Tag: shpallet ne kerkim

Atentat në Bulqizë, plagoset një person, shpallen në kërkim dy vëllezër

Një shtetas me inicialet B.D., 41 vjeç, ka mbetur i plagosur mesditën e të dielës në Bulqizë, pasi është qëlluar me armë zjarri nga dy shtetas të tjerë.

Sipas Policisë së Bulqizës, mësohet se ngjarja ka ndodhur rreth orës 12:00 në vendin e quajtur “Unaza e Re” në Bulqizë, teksa dyshohet se autor të këtij atentati janë dy vëllezër. Sipas policisë shtetasit me inicialet A.T., 26 vjeç dhe M.T., 32 vjeç, janë shpallur në kërkim.

Sakq, i plagosuri është dërguar menjëherë në spitalin e Bulqizë ku ka marrë mjekimet e nevojshme, teksa mësohet se plaga e shkaktuar prej goditjes me armë, nuk është me pasoja për jetën.

Ngjarja dyshohet se ka ndodhur  për motive të dobëta. Nga ana e policisë janë ngritur pika kontrolli dhe po krihet zona për kapjen e tyre.

Materialet hetimore do ti referohen Prokurorisë Dibër për veprat penale “Vrasje me dashje e mbetur në tentativë”, “Prodhim dhe mbajtje pa leje e armëve luftarake.

I mori jetën për një vend parkimi, shpallet në kërkim autori i vrasjes në Laç

Policia e Shtetit ka identifikuara autorin e vrasjes së kryer mbrëmjen e së mërkurës në Laç, ku pas një konflikti për motive banale, një person ka qëlluar me armë zjarri automatike një të ri 24-vjeçar, duke e lënë të vdekur.

Mëngjesin e kësaj të enjte, pas hetimeve të kryera nga ekspertët e krinimalistikës në Policinë e Shtetit, është bërë i mundur identifikimi i autorit të dyshuar të kësaj vrasje, që sipas policisë është një shtetas me inicialet E.K., 32 vjeç nga Tirana.

Ky i fundit është shpallur në kërkim nga policia, pasi dyshohet për veprën penale “Vrasje me dashje” dhe “Mbajtja pa leje e armëve dhe municioneve luftarake”.

Njoftimi i plotë i Policisë së Shtetit:

Kurbin

Zbardhet vrasja e 24 vjeçarit V.SH. Identifikohet dhe shpallet në kërkim autori i dyshuar i vrasjes së ndodhur mbrëmjen e djeshme.

Në lidhje me ngjarjen e ndodhur mbrëmjen e djeshme në lagjen në afërsi të stadiumit Laç, Kurbin, ku mbeti i vrarë me armë zjarri shtetasi V.Sh., Policia ngriti një grup të posaçëm hetimor nën drejtimin e Prokurorisë së Rrethit Gjyqësor Kurbin për zbardhjen e kësaj ngjarjeje.

Nga tërësia e veprimeve hetimore të kryera nga grupi i posaçëm hetimor, rezultoi se ngjarja ka ndodhur për motive të dobëta, pas një konflikti të çastit, dhe se autori i dyshuar i vrasjes është shtetasi E.K.,32 vjeç, banues në Tiranë.

Policia e Kurbinit në bashkëpunim me Policinë e Tiranës vijon punën për lokalizimin dhe kapjen e autorit të dyshuar të vrasjes së 24 vjeçarit

Materialet iu referuan Prokurorisë pranë Gjykatës së Shkallës së Pare Kurbin për veprime të mëtejshme hetimore, për veprat penale “Vrasje me dashje” dhe “Mbajtja pa leje e armëve dhe municioneve luftarake”, parashikuar nga nenet 76 dhe 278/1 të Kodit Penal.

Skip to toolbar