“Pjesë e historisë”, SHBA, prokurorëve dhe policëve: Aplikoni për Byronë e Hetimit

Të premten, kreu i SPAK Arben Kraja hapi garën për kreun e Byrosë Kombëtare të Hetimit, që do të pasojë edhe me aplikimet për hetues në këtë strukturë. BKH është një investim amerikan në tërësinë e saj, pasi nga pajisjet hetimore deri te trajnimi i hetuesve, janë angazhim i SHBA.

Ndaj, pak orë pas hapjes së garës për kreun e Byrosë Kombëtare të Hetimit, Ambsada e Shteteve të Bashkuara të Amerikës lëshoi një deklaratë ku fton prokurorët, punonjësit e Policisë së Shtetit apo Policisë Gjyqësore, që të aplikojnë për t`u bërë pjesë e BKH-së.

“Jeni prokuror, punonjës i Policisë së Shtetit apo Policisë Gjyqësore, i gatshëm për të luftuar për drejtësinë që çdo shqiptar meriton? Jeni person me integritet, përvojë profesionale dhe një sërë aftësish të nevojshme për të drejtuar dhe frymëzuar një grup prej rreth 60 hetuesish të Byrosë Kombëtare të Hetimit?

Nëse mendoni se përmbushni kriteret për të drejtuar një institucion të rëndësishëm të programit kundër korrupsionit në Shqipëri, aplikoni për pozicionin e Drejtorit të Byrosë Kombëtare të Hetimit (BKH). Shqipëria është në hapat e fundit të zbatimit të reformës në drejtësi. Bëhu pjesë e historisë, apliko tani”, thuhet në njoftimin e ambasadës.

Byroja Kombëtare e Hetimit do të jetë një strukturë e ngjashme me FBI në SHBA. Ajo do të hetojë zyrtarët e korruptuar dhe bosët e krimit të organizuar. BKH do të jetë struktura më e rëndësishme e SPAK, institucion që pritet të ndëshkojë ata që deri më sot janë cilësuar “të fortët” e krimit apo politikës.

🇦🇱️ | Jeni prokuror, punonjës i Policisë së Shtetit apo Policisë Gjyqësore, i gatshëm për të luftuar për drejtësinë që…
Gepostet von U.S. Embassy-Tirana am Freitag, 10. Januar 2020

3 kandidatët për kryeprokuror në sitën e KLP. Nisin së shpejti intervistat

3 nga 4 kandidaturat për Prokuror të Përgjithshëm do t’i nënshtrohen garës së hapur nga Këshilli i Lartë i Prokurorisë, në datën 19 shtator. Gara e fortë për kreun e akuzës, do të vendosë në sfidë vetëm 3 nga 4 emrat që kanë konkurruar për të qenë Prokuror i Përgjithshëm.

Formula për kreun e akuzës nuk është aspak e njëjtë me atë të prokurorëve për SPAK. Rregullorja për përzgjedhjen e Prokurorit të Përgjithshëm e vendos Këshillin në të tjera kushte konkurrimi dhe përzgjedhje. Ndërkohë që prokurorët për SPAK, u intervistuan të gjithë kandidatët, për Prokurorin e Përgjithshëm rregullorja përcakton të tjera kushte.

Neni 3… pika 5, 6 dhe 7 … thonë se KLP është e detyruar të fusë në garë vetëm ata prokurorë që plotësojnë kriteret.

“Pika 5. Në përfundim të vlerësimit paraprak, Këshilli harton listën e kandidatëve që plotësojnë kushtet ligjore dhe të kandidatëve që nuk i plotësojnë këto kushte bazuar në dokumentacionin e paraqitur nga kandidati dhe dokumentacionin shtesë të mbledhur nga Këshilli.

Pika 6. Këshilli merr vendim për përjashtimin e kandidatëve që nuk plotësojnë kushtet ligjore dhe i njofton me shkrim kandidatët e përjashtuar, në mënyrë të posaçme dhe të arsyetuar për shkaqet e përjashtimit. 7. Pas përfundimit të afatit të ankimit për vendimet e përjashtimit, Këshilli mblidhet dhe miraton listën përfundimtare të kandidatëve që plotësojnë kushtet ligjore”.

Pritet që brenda pak ditësh, Këshilli, sipas rregullores të njoftojë kandidatët për intervistën përfundimtare, përpara se emrat e tyre t’i përcillen Kuvendit për vendim. Këshilli i Prokurorisë do të pres 10 ditë për të parë nëse KPA, Kolegji i Posaçëm i Apelimit do të bëjë ankimim ndaj vendimit për Prokurorin Olsian Çela, një prej kandidatëve për Prokuror të Përgjithshëm./A2cnn

Vakancat e vettingut, KLP: Kandidati i SPAK, drejtues te Krimet e Rënda

Këshillit i Lartë i Prokurorisë ka miratuar në mbledhjen e së hënës drejtuesit e përkohshëm në disa prej prokurorive të vendit.

Prokurori Altin Dumani, një nga kandidatët e renditur me pikët më të larta për SPAK, u caktua drejtues në prokurorinë pranë gjykatës së apelit të krimeve të rënda. Më herët ky post është mbajtur nga Fehmi Petku, i cili u shkarkua nga detyra nga KPK pasi kishte probleme me deklarimin e pasurisë.

Me shumicë votash në mbledhjen e KLP-së u vendos që Isa Jata, prokuror nё Prokurorinë pranë Gjykatës së Shkallës së Parë Tiranё, të jetë nё pozicionin e prokurorit nё Prokurorinё pranё Gjykatёs sё Apelit tё Krimeve tё Rёnda.

Julian Çafka caktohet drejtues në prokurorinë Gjirokastër, për një periudhë tremujore.

Rozeta Qirjaçi u caktua në funksionin e Drejtueses në Prokurorinë pranë Gjykatës së Apelit Korçё.

Irena Çunoti u caktua në funksionin e prokurores në Prokurorinë pranë Gjykatës së Apelit Korçё.

Procesi i vettingut prej të cilit janë shkarkuar nga detyra dhe janë larguar nga sistemi i drejtësisë një numër i konsiderueshëm prokurorësh dhe gjyqtarësh, ka sjellë vakanca nëpër prokuroritë dhe gjykatat e rretheve dhe këto plotësohen përmes vendimeve të KLP-së me prokurorë dhe gjyqtarë të përkohshëm.