Tag: Salah

Liverpool “magjik”, Salah dhuron spektakël ndaj Manchester United

Liverpool vijon të mbetet në zenitin e shkëlqimit. Skuadra e drejtuar nga Jurgen Klopp, duket se po shkon drejt një rekordi të papërsërtishëm, mbylljen e sezonit pa asnjë humbje. Ndonëse është herët për ta thënë këtë, gjasat janë që kjo të realizohet. Skuadra e Klopp fitoi ndeshjen e javës së 23 të Premier League në Angli kundër Manchester United, duke ruajtur diferencën e madhe me ndjekësit në tabelën e renditjes.

“The Reds” kaloi në avantazh me gol të Van Dijk në të 14`, i cili realizoi me kokë pas një asisti nga Alexandër-Arnold nga goditja e këndit. Goli i dytë ishte dhe më spektakolar, këtë herë nga Salah. Egjiptiani mori një top nga portieri Alisson, duke u nisur me vrap nga mesi i fushës drejt zonës kundërshtare.

I vetëm përballë portierit mik, Salah gjeti rrjetën duke dyfishuar rezultatin në fund të minutës së tretë të kohës shtesë. Tashmë skuadra e Klopp ka 64 pikë në renditje, pa asnjë humbje, duke mbajtur kryesimin e kampionatit me plotë 16 pikë më shumë se Manchester City i vendit të dytë. Ndërkohë, kujtojmë se Liverpool ka një ndeshje më shumë për të luajtur. Manchester United ndodhet në vendin e pestë të renditjes me 34 pikë.

Liverpool nis shkëputjen, mposht Arsenalin dhe kryeson me pikë të plota

Liverpool ka marrë fitoren e tretë rresht në Premier Ligë duke mposhtur Arsenalin me rezultatin 3-1. Që në nisje të lojës, Liverpool dominoi fushën duke shënuar edhe golin e parë për ndeshjen në minutën e 41-të duke e mbyllur pjesën e parë me rezultatin 1-0.

Në pjesën e dytë, Liverpool shënoi në minutën e 49-të me Salah përmes një penalltie që e shkaktoi David Luiz. Dhe do të ishte sërish Salah që do të shënonte edhe golin e tretë në minutën e 58-të.

Arsenali gjatë ndeshjes shënoi vetëm një gol në minutën e 85-të përmes Torreiras.

Me fitoren ndaj Arsenalit, Liverpool udhëheq Premier Ligën me 9 pikë, kurse Arsenali mbetet në vendin e dytë me 6 pikë.

Nis me spektakël finalja e Champions, Liverpool shënon nga “tuneli”

Ka nisur në mënyrë spektakolare sfida finale e Champions League mes Tottenham dhe Liverpool në “Ëanda Mteropolitano”.

Skuadra e Jurgen Klopp në më pak se 30 sekonda lojë ka fituar një penallti, e cila ëshë shndërruar në gol nga Mohamed Salah, që ka gjuajtur fort dhe ka dërguar topin në qendër të portës së mbrojtur nga Hugo Lloris.

Penalltia u fitua nga Mane, i cili arriti ta vidhte në mënyrë spektakolare atë ndaj Sisokos, pasi ky i fundit ngriti dorën, ndërkohë që Mane gjuan topin.

Tashmë Liverpool ka gjithçka në dorë, pasi ky gol i avantazhit i krijon mundësi Reds të mbrohet më mirë dhe të shrytëzojë me qetësi gabimet e kundërshtarit.

Liverpool eleminon Porton dhe shkon në gjysmëfinale (video)

Me rezultatin e përgjithshëm 6-1 për të dyja ndeshjet, Liverpool bëhet ekipi tjetër që shkon në gjysmëfinalen e Champions League pasi eleminoi Porton.

Skuadra e Jurgen Klopp ka bërë gjithçka mirë në të dyja ndeshjet, duke mundur portugezët në shtëpi, 2-0 në takimin e parë dhe në transfertë 1-34në ndeshjen e sotme.

Në këtë fundit, Liverpool përsëri ka treguar se është një nga ekipet pretendente për të fituar trofeun me veshët e gjatë, që mungon prej kohësh në shtëpinë e “Reds”.

Një kombinim i Sala-Mane bëri që Liverpool të kalonte në avantazh në minutën e 26` të takimit në pjesën e parë, ndërsa në të dytën Salah dyfishon në minutën e 65`.

Militao ngushton shifrat në minutën e 69` për Porton, por skuadra e Klopp nuk trembet, pasi gjen përsëri rrjetën në të 77` me Firmino.

“Reds” nuk ndalen me kaq, pasi në minutën e 84` të sfidës do të preknin përsëri rrjetën këtë herë me Van dijk.

Kështu mbyllet ndeshja e dytë çerekfinale mes Porto dhe Liverpool, me anglezët që shkojnë në gjysmëfinale.

Skip to toolbar