Ish gruaja e aleatit të presidentit rus,
Vladimir Putin ka paguar jo pak por 135 mijë paund për të bërë një foto me
kryeministren britanike Theresa May.
Daily Mail shkruan sot se Theresa May, që
duket në këtë foto, së bashku me gjashtë anëtarë të kabinetit të saj kaluan një
mbrëmje të paharrueshme në Hotelin me pesë yje ‘Goring’ që ndodhet në
Belgravia. Pjesë e fotos është edhe zonja Chernukhin, ish bashkëshortja e aleatit
të presidentit rus. Paratë që ajo ka paguar do të shkojnë për një fondacion të
ngritur nga partia e May-t, Tory.
Por kjo çështje ka shqetësuar mediat britanike
për pranimin e parave ruse për sponsorizimin e partive në Britani.
Nga ana tjetër zyrtarë të partisë së May thonë
se zonja Chernukhin tashmë është një
shtetase angleze dhe se nuk është aspak partnere apo aleate e presidentit
Putin.
Rreth pesë vite më parë, David Cameron u akuzua pasi Lubov Chernukhin ofroi 160 mijë paund në një mbledhje fondesh për partinë e tij. Por duket se gazetarët britanikë nuk do ta lënë me kaq këtë histori.
Ministrja e Mbrojtjes, Olta Xhaçka zhvilloi
një vizitë zyrtare në Pentagon, e dyta brenda një viti, ku u prit nga sekretari
i Mbrojtjes në detyrë, Patrick Shanahan.
Ministrja e Mbrojtjes i cilësoi Shtetet e
Bashkuara të Amerikës, një mik i madh dhe aleat i popullit shqiptar. Sipas saj,
fati i rajonit do të kishte qenë ndryshe pa mbështetjen e aleatit strategjik.
“Më lejoni të shpreh mirënjohjen e qeverisë
shqiptare për administratën e amerikane për të qëndruar në mënyrë të vendosur
me ne, në reformat kryesore që po ndërmarrim për të ndërtuar institucione më të
forta demokratike dhe për të forcuar sundimin e ligjit. Veçanërisht për
reformën në sistemin tonë të drejtësisë, i cili është vendimtar për procesin e
pranimit në BE. Shpresojmë që brenda këtij viti të nisim punimet në bazën e
parë ajrore të Aleancës në rajonin tonë, në Kuçovë, një zhvillim që besoj se e
njeh rolin e Shqipërisë si një spirancë e stabilitetit në rajon dhe rrit
rëndësinë tonë strategjike për Aleancën në tërësi”, tha ministrja Xhaçka.
Ajo siguroi zyrtarin e lartë amerikan se
Shqipëria do të vazhdojë të jetë një aleat i denjë.
“Gjithmonë mund të mbështeteni tek ne, sa herë
që të lindë nevoja. Ushtarët tanë janë ushtarët tuaj”, tha ajo.
Për sekretarin Shanahan, Shqipëria është një
partner i fortë, ndërsa nënvizoi ndër të tjera angazhimin e vendit tonë në
misionet paqeruajtëse si dhe objektivin e qeverisë shqiptare për t’i dedikuar
mbrojtjes, 2% të Prodhimit të Brendshëm Bruto.
“Marrëdhënia mes dy vendeve është e fortë. Dua
t’ju falenderoj për kontributin dhe faktin që keni qenë një aleat model”, tha
ai.
Sa i takon rrezikut rus në rajon, dy zyrtarët
e lartë të mbrojtjes të Shqipërisë dhe Shteteve të Bashkuara të Amerikës
deklaruan se dy vendet janë partnerë të fortë edhe përballë këtij rreziku.
Gjatë vizitës në Ëashington të ministres së
Mbrojtjes, Olta Xhaçka, një tjetër lajm i mirë ishte marrëveshja me
Departamentin Amerikan të Mbrojtjes për modernizimin e Forcave të Armatosura
shqiptare, veçanërisht të Forcës Ajrore, përmes marrjes së disa helikopterëve
“Black Haëk”.
Marrëveshja, gjithashtu parashikon edhe mirëmbajtjen e këtyre mjeteve si dhe trajnim të vazhdueshëm të pilotëve dhe teknikëve shqiptarë.
