Shkëputet maja e malit në Pukë, tremben banorët

Një masiv shkëmbor është shkëputur nga maja e malit që ndodhet mbi fshatin Mërtur të qyteti të Pukës. Nga shkëputja e masivit shkëmbor nuk ka të lënduar pasi ka ndodhur në një zonë të pabanuar, larg fshatit, por zhurma dhe tymi i krijuar kanë trembur banorët.

Shkëputja e malit ka ndodhur për shkaqe natyrore dhe në zonë nuk ka pasur tërmete dhe as kompani gurore që të shkaktonte rënien e masivit shkëmbor. Ky fakt u konfirmuar edhe nga emergjencat cilive të Kukësit, të cilat deklaruar se këto janë fenomene të zakonshme në zonë.

Fatmirësisht kjo shkëputje ka ndodhur larg qendrave të banuara dhe nuk ka shkaktuar dëme materiale apo viktima.

Pukë, kapet me fidan lënde narkotike, arrestohet 26 vjeçari

Arrestohet një i ri, pasi akuzohet për kultivim të lëndëve narkotike. Policia e Pukës në bazë të informacioneve të marra në rrugë operative arrestoi në flagrancë shtetasi G. M. 26 vjeç,.

Arrestimi i tij u bë pasi gjatë kontrollit të territorit, në afërsi të banesës në fshatin “Mogurush”, Pukë, u gjetën dhe u sekuestruan në cilësinë e provës materiale 170 kubikë me fidanë kanabis sativa gati për t’u mbjellë.

Materialet i kaluan Prokurorisë së Rrethit Gjyqësor Pukë për veprën penale të “Kultivimi i bimëve narkotike”.

Dhunon 41 vjeçaren gjatë vjedhjes, arrestohet i riu

Policia e Pukës ka arrestuar një 27 vjeçar, pasi është futur në banesën e një shtetase dhe e ka dhunuara të.

Arrestohet shtetasi me iniciale M.N., 27 vjeç, pasi ka dhunuar 41 vjeçaren me iniciale B.B., në banesën e saj gjatë kohës që kishte hyrë për të vjedhur.

27 vjeçari ka qenë edhe më parë i dënuar për vjedhje me dhunë, ndërsa njihet edhe si person me probleme të shëndetit mendor.

Materialet iu referuan Prokurorisë së Rrethit Gjyqësor Puke, për veprat penale “Dëmtime të tjera me dashje” dhe “Dhunimi i banesës”.

Zjarri përpin nënë e baba në Pukë, 4 fëmijët hidhen nga ballkoni

Një shtëpi banimi ka marrë flakë gjatë natës në fshatin breg të Pukës, duke shkaktuar vdekjen e çiftit Petrit dhe Dava Ndoj. Por fatmirësisht nga zjarri kanë shpëtuar 4 fëmijët e mitur si dhe gjyshërit e moshuar që jetonin bashkë në të njejtën shtëpi.

Sipas të dhënave të para të policisë, zjarri ka rënë rreth orës 2 të natës teksa banorët ishin në gjumë. I pari që e ka dëgjuar zjarrin ka qenë gjyshi, i moshuari Pal Ndue Gjoni.

“Dëgjova tullat që kërcisnin dhe më doli gjumi. Jam zgjuar shpejt, kisha hallin e fëmijëve. Thirra djalin që të merrte gruan time, që e kam të paralizuar. Kur e thirra djalin, nuk m’u përgjigj. U gëzova kur pashë fëmijët që kishin dalë në oborr. Ajo që më ndodhi mua, mos t’i ndodhtë njeriu!” është shprehur i moshuari.

Dy të moshuarit janë strehuar tek të afërmit në një banesë pranë. 4 fëmijët pasi u mjekuan, u strehuan tek të afërmit e mamasë së tyre.

Policia dhe zjarrfikëset kanë shkuar në vendngjarje dhe kanë bërë të mundur shuarjen e zjarrin pas disa orësh duke gjetur edhe trupat e pajetë të prindërve të fëmijëve.