Në filxhanin e Ramës shkruhet 30. Mesazh për Monën dhe Metën

Me një foto të publikuar mëngjesin e së premtes në Instagram, kryeministri Rama ka dhënë 3 mesazhe. E para numri 30 që do të thotë se kryeministri nuk heq dorë nga data e zgjedhjeve.

E dyta vazhdon ironinë me kryetaren e LSI-së, Monika Kryemadhi të cilës gjithmonë i thotë se sheh filxhan dhe jo më kot ka postuar këtë foto me filxhan kafeje dhe nuk ka bërë asnjë koment tjetër.

Dhe e treta zhvlerësim i çdekretit të presidentit Meta, pasi për Ramën fushata vazhdon dhe zgjedhjet do të mbahen në 30 qershor.

View this post on Instagram

🤣

A post shared by Edi Rama (@ediramaal) on Jun 13, 2019 at 11:17pm PDT

PD i bllokon rrugën, Rama u kujton: 1-5 vite burg për pengimin e fushatës

Militantët e Partisë Demokratike e kanë pritur kryeministrin Rama me protesta, ku kanë tentuar edhe t’i bllokojnë rrugën, në hyrje të qytetit të Librazhdit, ku Rama vijon fushatën elektorale.

Për rastin, Rama reagoi gjatë fjalës së tij me qytetarët e Librazhdit, ku tha se personat që tentuan t’i bllokojnë rrugën shkelën ligjin pasi pengimi i fushatës zgjedhore për një subjekt përbën vepër penale dhe dënohet nga 1-5 vite burg. “Kam dëgjuar shpesh që thonë 1997, 1997! Por me kë do ta bëjnë? Me ato 100 mjeranë atje që kishin zënë rrugën dhe gjuanin me gurë dhe kapsolla të drejtuar nga politikanë qorra që u shërbejnë, Metës, Bashës, Saliut dhe Monikës?!” Sot shkelën një nga nenet, pengimin e fushatës dhe dënohen nga 1-5 vite këtë njerëz. Sakrifikojnë lirinë e tyre, për kë? Hallin e katër aventurierëve që e çuan opozitën në drejtim të paditur.”

Gjithashtu Rama rikonfirmoi 30 qershorin përmes fjalëve të ndërkombëtareve, ndërsa përmendi edhe heqjen e të drejtës për të hyrë në SHBA nëse dhunojnë zgjedhjet. “ Në 30 Qershor ne do të vijojmë rrugën dhe kush do të guxojë të na dalë përpara do të përballet me ligjin, jo vetëm shqiptar. Qeveria amerikane i drejtoi gishtin me emër dhe mbiemër, Bashës dhe Kryemadhit që do të jenë përgjegjës, se qartësisht se atyre që vijojnë këtë rrugë do u hiqet e drejta për të hyrë në SHBA. E dëgjuat vetë nga Presidenti i KE-së dhe të gjithë europianët janë për zbatimin e ligjit në 30 Qershor.”

“U desh të bëhej Meta president që të kujtojmë për mirë, Bujar Nishanin”

Në fjalën e mbajtur të enjten në Kuvend Rama kujtoi se Bujar Nishani asnjëherë nuk e kishte përdorur firmën e presidentit për PD-në, ndërkohë që Ilir Meta me këtë vendim është vënë në dispozicion të opozitës.

“Bujar Nishani nuk e përdorte Kushtetutën për interesa të partisë, pavarësisht se i shkonte pas avazit. Ai asnjëherë nuk e vuri Kushtetutën pas partisë. U desh të bëhej president Ilir Meta që të kujtojmë për mirë sot Bujar Nishanin, presidentin më partiak dhe më mediokër. Madje u desh të bëhej Ilir Meta president që libri i historisë të pasurohej me nocionin e çdekretimit. Dhe në faqet e veta të përfshinte dhe aktin e çfirmosjes. U desh të bëhej president Ilir Meta që historia e filozofisë botërore të përballej me një koncept befasues për njerëzimin. Gjithë filozofët grek, janë rrotulluar në varret e tyre kur kanë ardh fjalë për këtë kategori të re të konsensusit”, tha Rama.

Ai u shpreh i bindur se në Shqipëria nuk do të kenë një ’97 tjetër, ndërsa theksoi se PS nuk heq dorë nga zgjedhjet e 30 qershorit.

“97 tjetër? Përse? Çfarë ka ndodhur që të kthehemi në të kaluarën. Cilat skema piramidale pa bien dhe gjaku i kujt po digjen që të digjet Shqipërinë sërish si në ’97. Në cilën depo amartimesh NATO do hapë dyert për të armatosur shqiptarët kundër njëri tjetrit. Cili është halli që nxjerr në sheshe bashkitë blu që nxjerr të rinj me maska që vijnë të ngarkuar dhe urinojnë në derën e kryeministrisë. Dua të bëj sa më të qartë se ne nuk ka asgjë që na tund nga 30 qershori. E pranojmë si të keqen me të vogël zgjedhjen e atyre që na lënë me 1 kandidat në këtë bashki

Duke shkuar në zgjedhje me këtë dhimbje koke nga arratisja e opozitës ne nuk garantojmë dot larminë e plotë të zgjedhjeve. Produkti i zgjedhjeve do jetë një hartë elektorale pothuasje 100% e purpurt nëse nuk do ketë ndonjë surprizë tek e tuk. Por kjo nuk ndodh se nuk na pëlqen neve të mos ketë garë në çdo bashki, dhe as se ka ndonjë plan totalitarist. Nuk është plani ynë ky, ky është plani i tyre. Ne duhet ta pranojmë realiteti si është për të mos rënë në kurthin dritëshkurtësisë nga meraku se qëndrimi në proces na bën bashkëfajtorë për shkak të zgjedhjes njëngjyrëshe! Jo aspak”, tha Rama.

Sarkazma e Ramës: Presidenti “pordhi” mbi datën e zgjedhjeve

Me dekretin e çdekritmit të datës së zgjedhjeve, Ilir Meta “lëshoi një re nga pantallonat“, u shpreh Edi Rama ndër të tjara gjatë fjalës së tij në parlament. Sipas Kryeministrit, kriza politike që ka kapur vendin, e shtuar tashmë edhe nga shfuqizimi i datës së zgjedhjeve, dëmton vendin, ekonominë, investimet dhe turizmin.

“Për të gjithë ata që duan një situatë sa të qartë aq dhe konfuze, sa të kuptueshme aq dhe absurde. Çfarë interesi vetjak kam unë, që të jem kaq i patundur, nga bindja që nuk është koha për kompromis, por është koha për fushatë për zgjedhje. Qeveria ka një mijë e një probleme për të adresuar, ekonomia goditet nga ky tension, turizmi dëmtohet. Qetësimi i situatës duke shfrytëzuar edhe skandalin e dekretimit të zgjedhjeve, duket dicka më e lehtë”.

“Një dhimbje jo e vogël koke, në kushte jo normale, drejt përpara në rrugën e 30 qershorit, kur s`ka asnjë lloj interesi të ngushtë pragmatist, kthehet në pengesë për qetësimin e kësaj situate dhe asnjë pengesë në rrugën e qeverisjes sikur edhe zgjedhjet të shtyheshin në pafundësi. Po të isha i shqetësuar për karrigen time dhe për qeverinë do isha më i lumtur, që presidenti lëshoi një re kaq të madhe nga pantallonat mbi datën e zgjedhjeve”.

“Ja lija fajin Ilirit për ndërprerjen brutale të fushatës, duke i thënë jazëk të qoftë zoti president. U zhduk data e zgjedhjeve nga horizonit dhe dilja si një burrë i urtë dhe i pafajshëm. Shpëtoja dhe unë bashkë me Partinë Socialiste nga zgjedhje të tjera më vonshme. Me ëktë budallallëk na jepet mundësia të thoshim nesër se nuk duam zgjedhje”, tha Rama.

Rama i kujton Metës skandalet e falura

Kryeministri Edi Rama në fjalën e së enjtes në Kuvend tha se Shqipëria i ka dhënë shumë Ilir Metës duke i dhënë postet më të rëndësishme të shtetit pa u bërë as 50 vjecc. Ai tha se Ilir Meta nuk do ndihej mirë edhe po të bëhej Mbret, ndërsa shtoi se ai i ka shumë borxhe Shqipërisë dhe shqiptarëve pasi i ka falur shumë skandale.

“E pyes veten se çfarë kërkon më shumë Ilir Meta nga Shqipëria. Kujt i ka bërë Shqipëria më shumë ndere sesa këtij njeriu të cilin pa mbushur ende 50 vjeç e ka bërë si askënd tjetër në histori, edhe kryeministër edhe kryetar kuvendi edhe presidenti të republikës. Kujt më shumë se Ilir Metës i janë falur përçarjet, skandalet dhe i është dhënë kaq e kaq herë mundësia të lindë i penduar, i kthjelluar. Kujt më parë se Ilir Metës i takon të pyes vetes se çfarë më shumë mund të bëjë që t’i lajë Shqipërisë sado pak detin me borxhe që u ka. Që t’u lajë sado pak socialistëve dhe zgjedhësve borxhet e të gjitha rasteve që e kanë toleruar.

Historia nuk e gjen një të dytë politikan me të cilin Shqipëria të ketë qenë kaq zemër gjerë. Ilir Meta është mësuar keq ta shkelmojë të mirën e tij, duke u bërë vend e pa vend protagonist i një skene kur Metës asnjeherë nuk i mjafton roli që ka, vendi ku ndodhet, maja ku ngjitet. Jo president, por edhe mbret të të gjithë shqiptarëve po ta shpallin shqiptarët por edhe të tëra trojeve dhe viseve shqiptareve, Ilir Meta nuk do të ndihej mirë”, tha Rama.

ERTV Live😊: REZOLUTË MBI SHFUQIZIMIN E DEKRETIT PËR ZGJEDHJET E 30 QERSHORIT NGA PRESIDENTI I REPUBLIKËS
Gepostet von Edi Rama am Donnerstag, 13. Juni 2019

Rama Bashës urim si për sëmundje: Shëndet paç, por fitoren jo”

Nga qyteti i Lushnjes kryeministri Rama ka uruar kreun e Partisë Demokratike, Lulzim Basha për ditëlindjen e tij, që përkon me të njëjtën ditë me themelimin e Partisë Socialiste.

Në urimin e tij nuk munguan as dozat ironike të kryeministrit, i cili thekson se “edhe sikur ta linim të hynte vetëm në zgjedhje, Basha sërish nuk do të fitonte”

“Sot është ditëlindja e PS-së, është edhe ditëlindja e Lulzim Bashës, kështu që i uroj shëndet, por jo fitore. Megjithëse kam përshtypjen se edhe sikur ta linin të hynte vetëm në zgjedhje prapë nuk fiton dot.” – tha Rama /realstory.al

Juncker puthje për Ramën, dru për Metën: Zgjedhjet në 30 qershor

Jo vetëm OSBE, por edhe BE shprehet qartë kundër vendimit të presidentit Meta për të shfuqizuar 30 qershorin si datën e mbajtjes së zgjedhjeve në një zë: Kjo nuk duhet të ndodh, zgjedhjet duhet të jenë më 30 qershor.

Nuk zgjati as 5 orë entuziazmi i tifozëve të Metës pas një konference të shkurtër të martën, që e nisi si kreu i shtetit i shqetësuar për situatën në vend dhe përfundoi duke i treguar muskujt Amerikës, Lajçak dhe “ndërkombëtarëve ngatërrestarëve” Rreth orës 20:00, në listën e “zezë” të Metë u shtua edhe presidenti i Komisionit Europian, Juncker. Gjermani i Europës së bashkuar u shfaq komod me kryeministrin shqiptar, të cilin dikur thoshte hapur se nuk e simpatizonte, për të thënë atë që veshët e Metës, Bashës dhe mbështetësve të tyre, nuk duan të dëgjojnë. Se zgjedhjet duhet të mbahen në datën e përcaktuar.

Dekreti i Metës. Çfarë është presidenti për ju?

Megjithëse iu shmang pyetjes direkte për dekretin, presidenti i KE e hodhi poshtë. Jo vetëm atë, por edhe argumentin kryesor të Metës sipas të cilit pak më herët, “zgjedhje si të 30 qershorit bllokojnë integrimin evropian të Shqipërisë”. Për Juncker ndërkohë pasqyra është e përmbysur: mosmbajtja e zgjedhjeve në 30 qershor, do të çonte në një krizë të vërtetë institucionale dhe politike Shqipërinë dhe do të vononte procesin e saj të integrimit evropian. Një referencë e qartë ndaj hapjes së negociatave që sipas Juncker duhet t’i jepen Shqipërisë do të ndodhë “në qershor, ose jo më vonë se në vjeshtë”. Jo për faj të Shqipërisë, por të ngritjes së parlamentit të ri evropian pas zgjedhjeve të Majit.

Zoti Juncker tha se “zgjedhjet lokale në Shqipëri duhet të mbahen në datën e përcaktuar. Njerëzit nuk mund të ndalohen. Këto zgjedhje duhet të mbahen nëse jo do të shtynin perspektivën Europiane të Shqipërisë”.

Juncker në fund të intervistës bëri një gjest që vuri dukshëm në siklet kryeministrin Rama, duke u zgjatur e puthur atë. Por Rama mund të skuqet, por më mirë një puthje sesa dru nga Junkcer apo jo? Për këtë, pyesni Ilir Metën.

Rama i jep zgjidhje Metës: Ja si vendi nuk shkon në përplasje civile

Kryeministri Rama ka reaguar për herë të parë sot pas firmosjes live të dekretit për mosmbajtjen e zgjedhjeve më 30 qershor. Në fakt përgjigja e Ramë ka qenë një shpërndarje e twitter-it të Elisa Spiropali ku i tregohen presidentit dy mënyra se si vendi të mos shkojë në përplasje civile.

“Ilir Meta ka vërtetë hallin e shpërthimit të dhunës dhe konfliktit civil në Shqipëri? Po e kishte dhe e ka shumë të thjeshtë: Le të bindë Monikën të mos hakërrehet dhe Saliun të mos ndërseje Lulin rrugëve deri në 30 qershor e ja ku e shpëtoi Shqipërinë!”

Ilir Meta ka vërtetë hallin e shpërthimit të dhunës dhe konfliktit civil në Shqipëri? Po e kishte dhe e ka shumë të thjeshtë: Le të bindë Monikën të mos hakërrehet dhe Saliun të mos ndërseje Lulin rrugëve deri në 30 qershor e ja ku e shpëtoi Shqipërinë!
— Elisa Spiropali (@elisaspiropali) June 10, 2019

“The Guardian” për Ramën: Kryeministri i pazakontë që kërkon t’i shpëtojë mallkimit të historisë

Gazeta britanike “The Guardian” i ka kushtuar një shkrim situatës politike në Shqipëri dhe përpjekjeve të saj për të ecur para me integrimin. Gazetari Shaun Walker, i cili vizitoi edhe zyrën e Ramës, e ka cilësuar kryeministrin “të pazakontë që kërkon t’i shpëtojë mallkimit të historisë”.

Në një intervistë në zyrën e tij, kryeministri Rama tha se për Shqipërinë, anëtarësimi në BE do të thotë mundësi për t’u pozicionuar përfundimisht në një zonë të sigurt nga mallkimi i historisë.

“Ne ishim Koreja e Veriut e Europës”, tha Rama. “Ishim të izoluar nga perëndimi dhe të izoluar nga lindja. Kemi pasur regjimin komunist më mizor që ka njohur historia. Kjo është arsyeja pse jemi tani pro-amerikanë, pro-NATO, pro-BE … Ne kemi myslimanët më pro-europianë në botë. Sipas një sondazhi të vitit të kaluar, 95% e popullsisë besojnë se anëtarësimi në BE do të sjellë përfitime për vendin”.

Në shkrim gazetari thotë se Rama ka “krijuar reputacionin e një magjistari jokonformist qysh kur mori kontrollin e qeverisë në vitin 2013.”

Denoncimet e opozitës për qeveritarët e lidhur me krimin e organizuar kanë qenë pjesë e shkrimit, ku gazetari thekson se Rama pranoi se Shqipëria ka ende probleme me korrupsionin dhe krimin dhe se qeveria e tij po merr hapa realë për t’i luftuar ato dhe kërkon ndihmën e BE-së për ta bërë këtë. I gjithë gjyqësori i është nënshtruar vettingut, ndërsa agjencia e kufirit e BE-së Frontex ka nisur misionin e saj të parë jashtë BE-së në Shqipëri, për të ndihmuar në luftën kundër krimit ndërkufitar.

ARTIKULLI I PLOTE:

Artisti dhe ish basketbollisti përballet me një betejë të vështirë për ta drejtuar Shqipërinë drejt rrugës së anëtarësimit në BE

Kryeministri i Shqipërisë, Edi Rama, dëshiron të jetë njeriu që e vendos vendin e tij në rrugën drejt anëtarësimit në Bashkimin Evropian, por ai po përballet me dy probleme të mëdha.

Në Europë udhëheqësit e lodhur nga zgjerimi duket se janë të vendosur në qëndrimin e tyre hezitues ndaj pranimit të anëtarëve të rinj potencialë, teksa ndjenjat populiste dhe europesimiste janë gjithnjë e më shumë në rritje, ndërsa në vend, Rama po përballet me demonstrata javore kundër qeverisjes së tij, nga një opozitë që është gjithashtu pro-BE-së, por akuzon qeverinë e tij për korrupsion dhe lidhjet me krimin e organizuar dhe po kërkon zgjedhje të parakohshme.

Në një intervistë në zyrën e tij në qendër të Tiranës javën e shkuar, Rama tha se për Shqipërinë, anëtarësimi në BE do të thotë mundësi për t’u pozicionuar përfundimisht në një zonë të sigurt nga mallkimi i historisë.

Shqipëria ishte vendi i fundit në Europë që përmbysi regjimin komunist në vitin 1992, pas dekadash nënshtrimi nga terrori dhe izolimi nën diktaturën e Enver Hoxhës, një stalinist paranoid i Ballkanit.

“Ne ishim Koreja e Veriut e Europës”, tha Rama. “Ishim të izoluar nga perëndimi dhe të izoluar nga lindja. Kemi pasur regjimin komunist më mizor që ka njohur historia. Kjo është arsyeja pse jemi tani pro-amerikanë, pro-NATO, pro-BE … Ne kemi muslimanët më pro-europianë në botë. Sipas një sondazhi të vitit të kaluar, 95% e popullsisë besojnë se anëtarësimi në BE do të sjellë përfitime për vendin”.

Rënia e komunizmit u pasua nga një kapitalizëm i egër dhe si rrjedhojë qindra mijëra shqiptarë u nisën për në Itali dhe vende të tjera europiane. Midis tyre kishte fara të grupeve kriminale, të cilët u përhapën në të gjithë Europën dhe madje dhe u infiltruan në politikën vendase.

Detyra e Ramës ka qenë të bindë Komisionin Europian se reformat po ecin përpara, ndonëse ngadalë, pasi kritikët në vend e akuzojnë atë se po drejton një sistemi të kalbur.

Raport i publikuar nga Komisioni Europian muajin e kaluar vëren se Shqipëria dhe Maqedonia e Veriut kanë zbatuar reforma të mjaftueshme për të filluar procesin e anëtarësimit, por vendimi përfundimtar është në dorën e udhëheqësve politikë të Europës dhe tani duket e pamundur që Samiti në fund të këtij muaj do të japë një dritë jeshilë.

Rama ende shpreson të ndryshojë mendjet. Në mesin e liderëve europianë, ai ka krijuar reputacionin e një magjistari jokonformist qysh kur mori kontrollin e qeverisë në vitin 2013. Një artist dhe ish-basketbollist profesionist, ai e priti gazetarin e The Guardian i veshur në stilin i tij, me një T-shirt dhe atlete.

Një kosh basketbolli zbukuron dhomën e pritjes jashtë ambjentit të tij të punës, ndërsa brenda zyrës, muret janë të veshura me skica me ngjyra të ndezura që Rama i bën ndërsa është duke punuar në zyrën e tij. Njëra prej tyre është një imazh i Alastair Campbell që shfaqet si heroi kombëtar shqiptar, Skënderbeu, sipër një kali me shpatë në njërën dorë dhe me një iPhone në dorën tjetër.

Rama e ka quajtur Tony Blair frymëzimin e tij kryesor në politik dhe e angazhoi Campbell si konsulent politik. Të dy mbeten “miq të mirë”, tha ai.

Ndërsa liderët europianë shqetësohen për optikën e brendshme politike për hapjen e negociatave të reja në një kohë kur ka pak interes për zgjerimin e BE-së, detyra e Ramës herë pas here ka qenë e vështirë.

“Mund t’ju them se Angela Merkel e kupton këtë plotësisht. Ajo është rritur në një vend komunist “, tha ai.

Udhëheqësit e tjerë janë më të vështirë për t’u bindur. Në samitin e BE-së në Sofje vitin e kaluar, Rama dhe presidenti i Francës, Emmanuel Macron u përfshinë në një debat të tensionuar mbi datën e fillimit të bisedimeve të pranimit në union.

Erion Veliaj, kryebashkiaku i Tiranës dhe bashkëpunëtori i ngushtë i Ramës, tha se beson se Rama dhe Zoran Zaev, i vendit të quajtur së fundmi Maqedonia e Veriut, duhet të shpërblehen për ndërmarrjen e reformave të vështira. “Unë mendoj se ata të dy janë trajtuar shumë keq. Ata kanë marrë vendime shumë të dhimbshme, kanë rrezikuar mandatet e tyre, ndonjëherë edhe jetën e tyre …

Na përfshini në familjen tuaj, nëse arrihet me procedura të përshpejtuara ose që zgjasin disa vjet. Le të vlerësojmë progresin, por, mbani fjalën tuaj.

Nuk është vetëm në Bruksel ku Rama po kalon një moment të ndërlikuar, pasi protestat javore kundër qeverisë së tij janë intensifikuar në vend. Fundjavën e kaluar, mijëra veta u mblodhën në rrugën kryesore të Tiranës, në një miting të zhurmshëm dhe të organizuar, duke valëvitur flamuj, balona dhe hedhur fishekzjarre. Ata u mblodhën duke thirrur “Rama, ik!” Dhe hodhën mjete piroteknike në drejtim të zyrës së kryeministrit, ndërsa policia vetëm shikonte.

“Ne kemi një kryeministër që është autoritar, arrogant dhe jo transparent”, tha Albana Vokshi, deputetja e Partisë Demokratike në opozitë, forca kryesore pas protestave. Ajo dhe deputetë të tjerë të Partisë Demokratike dolën nga parlamenti këtë vit dhe po kërkojnë që Rama të japë dorëheqjen.

Presidenti Ilir Meta ka bërë thirrje që zgjedhjet lokale të 30 qershorit të shtyhen, ndërsa Rama ka këmbëngulur se do të vazhdojë pa opozitën, duke thënë se ai nuk dëshiron të shpërblejë protestat në rrugë. Këtë javë ka pasur diskutime për të hequr presidentin me anë të votës në parlament, gjë që do ta zhyste vendin në një krizë të plotë kushtetuese ndërkohë që debatet mbi hyrjen në BE, kanë hyrë në një moment të vështirë.

Zor se kalon një muaj pa një skandal të ri që lidh ata që janë pranë pushtetit me figura kriminale. Një ish-ministër i Brendshëm pritet së shpejti të dalë në gjyq për akuzat për trafik droge. Javën e kaluar, tabloidi gjerman Bild publikoi materiale të zbuluara në të cilat dëgjohet një figurë famëkeqe e botës së krimit duke diskutuar zgjedhjet e vitit 2017 me dy kryebashkiakë nga Partia Socialiste e Ramës.

Rama nuk pranoi të thoshte nëse ai do të disiplinonte kryetarët e bashkive, duke pretenduar se ata nuk mund ta kishin njohur bashkëbiseduesin e tyre pasi ai ishte një figurë kriminale që më pas u arrestua nën akuzat për trafik droge.

Ai pranoi se Shqipëria ka ende probleme me korrupsionin dhe krimin, por këmbënguli që qeveria e tij po merr hapa realë për t’i luftuar ato dhe kërkon ndihmën e BE-së për ta bërë këtë. I gjithë gjyqësori i është nënshtruar vetingut, ndërsa agjencia e kufirit e BE-së Frontex ka nisur misionin e saj të parë jashtë BE-së në Shqipëri, për të ndihmuar në luftën kundër krimit ndërkufitar.

Ndërkohë që mbështetja ndërkombëtare për Ramën është dobësuar, pasi koha e tij në detyrë ka vazhduar për shkak të përshtypjes se lufta kundër korrupsionit është thjesht sipërfaqësore, pak vëzhgues neutralë besojnë se Partia Demokratike është më pak e prekur nga skandalet e blerjes së votave dhe lidhjeve shqetësuese me krimin .

“Ne duhet të ndryshojmë më shumë se qeveria. Ne kemi nevojë për një sistem të ri, një zgjidhje për dekadat e ardhshme “, tha Blendi Fevziu, një gazetar veteran i cili drejton emisionin më të ndjekur televiziv me politikanë të ftuar.

Për Ramën, pavarësisht nga dëshira e ethshme për t’u bashkuar me BE-në, ekziston një shqetësim i vazhdueshëm për atë se si mund të duket BE-ja në kohën kur Shqipëria do të bashkohet me të.

“Duket sikur jemi të mallkuar, sepse kur BE ishte mirë, ne ishim keq; tani që po bëhemi më mirë, BE-ja po bie në telashe “, tha ai. Në veçanti, ai e shikon sagën e Brexit-it me mosbesim, dhe shprehu habinë e tij se Partia Laburiste kishte dëbuar mikut të tij të vjetër, Campbell.

” Ajo që po ndodh në Britani duket shumë ballkanike. Marrëveshje, asnjë marrëveshje, kufi i butë, kufi i vështirë, asnjë marrëveshje. Tamam Ballkan! Është si parlamenti i Bosnjes. Ndërkohë që ne po përpiqemi të Europianizohemi, duket sikur ata po Ballkanizohen.

Shtyrja e zgjedhjeve! Fotot e Ramës, i buzëqeshur dhe në krah të Veliajt. Fushata vazhdon

Kryeministri Rama nuk e pranon vendimin e Metës për të shyrë datën e zgjedhjeve dhe këtë e ka treguar në mbledhjen e së hënës të kryesisë së PS-së. Pas mbledhjes ai u shfaq i buzëqeshur, i qetë dhe i relaksuar, ndërkohë që doli në krah të Veliajt, si për të treguar se fushata vazhdon

Referuar burimeve, televizionet informative njoftojnë se Rama ka thënë në mbledhjen e kryesisë që fushata të vazhdojë se zgjedhjet do të mbahen në 30 qershor.

“Vendimi i presidentit ishte i pritshëm! Ne jemi Republikë Parlamentare, jo Presidenciale. Ndaj asgjë s’na ndal të vijojmë përpara me 30 qershorin. Të enjten debat shumë i gjatë parlamentar. Të shpalosim të gjitha argumentet kundër këtij vendimi të presidentit. E enjtja do të finalizohet me rezolutë për shkarkimin e presidentit. Duhet të fokusohemi tek 30 qershori. Jemi në mes të lojës. Pas debatit çështja diskutohet ne KQZ e me pas do kalojë në Kolegj Zgjedhor. Fokusi jonë është 30 qershori”, mësohet të ketë thënë Rama.

Ndërkohë që zyrtarisht PS njoftoi se të enjten do të nisë procedurat për të shkarkuar presidentin Meta, duke thënë se ai e ka humbur të drejtën për të qenë kryetar shteti.