Manastirliu në qendrën shëndetësore Laprakë: Shërbim 24 orë për urgjencat pediatrike, shmangni fluksin në QSUT

Ministrja e Shëndetësisë dhe Mbrojtjes Sociale Ogerta Manastirliu inspektoi qendrën shëndetësore të Laprakës, një prej 4 qendrave shëndetësore të Tiranës që do të shërbejë 24 orë për urgjencat pediatrike, për të përballuar fluksin në sezonin e vjeshtë-dimrit.

“Duke filluar nga 1 Tetori, katër qendra shëndetësore në Tiranë që do të ofrojnë, me ekipe të përforcuara, shërbim ditë-natë për përballimin e periudhës së vjeshtë-dimrit për urgjencat pediatrike. Me vendimin tonë për të garantuar shërbimin 24 orë pa ndërprerje afër vendbanimit, synojmë të shmanget fluksi në QSUT gjatë natës”, tha Manastirliu.

Duke garantuar se shërbimi në qendrat shëndetësore 24 orëshe ofrohet i plotë dhe me cilësi, Manastirliu bëri këtë apel për prindërit.

“Një apel për të gjithë prindërit, mos i dërgoni fëmijët direkt në QSUT, por drejtohuni pranë qendrave shëndetësore afër vendbanimit. Dhe është mjeku juaj pediatër që e vlerëson nëse ka nevojë për trajtim në QSUT. Duhet të shmangim sa më shumë flukset në QSUT, sidomos në këtë periudhë”, tha Manastirliu.

Ministrja e Shëndetësisë bëri me dije se sistemi po organizohet për vaksinën e gripit, sipas një plani të detajuar.

“Po bëhen gati edhe për vaksinen e gripit, e cila këtë vit do të ketë shumëfishim të dozave krahasuar me vjet, për të siguruar mbrojtjen e fëmijëve por edhe të gjithë grupeve të rrezikuara”, tha Manastirliu.

Qendrat shëndetësore me shërbim 24 orë në 7 ditë të javës do të jenë me shërbim të përforcuar duke filluar nga data 1 Tetor, përgjatë gjithë periudhës së vjeshtë-dimrit. Qendra shëndetësore nr. 6 në Kombinat, qendra shëndetësore nr. 7 në Laprakë, qendra shëndetësore nr. 8 pranë sheshit Ëilson dhe qendra shëndetësore nr. 10 në zonën e Oxhakut do të ofrojnë shërbim 24 orë për urgjencat pediatrike.

Protesta e heshtur, Manastirliu pas takimit me mjekët: Jemi në anën e së njëjtës llogore

“Kemi vendosur që takimet dhe tryezat e punës të nisin javën që vjen. Ura e komunikimit me mjekët dhe personelin mjekësor është e konsoliduar prej kohës”- kështu u shpreh Ministrja e Shëndetësisë, Ogerta Manastirliu në përfundim te takimit me sindikaten e mjekeve.Për mediat ministrja tha se ura e komunikimit mes dy palëve tashmë është e konsoliduar prej kohësh.

“Ne kemi diskutuar shumë konkretisht për pikat që përfaqësuesit e sindikatës kanë përcjellë. Kemi një rrugë të gjatë përpara për të adresuar në mënyrë afatshkurtër, afatmesme dhe afatgjate kërkesat e sindikatës. Kemi vendosur që takimet dhe tryezat e punës të nisin javën që vjen. Ura e komunikimit me mjekët dhe personelin mjekësor është e konsoliduar prej kohës. Mjekët dhe infermierët, ministrinë e shëndetësisë e kanë shtëpinë e tyre të dytë.

Ne jemi të bindur se dhe në këtë situatë pandemia, forcat jonë e madhe janë mjekët dhe infermierët do t’i dëgjojmë dhe për pikat që ata kërkojnë. Janë 4 pikat që do të diskutohen. Janë çështje që do të diskutohen edhe me ekipet më të vogla në tryezat teknike. Janë çështje që adresojnë situata të ndryshme. duhen vlerësuar dhe në kuadër eksperiencat dhe praktikat ndërkombëtare që të bëjmë më të mirat. Platformat e bashkëpunimit që ne e kemi të ngritur, mos të harrojmë se një vit e ca më parë, ndryshimet në kodin penal janë realizuar.

Ky është bërë falë vullnetit të qeverisë. Ne jemi në të njëjtën anë të llogores. Ne jemi këtu dhe po adresojmë kërkesat e mjekëve. Fakti që jemi të dy, si përfaqësues, do të jemi së bashku dhe jemi së bashku në çdo moment të vitit, tregon vullnetin për të bërë më të mirën për shoqërinë. Ne jemi këtu për konsolidimin e kësaj platforme dhe kemi një rrugë të gjatë për të bërë në kuptim të të gjithë elementeve që duan mjekët.”, tha ministrja.

Protesta e mjekëve, Manastirliu: Dera ime e hapur për të diskutuar. Nuk besoj se është pakënaqësi

Ministrja e Shëndetësisë Ogerta Manastirliu ka folur në “Real Story” në News24 edhe për paralajmërimin e mjekëve për protestë. Manastirliu tha se janë në komunikim të vazhdueshëm dhe se dera e saj është e hapur për të gjithë mjekët dhe infermierët.

Por përse nuk u lanë mjekët të protestojnë?

“Sindikata e mjekëve i është drejtuar Policisë së Shtetit me një kërkesë dhe nuk dua të komentoj institucionet ligjzbatuese mbi atë çfarë ato kanë detyrë të bëjnë.

Mjekët dhe infermierët më njohin sikurse dhe i njoh në punë të përditshme me ta, unë jo vetëm i vlerësoj për punën e madhe që ata bëjnë përgjatë gjithë vitit për sakrificën e madhe mbinjerëzore dhe profesionalizmin e treguar por dera ime është e hapur për çdo mjek e infermier për të diskutuar, dialoguar. Siç ka qenë dhe do të jetë. Nuk ka asgjë që ne nuk e themi me njeri-tjetrin. Diskutojmë kërkesat e tyre…”, tha ministrja.

Manastirliu tha se nuk beson se është pakënaqësi e mjekëve. “S’do doja t’i jepja ngjyrim emocional të tepruar, jemi në komunikim intensiv, kemi ngritur ura bashkëpunimi, jemi në një llogore dhe punojmë për të njëjtin qëllim. Ashtu sikurse premtimet i kemi mbajtur në çdo ditë të punës sonë, deklarata e kryeministrit pak ditë më parë që tregon realisht vlerësimin maksimal për punën e personelit mjekësor për rritjen historike të pagave që do të ketë ky personel është prova më e mirë për vlerësimin që i japim.

Nuk përmendet paga dhe shpërblimet. Pikat e tjera do të diskutohen në këtë takim. Dera jonë e hapur dhe jemi me ta për gjithë mbështetjen që meritojnë. Urat e bashkëpunimit janë shumë solide sepse e kemi treguar me fakte dhe jo me fjalë atë që kemi bërë për personelin shëndetësor”, deklaroi Manastirliu.

“Masa për çdo situatë”, Manastirliu thotë nëse rrezikohemi nga një valë e dytë e Covid-19

E pyetur nëse Shqipëria rrezikohet nga një valë e dytë e koronavirusit, Ministrja e Shëndetësisë thotë se për fat të mirë, kurba epidemiologjike nuk ka rritje eksponenciale. Deklaratat Manastirliu i bëri në emisionin ‘Real Story’.

Manastirliu deklaroi se qeveria ka marrë masa për të gjurmuar dhe testuar rastet e infeksioneve, duke vlerësuar se mjekët dhe infermierët po trajtohen me kushte sa më optimale.

‘Nëse e sheh kurbën epidemiologjike, është e qartë se kemi një ecuri të epidemisë, e cila për fat të mirë nuk ka një rritje eksponenciale, ka një plato që vijon të jetë e tillë, pra kemi një epidemi në zhvillim. Qeveria do të gjurmojë dhe testojë rastet për të këputur zinxhirin e infeksionet. Prandaj kemi marrë masa për të bërë testime më të shpejta dhe izolime po ashtu të shpejta. Kemi marrë masa për të përmirësuar trajtimin ambulator dhe gjithashtu qytetarët të marrin në cilësinë më të lartë pajisjet shëndetësore të nevojshme. Do të mbrojmë mjekët dhe infermierët, duke iu garantuar kushtet. Do të dyfishojmë edhe shtratet”, tha Manastirliu.

Ogerta Manastirliu theksoi se qeveria do të sigurojë vaksinim falas për kategoritë më të rriskuara.

“Ne kemi një strategji për vjeshtën dhe dimrin. Ne do të shqyrtojmë rastet e personave të dyshuar të infektuar. Ne do të sigurojmë vaksinimin falas për këta kategori, që përfshin personelin mjekësor, kategoritë e riskut që janë të sëmurët kronikë, fëmijët 2 deri në 5 vjeç dhe jemi në pritje të vaksinës së gripit. Ne e kemi vendosur si prioritet vaksinimin e grupeve të riskut”, u shpreh Manastirliu.

Pandemia pretekst për rikthimin e vizave? Ja çfarë thotë ministrja e Shëndetësisë

Ministrja e Shëndetësisë, Ogerta Manastirliu deklaroi se pandemia e koronavirusit është ende në evoluim.

Në një intervistë për emisionin ‘Real Story’ në ‘News24’ Manastirliu u pyet nga gazetari Sokol Balla nëse pandemia dhe renditja e Shqipërisë si vend me rrisk, ishte një pretekst për rikthimin e vizave, ndërsa ministrja shoi aludimet.

‘Nuk kemi rritje në shtator. Jemi në një fazë të qëndrueshme të epidemisë. Falë masave të marra dhe sjelljes së popullatës, që ka pasur reflektim dhe është ndërgjegjësuar, që prej 15 korrikut ku vendosëm që maskat të mbaheshin të detyrueshme në ambientet e brendshme. Me hapjen e shkollave protokollet e sigurisë janë zbatuar. Vijon të kemi raste pozitive, pasi epidemia është ne evoluim. Ne kërkojmë që popullsia të respektojë masat. Ne nuk jemi të kënaqur, pasi kjo është situatë serioze. Kemi fatalitete.

Por nëse bëjmë një krahasim me mesataren e vendeve të BE, Shqipëria është shumë më ulët. Mesatarja e rajonit është 7 mijë 435 raste për banorë. Nëse do të bënim një vlerësim, si në rastin e Kosovës, numri i fataliteteve në krahasim me vendet e Be dhe të rajonit, është i ulët. Jemi në 128 fatalitet për 1 mln banorë. Unë besoj se është vlerësim epidemiologjik shumë i pastër. Në raport me BE, edhe përmes rekomandimeve. Ata janë të orientuar me vendimet dhe rekomandimet e qendrës Europiane të sëmundjeve, që kanë vlerësuar mesataren e sëmundjeve dhe vlerësojnë dhe rriskun për shtetet e ndryshme që kanë. Trageti është mbi 50 dhe ne jemi në vendet me rrisk. Kjo është një luftë që bëhet më shumë se në spitale, në terren.”, tha Manastirliu.

Manastirliu: Do të mbulojmë gjithë popullatën me vaksinim falas ndaj Covid-19, faza e parë përfshin 567 mijë qytetarë

‘Qeveria shqiptare ofron të gjitha garancitë që ta marrim vaksinën njësoj si vendet e tjera. Garanci financiare një shumë financiare që derdhet për të siguruar vaksinën.’ keshtu u shpreh sot Ministrja e Shendetesise e ftuar ne Real Story.

Manastirliu tha se vaksina do të merret në momentin që do të jetë e sigurt, efektive dhe se do të mbulohet e gjithë popullata por fillimisht do të jenë 20% e popullsisë që do të vaksinohet.

‘Ne kemi një program të imunizimit dhe për të cilin kemi indikatorë shumë pozitivë. Plani i imunizimit kombëtar. Jo vetëm e kemi këtë mbulesë të vaksinimit mbi masën 98% por kemi dhe një përhapje të zinxhirit ftohës. Ka të njëjtat procedura si vaksina e gripit. Në 2019 kemi investuar për të përmirësuar zinxhirin ftohës dhe kjo do na ndihmojë dhe për vaksinën e COVID-it.
Ne do të mbulojmë gjithë popullatën me vaksinim por faza e parë e përgatitjes për të siguruar që vaksina të jetë efektive dhe të shpërndahet siç janë udhëzimet e OBSH është fiks 20% e popullatës, është 567 mijë qytetarë”, deklaroi Manastirliu.

Sipas saj, pa përfunduar fazat e testimit klinik nuk mund të flitet për certifikim. Ajo tha se OBSH flet për një korridor të përshpejtuar të certifikimit teksa theksoi se vaksina do të jetë falas për të gjithë popullatën.
E pyetir nëse do të krijohet mundësia që kompani të tjera nëse e arrijnë vaksinën ta sjellin në mënyrë private, Manastirliu tha se do të vlerësohen të gjitha mundësitë.
“COVAX parashikon 9 kandidatët e vaksinave që janë në fazat më të shpejta të studimit. Ne do t’i vlerësojmë të gjitha mundësitë. Do bëjmë më të mirën tonë për të siguruar shëndetin e popullatës”, tha ministrja Manastirliu.

‘Gati të paguajmë për vaksinën anti Covid19’ sapo të jetë gati’, Manastirliu flet në Real Story

Ministrja e Shëndetësisë Ogerta Manastirliu, e ftuar në emisionin “Real Story” në “News 24” deklaroi se qeveria shqiptare është gati ta blejë vaksinën ndaj koronavirusiit, sapo ajo të jetë gati.

Manastirliu theksoi se qeveria shqiptare nuk do të mbetet pas në marrjen e vaksinës, sapo ajo të lancohet nga institucione të besuara ndërkombëtare.

“Facaliteti i Kovaksit është një instrument, ku marrin pjesë 80 shtete në botë. Kjo mundëson që qeveria shqiptare të mund të marrë në dorëzim të certifikuar vaksinën ndaj koronavirusit, kur kjo e fundit të jetë gati. Janë gjithsej 9 vaksina që po testohen.

Qeveria shqiptare është gati të paguaj për vaksinën e koronavirusit, kur të jetë gati. Do të bëhet njëherë disbursimi i parë, ndërsa më pas do të ketë detaje në lidhje me vaksinën. Edhe OBSH po përgatitet për një korridor të vaksinave efikase”, u shpreh Manastirliu.

COVID19/ Gjermania mbështet Shqipërinë me aparatura, Manastirliu: Kemi rritur me 50% kapacitetet në terapinë intensive

“Kapacitetet e terapisë intensive në aparatura jetëshpëtuese janë rritur me 50% për përballimin e situatës së shkaktuar si pasojë e COVID19”. Deklarata u bë nga Ministrja Ogerta Manastirliu, gjatë ceremonisë së dorëzimit të 10 respiratorëve të rinj nga ambasadori gjerman në Tiranë, në spitalin COVID2 “Shefqet Ndroqi”.

Duke e vlerësuar si një ndihmë në kohën e duhur, Ministrja e Shëndetësisë dhe Mbrojtjes Sociale tha se po përgatitemi për përballimin e situatës së vjeshtë-dimrit, me disa skenarë.

“Falë mbështetjes së qeverisë shqiptare, Bashkimit Europian dhe partnerëve të tjerë kemi arritur të dyfishojmë flotën e aparaturave në terapinë intensive. Jemi përpara një situate e cila është serioze. Kemi rreth 200 pacientë të shtruar në të dy spitalet Covid. Por falë angazhimit të qeverisë, për të fuqizuar kapacitetet spitalore, vetëm në skenarin e parë ne kemi të dedikuar më shumë se 500 shtretër në dispozicion të qytetarëve të cilët kanë nevojë për trajtim spitalor. Në planin tonë të vjeshtë-dimrit kemi forcuar akoma më shumë kapacitetet e spitaleve rajonale, duke dyfishuar shtretërit në dispozicion të trajtimit të Covid19”, tha Manastirliu.

Ministrja e Shëndetësisë deklaroi nga spitali “Shefqet Ndroqi” se do të intensifikohen inspektimet në terren, në shkolla, aktivitete biznesi etj, për respektimin e masave antiCOVID.

“Kjo nuk është një luftë që fitohet vetëm me rritjen e kapaciteteve, por ka shumë rëndësi sjellja e qytetarëve. Strukturat tona po vijojnë punën në terren për të monitoruar zbatimin e masave antiCOVID në aktivitete biznesi, në shkolla dhe në aktivitete të tjera, pasi është shumë i rëndësishëm zbatimi i masave, për të patur një ecuri të kontrolluar të epidemisë”, tha Manastirliu.

Ambasadori i Gjermanisë në Shqipëri, z. Peter Zingraf shprehu mbështetjen e vazhdueshme për Shqipërinë nga vendet e Bashkimit Europian. “Jam shumë i kënaqëur për ndihmën e vazhdueshme nga vendet e Bashkimit Europian që treguan edhe një herë se janë aleatë të ngushtë të Shqipërisë. Edhe shtete të veçanta si Gjermania kanë ofruar akoma më shumë ndihmë, siç është kjo e sotmja me aparatura të teknologjisë së lartë për frontin e luftës kundër pandemisë, për të rritur nivelin e punës së stafit mjekësor”, tha ambasadori gjerman gjatë ceremonisë së dorëzimit të respiratorëve në spitalin “Shefqet Ndroqi”.

Plani vjeshtë-dimër i Ministrisë së Shëndetësisë dhe Mbrojtjes Sociale për përballimin e COVID19 parashikon rritjen e kapaciteteve spitalore, duke përfshirë edhe spitalet rajonale. Ministrja Manastirliu rikonfirmoi edhe angazhimin financiar të qeverisë shqiptare për vaksinën antiCOVID dhe kërkoi bashkëpunimin e qytetarëve për respektimin e masave për kufizimin e përhapjes së COVID19. Manastirliu ndau dhe me stafin e spitalit “Shefqet Ndroqi” angazhimin e qeverisë jo vetëm për të vijuar pagesën e bonusit special për mjekët në vijën e parë të përballjes me COVID19 por edhe rritjen e konsiderueshme të pagave për të gjithë mjekët dhe infermierët, duke filluar nga viti që vjen.

#Koronavirusi Ekspertët: Kemi shumë pak të dhëna për burimin dhe rrugët e transmetimit.

RealStory i të Hënës iu dedikua çështjes së “Koronavirusi”. Për të folur për këtë temë dhe sa rrezikon Shqipëria, në “Real Story” në News24 ishte Ministrja e Shëndetësisë Ogerta Manastirliu, infektologu Pëllumb Pipero, ekspertja Silva Bino, dhe në lidhje direkte nga Pekini ishte gazetari Edison Myrteza.

Mjeku infeksionist Pëllumb Pipero tha se e veçanta e këtij virusi është fakti që është i ri dhe që nuk dihet burimi dhe cilat janë rrugët e transmetimit.

“E veçanta e këtij virusi është që është i ri por jo i panjohur nga praktika mjekësore. Është një grup i madh virusesh nga i cili kemi të dhëna nga SARS etj. Çdo vit pësojnë ndryshime gjenetike. E veçanta tjetër apo ‘misteri’ është që ne mjekët kemi shumë pak të dhëna për këtë virus. Kemi shumë pak të dhëna për burimin e virusit. Kemi pasur një mjek të vjetër që thoshte se burimi i viruseve janë derrat”, deklaroi Pipero.

Silva Bino tha se derri si burim virusesh nuk ka lidhje me ushqimin që konsumon por me ngjashmërinë me njeriun. “Derri është më i adaptuar tek njeriu jo se ushqehet keq. Nuk ka lidhje me atë. Ka lidhje me receptorët tek derri që ngjajnë me njeriun prandaj shërben si një urë. Në histologji studiojmë mëlçinë e derrit”, deklaroi Bino.

Pipero theksoi se ky virus nuk transmetohet nga sytë por nga spërklat e pështymës që mund të merren nëpërmjet duarve nga objektet që preken. Ai tha se Shqipëria është më pak e rrezikuar por janë marrë masat.

“Sa kohë ka të panjohura ka edhe një lloj frike. ka të panjohura për burimin e infeksionit dhe rrugëve të transmetimit. Nuk transmetohet nga syri tek syri këtë e them me siguri të plotë. bëhet fjalë të transmetohet nga duart e palara që prekin një objekt që është spërkatur me spërka pështyme nga një person i infektuar dhe me duar të palara e çojmë në fytyrë. Nuk mund të kalojë nga syri tek syri. Duke mos ditur burimin e infeksionit nuk dimë rrugën e transmetimit. Dimë që transmetohet përmes spërklave të pështymës. Nga të dhënat që kemi lexuar ende nuk kemi një rast të transmetimit nga njeriu tek njeriu jashtë Kinës. Është një rast i dyshuar në Vietnam. Ne mendoj jemi më pak të rrezikuar por kjo nuk do të thotë që të mos merren masa që rekomandon OBSH që Ministria e Shëndetësisë i ka marrë”, deklaroi Pipero. /RealStory

5 vjet burg po dhunove mjekët

Ministrja e Shëndetësisë, Ogerta Manastirliu ka njohur qytetarët në një takim konsultativ, me ndryshimet më të fundit në Kodin Penal, ku është parashikuar burgosje deri në 5 vjet burg për ata persona që dhunojnë mjekët.

Në fjalën e saj Manastirliu bëri thirrje që qytetarët të denoncojnë rastet e korrupsionit në shëndetësi.

“Në Kod, do të parashikohet për herë të parë që dhuna ndaj profesionistëve të shëndetit është e dënueshme nga 1 deri në 5 vite lirie. Gjithashtu, parashikohet një rëndim i dënimit për kanosjen e mjekut, duke shtuar një paragraf të ri në ligj që dyfishon dënimin për kanosjen e tyre. Shtohet gjithashtu një nen i ri, kundravajtje penale për “pengimin e ushtrimit të detyrës së profesionistit shëndetësor”, çka do të ofrojë një mbrojtje shtesë për të gjithë personelin mjekësor”, tha Manastirliu.

Një tjetër ndryshim i rëndësishëm që propozohet dhe do të ndërmerren, lidhet me ndarjen e gabimit mjekësor nga neglizhenca në mjekim.

“Ka qenë një kërkesë e kahershme e komunitetit të mjekëve për dekriminalizimin e gabimit mjekësor. Me këto ndryshime është hequr si vepër penale gabimi mjekësor, por neglizhenca në mjekim dënohet në mënyrë të përshkallëzuar, në varësi të shkallës së dëmtimit të pacientit”, tha Manastirliu.

Gjatë fjalës së saj në bashkëbisedimin me mjekët, Ministrja e Shëndetësisë mbajti një qëndrim të prerë lidhur me korrupsionin e bluzave të bardha. Duke e konsideruar një fenomen që turpëron të gjithë armatën e bluzave të bardha, Manastirliu deklaroi zero tolerancë për korrupsionin në shëndetësi.

“Unë jam në krah të çdo qytetari që denoncon, por edhe ju duhet të jeni në krah të çdo qytetari që denoncon dhe askush nuk mund të falet sepse përpos faktit që kryen një vepër të paligjshme, thellon hendekun mes jush dhe pacientëve”, tha Manastirliu.