Kërkuan lirimin e ambienteve, policia merr në mbrojtje KZAZ në Burrel

Policia e Shtetit ka nisur ruajtjen e Komisioneve Zonale të Administrimit Zgjedhor (KZAZ) dhe monitorimin e këtyre ambienteve pas kërkesës së bashkive që drejtohen nga opozita për lirimin e tyre me arsyetimin se presidenti Meta ka anuluar zgjedhjet e 30 qershorit. Një patrullë e Policisë së Matit është vendosur pranë pallatit të Sportit “Ferit Hysa” që prej pasdites së premte duke mbrojtur zyrat ku janë vendosur materialet zgjedhore. Kryebashkiaku i Burrelit, Nezir Rizvani nga lista e PD, ishte pjesë e letrave të dërguara në KQZ për lirimin e ambienteve.

Pas kërkesave të depozituara të premten ka reaguar edhe vetë KQZ përmes zëdhënëses së saj, ku u ka bërë thirrje kryetarëve të bashkive të opozitës, që mos të cenohen KZAZ-të, pasi çdo veprim ndaj tyre do të jetë në shkelje të dispozitave të Kodit Zgjedhor, që i ngarkon kryetarët e këtyre bashkive me përgjegjësi penale.

Goditën me gurë e shashka makinën e Ramës, pranga drejtuesve të PD në Librazhd

Policia njofton se janë arrestuar 7 persona dhe 23 janë proceduar për protestë të paligjshme dhe për bllokimin e eskortës së kryeministrit Rama pasditen e së enjtes në qytetin e Librazhdit.

Arrestimi dhe procedimi i këtyre protestuesve të paligjshëm u bë për shkak se të enjten pasdite rreth rreth orës 18:00 bllokuan rrugën nacionale në hyrje të qytetit të Librazhdit duke bllokuar lëvizjen e makinës së Kryeministrit, i cili ndodhet në tur elektoral. Madje ata e kanë goditur makinën me sende të forta e lëndë plasëse piroteknike.

NJOFTIMI i Policisë

Policia e Librazhdit bazuar në pamjet filmike, dhe raportet e shërbimit, ka bërë arrestimin në flagrancë të 7 personave për veprat penale të “Organizimit, pjesëmarrjes në grumbullime, manifestime të paligjshme”, dhe “Pengimi i qarkullimit të mjeteve të transportit’’ “Pengim i subjekteve zgjedhore”, konkretisht:

– B.V., 48 vjeç, (Kryetari i Degës së PD-së Librazhd);

– A.B., 53 vjeç, nga, Elbasani (ish deputet i PD);

– A.K., 43 vjeç, nga Prrenjasi;

– E.G., 32 vjeç, nga Librazhdi (sekretari i PD-së, dega Librazhd);

– D.B., 47 vjeç, nga Shtërmeni, Cërrik;

– L.O., 31 vjeç, nga Piskashi;

– B.K., 54 vjeç, nga Librazhdi.

Po kështu ka filluar proçedimi penal në gjëndje të lirë, për të njëjtat vepra penale edhe për 16 shtetas të tjerë.

Arrestimi dhe proçedimi i këtyre personave u bë pasi në datën 13.06.2019, rreth orës 18:00 këta shtetas janë grumbulluar në rrugën nacionale në hyrje të qytetit të Librazhdit tek kryqëzimi i Përrenjasit dhe në vijim kanë tentuar që të bllokojnë rrugën nacionale Elbasan – Librazhd, në hyrje të qytetit të Librazhdit, duke penguar eskortën e Kryeministrit dhe kanë goditur eskortën me sende të forta e lëndë plasëse piroteknike.

Materialet proçedurale u referuan në Prokurorinë pranë Gjykatës së Shkallës së Parë Elbasan.

Operacioni “Tranzit”, 10 të arrestuar për trafik klandestinësh

10 persona janë arrestuar gjithsej si pjesë e operacionit policor “Tranzit”. Ata akuzohen për kontrabandimin e klandestinëve nga vendet e tjetra.

Policia njofton se së fundi janë arrestuar dy shtetas banues në Tiranë, M.K., 32 vjeç, dhe M.K., 56 vjeç ndërsa më herët janë arrestuar 8 persona të tjerë në Elbasan mes të cilëve dhe një shtetas turk.

Këta persona në bashkëpunim vepronin si grup kriminal, duke organizuar transportin e shtetasve të huaj nga Kufiri i Gjelbër me shtetin grek në drejtim të Tiranës dhe më pas në drejtim të Malit të Zi.

Njoftimi i Policisë

Vijon operacioni i koduar “TRANZIT”.

Shkon në 10 numri i personave të arrestuar dhe të ndaluar, që vepronin si grup kriminal në fushën e kontrabandimit të klandestinëve nga vendet e treta.

Në vijim të operacionit janë kapur dhe ndaluar shtetasit :

M.K., 32 vjeç, dhe M.K., 56 vjeç të dy banues në Tiranë , për veprën penale ”Ndihmë për kalim të paligjshëm të kufirit, në formën e kontrabandimit të njerëzve”, kryer në bashkëpunim

Më herët gjatë operacionit të ndjekur me metoda speciale të hetimit nga Drejtoria Hetimore Qendrore në Departamentin e Policisë Kriminale në bashkëpunim me Drejtorinë e Policisë Elbasan, nën drejtimin e Prokurorisë së Rrethit Gjyqësor Elbasan janë arrestuar e ndaluar edhe 8 persona, ndërmjet tyre dhe kreu i grupit një shtetas turk.

Këta persona në bashkëpunim me njëri- tjetrin, vepronin si grup kriminal, duke organizuar transportin e shtetasve të huaj nga Kufiri i Gjelbër me shtetin grek në drejtim të Tiranës dhe më pas në drejtim të Malit të Zi.

Vazhdon puna për identifikimin e personave të tjerë të implikuar në këtë aktivitet kriminal.

Mbante armë me vete, policia e arreston, më herët i proceduar për plagosje të rëndë

Shërbimet e policisë në Vorë kanë arrestuar një 30-vjeçar, pasi e kanë kapur në flagrancë me armë pa leje, teksa qarkullonte me të në ambiente publike. Sipas një njoftimi të Policisë së Shtetit, mësohet se gjatë operacionit të koduar “Mesnata”, shërbimet e policisë kanë arrestuar një shtetas me precendentë të mëparshëm penal.

“Si rezultat i operacionit ne rrugën dytësore në hyrje të Vorës u bë e mundur kapja dhe arrestimi në flagrancë i shtetasit: E. H., 30 vjeç, banues në Vorë, i dënuar më parë me 6 vite burg, ekstraduar nga Kroacia për veprën penale “Trafikim i narkotikëve” si dhe proceduar për veprën penale “Plagosje e rëndë me dashje”.

Gjatë kontrollit të ushtuar në automjetin tip Audi, në çantën e dorës së këtij shtetasi, Policia gjeti dhe sekuestroi në cilësinë e provës materiale një armë zjarri Pistoletë me një krehër me 7 fishekë, që e mbante pa leje”, thuhet ndër të tjera në deklaratën e Policisë së Shtetit.

Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Prodhimi dhe mbajtja pa leje e armëve dhe municionit luftarak”.

Vorë, TiranëFinalizohet operacioni i koduar “Mesnata”, në fushën e armëmbajtjes pa leje.Qarkullonte me armë zjarri, vihet në pranga 30 vjeçari, me precedent penal në fushën e narkotikëve dhe krimeve ndaj personit.Operacioni nga Komisariati i Policisë Vorë.Sekuestrohet në cilësinë e provës materiale një armë zjarri Pistoletë dhe një krëhër me 7 fishekë.Shërbimet e komisariatit Vorë në vijim të punës për parandalimin dhe goditjen e paligjshmërisë, si dhe bazuar në informacionet e marra në rrugë operative se një shtetas me precedent penal të mëparshëm qarkullonte me armë zjarri me vete, kanë organizuar dhe finalizuar operacionin e koduar "Mesnata".Si rezultat i operacionit ne rrugën dytësore në hyrje të Vorës u bë e mundur kapja dhe arrestimi në flagrancë i shtetasit:E. H., 30 vjeç, banues në Vorë, i dënuar më parë me 6 vite burg, ekstraduar nga Kroacia për veprën penale “Trafikim i narkotikëve” si dhe proceduar për veprën penale “Plagosje e rëndë me dashje”.Gjatë kontrollit të ushtuar në automjetin tip Audi, në çantën e dorës së këtij shtetasi, Policia gjeti dhe sekuestroi në cilësinë e provës materiale një armë zjarri Pistoletë me një krehër me 7 fishekë, që e mbante pa leje.Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Prodhimi dhe mbajtja pa leje e armëve dhe municionit luftarak".
Gepostet von Policia e Shtetit am Dienstag, 11. Juni 2019

Kukës, po lahej në pishinë, humb jetën 12-vjeçari, policia nis hetimet

Një ngjarje e rëndë ka ndodhur në Kukës, aty ku gjatë të dielës, një 12-vjeçar, banues në qytetin e verilindor, ka humbur jetën gjatë kohës që ishte duke u larë në një pishin në fshatin Lodër Lumë.

Sipas njoftimit paraprak të Policisë së Kukësit, mësohet se i mituri me inicialet A.L., ka gjetur vdjekjen, ndërsa shkaqet ende nuk dihen. Sipas njoftimit të uniformave blu, në vendin e ngjarjes ka shkuar grupi hetimor, i cili po punon për sqarimin e rrethanave të ngjarjes.

Njoftimi i policisë:

Kukës

Informacion paraprak.

Sot, fëmija i mitur A.L., rreth 12 vjeç, banues në Kukës, duke u larë në pishinë në fshatin Kodër Lumë, ka gjetur vdekjen.

Grupi hetimor ndodhet në vendin e ngjarjes ku po punon për sqarimin e rrethanave të ngjarjes.

Pragprotesta, ankohet PD: Policia po na bllokon flamujt dhe vuvuzelat

Efektivët e Komisariatit nr.2 në Tiranë ka ndaluar një automjet pranë kryesisë së Kuvendit, në të cilën ndodheshin flamujt, pankartat dhe vuvuzelat e protestës. Kjo gjë është kundërshtuar nga organizatorët e protestës duke e cilësuar veprimin e policisë “të paligjshëm dhe që vepron sipas urdhrave politikë.”

“Akti i paligjshëm është një nga veprimet provokuese të radhës së policisë politike, që në shërbim të një pushteti kriminal, ka arritur në kufijtë e qesharakes me arrestimin e flamujve shqiptarë, amerikanë, gjermanë, europianë apo edhe të pankartave që demaskojnë në anglisht dhe në gjermanisht vjedhjen e zgjedhjeve nga Rama përmes bandave dhe krimit të organizuar.” – thuhet në reagimin e PD-së

Policia: Informacione shqetësuese. Dhuna do marrë përgjigjen që meriton

Zv. Drejtoresha e Përgjithshme e Policisë së Shtetit, Aida Hajnaj i bëri thirrje protestuesve të shmangin aktet e dhunës, ndërsa theksoi se policia do t’i përgjigjet asaj në proporcion të plotë.

Hajnaj tha se policia ka marrë të gjitha masat për të garantuar një tubim demokratik, por tha se nuk do të lejohen protestues me shufra hekuri dhe mjete të tjera, siç ka ndodhur në të kaluarën. Ajo i bëri thirrje drejtuesve të protestës të mos i lejojnë këta individë.

Zv. Drejtoresha e policisë kujtoi dhe njëherë se përdorimi i fishekzjarrëve është i paligjshëm.

Deklaratë për media e Zv.drejtores së Përgjithshme të Policisë së Shtetit, Aida Hajnaj:

Përshëndetje

Sot disa forca politike kanë thirrur një tubim proteste.

Policia e Shtetit ka marrë të gjitha masat për të garantuar lirinë demokratike të tubimit dhe njëkohësisht ka kërkuar bashkëpunimin e organizatorëve për të shmangur dhunën gjatë saj.

Për shkak të informacioneve shqetësuese që Policia disponon, në vazhdën e protestave të shkuara të të njëjtave subjekte politike, u bëjmë thirrje të gjithë pjesëmarrësve të mos tejkalojnë kufijtë e ligjit.

Po ashtu, nisur nga ngjarja e rëndë e protestës së kaluar ku protestues të dhunshëm goditën me shufra metalike protestues paqësorë, u bëjmë thirrje organizatorëve të largojnë nga turma njerëz me maska apo me mjete të forta në duar, duke ia dorëzuar menjëherë Policisë.

Policia e Shtetit ka konstatuar me shqetësim se mes të ndaluarve në protestat e shkuara ka individë me precedentë të rëndë penale, siç ishte rasti i njërit prej dhunuesve të dy protestuesve paqësorë, i dënuar për trafik ndërkombëtar droge.

I bëjmë thirrje të drejtpërdrejtë organizatorëve të marrin të gjithë përgjegjësinë e tyre për moslejimin e devijimit të protestës.

Po ashtu ri-kujtojmë se përdorimi i mjeteve piroteknike është jo vetëm i paligjshëm, po edhe tejet i rrezikshëm për shëndetin e jetën e punonjësve të Policisë dhe qytetarëve.

Policia e Shtetit do t’i qëndrojë strikt parimit demokratik të proporcionalitetit dhe është e përgatitur të reagojë në proporcion të plotë, me çdo akt dhune.

Po ashtu u kërkojmë qytetarëve të Tiranës, që nuk janë të interesuar për protestën, të shmangin lëvizjen në perimetrin e protestës së sotme, e cila do të jetë nën monitorimin e plotë të Policisë.

Protesta e opozitës, policia rrethon kuvendin me tela

Mbrëmjen e së shtunës (8.06.2019), opozita do të zhvillojë protestën e saj të radhës ndërsa policia ka nisur të marrë masat për mbrojtjen e institucioneve shtetërore që kanë qenë objektiva të sulmeve të dhunshme nga protestuesit opozitar në të kaluarën.

Ashtu si edhe herët e tjera për të monitoruar mbarëvajtjen e protestës do të angazhohen 1500 efektivë policie.

Ndërsa tashmë është vendosur perimetri i sigurisë. Tek Ministria e Brendshme, por edhe te Paramenti është vendosur një gardh metalike, për të mos lejuar kalimin e këtij perimetri nga ana e protestuesve.

Policia njofton se janë vendosur kamera me rezolucion të lartë në pikat kyçe dhe që do të fiksojnë çdo kënd që kryen akte të dhunshme.

Pas çdo proteste të PD-së, policia ka arrestuar personat që kanë ushtruar dhunë.

Plagosja me thikë në Tiranë, arrestohet autori

Policia ka arrestuar autorin e plagosjes me thikë ditën e premte në rrugën “Frosina Plaku” në Tiranë. Gjatë një sherri me thika i plagosur ka mbetur një i ri 25 vjeç nga Tirana, i cili u dërgua menjëherë në spital, ndërsa policia njofton të shtunën se ka vënë në pranga autorin e krimit, 22 vjeçarin me inicialet E.K, banues në Tiranë.

Policia njofton se ai akuzohet për vrasje me dashje të mbetur në tentativë, ndërkohë që sherri është kryer për motive banale.

Njoftimi i Policisë:

Komisariati i Policisë nr 2, Tiranë

Kapet dhe arrestohet autori i dyshuar i plagosjes së rëndë me dashje të 35 vjeçarit.

Specialistët për Hetimin e Krimit në bashkëpunim me Patrullat e Përgjithshme të Komisariatit të Policisë nr 2 në Tiranë, pas informacioneve të marra dhe kontrolleve të shumta, bënë kapjen dhe arrestimin e shtetasit:

E. K., 22 vjeç, banues në Tiranë.

Arrestimi u bë për veprën penale “Vrasja me dashje e mbetur ne tentative” dhe “Prodhimi, mbajtja, blerja apo shitja pa leje e armëve të ftohta”.

Ky shtetas më datë 07.06.2019, rreth ores 13.00, në rrugën “Frosina Plaku”, për motive të dobëta ka goditur me thikë shtetasin S.P, 25 vjeç, banues në Tiranë.

Materialet i kaluan Prokurorisë së Rrethit Gjyqesor Tiranë për veprime të mëtejshme.

Komisariati i Policisë nr 2, TiranëKapet dhe arrestohet autori i dyshuar i plagosjes së rëndë me dashje të 35…
Gepostet von Policia e Shtetit am Freitag, 7. Juni 2019

Krimet e Rënda arrestojnë 4 policë kufitarë në Qafë Botë

Prokuroria e Krimeve të Rënda ka lëshuar urdhër arrestet për katër efektivë të Policisë Kufitare në Qafë Botë.

Report Tv raporton se efektivët e policisë janë ndaluar nga policia e Sarandës. Mësohet se efektivët e ndalur janë kontrollorë të pikës së kalimit në Qafë-Botë. Shoqërimi i tyre është bërë nga Shërbimi i Çështjes së Brendshme dhe Ankesave (SHCBA).

Ende nuk ka detaje për shkeljet që mund të kenë kryer, por pritet zbardhja e arsyes së shoqërimit të katër kontrollorëve të pikës kufitare Qafë-Botë.