Trafik droge e armëmbajtje pa leje, 23 të arrestuar në 24 orët e fundit, prangosen 5 të shpallur në kërkim

Policia e Shtetit, me anë të një lajmërimi për mediat, bën me dije se në 24 orët e fundit ka arrestuar 23 shtetas, për vepra të ndryshme penale.

Sipas policisë, janë prangosur gjithashtu 5 persona, që ishin në kërkim.


Njoftimi i policisë:

Policia e Shtetit

Vijon në të gjithë vendin, zbatimi i detyrave të përcaktuara në Planin e Masave për parandalimin dhe goditjen e veprimtarisë kriminale, kapjen e personave në kërkim, personave që mbajnë armë pa leje, atyre me tendencë në krimet kundër personit, të atyre që shpërndajë apo trafikojnë lëndë narkotike  etj.

Gjatë orëve të fundit janë sekuestruar tri armë zjarri (dy pistoleta dhe një kallashnikov), rreth 10 kilogramë lëndë narkotike kanabis, dy armë të ftohta dhe një armë gjahu, si dhe janë ushtruar dhjetëra kontrolle në lokale, banesa, ambiente të ndryshme dhe vende të dyshuara për fshehje të sendeve të kundërligjshme apo përdorim të lëndëve narkotike.

Si rezultat, janë kapur dhe vënë në pranga dy persona me precedent kriminal në fushën e krimeve ndaj personit, të cilët qarkullonin me armë zjarri, konkretisht 1 në Durrës dhe 1 Tiranë.

Janë goditur tri raste në fushën e narkotikëve, konkretisht: Në Krujë është vënë në pranga një person që kultivonte lëndë narkotike dhe mbante armë zjarri, në Bulqizë janë vënë në pranga dy vëllezër për kultivim dhe në Kurbin është vënë në pranga një shtetas, për kultivim e mbajtje të kanabisit në banesë.

Në Kamzë, falë ndërhyrjes në kohë të shërbimeve të Policisë është parandaluar përshkallëzimi i mëtejshëm i një konflikti, duke vënë në pranga një shtetas, i cili gjatë konflikti qëlloi me armë gjahu në drejtim të një shtetasi me të cilin kishte konflikt për motive pronësie.

Në të gjithë vendin, gjatë 24 orëve të fundit janë vënë në pranga 23 shtetas, për vepra të ndryshme penale, 6 janë proceduar penalisht dhe 5 të tjerë janë shpallur në kërkim.

Operacioni vijon me angazhimin e të gjitha Drejtorive Vendore të Policisë, forcës së posaçme “Shqiponjat”, FNSH-së, RENEA-s, Drejtorisë së Forcës së Posaçme Operacionale në Policinë e Shtetit dhe strukturave të Policisë Kufitare.


Ngjarjet kriminale në vend, policia shton kontrollet, gjen 203 kg kanabis në Fushë-Krujë, arreston 22 persona në gjithë vendin

203 kg kanabis në Fushë-Krujë, 22 të arrestuar dhe 17 makina të bllokuara, është ky bilanci i operacionit të kryer nga forca të policisë në të gjithë vendin.

Policia ka shtuar kontrollet në gjithë vendin me 86 pika policore për të parandaluar ngjarjet kriminale  dhe për të goditur personat me precedent penal, në kërkim apo të akuzuar për krime.


Rasti më flagrant ishte i Krujës, ku Policia gjeti 203 kg kanabis në Zallë të Fushë-Krujës. Po ashtu janë goditur dhe disa raste të tjera të trafikut të drogës dhe klandestinëve.

Jo vetëm kaq, janë bllokuar edhe 17 automjete në gjithë vendin.

Njoftimi i policisë:

Vijon në të gjithë vendin zbatimi i detyrave të përcaktuara në Planin e Masave për mbajtjen nën kontroll të situatës kriminale dhe rendit publik, parandalimin dhe goditjen e veprimtarisë kriminale, kapjen e personave në kërkim, personave që mbajnë armë pa leje, atyre me tendencë në krimet kundër personit etj.

Në zbatim të planit operacional janë angazhuar të gjitha Drejtoritë Vendore të Policisë, forca e posaçme “Shqiponjat”, FNSH-ja, RENEA dhe Drejtoria e Forcës së Posaçme Operacionale në Policinë e Shtetit dhe strukturat e Policisë Kufitare.

Në të gjithë vendin, gjatë 24 orëve të fundit kanë funksionuar 86 pika kontrolli në akset rrugore nacionale, në brendësi të qyteteve dhe në akset kryesore rurale, si dhe janë shtuar patrullimet në kufirin jeshil dhe atë blu.

Janë ushtruar kontrolle në lokale, banesa, ambiente të ndryshme dhe vende të dyshuara për fshehje apo përdorim të lëndëve narkotike.

Si rezultat i kontrolleve janë sekuestruar drogë dhe janë vënë në pranga autorët, janë kapur persona në kërkim me rrezikshmëri shoqërore, janë goditur raste të dhënies ndihmë për kalim të paligjshëm të kufirit, të ushtrimit të paligjshëm të aktivitetit të lojërave të fatit etj.

Në të gjithë vendin janë arrestuar në flagrancë 22 shtetas, janë ndaluar 3 shtetas të shpallur në kërkim, janë proceduar penalisht 7 shtetas, si dhe janë shpallur në kërkim 4 shtetas.

Po gjatë kontrolleve, janë shoqëruar për verifikim në ambientet e Komisariateve të Policisë në të gjithë vendin, 56 persona me precedent penal të mëparshëm dhe pa dokument identifikimi me vete.

Gjithashtu janë bllokuar për mungesë dokumentacioni 17 automjete në gjithë vendin.

Rastet më kryesore:

Në fshatin Zallë, Fushë Krujë, gjatë kontrollit të ambienteve, banesave dhe territorit, shërbimet e Policisë kanë gjetur dhe sekuestruar 203 kilogramë lëndë narkotike cananabis sativa. Është arrestuar në flagrancë shtetasi F. Z., 59 vjeç, banues në Zallë, Fushë Krujë dhe janë shpallur në kërkim shtetasit E. Z., 32 vjeç, dhe F. Z., 29 vjeç, banues në Zallë, Fushë Krujë, (djemtë e shtetasit F. Z).

Në Tiranë, nga Forcat e Posaçme “Shigjeta” është kapur shtetasi i shpallur në kërkim S. T. (Z.), 22 vjeç, pasi Gjykata e Rrethit Gjyqësor Fier i ka caktuar masën e sigurisë “Arrest në burg”, për veprat penale “Vrasja në rrethana të tjera cilësuese” dhe “Armëmbajtja pa leje”, pasi më datë 24.11.2019, ka qëlluar në drejtim të mjetit me drejtues shtetasin I. A. Gjithashtu, ky shtetas është proceduar penalisht për veprën penale “Falsifikimi i dokumenteve”, pasi gjatë verifikimit të gjeneraliteteve i ka dhënë punonjësve të Policisë një kartë identiteti të falsifikuar.

Në Elbasan u arrestua në flagrancë shtetasi G. S., 41 vjeç, banues në Durrës, pasi në aksin rrugor Librazhd-Elbasan, u kap nga shërbimet e Policisë duke transportuar 8 shtetas sirianë dhe nuk i është bindur urdhrit të Punonjësit të Policisë për të ndaluar.

Në Korçë u arrestua në flagrancë shtetasi A. A., banues në Pojan, Maliq, pasi transportonte 3 emigrantë të paligjshëm me një mjet që e drejtonte mjetin pa leje drejtimi.

Në Lezhë është arrestuar shtetasi G. K., 18 vjeç, banues në Rrëshen, pasi gjatë kontrollit të ushtruar iu gjetën dhe sekuestruan doza me lëndë narkotike.

Operacioni vijon.


Në kërkim për tentativë vrasjeje, arrestohet 40-vjeçari nga Tirana

Policia e Kavajës ka arrestuar një 40-vjeçar si autor të ngjarjes së ndodhur më 13 gusht, tek Mali Robit në Golem ku tentoi të vriste një person me armë zjarri.

Nga specialistët për Hetimin e Krimit në Komisariatin e Policisë Kavajë, në drejtimin e Prokurorisë, falë një pune intensive hetimore dhe në bazë të informacioneve të marra në rrugë operative bënë të mundur dokumentimin ligjor si dhe ndalimin e autorit të dyshuar të ngjarjes, shtetasin D. K., 40 vjeç, banues në Tiranë.


Ndalimi i këtij shtetasi u bë pasi më datë 13.08.2020, dyshohet se pas një konflikti të çastit, për motive të dobëta ka tentuar të vrasë me armë zjarri shtetasin E.Xh.

Materialet iu referuan Prokurorisë së Rrethit Gjyqësor Tiranë, për veprat penale “Vrasje me dashje, e mbetur në tentativë” dhe “Armëmbajtja pa leje”.


Policia e Kosovës aksion në zonën kufitare kundër kazinove dhe krimit të organizuar

Njësia Speciale e Kosovës ka zhvilluar aksion të madh në zonën kufitare të Karaçevës, këtë të premte.

Ende nuk është konfirmuar zyrtarisht, lidhur me personat e arrestuar, por sipas pamjeve të publikuara shihen dhjetëra persona të kapur nga policia që dyshohet se janë pjesë e veprimtarive të jashtëligjshme në Karaçevë.


Ky aksion erdhi pas raportimit në Kuvend të fundit të ministrit të Brendshëm, Agim Veliu. Veliu tha se do të ketë ndërhyrje të policisë për veprimtaritë ilegale atje.

Në këtë pjesë, në të kaluarën është raportuar për një sërë aktivitetesh të jashtëligjshme, trafikim me qenie njerëzore, prostitucion, kontrabandë, organizim i lojërave të fatit dhe keqpërdorim i detyrës zyrtare.


Ngjarjet kriminale/ Policia, Shqiponjat e RENEA në terren, sekuestrohet kokainë dhe armë zjarri

“Kokainë, kanabis dhe armë zjarri, si dhe ka arrestuar 9 persona dhe shpallur në kërkim 5 të tjerë” është ky bilanci i operacionit të ndërmarrë nga Policia e Shtetit, forcat Shqiponja, RENEA dhe FNSH, të cilët kanë zbritur në terren në disa qytete të vendit.

Plani i masave ndërmerret me qëllim mbajtjen nën kontroll të situatës kriminale dhe rendit publik, parandalimin dhe goditjen e veprimtarisë kriminale, kapjen e personave në kërkim, personave që mbajnë armë pa leje, atyre me tendencë në krimet kundër personit etj.


Njoftimi i policisë:

Plan masash për mbajtjen nën kontroll të situatës kriminale dhe rendit publik, parandalimin dhe goditjen e veprimtarisë kriminale, kapjen e personave në kërkim, personave që mbajnë armë pa leje, atyre me tendencë në krimet kundër personit etj.

Në zbatim të planit operacional janë angazhuar të gjitha Drejtoritë Vendore të Policisë, forca e posaçme “Shqiponjat”, FNSH-ja, RENEA dhe Drejtoria e Forcës së Posaçme Operacionale në Policinë e Shtetit.

Në të gjithë vendin, prej orës 18:00 të ditës së djeshme janë ngritur 69 pika kontrolli në akset rrugore nacionale, në brendësi të qyteteve dhe në akset kryesore rurale.

Janë ushtruar kontrolle në dhjetëra mjete, banesa, lokale dhe ambiente të ndryshme.

Në të gjithë vendin janë arrestuar në flagrancë 9 shtetas, janë proceduar penalisht 10 të tjerë, si dhe janë ndaluar 5 shtetas të shpallur në kërkim, për vepra të ndryshme penale.

Sekuestrohen doza me lëndë narkotike kokainë dhe cannabis sativa.

Gjatë operacionit janë sekuestruar edhe tri armë zjarri.

Gjatë kontrolleve janë shoqëruar në ambientet e Komisariateve të Policisë në të gjithë vendin, 40 persona për verifikim.

Si rezultat i kontrolleve, në qarkun e Tiranës është kapur një person në kërkim për veprën penale “Vjedhja”.

Në qarkun e Fierit është arrestuar në flagrancë S. B., pasi gjatë kontrollit iu gjet një sasi lënde narkotike cannabis sativa. Është proceduar penalisht XH. G., pasi nuk i është bindur urdhrit të punonjësit të Policisë për të ndaluar.

Në qarkun e Durrësit është arrestuar në flagrancë shtetasi E. M., pasi gjatë kontrollit në mjetin e tij, që e drejtonte pa leje drejtimi, iu gjet një shkop metalik (armë e ftohtë). Është proceduar penalisht shtetasi K. L., pasi nuk i është bindur urdhrit të Policisë për të ndaluar.

Në qarkun e Beratit është arrestuar në flagrancë shtetasi D. T., pasi iu gjetën disa doza me kokainë dhe cannabis sativa. Janë arrestuar në flagrancë shtetasit A. H. dhe K. H., pasi gjatë kontrollit u kapën duke drejtuar motoçikletat pa leje drejtimi. Është kapur dhe ndaluar shtetasi L. V., i shpallur në kërkim për veprën penale “Dhuna në familje”. Është arrestuar në flagrancë shtetasi K. K., pasi ka qenë me masën e sigurimit “Arrest në shtëpi”, por gjatë kontrollit u kap nga shërbimet e Policisë në një lokal. Është proceduar penalisht shtetasi E. H., pasi gjatë kontrollit iu gjet një dorezë boksi.

Në qarkun e Vlorës është arrestuar në flagrancë shtetasi A. N., 16 vjeç, pasi gjatë kontrollit në automjet iu gjet një armë zjarri pistoletë dhe 22 fishekë. Është proceduar në gjendje të lirë shtetasi S. N., pasi gjatë kontrollit personal iu gjetën disa doza me lëndë narkotike cannabis sativa.

Në qarkun e Korçës është arrestuar në flagrancë shtetasi K. Sh., pronar i një lokali, pasi iu gjet një sasi cannabis sativa. Janë proceduar penalisht 5 shtetas, për veprën penale “Organizimi i lotarive të palejuara”.

Në qarkun e Lezhës është arrestuar në flagrancë shtetasi P. B., pasi gjatë kontrollit në banesë iu gjet dhe sekuestrua një armë zjarri pistoletë dhe një sasi lekësh të dyshuara të përftuara nga aktiviteti i paligjshëm në fushën e narkotikëve. Është proceduar penalisht shtetasi H. D., pasi gjatë kontrollit iu gjet dhe sekuestrua një armë gjahu që e mbante pa leje. Janë ndaluar shtetasit A. G., Gj. G dhe N. G., të shpallur në kërkim për veprën penale “Konkurrenca e paligjshme nëpërmjet dhunës”.

Operacioni vijon./realstory.al


Tenton të vrasë gruan, pranga 61-vjeçarit

Policia e Tiranës arrestoi një 61-vjeçar i cili kërcënonte me thikë për vrasje bashkëshorten. Sipas policisë, qytetarët lajmëruan se në banesën e shtetasit F.B., po ndodhte një sherr. Forcat e policisë kanë shkuar menjëherë në vendin e ngjarjes.

Ato kanë gjetur shetasin me inicialet F.B., 61 vjeç duke kërcënuar bashkëshorten e tij me thikë se do e vriste. Ndërkohë, më herët 61-vjeçari kishte ushtruar dhunë fizike dhe psikologjike. Për këtë arsye, ai është arrestuar në flagrancë nga policia.


Bashkëshortja e këtij shtetasi ishte e pajisur me urdhër mbrojtje nga Gjykata, pasi 61-vjeçari kishte ushtruar në mënyrë të përsëritur dhunë fizike e psikologjike ndaj saj.

Materialet iu referuan Prokurorisë pranë Gjykatës së Shkallës së Parë Tiranë, për veprat penale “Dhuna në familje” dhe “Veprime në kundërshtim me vendimin e gjykatës”.


Tentoi të ikte me “Benz Ml”. Si u arrestua “skifteri” i makinave luksoze

Policia e Elbasanit realizoi një aksion, të ngjashëm si ata në filmat artistik, për kapjen e një 30-vjeçari që vidhte makina luksoze në këtë qytet. Policia njoftoi se ra në pranga një shtetas me inicialet A.P., 30 vjeç, banues në Durrës. Ky shtetas është arrestuar në flagrancë duke u kapur së bashku me mjetin e vjedhur në Elbasan gjatë natës të së shtunës. Konkretisht, Policia e Elbasanit ishte njoftuar se gjatë natës ishte vjedhur një mjet tip “Benz ML”, prdhim i viteve të fundit.

Menjëherë, patrullat e policisë janë organizuar duke ngritur pika kontrolli në akset rrugore. Në vendin e quajtur “Ura e Shkumbinit” në Elbasan, një patrullë policie ka vënë re se një mjet tip “Benz ML”, po lëvizte me shpejtësi në drejtim të Bradasheshit, për t`u larguar në drejtim të Durrësit. Patrulla e Policisë Rrugore dhe ajo e Përgjithshme janë vënë në ndjekje të mjetit, duke arritur ta ndalojnë vetëm pas 30 minutash.


Njëra nga patrullat bëri të mundur ndalimin e mjetit së bashku me personin që e kishte vjedhur. Më pas, shtetasi me inicialet A.P, 30 vjeç, banues në Durrës është arrestuar dhe dërguar në komisariatin e Policisë së Elbasanit. Mjetin, ky shtetas, e kishte vjedhur në lagjen “Shënkoll” në Elbasan, makinë e cila ishte në pronësi të shtetasit me inicialet E.Ç.

Ndërkohë, pas arrestimit të hajdutit të mjetit tip “Benz ML”, policia zbardhi edhe vjedhjen e një tjetër mjeti në Elbasan. 30-vjeçari nga Durrësi është autor edhe i vjedhjes së mjetit tjetër tip “Benz”, në pronësi të shtetasit A.M., banues në Elbasan. Kjo ngjarje kishte ndodhur gjatë ditëve të para të këtij viti, raporton Policia.

Megjithatë, Policia e Elbasanit dhe Durrësit po punojnë për zbardhjen e disa vjedhjeve të tjera makinash luksoze, autor i të cilave dyshohet se është 30-vjeçari i arrestuar në Durrës. Materialet i kaluan Prokurorisë së Rrethit Gjyqësor Elbasan, për veprime të mëtejshme, për veprën penale “Vjedhja”.

ElbasanVidhte makina luksoze në Elbasan dhe i çonte në Durrës, prangoset nga Policia Rrugore.Vihet në pranga pas 30 minutash ndjekjeje nga Policia Rrugore e Elbasanit, 30-vjeçari nga Durrësi. Bllokohet mjeti me të cilin tentoi të largohej, pasi e kishte vjedhur në Elbasan. 30-vjeçari, autor i vjedhjes edhe të një tjetër mjeti në Elbasan, në ditët e para të këtij viti.Policia Rrugore e Elbasanit, pas njoftimit të marrë se një mjet tip “Benz ML”, prodhim i fundit ishte vjedhur në Elbasan, tek Ura e Shkumbinit, ka organizuar patrullat që kryenin shërbim në akset rrugore dhe janë vënë në kërkim të mjetit, duke e konstatuar mjetin që po lëvizte me shpejtësi në drejtim të Bradasheshit, për t’u larguar në drejtim të Durrësit. Patrullat e Policisë Rrugore dhe Patrullat e Përgjithshme janë vënë në ndjekje dhe pas afro 30 minutash, në Bradashesh, njëra nga Patrullat e Policisë Rrugore bëri të mundur bllokimin e mjetit bashkë me personin që e kishte vjedhur.Drejtuesi i mjetit, së bashku me mjetin janë shoqëruar në Komisariatin e Policisë Elbasan dhe në përfundim të veprimeve të kryera nga specialistët për hetimin e krimit u bë arrestimi në flagrancë i shtetasit: A. P., 30 vjeç, banues në Durrës. Ky shtetas, në lagjen “Shënkoll”, në orët e mbrëmjes ka vjedhur mjetin tip “Benz ML”, në pronësi të shtetasit E. Ç.Gjithashtu, nga veprimet e kryera nga specialistët për hetimin e krimeve në Komisariatin e Policisë Elbasan, dyshohet se ky shtetas është autor edhe i vjedhjes së automjetit tip “Benz”, në pronësi të shtetasit A.M., banues në Elbasan, vjedhje e ndodhur në ditët e para të këtij viti.Vijojnë veprimet në bashkëpunim me DVP Durrës e Tiranë, pasi ky shtetas dyshohet se ka vjedhur edhe disa mjete të tjera. Materialet i kaluan Prokurorisë së Rrethit Gjyqësor Elbasan, për veprime të mëtejshme, për veprën penale "Vjedhja".

Gepostet von Policia e Shtetit am Sonntag, 19. Januar 2020

“Alo, po vjedhin banesën”, policia kap në flagrancë 35-vjeçarin në Korçë

Policia e Korçës parandaloi vjedhjen e një vjedhje në këtë qytet. Në fakt, gjithçka ndodhi falë telefonatës së një qytetari në komisariat. Në numrin 129 të policisë, një qytetar ka njoftuar se në lagjen nr. 4 Korçë, në banesën e shtetasit P. N., (emigrant) një shtetas kishte hyrë për të vjedhur.

Menjëherë pas marrjes së këtij njoftimi shërbimet e Komisariatit të Policisë Korçë, kanë shkuar drejt adresës së raportuar, ku kanë konstatuar në ambjentet e brendshme të banesës, shtetasin L. Sh., 35 vjeç, i cili po tentonte të kryente vjedhje.


Policia arrestoi në flagrancë shtetasin L. SH., (i dënuar më parë për veprën penale “Vjedhja”) dhe materialet hetimore i kaluan Prokurorisë pranë Gjykatës së Shkallës së Parë Korçë për veprime të mëtejshme.


Qindra gjoba dhe 5 shoferë të arrestuar në 24 orët e fundit

Policia Rrugore vijon punën për rritjen e sigurisë në rrugë. Gjatë 24 orëve të fundit, në qarqet Tiranë, Durrës, Berat, Fier, Lezhë dhe në bashkinë Fushë-Krujë, janë pezulluar 75 leje drejtimi për shpejtësi tej normave të lejuara, të konstatuara nga 6 radarë, 4 nga të cilët Trucam.

“Për tejkalim të shpejtësisë por pa masë plotësese, janë vendosur 105 masa administrative, matur me radar, kryesisht në rrugët urbane. Gjithashtu, gjatë kontrolleve janë përdorur edhe aparatet alkooltestues drager . Si rezultat  i kontrolleve janë pezulluar 14 leje drejtimi për drejtim mjeti nën efektin e alkoolit, si dhe janë arrestuar në flagrancë 5 drejtues automjetesh, për drejtim mjeti në gjendje të dehur.


Në të gjithë vendin, nga shërbimet e Policisë Rrugore janë vendosur:  243 masa administrative për parakalime dhe manovra të gabuara në rrugë; 230 masa për përdorim të celularit gjatë drejtimit të mjetit;  647 masa për parkime të gabuara; 74 masa për mosvendosje të rripit të sigurisë;  40 masa për mosvendosje të kaskës mbrojtëse; 28 masa për mungesë siguracioni; 443 masa për shkelje të ndryshme.

Gjatë kontrolleve, në 24 orët e fundit janë goditur 2 raste të mitëdhënies nga Policia Rrugore e Tiranës, si edhe një rast i qarkullimit me armë në mjet, nga Policia Rrugore e Lezhës. Parandalimi i aksidenteve, prioritet kryesor i Policisë Rrugore”, thuhet në një njoftim të Policisë së Shtetit.


Dhunoi dhe tentoi të digjte shtëpinë e ish-gruas, arrestohet lushnjari

Policia e Lushnjës arrestoi një 46-vjeçar, pasi dhunoi dhe më pas tentoi të digjte banesën e ish-bashkëshortes së tij. Sipas Balkanweb, në pranga është vënë shtetasi me inicialet G.M., banues në Karbunarë.

Arrestim i këtij shtetasi u bë pasi në prezencë të fëmijëve të mitur, ka ushtruar dhunë fizike e psikologjike dhe ka tentuar të djegë banesën e ish-bashkëshortes së tij, shtetases M. M, 45 vjeçe, e cila ka qenë e pajisur me urdhër mbrojtje nga Gjykata.


Materialet i kaluan Prokurorisë pranë Gjykatës së Shkallës së Parë Lushnje për veprat penale “Dhunë në familje”, “Veprime në kundërshtim me vendimin e Gjykatës” dhe “Shkatërrimi i pronës me zjarr e mbetur në tentativë”.


Skip to toolbar