Rasti “Sanader” dhe integrimi europian

Ndërsa foli për negociatat me BE-në, gjatë fjalës së mbajtur në seancën e së enjtes, kryeministri Rama dha një mesazh të qartë për presidentin Meta, por jo vetëm, (edhe për Berishën, Bashën, Monën etj.), një mesazh që u sfumua disi nga Shkodra dhe lajmet për anti-miting, përplasje, madje dhe gjasat për një tjetër 2 prill. Por fatmirësisht asgjë nga këto nuk ndodhën, PD u tërhoq pas çjerrjes së Voltanës dhe lotëve të Nokës.

Kthehemi te Rama. Ai dje në Kuvend tha se Shqipëria duhet të japë prova konkrete (ashtu siç kanë bërë edhe shtete të tjera) që të fitojë integrimin, duke vënë para drejtësisë, presidentë e kryeministra, me pak fjalë zyrtarë të lartë.

“Siç mëson eksperienca e integrimit në vende që na kanë pararendur, kjo do të thotë që sistemi i drejtësisë të jetë i gatshëm të provojë aftësinë e vet për të hetuar, gjykuar dhe ndëshkuar presidentë, ish-presidentë, kryeministra, ish-kryeministra, ministra, ish-ministra e kështu me radhë. Kjo është edhe arsyeja themelore e gjithë kësaj orvatje, ku bashkohen ankthi nga drejtësia me natyrisht, frikën nga zgjedhjet. Si më mirë e ku më me shpresë për të realizuar këtë hedhje në erë të sistemit të ri demokratik, mund të realizohet kjo, sesa duke marrë peng procesin zgjedhor”, tha kryeministri duke futur edhe veten në listë.

Deklaratë kjo që u la në hije gjatë ditës së djeshme për shkak të zhvillimeve të nxehta politike.

Por çfarë do të thotë kjo? Kjo do të thotë se ne duhet t’i provojmë BE-së se jemi të aftë të garantojmë drejtësi të barabartë për të gjithë, që ashtu siç hapet burgu për atë që vjedh dritat, ashtu edhe të hapet për atë që vjedh paratë e shqiptarëve në koncesione miliona euro, apo që bën pastrim parash në kompani fantazmë, apo që shkel Kushtetutën, apo që bashkëpunon me kriminelët.

Askush të mos ketë imunitet, as Meta, as Berisha, as Basha, e Rama vetë, ministrat e ish-ministrat po e po.

Kjo nuk do të thotë që të bëhet kurban, por të vërtetohet se shteti ligjor ekziston jo vetëm në letra por edhe në realitet dhe pikërisht me pastrimin e drejtësisë nga vetting-u dhe me ngritjen e institucione që do të monitorohen nga ndërkombëtarët çdo gjë është e mundur. Dhe me siguri që këtë e dinë shumë mirë si Meta, si Basha ashtu dhe Berisha, ndaj dhe u gjuajnë me gurë zgjedhjeve, krijojnë kaos e rrëmujë, shtyjnë negociatat. Qëllimi është i qartë: të shtyjnë sa më gjatë funksionimin e drejtësisë së re.

Por, pa drejtësi nuk ka integrim. Kjo na kujton rastin e Kroacisë, që siç përmend Rama në fjalimin e tij dha shembuj konkretë, pa u pranua në gjirin e BE-së. Çfarë ndodhi në Kroaci? Nëse ju kujtohet Kroacia është ndër vendet e fundit që i është bashkuar BE-së në vitin 2013. Por më herët dha prova të qarta (atë që ende nuk po e bën Shqipëria) se e meritonte anëtarësimin dhe një nga këta ishte arrestimi ish-kryeministrit Ivo Sanader. Ai u arrestua pas vitesh të tëra akuzash dhe u vë nën hetim për korrupsion dhe përfitim ryshfetesh dhe duhet përmendur fakti se gjithçka nisi nga indiciet e medias për orët e shtrenjta që mbante në dorë.

Pas një hetimi të thelluar u vërtetua se ish-kryeministri kishte shpërdorur pushtetin për fitime personale dhe u arrestua në Austri përmes një urdhri ndërkombëtar në vitin 2010.

Tre vite më pas Kroacia pranohet në BE. Përmes këtij mesazhi Rama e bëri të qartë rrugën tonë për në BE: ka ardhur koha që edhe ne të veprojmë si Kroacia, dhe nuk ka asnjë arsye që 3-4 njerëz të mbajnë larg këtë vend nga ëndrra evropiane./Realstory.al

Negociatat në tetor, opozita: Fajin e ka Rama

Opozita shqiptare e ka cilësuar njëzëri si dështim të qeverisë për shkak të përfshirjes së saj në korrupsion dhe krimin e organizuar, shtyrjen e negociatave për në tetor. Me Ramën si kryeministër hapja e negociatave do të jetë e pamundur cilëson opozita, në deklaratat e tyre.

“Bashkimi Europian dha sinjalin më të fortë se perspektiva europiane me Edi Ramën dhe qeverinë e tij është e pamundur. Largimi i Ramës dhe çlirimi i sistemit nga diktatura e krimit, është e vetmja rrugë për Shqipërinë dhe shqiptarët!” tha Kryemadhi. Ndërsa për Luan Ramën, ky ishte një vendim i pritur dhe ai e kishte lajmëruar që në qershor të 2018 se nuk do të kishte hapje të negociatave as në 2019. “E pata thënë publikisht në Kuvendin e Shqipërisë më 28 qershor 2018, e paralajmërova me dhembje se as në qershor të vitit 2019 nuk do të çelen negociatat dhe e ftova klasën politike të vendit e më së pari qeverinë dhe kryeministrin që të reflektonin me seriozitet e përgjegjshmëri, duke vënë mbi gjithçka interesat e vendit! Duket që nuk e kanë bërë”

Ish deputetja e PD, Jorida Tabaku tha se nuk do të ketë hapje të negociatave pa luftuar krimin dhe zgjidhur luftën politike “E vërteta është që nuk ka hapje negociatash. Këtë e saktësuan të gjitha vendet anëtare, siç nënvizuan se pa luftuar krimin dhe korrupsionin nuk do ketë as në të ardhmen! Nuk ka hapje negociatash pa merite! Nuk ka hapje negociatash pa zgjidhur krizën politike!”

Për kreun e Partisë Agrare Ambientaliste, Agron Duka qeveria ka ngelur për vjeshtë dhe shqiptarët duhet të reagojnë me protesta.

Në fakt në konkluzionin përfundimtar të publikuar nga Këshilli i Europës thuhet se shtyrja është si pasojë se disa vendeve u duhet më shumë kohë për të analizuar raportin. “Për shkak të kohës së kufizuar në dispozicion dhe rëndësinë e çështjes, Këshilli do të kthehet për këtë çështje me qëllim që të arrijë një vendim të qartë dhe substancial sa më shpejt të jetë e mundur dhe jo më vonë se tetori i 2019. Këshilli vlerëson me nota pozitive Rekomandimet e Komisionit Europian për të hapur negociatat e pranimit me Shqipërinë në bazë të vlerësimit pozitiv të progresit të bërë dhe i përmbushjes së kushteve të identifikuara nga Këshilli i Europës.”

Xhelali, një hap para Voltanës. Nxjerr policët e tij të përplasen me policët e Lleshit

Kryetari i Bashkisë së Kamzës, Xhelal Mziu është bërë pjesë e bashkive të tjera opozitare për të penguar procesin e zgjedhjeve të 30 qershorit duke deklaruar se njeh dekretin e presidentit Meta për anulim të tyre. Mziu ka nxjerrë në terren zëvendësin e tij dhe Policinë Bashkiake për të kërkuar lirimin e ambienteve që shërbejnë si KZAZ nr. 27 dhe nr. 28 për administrimin e procesit zgjedhor të 30 qershorit. Policia e Rendit ka qenë e pranishme pranë KZAZ-ve për t’i ruajtur ato, ndërsa kanë pasur përplasje me Policinë Bashkiake dhe Zv.kryetarin e Bashkisë së Kamzës.

Debati:

Punonjës të Policisë Bashkiake – policëve të rendit: Ne vijmë me shkresa zyrtare, ti më thua nuk kam nevojë të të japë shkresë. Më jep një shkresë, ju po na dilni 30-40 vetë si garipa po na thoni largohuni. Ju jeni zbatues. Unë jam inspektor i policisë bashkiake të lutem më jep një shkresë.

Zv.kryetari i Bashkisë së Kamzës: Unë po zbatoj një ligj që ka dalë në fletore zyrtare nga i pari i shtetit. Nuk të kam ardhur si cub i Mirditës por si zyrtar. Unë kam ardhur të zbatoj dekretin e të parit të shtetit. Ligjin e kujt po zbaton?

Efektivi i Rendit: Unë po zbatoj ligjin e Policisë së Shtetit.

Zv.kryetari i Bashkisë së Kamzës: Ti dhe zoti Lleshi duhet të arrestoni presidentit në mënyrë që të bie ligji poshtë

Efektivi i Rendit: Unë jam shumë i informuar

Zv.kryetari i Bashkisë së Kamzës: Je i informuar në mënyrë partiake

Përfaqësues i Bashkisë: Nuk është KZAZ mbi vendimin e presidentit. I kemi çuar shkresë KZAZ për lirimin e ambienteve. Vetëm gjykata Kushtetuese e diskuton dekretin e presidentit.

#NëKamëzNukKaZgjedhjeMe30Qershor2019
Gepostet von Xhelal Mziu am Dienstag, 18. Juni 2019

Ndërsa kreu i Bashkisë së Vaut të Dejës, Zef Hila, i drejton një letër KQZ me një ultimatum se duhet të heqë materialet zgjedhore nga KZAZ nr.6 që ndodhet në ambientet e shkollës profesionale ‘Ndre Mjeda’ para orës 16:00 të ditës së mërkurë.

Veliaj: Opozita si talebanët, të vetmit që nuk duan zgjedhje

Erion Veliaj e krahasoi sjelljen e opozitës me atë të talebanëve në Afganistan, të cilët nuk lejojnë procese të rregullta zgjedhore dhe dalin kundër amerikanëve. Ashtu si forcat talebane në Afganistan, edhe opozita kërkon që të intimidojnë zgjedhësit dhe të kundërshtoj influencën amerikane tha Veliaj para banorëve të njësisë 3 në Tiranë

“Bëhet fjalë për partitë e opozitës që kundërshtojnë influencën amerikane në proceset demokratizuese si reforma në drejtësi, bëhet fjalë për parti të opozitës që kërcënojnë me dhunë, bëhet fjalë për parti të opozitës që i bëjnë thirrje bllokimit të procesit zgjedhor, përveç një detaji: Në fakt, partia që flitet ose forca politike që flitet është talebani nga Afganistani. I vetmi rast sot në botë ku ka forca, lëvizje, angazhime politike, që kërcënojnë me dhunë zgjedhjet, që anulojnë votimet, që intimidojnë të zgjedhurit, që duan të ndalojnë fushatën, që pengojnë tubimet, ndodh vetëm tek talebanët, rasti i dytë është opozita jonë. Nuk ka sot një vend tjetër në botë ku opozita nuk do zgjedhjet”, – tha Veliaj

Opozita greke: Shqipëria ta harrojë integrimin, nëse nuk respekton pakicat greke

Lideri i Demokracisë së Re, Kyriakos Mitsotakis, në dy intervista të ndryshme, ka deklaruar e Shqipëria ta harrojë integrimin nëse nuk respekton të drejtat e pakicave greke.

“Ta dëgjojnë mirë edhe në Tiranë se ecuria europiane e Shqipërisë nuk do të ketë asnjë të ardhme nëse nuk respekton me vepra të drejtat e minoritetit kombëtar grek. Mesazhi që kam çuar tek qeveria shqiptare është tepër i qartë, do të ketë sanksione dhe pasoja nëse nuk respektohen të drejtat e minoritetit kombëtar grek dhe kjo nuk ka lidhje vetëm me anëtarësimin e Shqipërisë në BE, por edhe me marrëdhëniet dypalëshe. Rama duhet të kuptojë se nëse kërkon marrëdhënie të mira duhet të respektojë të drejtat e minoritetit grek.” – tha Mitsotakis

Marrëdhëniet me Shqipërinë, Mitsotakis i përmendi si pjesë të politikës së tij të jashtme, gjatë shpalosjes së programit parazgjedhor, që do zbatojë pas zgjedhjeve të 7 korrikut në Greqi, që beson se do i fitojë.

Opozita i rikthehet protestave, më 21 qershor sërish në shesh

Pas rezistencës së opozitës, ku përmes Kryetarëve të Bashkive që janë nën logon e saj, kërkuan të premten largimin e KZAZ-ve dhe listave emërore nga ambientet që ato administrojnë pasi zgjedhjet janë anuluar nga Presidenti Meta, PD ka vendosur që t’i rikthet sërish protestave në rrugë. Gjatë mbledhjes së Kryesisë, Partia Demokratike vendosi që protesta e radhës kombëtare e opozitës së bashkuar, që i bie e nënta në numër, do të mbahet më 21 qershor në orën 20:00.

Gjatë fjalës së tij Basha tha se Rama po tenton të bëj grusht shteti dhe se është e drejtë e saj që të mos lejojë mbajtjen e zgjedhjeve pa opozitën, duke mbrojtur vendin dhe Kushtetutën.

“Edi Rama na ka shpallur luftë. Duhet të mbrojmë vendin dhe qytetarët, kushtetutën. Jemi në të drejtën tonë t’i përgjigjemi me çdo çmim dhe me çdo mjet. Nuk ka zgjedhje pa opozitën. Është krim veçanërisht në kushtet e dekretit të presidentit. Jemi në punë të pandërprerë. Takime me qytetarët për t’u shpjeguar njerëzve se Rama po bënë grusht shtetit. Është rrezik kombëtar, duhet ndalur menjëherë. Vendi rrezikon rikthimin e vizave, izolimin, regjim represiv përmes arrestimeve.” tha Basha gjatë fjalës së tij.

Lefter Maliqi: Do jem në protestën e radhës, populli të marrë fatin në dorë

Lefter Maliqi, deputeti i opozitës së re ardhur në Kuvend nga listat e PD-së, përmes një statusi në Facebook , ka deklaruar se do të marrë pjesë në protestën e radhës së opozitës për liri dhe demokraci. Ai bën thirrje që populli të marrë në dorë fatin e tij dhe të dal kundër instalimit të diktaturës, krimit dhe oligarkëve që po mbajnë peng qeverinë.

“Në protestën e radhës do jem bashkë me ju mes protestuesve për liri demokraci, zgjedhje të lira dhe të parakohshme. Shikojeni Kalorësin e Rilindjes si i presin rrugën. Populli do marr në dorë fatet e veta. Kundra instalimit të diktaturës, kundra zgjedhjeve farsë, kundra krimit, korrupsionit, bandave dhe oligarkëve që po mbajnë peng qeverinë.” -shkruan Lefter Maliqi

Në Protesten e radhës do jem bashkë me ju mes protestuesve per liri demokraci,zgjedhje te lira dhe të parakohshme.Shikojeni Kalorësin e Rilindjes si i presin rrugën .Populli do marr në dorë fatet e veta.Kundra instalimit te Diktatures ,kundra zgjedhjeve farsë,kundra krimit,korrupsionit, bandave dhe Oligarkëve qe po mbajnë peng Qeverinë.
Gepostet von Lefter Maliqi am Donnerstag, 13. Juni 2019

Protesta në Rusi, arrestohet kritiku opozitar i Putin

Policia ruse ka arrestuar liderin e opozitës Aleksei Navalny gjatë një proteste të zhvilluar ditën e mërkurë. Navalny, i njohur edhe si kritiku i presidentit Putin, organizoi një protestë në lidhje me rastin e arrestimit të gazetarit Ivan Golunov , i akuzuar pa të drejtë për trafikim droge. Policia rrëzoi papritur akuzat për drogë ndaj Golunov, një kthesë e pazakontë për autoritetet ruse, pasi u përballën me zemërimin e mbështetësve të tij. Gazetari u vu në shënjestër nga policia pasi ekspozoi korrupsionin mes zyrtarëve të Moskës.

Mbi 1,000 vetë marshuan në Moskë duke kënduar “Rusia do të jetë e lirë”, “Rusia pa Putin” dhe “Poshtë Cari”, ndërsa policia e ka cilësuar protestën si të paligjshme duke çuar në mbi 200 arrestime. Mediat ruse cilësojnë se numri real i arrestimeve mund të jetë dyfishi i atyre që kanë dhënë zyrtarët./realstory.al

Kriza, ja axhenda politike sot

Një ditë pas firmosje së dekretit për anulimin e datës së zgjedhjeve, kjo e martë pritet të jetë e mbushur me të tjera zhvillime politike në vend. Kështu, Partia Socialiste tashmë e ka bërë fakt të kryer nismën për shkarkimin e presidentit Ilir Meta, teksa të hënën Taulant Balla depozitoi kërkesën për zhvillimin e një debati të gjatë në seancën parlamentare të së enjtes, ku do të diskutohet shkarkimi i Metës.

Për këtë arsye, gjatë paradites së sotme, në orën 09:00, do të mblidhet Konferenca e Kryetarëve në Kuvend, ku do të caktohet data e zhvillimit të mocionit të debatit dhe ora e tij, për shkarkimin e Ilir Metës.

Sakaq, Kryeministri Edi Rama do të jetë në një seri takimesh në Bruksel këtë të martë, ku sigurisht fokus i takimeve të tij do të jetë kriza politike në vend. Një ditë më parë, saktësisht mbrëmjen e së hënës, opozita dhe presidenti Ilir Meta, morën një tjetër goditje nga partnerët ndërkombëtar.

Ishte kreu i OSBE Miroslav Lajçak, që u shpreh se lëvizja e Ilir Metës ishte një akt që mund të thellonte krizën në Shqipëri, duke kërkuar që kreu i shtetit të respektojë të drejtën e qytetarëve për të votuar.

Ky reagim erdhi pas takimit që Kryeministri Edi Rama pati me ambasadorët e vendeve të BE në mesditën e të hënës, të cilët, siç i tha një burim Realstory.al, i kanë shprehur mbështetjen kreut të qeverisë.

Mbrëmjen e të hënës, edhe Bashkimi Europian i kërkoi presidentit që të respektonte të drejtën e qytetarëve shqiptarë për të votuar. Ishte zëdhënësja e shefes për Politikën e Jashtme të BE-së, Maja Kocijançiç, e cila në emër të Federica Mogherinit, ka deklaruar të hënën se qytetarëve shqiptarë duhet t’u jepet e drejta për të votuar për të siguruar vazhdimësinë e qeverisjes lokale.

Megjithatë, të martën pasdite, opozita ka lajmëruar se do të thërrasë mbledhjen e Këshillit Kombëtar për të vendosur se si do të jetë aksioni opozitar në vijim. Një ditë më parë, në mbledhjen e kryesisë, opozita vendosi ngritjen e strukturave të posaçme për atë që ajo e quan “parandalimin e rrezikut që i kanoset demokracisë”.

Por, po sot, priten të tjera reagime ndërkombëtare, duke pasur parasysh vizitën e Kreyministrit Edi Rama, që është angazhuar për të gjetur mbështetjen e ndërkombëtarëve, me qëllim që zgjedhjet të mbahen në afatin e caktuar, ndërsa pas tyre, ashtu siç ai vetë është shprehur një javë më parë në “Real Story”, të shihet mundësia për dialog.

Protesta, “lufta” e dronëve (video): Sa veta ishin në shesh. Dhe vlerësimi ynë…

Opozita e bashkuar zhvilloi më 8 qershor protestën e saj të tetë kombëtare. Pjesëmarrja e protestuese në bulevardin “Dëshmorët e Kombit” duket në dy video të ndryshme të marra me dron, njëra nga PD dhe njëra është e pavarur.

Sa veta ishin në protestë?, video me dron nga PD!
Gepostet von RealStory.al am Samstag, 8. Juni 2019

Pjesëmarrja në miting, Sa veta ishin? Video e PD-së tregon që ishin shumë, por video tjetër tregon një pjesëmarrje më të ulet dhe boshllëqe në shesh.

Ndërkohë gazetarët në terren të Realstory.al thonë se pjesëmarrja ishte e njëjtë me atë të protestës së të dielës së shkuar me një vlerësim të përafërt: Nga 7 deri në 10 mijë vetë.

Sa njerez kishte ne proteste?! Video e pavarur me dron!
Gepostet von RealStory.al am Samstag, 8. Juni 2019

Video me dron e pavarur!