Tag: shengjin

Jahti gjendet i braktisur në Shëngjin, mister fati i pronarit të tij

Një jaht luksoz me vlerë 2 milionë euro dhe flamurin turk është gjetur i braktisur rreth 12 milje larg bregut në Shëngjin. Jahti është pikasur në det të hapur nga një peshkarexhë. Peshkatarët pasi vunë re së për 3-4 orë peshkimi jahti nuk po lëvizte, iu afruan kur kuptuan se ishte i ndezur, por nuk kishte asnjë njeri në bord. Ato kanë njoftuar menjëherë rojet Bregdetare, të cilat kanë bërë të mundur ankorimin e jahtit në Portin e Shëngjinit.

Brenda jahtit 13 metra të gjatë është gjetur dokumentacioni i rregullt dhe një pasaportë, që i përket turkut Sevgin Yavuz, 31 vjeç, por asnjë njeri në bord. Sipas policisë jahti i përket një biznesmeni turk i cili kishte ardhur me pushime në Adriatik. Jahti ishte nisur nga Porti i Tivarit në Malin e Zi drejt Shëngjinit, por braktisja e tij në det të hapur mbetet ende një mister për policinë.

Ende nuk është gjetur asnjë gjurmë nga pronari apo personat e tjerë që mund të ishin me të në bord. Brenda bordit të jahtit nuk evidentohet asgjë e pazakonshme, ndërkohë që po hetohet në dy pista atë të vrasjes apo pengmarrjes së biznesmenit turk ose ai mund të jetë hedhur në det për tu larë dhe nuk ka mundur të dalë sërish. Policia e Shtetit po bashkëpunon me Malin e Zi dhe Turqinë për të zbardhur misterin e zhdukjes së tij.

Jahti luksoz i braktisur ne Shengjin on Vidnews.

Mbytet 70-vjeçari nga Kruja në Shëngjin

Një tjetër viktimë është shënuar mëngjesin e të hënës në brigjet e detit Adriatik. Mësohet se në plazhin e Shëngjinit  është gjendur i mbytur një person i moshuar.

 Identiteti i këtij personi është shtetasi Esnik Marlika, rreth moshës 70-vjeç, që sipas raportimeve paraprake është nga qyteti i Krujës. 70-vjeçari ka humbur jetën sapo është futur në det për t`u larë.

Ende nuk dihet nëse i moshuari është mbytur nga uji, apo ka pësuar atak kardiak. Policia dhe ambulanca kanë shkuar në vendin e ngjarjes, për të marrë trupin e pajetë të të moshuarit.

Ndërkohë që grupi hetimor po punon për zbardhjen e rrethanave të vdekjes të moshuarit. Vetëm ditë më parë, në plazhin e Velipojës humbi jetën një i moshuar nga Kosova, i cili pësoi atak kardiak sapo ishte futur  në ujë.

Zjarri në Shëngjin, reagon Xhaçka: Në terren ushtria, s`ka rrezik për banesat

Situata e rënduar nga zjarret në vendin tonë, ka bërë që të dalin në terren Forcat e Armatosura. Me anë të një postimi në rrjetet sociale, Ministrja e Mbrojtjes Olta Xhaçka, ka reguar detaje nga operacioni që po zhvillohet në kodrën e Shëngjinit, ku prej dy ditësh ka rënë një zjarr i përmasave të mëdha. Xhaçka shkruan se flakët janë duke u mbajtur nën kontroll, ndërsa thekson se deri tani nuk rrezikohet asnjë banesë.

“Kontribut i përbashkët i trupave dhe mjeteve të MZSH, pushtetit vendor, Forcave të Armatosura dhe banorëve për mbajtjen nën kontroll të zjarrit të rënë në kurorën e gjelbër të Shëngjinit. Asnjë banesë e rrezikuar, ndërkohë që, prej dy ditësh e netësh, FA me mjete e trupa nga Tirana e Shkodra dhe bashkia Lezhë janë në terren dhe do të jenë aty deri në shuarjen e plotë të flakëve”, shkruan Xhaçka.

Për shuarjen e zjarrit në Shëngjin mësohet të jenë bashkuar rreth 200 trupa të ushtrisë, forcave zjarrfikëse dhe shërbimeve të tjera të pushtetit vendor dhe atij qendror. Ndërkohë, më herët gjatë të premtes, Bashkia e Tiranës i shkoi në ndihmë Bashkisë së Lezhës, për të ndihmuar në shuarjen e zjarrit në Shëngjin.

Kontribut i përbashkët i trupave dhe mjeteve të MZSH, pushtetit vendor, Forcave të Armatosura dhe banorëve për mbajtjen…

Gepostet von Olta Xhacka am Freitag, 23. August 2019

Tirana në ndihmë të Lezhës me zjarrfikëse, Veliaj: Solidaritet, jo vetëm me fjalë

Përhapja e zjarrit në kodrën e zonës së Shëngjinit ka çuar në solidaritetin edhe të qytetit të Tiranës, ku kryebashkiaku Erion Veliaj ka dërguar staf dhe zjarrfikëse që të ndihmojnë në vënien nën kontroll të flakëve.

“Solidaritet me Shëngjinin/Lezhën. Jo vetëm lutjet e solidaritet me fjalë, Bashkia Tiranë nisi zjarrfikëse e staf për të ndihmuar Bashkinë Lezhë në betejën me zjarret! Kolegët tanë do bëjnë më të mirën, siç i ka hije Tiranës!”- shkruan Veliaj

Zjarri i rënë në Shëngjin ndodhet në kodrën sipër qytetit dhe po rrezikon varrezat e zonës. Sipas prefektit të qytetit, zjarri nuk rrezikon banesat por është duke u favorizuar shumë nga era. Për shkak të terrenit të vështirë kërkohet edhe ndërhyrja nga ajri për shuarjen e zjarrit.

Kapriçot e motit, furtuna shkakton dëme të konsiderueshme në Shëngjin

Stuhi të forta ere dhe shiu kanë përfshirë zonën e Lezhës, në orët e para të mëngjesit të së mërkurës.

Zona e plazhit të Shëngjinit, ka qenë më e prekura nga shtrëngatat e forta të erës dhe shiut, të cilat kanë rezultuar me pasoja të rënda për bizneset dhe pushuesit.

Mësohet se për shkak të furtunës, janë dëmtuar shumë biznese në plazhin e Shëngjini. Gjithashtu, për shkak të erës, janë dëmtuar edhe disa mjete të pushuesve.

Në disa zona ka pasur zhvendosje të shtyllave elektrike, të cilat më pas kanë rënë në mjetet e pushuesve.

Për shkak të dëmtimit të shtyllave elektrike, mësohet  se disa zona në Lezhë kanë mbetur pa energji elektrike.

 Fatmirësisht, nuk raportohen dëme në njerëz. Moti i keq me shtrëngata shiu dhe ere përfshiu pothuajse të gjithë territorin e vendit, duke sjell ulje të tempretarturave këtë të mërkurë.

U mbyt te Rana e Hedhur, e gjejnë peshkatarët në det

Pas tre ditësh i zhdukur në det, gjendet trupi i pajetë i 18-vjeçarit, emri i të cilit jepet vetëm me inicialet E.M. Tre ditë më parë, 18-vjeçari u fut për tu larë në plazhin e quajtur “Rana e Hedhun” në Shëngjin, dhe prej atij momenti nuk u gjet.

Familjarët denoncuan në policinë e Lezhës humbjen e të afërmit të tyre, ndërsa menjëherë pas këtij momenti, polumbarët e forcave RENEA nisën kërkimet.

Ndonëse angazhimi për të gjetur trupin e 18 vjeçarit në ujërat e detit Adriatik ishte maksimal, trupi i tij është gjetur mbrëmjen e së mërkurës nga disa peshkarexha peshkimi, të cilat kanë lajmëruar më pas autoritetet e policisë lokale të Lezhës.

Gjatë ditëve të fundit në ujërat e bregdetit tonë kanë humbur jetën disa persona, të cilët pasi janë futur për  tu larë, nuk kanë mundur të dalin më prej ujit.

Bilanci tragjik i të mbyturve mund të kishte qenë edhe më i lartë, nëse gjatë fundjavës nuk do të ishte bërë shpëtimi i tre pushuesve në plazhin e Velipojës, të cilët gjithashtu rrezikuan të mbyten. Ishin pueshuesit që u erdhën në ndihmë, duke i shpëtuar nga mbytja.

Skip to toolbar