetit Gjerman për besimin dhe përkrahjen e vazhdueshme për popullin e Kosovës.” – shkruan Haradinaj në Facebook.

Danke Deutschland! 🇩🇪Pas takimit me Ministrin e Punëve të Brendshme të Gjermanisë, Horst Seehofer, morëm “Po”-në e…

Publiée par Ramush Haradinaj sur Mardi 30 avril 2019
Skip to toolbar