Tag: ndjekje penale

Ndjekje penale 6 zyrtarëve në Dibër, abuzuan te ALUIZNI dhe te llixhat

Në kuadër të aksionit kundër informalitetit, janë çuar për ndjekje penale 6 zyrtarë dhe ish drejtues të Agjencisë së Legalizimeve dhe qendrës Balneare (llixhat) në zonën e Dibrës, për shkak se akuzohen për abuzime me fondet, evazion fiskal dhe shpërdorim detyre.

Ish drejtori dhe ish përgjegjësi i ALUIZNI-t, në drejtorinë Rajonale Dibër akuzohen për shpërdorim detyre.

Dy ish-drejtuesit e vendosur në hetim janë; N.K. 56  vjeç, banues në Tiranë, ish drejtor i Agjencisë  së Legalizimit në Dibër dhe E.M. 37 vjeç,  banues në  Dibër, ish Përgjegjësi i Sektorit ALUIZNI-t.

Ata dyshohet se me veprimet e tyre  në kundërshtim me ligjin kanë shpërdoruar detyrën  duke sjellë përfitime të padrejta personave të tjerë, si dhe kanë dëmtuar interesat e ligjshme të shtetit  në mbrojtjen dhe administrimin e territorit.

Po në kuadër të masave kundër informalitetit, u proceduan penalisht ish-zyrtarët e llixhave:

I.Q, 54 vjeç, ish Drejtor i Ndërmarrjes, Qendra Balneare Dibër.

I.V,  52 vjeç, ish Përgjegjës i Zyrës së Financës, Qendra Balneare Dibër.

S.K,  35 vjeç, ish Drejtor i Ndërmarrjes, Qendra Balneare Dibër.

E.M,  27 vjeç, të gjithë banues në Dibër, ish Financier, Qendra Balneare Dibër.

Bazuar te raporti i KLSH-së në 2016 ata dyshohet se me veprimet  e tyre në kundërshtim me ligjin kanë sjellë si pasojë mos funksionimin normal të aktivitetit ekonomik dhe administrativ të Qendrës Balneare Dibër, duke ju sjellë përfitime të padrejta personave të caktuar të administratës së ndërmarrjes,  në bonuse transporti  si dhe kanë shmangur nga taksimi  mbi të ardhurat nga shpërblimet punonjësit e kësaj qendre, veprime të cilat kanë cënuar interesat e ligjshme duke i shkaktuar  një dëm të konsiderueshëm ekonomik kësaj ndërmarrje.

Të dehur dhe pa patentë, 19 persona përfundojnë në ndjekje penale

19 persona përfundojnë në ndjekje penal gjatë fundjavës për shkak të konsumimit të alkoolit gjatë drejtimit të mjetit apo mungesës së patentës. Konkretisht, policia e Korçës ka vënë në pranga 7 persona pasi u kapën pa patentë dhe në gjendje të dehur. Si pjesë e masave për sigurisë rrugore, policia ka shtuar kontrollet sidomos gjatë fluksit të sezonit veror, ku gjatë javës që kaluar ka arrestuar 7 persona, 5 për dhënie makinë në gjendje të dehur dhe 2 pasi udhëtonin pa patentë.

Policia e Korçës gjithashtu ka dhënë 278 masa të tjera disiplinore për parkim të gabuar, përdorim celulari gjatë drejtimit të mjetit, rripin e sigurimit etj.

Ndërsa në qarkun Lezhë, policia nisi ndjekjen penale për 12 persona, kryesisht në plazhet e Shëngjinit dhe Tales,  për ” Shkelje të rregullave të qarkullimit rrugor” dhe ” Drejtim mjeti në mënyrë të parregullt” duke u bërë edhe burim aksidenti.

Policia ka pezulluar 47 leje drejtimi dhe ka  vendosur 818 masa administrative,  për shpejtësi tej normave të lejuara,  përdorim të celularit gjatë drejtimit të mjetit, parakalim të gabuar etj.

Policia e shteti siguron se do të vijojë kontrollet e pandërprera, me qëllim parandalimin e aksidenteve rrugore dhe rritjen e parametrave te sigurisë rrugore, ku apelon për të gjithë përdoruesit e rrugës që të bashkëpunojnë duke respektuar rregullat e qarkullimit rrugor.

Skip to toolbar