Tag: ruset

Raketat ruse, SHBA i bën dalje Turqisë: S`mund të jetë pjesë e jona

Administrata e Presidentit Trump tha të mërkurën se Turqia nuk mund të jetë më pjesë e programit të avionëve amerikanë F-35, një deklaratë që shënon një thyerje me rëndësi në marrëdhëniet me aleatin e vjetër të NATO-s.

Shtëpia e Bardhë tha në deklaratën me shkrim se vendimi i Turqisë për të blerë sistemin rus të mbrojtjes ajrore S-400 “e bën të pamundur vazhdimin e përfshirjes së vendit në programin F-35”.

Shtëpia e Bardhë nuk tha në mënyrë të drejtpërdrejtë se Turqia do të hiqet nga programi i avionëve F-35, por Pentagoni pritet ta bëjë këtë.

Turqia prodhon komponente të shumta për avionin e tipit Stealth, i cili shitet në shumë vende të botës. Nëse Turqia largohet nga programi, siç pritet, Shtetet e Bashkuara do të duhet të gjejnë furnizues alternativë për pjesët e avionit.

“F-35-a nuk mund të bashkëjetojë me një platformë ruse të grumbullimit të informacioneve të klasifikuara që mund të përdorej për të mësuar rreth aftësive të avancuara të avionit”, thuhet në deklaratën e Shtëpisë së Bardhë, e cila i referohet sistemit të mbrojtjes ajrore S-400 si një mjet me të cilin Rusia mund të marrë informacion mbi aftësitë ushtarake të SHBA.

Presidenti Donald Trump njoftoi të martën se blerja e sistemit rus S-400 nënkupton se Turqia nuk do të lejohet të blejë asnjë aeroplan F-35.

Ende nuk është njoftuar nëse SHBA do të vendosë sanksione ekonomike ndaj Turqisë për vendimin e saj.

Mosmarrëveshja me Turqinë për blerjen e një sistemi rus armatimi është shenjë e një ndarjeje më të thellë midis Ankarasë dhe aleatëve dhe partnerëve të saj perëndimorë.

Turqia është ankuar se nuk iu ofruan kushte të favorshme për të blerë një sistem amerikan alternativë ndaj sistemit rus të mbrojtjes ajrore S-400.

Shtëpia e Bardhë, megjithatë, tha në deklaratën e saj të mërkurën se Turqia kishte shumë shanse për të blerë sistemin amerikan Patriot.

“Kjo administratë ka bërë oferta të shumta për ta bërë Turqinë ndër vendet kryesore për të blerë sistemin e mbrojtjes ajrore Patriot,” tha ajo./VOA/

Russia-Basha Gate. Nis në Kuvend miratimi i paketës ligjore që i mbyll rrugën

Kuvendi i Shqipërisë ka nisur të hënën diskutimin për paketën ligjore për forcimin e luftës kundër pastrimit të parave dhe financimit të terrorizmit. Miratimi i kësaj pakete vjen në kohën kur prokuroria e Tiranës ka marrë të pandehur Kryetarin e Partisë Demokratike Lulzim Basha dhe e ka thirrur për ta pyetur në lidhje me financimet ruse të fushatës zgjedhore të PD-së në 2017.

Ministrja e Financave dhe Ekonomisë, Anila Denaj, prezantoi në seancën e plenare një paketë prej 5 projektligjesh. Kjo paketë synon përmbushjen e rekomandimeve që i janë dhënë Shqipërisë nga Moneyval, Komiteti i Këshillit të Evropës për Parandalimin dhe Pastrimin e Parave dhe Luftës kundër Financimit të Terrorizmit.

Diskutimi për Paketën ligjore për forcimin e luftës kundër pastrimit të parave dhe terrorizmit u paralajmërua nga deputeti Balla që të dielën, ku ai komentoi edhe përfshirjen e PD në financimet ruse. Edhe të hënën në Kuvend, kreu i grupit parlamentar të PS, Taulant Balla deklaroi se përfshirja e PD dhe Lulzim Bashës në skemë transaksionesh të paligjshme përmes kompanive guaskë dhe oligarkësh rusë është një skandal i rëndë, që kërkon legjislacion të fortë.

Kryetari i Grupit Parlamentar të Partisë Socialiste, Taulant Balla deklaroi nga foltorja e Kuvendit se përmes firmës së Lulzim Bashës 1 milion dollarë kanë hyrë në SHBA.

Në përfundim të fjalës së tij Balla i kujtoi Lulzim Bashës se për fat të keq të tij, ai është subjekt i paketës ligjore të luftës kundër pastrimit të parave.

Komisioni i Ligjeve ka miratuar nen për nen këtë projektligj javën e shkuar dhe pritej që të ishin në seancë të enjten, por që rendi i ditës ndryshoi për shkak të mocionit të Partisë Socialiste për Presidentin Meta.

Në relacionin që shoqëron projektligjin thuhet se qëllimi i këtij projektligji është parandalimi dhe goditja e veprimtarive të terroristëve, të pastrimit të parave dhe financime të dyshimta nga faktorë të jashtëm, apo të atyre, për të cilët ka dyshime të bazuara që kanë kryer, ose kanë qëllim të kryejnë veprimtari të tilla, nëpërmjet bllokimit, sekuestrimit të fondeve e pasurive të tyre, në zbatim të rezolutave përkatëse të Këshillit të Sigurimit të Kombeve të Bashkuara, akteve të organizatave të tjera ndërkombëtare apo marrëveshjeve ndërkombëtare, ku Republika e Shqipërisë është palë.

Skip to toolbar