Rama në “Real Story”: Të hënën ftoj Bashën, s’ndaj më pushtet, zgjedhjet më 2021

Kryeministri Edi Rama zgjodhi Vlorën për të mbyllur fushatën elektorale për zgjedhjet e 30 qershorit. Në fakt, mitingu përbmbyllës në “Lungo Mare”, nuk ishte fjala e fundit elektorale e Edi Ramës, pasi atë e tha, padyshim, në “Real Story” të gazetarit Sokol Balla dhe përballë analistëve Skënder Minxhozi, Arian Vasiari, Agron Gjekmarkaj dhe Alfred Lela. Në studion e improvizuar të “Real Story” në qytetin e Vlorës, Kryeministri Edi Rama foli për shumë tema, duke nisur fillimisht me fushatën elektorale, dhe më pas me krizën politike. Ai sqaroi se pas zgjedhjeve do të ftojë Lulzim Bashën për të zgjidhur krizën, ndërsa theksoi se nuk do të pranojë ndarje të pushtetit si në 2017 me PD-në. Për më tepër, lexoni pjesët më të rëndësishme të deklaratave të Kryeministrit në “Real Story”, që ishte një transmetim maratonë, nisi rreth orës 20:00 dhe përfundoi vetëm disa minuta para nisjes së heshtjes elektorale.

Rama në “Real Story”: Negociatat me BE kanë nisur teknikisht, dialogu me PD varet nga 30 qershori

Nga Vlora në “Real Story”, Edi Rama u shpreh se negociatat me BE-në janë hapur teknikisht, ndërsa PO-ja, politike, do të vij në tetor. “Vjet KiE ka thënë që negociatat do të hapen në qershor të këtij viti. Teknikisht negociatat Shqipëria ka nisur procesin, por politikisht PO-ja nuk është dhënë e plotë. Defakto procesi teknik ka filluar”, tha Rama. Ndërkohë, pas 30 qershorit, dialogu me PD-në, për Edi Ramën do të varet pikërisht nga ajo që do të ndodhë ditën e zgjedhjeve. Shmangia e dhunës ditën e zgjedhjeve nga PD, për Edi Ramën do të jetë një barrë më e madhe për PS-në që të jetë më kreative për të ofruar hapësira dhe pika kontakti me kundërshtarët.

“Nëse ata nuk do futen në një narrativë të re do të jetë tmerrësisht e vështirë për ta. Pas 30 qershorit do të jetë barrë më e madh për ne që të jemi më kreativ për të ofruar hapësira dhe pika kontakti për ta. Do varet shumë nga e diela, nëse ata do vazhdojnë me marrëzinë, do të jetë shumë e vështirë. Të dielën harroje, shko në plazh. Harroje të dielën, do marrësh më qafë PD”. Më tej, kreu i Qeverisë, u shpreh se zgjedhjet e ardhshme do të jenë më 2021, ndërsa ndarje të pushtetit me PD-në nuk do të ketë, duke lënë të kuptohet, se në negociatat për dialog pas 30 qershorit, PS-ja nuk do të pranojë kushtin e qeverisë teknike dhe largimin e Kryeministrit.

“Zgjedhjet janë në 2021, periudha është e gjatë për ata që janë angazhuar në revolucionin imagjinar. Nëse do dalin nga kjo rrugë marrëzie, do tu duket shumë e shkurtër pasi do duhet të organizohen. Pushtetin e ndan populli, ajo që po them është kjo; nëse nuk do dimë këtë përgjegjësi të madhe, do të jetë një plus për ata, që do të kapitalizojnë mbi kusuret tona. Ata janë një parti njerëzish rrogtarësh. Votuesit e tyre nuk mund të angazhohen me ato kapacitete për të përmbysur PS-në”.

Realstory, Rama: Jam gati të ulem që të hënën me PD në tavolinë

I pyetur nga gazetari Sokol Balla në Real Story a do të ketë dialog dhe marrëveshje pas 30 qershorit, Rama tha se ai është i hapur dhe çdo gjë varet nga ata. Rama tha se takimi në tavolinë und të ndodh që të hënën, mjafton që PD të ketë ardhur në vete. “A do ketë apo jo dialog apo një marrëveshje bashkëpunimin pas 30 qershorit, kjo varet nga ata. Unë jam i hapur për çdo dialog dhe marrëveshje bashkëpunimi. Jam gati të dialogojë dhe të ulem në tavolinë që të hënën për të gjetur një rrugë për rikthimin e opozitës në parlament . Nuk kam asnjë lloj kushti apo paragjykimi. Basha mund të vijë në tavolinë dhe të thot “Rama ik” por ta thotë në tavolinë. Nëse shoh që PD ende nuk ka ardhur në vetë do i them hajde po iki…nga tavolina.”

Kryeministri Edi Rama foli edhe për fenomenin e shit-blerjes së votës, duke thënë se ka qenë gjithmonë kështu. Por Rama mohoni se Partia Socialiste dhe ajo Demokratike nuk vjedhin vota, nuk kanë interes dhe nuk funksionon kështu. LSI dhe partitë e vogla janë tjetër gjë tha Rama në Real Story. “PS dhe PD nuk vjedhin vota, se nuk funksion. LSI dhe partitë e vogla janë tjetër gjë. Mund të ketë fenomene sporadike, tek PD apo PS, por janë të rralla. Shikoni sondazhet dhe do t’i shihni”. Rama tha gjithashtu se populli nuk është budalla dhe gjithmonë ka votuar saktë. “Populli shqiptar është shumë i mençur dhe nuk kane votuar kurrë gabim. Nuk votoi gabim në 1991, as në 1992 dhe as në 2009. Edhe në 2009 kanë votuar shumë saktë. Kanë votuar për një barazim. Ka qenë një rezultat shumë i ngushtë.”

Rama në Realstory: PD Nuk do marrë fund pas 30 qershorit, i duhet të reflektojë

Menjëherë pas mbarimit të fushatës elektorale në Vlorë, Kryeministri Rama ishte i ftuar në emisionin Real Story të gazetarit Sokol Balla. Rama foli për Partinë Demokratike dhe reflektimin që ajo duhet të bëjë pas 30 qershorit. Gjithashtu Rama nuk pranoi që këto zgjedhje të quhen monopartiake, pasi ka shumë parti të tjera që marrin pjesë, pavarësisht se në të mungon kandidati kryesor.

“Kërkuan të veremosin Shqipërisë dhe do të marrin atë që meritojnë. Nuk do zhduken si parti pas 30 qershori, të pakën jo PD, ajo do të jetë aty. Patjetër që do të dalë shumë rrënuar nga kjo histori, por duhet të reflektojë dhe riorganizohet, për t’u rikthyer si një alternativë e besueshme. E vetmja gjë që PD do përballet pas 30 qershorit është me militantët, struktura dhe demokratët e saj. Jemi në kushte ku nuk kemi kundërshtarë kryesorë në garë dhe për këtë nuk mund të fajësohemi, por këto nuk janë zgjedhje moniste pasi ka parti të tjera në garë. Për sa i takon dekreteve të Metës janë si të kohës së Haxhi Qamilit. Ato nuk janë dekrete janë një marrëzi dhe fakti që Shqipëria ka institucione sot kemi një 30 qershor që do dalim të votojmë. Nëse 30 qershori do të ishte i paligjshëm, nuk do të kishim një zë kaq të fuqishëm të SHBA dhe BE kundër opozitës dhe mbajtjes së zgjedhjeve në atë datë.” – tha Rama

Kriza politike, Rama në Real Story: Leksion demokracie, s`ka arsye për frikë në 30 qershor

Kryeministri Edi Rama deklaroi në “Real Story” për gazetarin Sokol Balla, se nuk ka arsye për të pasur frikë për të dalë për të votuar në 30 qershor. “Kjo botë nuk është e frikacakëve. Nuk ka arsye për të pasur frikë, mund të ketë gjëra sporadike, por ne i kemi marrë të gjitha masat, por kushdo që do të shkelë vijën e kuqe do të përballet me të gjitha pasojat. Është e vërtetë besimtar dhe votues, anëtar të atyre që nuk janë në garë, mund të jenë krejtësisht në pamundësi për të shkuar për të votuar, por këtë nuk ua hoqi PS, ua hoqi partia e tyre”, u shpreh Rama. Shefi i Qeverisë, që zgjodhi studion e “Real Story” për të mbyllur publikisht fushatën elektorale, u shpreh se PD-ja është tërhequr pas një presioni të jashtëzakonshëm të SHBA-së, ndërsa tha se plani për dhunë dështoi. “Merrni në pyetje kryebashkiakun e shkarkuar të Vaut të Dejës dhe dëgjoni çfarë thotë ai. Nga njëra anë PD thotë e organizuam ne sulmin ndaj KZAZ-së, ndërsa ai thotë që e organizoi partia. PD ka një javë që hedhë gurin dhe fsheh dorën, pas një trysnie të jashtëzakonshme nga SHBA. Kjo është e gjitha pjesë e të njëjtit plan, plani ka dështuar, por ka kërcitje tek-tuk. Nëse plani nuk do kishte dështuar, do ishin djegur të gjitha KZAZ-të e Shqipërisë. Pra ky ka qenë plani”, tha Kryeministri Rama.

Ram u shpreh gjithashtu, se Shqipëria do e kalojë me sukses testin e zgjedhjeve të 30 qershorit, ndërsa pas kësaj date, historia e partive politike që kërkojnë fitore në tavolinë dhe që imponojnë rregulla të pashkruara, do të marrë fund njëherë e mirë. Ndërkohë, shtoi se ai nuk e ndjen veten as fajtor, as faktor dhe aktor për krizën.

“Nuk ndihem as aktor, as faktor as fajtor per krizën. Ndihem mirë që plani për të futur Shqipërinë në një rruge pa krye, ka dështuar. Unë ndihem mirë që Shqipëria do e kalojë këtë test me sukses. Plani i turpshëm për ta marrë peng procesin zgjedhor, dështoi. Mund të ketë dëmtuar çeljen e negociatave përkohësisht, por nuk ka arritur dot të imponojë një rregull të ri që një palë imponon rregull të pashkruar për palën tjetër. Nuk do kemi më pas 30 qershorit parti politike që do ëndërrojnë fitore duke braktisur zgjedhjet. Ky film ka këtë fund dhe ky është sezoni i fundit i një seriali që ka vite që zhvillohet. Do nis një serial i ri, që nuk përjashtohen tensionet dhe polemikat. Ama jo më kështu, kjo histori mbaroi. Nuk kanë për të parë më shqiptarët situata të tilla. Ky është një leksion historik demokracie”, tha Rama./Realstory.al/

Kriza politike, Rama në Real Story: Leksion demokracie, s`ka arsye për frikë në 30 qershor

Kriza politike në “Real Story”, të ftuarit: Politika drejt marrëveshjes!

Kriza politike në vend ishte tema e debatit në studion e “Real Story” drejtuar nga Sokol Balla. Paneli i të ftuarëve i përbërë nga deputetja e opozitës Rudina Hajdari dhe deputeti i PS Ilir Beqaj, së bashku me analistët Alfred Lela, Arian Vasiari dhe Eduart Zaloshnja, kanë trajtuar gjerësisht zhvillimet e orëve të fundit të aktualitetit në vend, duke nisur me mitingun elektoral të kryeministrit në Shkodër dhe anti-mitingun e Voltana Ademit, dhe kulmuar me sinjalin që kanë dhënë liderët politikë në vend për shkuarjen drejt dialogut.

“Si përfaqësuese e parlamentit do të doja që gjërat të mos acaroheshin. Shikojmë diçka më të zbutur nga të gjitha palët. Nëse do kemi marrëveshje jemi në një situatë pazari dhe nuk do justifikohet fare kjo sakrificë e PD-së. Ajo që shoh unë si të rrezikshme është nëse këto palë nuk ulen në tavolin, çfarë do ndodhi pas dy vitesh. Duhet të ketë patjetër ndëshkueshmëri për politikanët e papërgjegjshëm”, tha Rudina Hajdari, e pyetur nëse palët politike mund të shkojnë në një marrëveshje.

“Për mua marrëveshja vjen ps 30 qershorit. Kjo datë do jetë, pas saj do të ketë një marrëveshje të madhe. Do të jetë i vështirë, do jetë një 30 qershor për ti shpëtuar nderin dhe turpin të gjithëve”, tha analisti Alfred Lela.

“Ngjarjet e Shkodrës sot janë shumë të rëndësishme për të matur temperaturës për arritjen e një mrrëveshje ose jo. Sot pamë një miting paqësor, kryetarja e bashkisë dhe Flamur Noka bënte thirrje që të mos ishin të dhunshëm. Nëse do të kishte qenë ajo trajektore që kulmoi me djegien e shkollës, kjo për mua është një shenjë se diçka po bisedohet. Do arrihet një marrëveshje para datës 30, palët mund të respektojnë datën, por mund të bien dakord për një datë pas një viti pasi të bëhen ato reforma”, tha analisti Eduart Zaloshnja.

ILIR BEQAJ: S`KA LËNDË PËR KONFLIKT CIVIL, ZGJEDHJET MË 30 QERSHOR

Deputeti i Partisë Socialiste, Ilir Beqaj, i ftuar në emisionin “Real Story” në Vizion Plus, i është përgjigjur pyetjes së bërë nga drejtuesi i emisionit, Sokol Balla, nëse kemi të bëjmë me situatën e një konflikti civil apo jo. Beqaj u shpreh se nuk ka indicie që vendi të shkojë në një përplasje të tillë. Sipas tij, ngjarjet e deritanishme, ku opozita ka pasur reagime, kanë treguar se qytetarët nuk e mbështesin.

“Qyteti vetë nuk ka ndjesi konflikti civil, dhe nëse nuk e ka Shkodra, që ka pasur këto dy ditë një nxitje të madhe, kjo mendoj unë, që më çon tek ajo që thatë ju, që vendi do të ketë zgjedhje. Edhe në vatra të tjera ku ka pasur reagime të opozitës, njerëzit nuk e kanë mbështetur. Qeveria ka detyrën që të garantojë zgjedhësit dhe ata që duan të votojnë, të shkojnë të votojnë më 30 qershor. Nuk ka lënë për të pasur konflikt civil”, u shpreh Ilir Beqaj.

RUDINA HAJDARI DEBATE ME ANALISTIN VASJARI: JU NUK JENI PËRFAQËSUES TË OPOZITËS REALE

Në emisionin “Real Story” të Sokol Ballës pati një debat mes kryetares se grupit parlamentar të demokratëve në parlament, Rudina Hajdari dhe analistit Arian Vasjari. Në çështjen e ngritur nga Vasjari ishte nëse opozita në parlament është ajo reale apo jo, me të cilën mund të diskutohet për zgjidhjen e krizës në vend. Ndërkohë që Rudina replikoi duke thënë se opozitës nuk ja ka mohuar askush të drejtën të përfaqësohet në parlament, por ka zgjedhur vetë këtë gjë.

Debati:

Rudina Hajdari: Opozita zgjodhi vetë të mos përfaqësohet në parlament. Ne kemi një sistem që nuk e përcaktojmë dot se kush nga deputet votohet më shumë ose më pak.

Arian Vasjari: A jeni ju opozita reale apo jo?

Rudina Hajdari: Çfarë do të thotë opozitë reale apo jo? Po ju them se nuk jemi në gjendje të verifikojmë se kush nga deputetët në atë listë është votuar më shumë apo më pak. Ajo që po thoni është një hamendësim i juaji.

Arian Vasjari: Ne nuk po bëjmë debat mbi sistemin këtu. Këtë sistem që kemi hajde e diskutojmë. Ti nuk ma thua dot mua që unë jam përfaqësuesja reale e opozitës, se pse dhe vetë nuk e ndjen këtë gjë.

Rudina Hajdari: Ju nuk mund të flisni në emër të gjithë shqiptarëve dhe pa fakte, ju jeni vetëm një zgjedhës

Arian Vasjari: Për mua jeni legjitim aty ku jeni, po a jeni përfaqësues real të opozitës që mund të diskutohet për zgjidhjes së krizës në vend? Sigurisht që nuk jeni.

A DO KRIJOJË RUDINA HAJDARI PARTI TË RE? JA SI PËRGJIGJET NË “REAL STORY”

Në emisionin “Real Story”, drejtuesi i emisionit Sokol Balla pyeti kryetaren e grupit parlamentar të deputetëve të djathtë në parlament, nëse ajo dhe deputetë të tjerë janë duke ndërmarrë nismën e një krimijimit të një partie të re. Hajdari, ndonëse nuk dha një përgjigje të prerë, u shpreh se kjo nismës, sipas saj, kërkon ndryshimin e sistemit zgjedhor, me qëllim që nëse kjo nismë do të konkretizohet, futja në farë të jetë në kushte të barabarta.

“Formimi i një lëvizje të re kërkon dryshimin e sistemit, sepse kështu nuk bëhesh dot pjesë e garës. Grupi jonë parlamentar, pjesa më e madhe e opozitës që është në parlament, kushdo që do ti bashkangjitet kësaj lëvizje për të ndryshuar sistemin, është puna jonë. Fundja kemi pasur komisionin e reformës zgjedhore që nuk ka pasur asnjë rezultat. Nuk duhet të harrojmë, pa pasur dakordësinë dhe pa përfshirë opozitën në parlament…”.

“Sido që të shkojë marrëveshja, zgjidhja do kalojë në rrugë institucionale. Reforma zgjedhore është kusht jo për të zgjidhur krizën, por se ne do kryesojmë OSBE/ODIR. Unë nuk kërkova të dilja jashtë nga PD, madje nuk kam asnjë letër që të më thotë që kam dalë nga PD. Unë jam anëtare e PD-së, nuk isha unë ajo që zgjodha të isha jashtë Partisë Demokratike. Unë vazhdoj të përfaësoj demokratët.

“Do shikojmë situatën, po patjetër që po, por që Shqipërisë i duhet një alternativë reale. Nuk kam parë diçka konkrete apo një platformë të Bindjes Demokratike. Unë do doja një platformë që të bazohej në disa pika që ka nevojë rinia shqiptare apo ekonomia. Kështu që mendoj se ka disa hapësira ku mund të punohet fortë”, ka thënë Rudina Hajdari. /Realstory.al/

Ilir Beqaj: S`ka lëndë për konflikt civil, zgjedhjet më 30 qershor

Përgjimet, shkarkimi i Metës dhe Basha, Taulant Balla flet për gjithçka në ‘RealStory’

Përgjimet e Bild, Balla sqaron kush është Arben Keshi

Nga studio e “Real Story”, kreu i grupit parlamentar i Partisë Socialiste, Taulant Balla ka sqaruar se kush është Arben Keshi, emri i të cilit del në disa audio-përgjime të publikuar nga Bild. Balla sqaron se Keshi është një anëtar i vjetër i Partisë Socialiste në Dibër dhe kandidonte për kryetar në Maqellarë. Ndërsa për sa i përket bisedës më Ramën, Balla tha është e vërtetë pasi në një pjesë të saj ka qenë vetë i pranishëm. Madje Balla bëri një deklaratë të fortë ku tha se Arben Keshi është rrahur dhe kërcënuar me armë nga Flamur Noka dhe disa persona të lidhur me PD. “Arben Keshi është anëtar i PS në Dibër . Ka kandiduar për kryetar komune në Maqellarë dhe është rrahuar nga persona të PD në atë kohë. Ka qenë një prej koordinatorëve elektorale në Maqellarë. Keshi dhe personat bashkë me të janë rrahur në mënyrë shtazarake nga Falmur Noka, madje i kane nxjerrë dhe pistoletën Keshit. Në arkiva mund të gjeni edhe deklaratën time ku akuzoj PD për dhunim të anëtarëve të PS.”

Balla: Përgjimet e Bild, grafika e njëjtë me rastin “Babale”

Kryetari i Grupit Parlamentar për Partinë Socialiste, Taulant Balla nga studio e Real Story, i gazetarit Sokol Balla në Vizon Plus, tha se ka dyshime të forta se përgjimet e publikuara nga “Bild” kanë të njëjtat grafika si në rastin “Babale”. ‘Kam dyshimet e mia që grafika është e njëjta me atë që është përdorur dhe në rastin Babale. Është e njëjta firmë. Madje edhe praktika e përdorur është si në rastin Zagani dhe gazetarit Basir Çollaku, që lajmërojnë 2-3 ditë para se çfarë do të ndodh.” – tha Balla.

Taulant Balla ka komentuar në emisionin Real Story në Vizion Plus, përgjimete Dibrës. Balla u shpreh se kjo çështje i takon drejtësisë, dhe ajo duhet të hetojë. “Kjo është çështje që i takon drejtësisë. Kjo për mua nuk është gjë e re, ka dy vjet që ma tund Lulzim Basha. Shqetësimi im është që ky prokuror që vodhi CD, i çoj te PD, i montuan, i nisën në Gjermani. Pse nuk e ka bërë detyrën? Edhe sot reagimi i PS ishte ta zgjidhi prokuroria. Nxorën një sinkron të ministrit Gjiknuri me një funksionar të PS, sepse kishte nodhur një parregullsi, pasi PD kishte vendosur vëzhgues që nuk lejoheshin me ligj. Vëzhguesit tanë ishin intimiduar me njerëz që kishin ardhur nga e gjithë Shqipëria. Unë e kam parë me sytë e mij, nesër do dali përgjimi tjetër, në orën 2 të natës Arben Keshi më ka marrë në telefon dhe më ka thënë “hajde se po më vret Flamur Noka”, u shpreh Balla.

Përgjimet, Balla: Prokuroria të hetojë dhe të sqarojë publikun

Më tej, Taulant Balla u shpreh se lidhur me problematikat e Dibrës në zgjedhjet e 2016, një vit më pas u bën ndryshime në Kodin Zgjedhor. Balla tha më tej, se për këtë çështje duhet të mos ngrihen akuza politike, por të vijohet me hetimet nga Prokuroria. “Lidhur me problematikat e Dibrës, më pas janë ndryshuar shumë ligje për të rritur efikasitetin. Thelbi është, të tërhiqemi nga akuza politike. unë bie dakord me një gjë, që kjo lloj prokurorie është përdorur si shantazh, sot fillon hetimi, dhe nesër në studiot televizive lexon të gjithë materialet hetimore”. “Sa më shumë të afrohen zgjedhjet lokale, do dali një paketë e tyre për të justifikuar dështimin politik të Lulzim Bashës. Për mua nuk ka qenë surprizë kjo gjë. Po të më pyesnit në janar, do ju thoja se në qershor do dali kjo gjë. Nuk ka vepër penale të asnjë nga personat… Për zgjedhjet e Dibrës unë kam qenë në emision më Sokol Ballën, kur u publikuan disa informacione në emisionet televizive, nëse doni vlerësimin tim, ato ishim më të rënda se sa këto. Është për të ardhur keq se si një emision investigativ bëri punë më të mirë se sa prokurorët. Ta lëmë Prokurorinë ti shkojë deri në fund kësaj çështje. Prokuroria ka detyrimin ti bëjë një sqarim publikut, unë jam i bindur se as Damian Gjiknuri, as deputetët e tjerë, unë nuk e fsheh më është dashur të komunikojë dhe me deputet të PD për të krijuar një klimë qetësie”.

Përgjimet, Balla: PD i ka prej 2 vitesh, familjarët e Bashës ja dorëzuan Bild

Kreu i grupit Parlamentar i PS, Taulant Balla bëri një deklaratë të fortë nga emisioni “Real Story”, ku tha se Lulzim Basha i dispononte këto audio-përgjime një ditë pas mbajtjes së zgjedhjeve në Dibër në 2016. Madje ai tha se kanë qenë vetë familjarët e Lulzim Bashës që kanë bërë transportimin e tyre tek gazetari i Bild. “Partia Demokratike i dispononte këto audio-përgjime një ditë pas zgjedhjeve në Dibër. Pra i ka prej 2 vitesh e 7 muaj në dorë. Pse nuk e ankimoi në gjykatë që atëherë? Madje e them me bindje se gazetari i Bild i ka marrë nga vetë PD-ja. Kanë qenë familjarë të Lulzim Bashës që kanë bërë transportimin e tyre.”- tha ai. Balla shtoi se nëse ato video do të përbënin një provë Basha do t’i kishte animuar në gjykatë që atë ditë kur i mori. “Nuk ka prova në ato audi-përgjime, por ka copëza të marra dhe të ndërtuara një telenovelë me to. Po të kishte prova në përgjime do e kishin rrëzuar procesin zgjedhor në Dibër që një ditë pas zgjedhjeve.”

Balla: Presidenti mund të ketë dhe probleme mendore, do shkarkohet!

Kryetari i Grupit Parlamentar të Partisë Socialiste Taulant Balla, deklaroi në ‘Real Story’ se mazhoranca do ti shkojë deri në fund shkarkimit të Presidentit të Repbulikës Ilir Meta. “Unë jam një prej firmëtarëve që kam kërkuar shkarkimin e Metës. Ai ka humbur besimin e Kuvendit, të të gjithë grupit Parlamentar të PS. Unë besoj se Kuvendi do ti bindet me 94 anëtar për ta çuar deri në fund këtë gjë. Unë kam dëgjuar një deklaratë lajthitëse të Presidentit të Republikës ndaj Kuvendit. Presidenti i Republikës po çon ndërmend edhe shpërndarjen e Parlamentit. Presidenti i Republikës mund të ketë probleme edhe të shëndetit mendor”, tha Balla.

Balla konfirmoi dhe njëherë qëndrimin dhe këndvështrimin e Partisë Socialiste se Ilir Meta ka shkelur Kushtetutën. Kompetenca për çdekretim, kreut të shtetit i është hequr me ndryshimet kushtetuese, ndërsa e ka cilësuar datën e dekretimit të zgjedhjeve, si një kompetencë ceremoniale. “Me ndryshimet kushtetuese Presidenti i Republikës ka thjesht e vetëm një kompetence ceremoniale për dekretuar datën e zgjedhjeve. Unë kam qenë përfaqësues i PS në presidencës për konsultën, teksa presidenti thirri palët, dhe jo pa qëllim kam bërë një diskutim ndoshta më të gjatë se kolegët e tjerë të opozitës. I kam thënë presidentit: ‘si mendoni ju, se ju e keni këtë kompetencë? Janë vetëm dy data më tha, nëse ne biem dakord, të lutem, më tha, opozita kërkon datën 30 dhe më dueht të vendos datën 30”. “A e ka shkelur presidenti kushtetutën? Mendoj se në disa pika. Së pari, presidenti i republikës në saj të asaj “zhveshje” kompetencash, nuk ja njeh Kushtetuta të drejtën e dekretimit. Presidenti i Republikës ka sjell si kazus, në argumentin që i ka sjellë Kuvendit, ka sjellë si referencë rastine vitit 2007, kur president ishte Z.Moisiu. ky i fundit tha se unë nuk e bëj dot dekretimin pa më dhënë mundësinë një dispozitë tranzitore”, u shpreh Taulant Balla.

Balla: Kuvendi është funksional, nuk i shkojmë Metës për dialog

Në lidhje me një mundësi që presidenti Meta mund të shpërndajë parlamentin, Taulant Balla tha se presidenti tashmë njihet se nxjerr dekrete të çmendura. Kuvendi është funksional dhe mund të miratojë ligje që kërkojnë 2/3 e votave tha Balla në Real Story, duke lënë të kuptohet se nuk do të njohin asnjë dekret që nxjerr presidenti Meta për shpërndarjen e parlamentit. “Nuk e kuptoj pse dërgoi letër për numrin e deputetëve ku ai i ka të gjitha informacionet në webside. Presidenti nxjerr dekrete të çuditshme që nuk ka asnjë paragraf kushtetues që t’i jap të drejtë. Kuvendi i Shqipërisë është funksional dhe ka fuqinë për të miratuar edhe ligje me shumicë të cilësuar 2/3 si ndryshimet kushtetuese dhe shkarkimin e presidentit. Kuvendi sot është funksional ta bëjë këtë gjë. Kuvendi ka miratuar një rezolutë ku i bën thirrje presidentit të reflektojë.” Ndërsa i pyetur nga gazetari Sokol Balla se ato të marrë pjesë në ftesën e Metës për të diskutuar për një datë zgjedhje, Taulant Balla tha se “nuk ka asnjë arsye për të dialoguar dhe për të diskutuar. Është një çështje që është mbyllur që në vitin 2018.”

Basha si Balla: Kulla e barit nuk do të digjet

Lulzim Basha ka hequr dorë përfundimisht nga dhuna! Të paktën kështu lë të kuptohet kreu i opozitës, teksa këtë të diel pasdite ka shkruar një status në rrjetet sociale, ku i drejtohet Kryeministrit Edi Rama. “Shqipëria nuk do të digjet dhe opozita nuk trembet”, shkruan Basha. Kreu i opozitës shprehet se Edi Rama po bredh nëpër Shqipëri duke ngjallur panik e duke kërcënuar me burgosje të të githë opozitës.

“Edi Rama ka javë që bredh nëpër Shqipëri duke ngjallur panik e duke kërcënuar sa me djegie të vendit dhe sa me burgosje të të gjithë opozitës. Kam një lajm të keq për të: Shqipëria nuk do digjet dhe opozita nuk trembet”, shkruan Basha.

Më tej, Lulzim Basha shprehet se Qeverisë dhe Edi Ramës po i vjen fundi, dhe sipas kreut të opozitës kjo tregohet nga mbrojtja që merr Kryeministri kur lëviz nëpër Shqipëri për takimet elektorale.

“Këto muaj e fundit Rama ka ndaluar dhe arrestuar qindra qytetarë dhe opozitarë, së fundi drejtuesit e PD së Elbasanit dhe Librazhdit, dhe të gjithë e kanë parë se askush nuk trembet nga kërcënimet dhe veprimet e tij perverse”, shkruan Basha.

“Këtë shqiptarët po ja provojnë atij përditë kudo nëpër Shqipëri, të cilën ai tani e viziton nën mbrojtjen e qindra forcave policore, sikur të jetë duke ecur përmes një territori armik dhe jo vendit të tij. Fundi i tij dhe i veglave të tij qorre në kuvend, qeveri, polici, prokurori është i pashmangshëm”, thotë kreu opozitës.

Ashtu siç e nis statusin e tij, me mesazhin se nuk do të ketë dhunë, si për ta përforcuar këtë mesazh, Lulzim Basha e mbyll shkrimin duke shkruar “dua t’u them të gjithë bashkëqytetarëve të mi se duhet të jenë të sigurtë, asgjë e keqe nuk do të ndodhë: Edi Rama do të ikë dhe të vetmit që do të marrë me vete do të jenë mercenarët e tij të korruptuar dhe të lidhur me krimin”, përfundon kreu opozitës.

Në fakt, ky mesazh i Lulzim Bashës vjen vetëm pak ditë para mbajtjes së protestës së nëntë kombëtare që opozita ka lajmëruar se do të mbajë më 21 qershor. Në këtë kontekst, drejtuesi i “Real Story” dhe “Realstory.al”, Sokol Balla e kishte paralajmëruar kohë më parë në një editorial se “Shqipëria nuk do të digjet”, duke përdorur një shprehje të një nga filmat e vjetër shqiptar, “Kulla e barit nuk do të digjet”.

Edi Rama ka javë që bredh nëpër Shqipëri duke ngjallur panik e duke kërcënuar sa me djegie të vendit dhe sa me burgosje…
Gepostet von Lulzim Basha am Sonntag, 16. Juni 2019

Si Real Story lajmëroi lëvizjen e Metës (dhe Rama nuk e besonte)

Gjatë emisionit Real Story të enjten, Sokol Balla ia paralajmëroi Kryeministrit lëvizjen e Presidentit, ndërsa Rama kërkoi që mos të aludohej për sa kohë, kreu i shtetit kishte qenë i qartë me deklaratat e tij.

“Presidenti nuk ka ndërmend ta bëjë këtë gjë, nga ato që ka thënë deri tani. Se tani u bëmë shiko përgjime e futu në mendjen e njerëzve, nuk mund të flasim me hamendësime. Presidenti ka qenë shumë korrekt kur ka bërë një propozim që ja ka lënë në dorë palëve. Duhet të jenë palët dakord dhe prapë është shumë e shtrënguar.” – ka thënë Rama në Real Story.

Ai momenti kur #RealStory dinte dicka me shume se Kryeministri @ediramaal per vendimin e Presidentit per shfuqizimin e Dekretit te tij per Zgjedhjet Vendore. 😉 pic.twitter.com/DzoWTcirgN
— Sokol Balla (@sokolballa) June 8, 2019

Sërish duke ju referuar po deklaratave të së enjtes në Real Story, Rama u shpreh se ishte tre lëvizje përpara të tjerëve. Por a e ka menduar Rama këtë kur tha se ishte tre lëvizje para?

Një gjë dihet, me lëvizjen e Metës, Basha mori një fitore të vogël. Sigurisht nga ato fitoret e tij si gjithmonë në tavolinë. 5 muaj proteste prodhuan vetëm dekretin e aleatit te tij politik Meta. Siç e tha dhe vete: “protesta jonë solli sot një fitore. Presidenti Meta anuloi dekretin për zgjedhjet.” E tha dhe ishte serioz, përkrah kishte gruan e Ilirit.

Sokol Balla: Katër “rrugët” e Shijakut

Nëse hyn në Shijak – nga secila prej katër rrugëve tëtij – e kupton se bëhet fjalë jo për një qytet, por për një fshat. Një fshat të madh dhe të pasur. Aty mbizotërojnë serviset e makinave, noteritë ku bëhen kontratat për shitjen dhe blerjen e tyre, kompleksi Gjoka – i sekuestruar nga Operacioni Forca e Ligjit – dhe vila. Shumë vila, pasuria dhe origjina e të cilave, përcaktohen qartë dhe me sarkazëm nga kualiteti i mureve rrethuese, lartësia e kangjellave dhe numri i kamerave të sigurisë. Besoj se nëse ka një aksident “hit and go” në rrugët e Shijakut, policia rrugore e ka shumë të lehtë të gjejë autorët. Mjaft të kontrollojëndonjë nga qindra kamerat e sigurisë që kontrollojnërreptësisht rrugët e qytetit, nga lartësitë e mureve tëvilave të shtrenjta. Por vetëm policia rrugore ama. Policia vetë nuk e ka pasur dhe akoma nuk e ka tëlehtë të kontrollojë këtë qytet me shumë dritë hije.

Diku te katër rrugët ku ato kryqëzohen, është dhe selia e një prej bizneseve më të mëdha në vend AIBA. Por vezët që ajo shet janë shumë pak për të vlerësuar familjen e madhe politike që i rri pas. Pronë e vëllezërve Duka të lidhur me krushqi me vëllezërit Koka. Agron Duka ishte i pari ai që iu afrua politikës dhe fitoi mandatin si deputet në vitin 2001. Berisha iu vu Dukës menjëherë sa u bë deputet në Shijak, një mandat që rivali i atëhershëm Osman Metalla vuri aq shumë në dyshim si të vjedhur. Për këtë Duka u godit nga Berisha keq dhe vazhdimisht dhe i vuri nofkën Duka i Krimit dhe familjen e tij tëmadhe Duka/Koka si “Klani i Zemunit”, një paralele me grupin criminal që në 2003 vrau kryeministrin serb Zoran Gjingjic, sic thuhet pasi iu prishën pazaret me njeriun të cilin e ndihmuan të ngjitej në pushtet në Beograd. Berisha dhe shtypi pranë tij i përmendnin Dukës lidhjet me grupe kriminale në Shijak, që sipas tij e kishin ndihmuar të fitonte mandatin. Një gjë që nuk u provua asnjëherë për familjen, që kishte bërë të vetmin investim të ligjshëm në Shijak dhe një nga më seriozët në vend dhe ku ishin punësuar qindra shijakas. Një arsye mëse e mjaftueshme që Agron Duka, një ish volejbollist i shkëlqyer dhe njeri babaxhan të merrte mandatin e deputetit. Berisha mendonte ndryshe. Atij nuk i shkoi kurrë poshtë, sesi një zonë e djathtë tradicionale si Shijaku, nxori një deputet të majtë, i cili për më tepër u bë dhe Ministër i Bujqësisë. Për më keq kunati i tij, Lefter Koka dy vjet më vonë fiton bashkinë e Durrësit për PS, megjithëse paraardhësi i tij po socialist Miri Hoti, ishte kthyer në barcaletë në Durrës, ndër të tjera se kishte ngritur pallat mbi Bukuroshen e Durrësit.

Për Berishën kjo rrugë e Dytë e Shijakut, kishte vetëm një shpjegim: krim dhe para. Por me afrimin e zgjedhjeve të vitit 2005 retorika e Berishës ndaj Dukës së Krimit, ra. Termi pezhorativ por politik Klani i Zemunit u përdor më shpesh. Krim dhe para nuk ishte thjesht një akuzë: ishte nje skemë që funksiononte. Kriminelët e nuhasin këtë njëlloj si minjtë që janë të vetmit që parandjejnë tërmetin, se janë aq thellë nën tokë sa ndjejnë të parët vibracionet e kores së Tokës. Pas fitores në vitin 2005, Berisha i kushtoi një festë të vecantë humbjes së mandatit nga Agron Duka në Shijak. A iu kujtohet konferenca për shtyp në 2 korrik 2005 nëSelinë e PD, kur Berisha i ngazëllyer u shfaq me dy kandidatë fitues? Njëri Ylli Pango, që kishte mundur “Mumuthin e Korrupsionit”, Cac Angjelin te njësia dy në Tiranë. Tjetri, me mëngë përveshur të një pulovre të pazakonte për atë klimë të nxehtë. Me një fytyrë të lodhur dhe të djersitur, por të lumtur. Ishte Sokol Olldashi gazetari durrsak i Albanias e më pas activist I PAD të Cekës, i cili iu bashkua PD në kohërat e vështira të pas vitit 1997. “Ky këtu, tha Berisha dukeiu drejtuar Kolit, mundi Dukën e Krimit”. Ishte hera e parë pas shumë kohësh që e përmendte këtë term. Dhe s’do ta përdorte më për një kohë të gjatë. Olldashi përmbysi rezultatin në Shijak. E ktheu atë djathtas sërish. Me ndihmën e disa familjeve me emër e të forta si fise në numër. Avdylajt ishin një prej tyre. Gjithnjë të djathtë, por në 2005 ata shfaqen vendimtarë në fitoren e Olldashit, afëria e të cilit me ta, nuk ishte më secret prej kohësh. Olldashi dhe Berisha hyjnë triumfues në 12 shtator në parlament – sa e pamëshirshme është historia me këto datat. 7 vjet më herët, vritej Azem Hajdari dhe dy më vonë nëdarkë vonë, nga Selia e PD dilte i urti Sabri Godo, pasi i la Doktorit “kabëll” nga amerikanët, qëpërfshinte edhe fjalët “helicopter marins” dhe “tani”. Menjëherë Berisha tërhoqi njerëzit nga rruga, nga RTSH dhe dy ditë më pas dorëzoi tanket në gardë, duke mbyllur pa nder rrebelimin e armatosur dhe derën për në pushtet për një afat të pacaktuar. Por ama që nga ai moment për arsye të kuptueshme, ambasadores amerikane iu nofka nga Berisha, si Marinsa Lino).

Por kjo është një histori tjetër. T’I rikthehemi shtatorit 2005. Dy ditë më vonë ndërsa qeveria Berisha merrte mandatin dhe Sokol Olldashi bëhej Ministër i Brendshëm, Prokurori Sollaku, i trembur se ish shefi i tij do hakmerrej ndaj tij se nuk kishte bërë detyrën sic ja kishte kërkuar, i bëri kryeministrit të ri një dhuratë. Arrestimin e Nar Kokës, vëllait të Lefter Kokës, kreut të bashkisë Durrës dhe kunatit të Agron Dukës. Arrestimi për akuza për kontrabandë (që nuk do provoheshin më pas), të cilave Nari, një personazh multidimensional iu përgjigj me ironinë Durrsake, me një shprehje që u bë legjendë urbane: “Unë vetëm thoja “hape traun” dhe ata ma hapnin. Ca faji kam unë se ata i hapin traun cdo njeriu?” Goditja ndaj Narit ishte goditje ndaj Terit, në sfidën e Berishës ndaj “klanit të Zemunit”. Ai nuk duhet tëfitonte më Durrësin, një tjetër zonë në fakt ku PD kishte patur mbështetje edhe në kohë të vështira dheku për Berishën fitorja e Kokës kishte të njëjtin shpjegim: krim edhe para. Propaganda disa vjecare per “klanin e Zemunit”, bëri efekt të kreu i ri i PS Rama. Pas një bisede ne një rruge rastësore të gjatëme avion të njëjtë me Terin, puna e të cilit në Durrës ishte ndjerë shumë ato tre vjet, vendosa të pyesja nëemër të tij arsyen përse Rama nuk e kandidonte për një mandat të dytë? Rama m’u përgjegj me sytëposhtë, se në klimën e akuzave për lidhje me krimin, e kishte të pamundur të njolloste lidershipin e tij të ri, me këtë vendim. Gjysma e punës ishte bërë. Olldashi mori përsipër gjysmën tjetë të rikthimit të durrësit nën ngjyrën blu. Ministri i brendshëm vendosi si kandidat shefin e Gjendjes Civile të Republikës dhe vartësin e tij Armand Teliti, një djalë i mirë me një “cen”. Ishte kavajas. Të kandidosh një kavajs n’Durrs, është si t’i veshësh me zorr Erion Braces bluzën e Tironës. Por nuk ishte kjo arsyeja përse në shkurt 2007, Teliti humbi me 127 vota më pak ndaj një biznesmeni nga Durrësi që kandidonte për PS. Ajo që shokoi mëshumë, ishte se Teliti me kokën poshtë, as nuk u përpoq ta kontestonte rezultatin e ngushtë. Në pallatin e sportit Ramazan Njala, kur u numërua dhe vota e fundit, ai nxitoi ti jepte doren dhe të uronte për fitoren Vangjush Dakon, pa bërë zë. Po cfarë kishte ndodhur? Përse kthimi i Shijakut në rrugën e Tretë, drejt PD, kishte ndaluar? Si duket, rruga nga Durrësi për Olldashin – eventualisht edhe për Dakon – kalonte nga Shijaku. Dhe këtu kishte një problem. Ambicioz patologjik, energjik patetik, Ministri i Brendshëm kishte neutralizuar 40 banda në më pak se 20 muaj. Ambicja e tij ishte gjetkë: kërkonte të mundte Ramën në Tiranë si kryebashkiak, por edhe si kryetar i PS. Duke hedhur kështu një hap gjigand edhe drejt marrjes së PD në momentin e duhur. Por ndërsa arrestonte bandat, përfshirë edhe në Shijak, duket prangosi edhe të afërt me Avdylajt. Të cilët thuhet se i rezervuan një pritje aq të “nxehtë” në dru e zjarr kur ai tentoi të shkonte në Shijak, sa nga ai moment e tutje drejt Durrësit Olldashi, do të zgjidhte vetëm Autostradën. Njerëzit që të japin votën, nuk ta falin atë në Shijak. Vetëm ta japin me qera. Sidomos Abdylajt. Askush nuk e di sesi Dako arriti të mundëTelitin, por largimi i tij i heshtur dhe moskontestimi i një rezultati aq të ngushtë janë indicje të mjaftueshme edhe pa përgjime, që tregojnë se Teliti humbi për shkak të Olldashit dhe aleancave të tij të prishura nëqark, me fiset e rëndësishme. Përfshi dhe Avdylajt. (për ata që mendojnë se c’lidhje ka Shijaku me Durrësin, ju kujtoj se mbikalimi i ri sot që të lidh me autostradën, kalon mbi rrugën që lidh dy qytetet, nëmë pak se pesë minuta. Praktikisht Shijaku është cfarëLapraka është për Zogun e Zi në Tiranë).

Më pas Olldashi humb dhe Tiranën, pasi LSI, nën ndërmjetësimin e Nar Kokës në pajtimin e Metës me Ramën, ishte faktori kryesor me fiks 17 mijë votat e saj, në fitoren e kryebashkiakut të gjatë. Edhe si njëhakmarrje ndaj moskandidimit të Terit. Por shpejt Avdylajt qetësohen. Në prag të zgjedhjeve të vitit 2009, një amnisti liron shumë vetë nga burgjet dhe ditët e fushatës, personazhe të krimit janë të lirërrugëve. Edhe për të intimiduar përfqësuesit e ndrojtur socialistë. Njëri prej tyre, mik i Gjushit, ndalohet tëhyjë në Shijak për fushatë. Vetë Blendi Klosi më ka treguar momentet e tmerrit kur Avdylajt i vunëkallashin në gjoks. Këshillë bindëse për t’u kthyer mbrapsht. Shijaku votoi blu. Rruga e Tretë e Shijakut ishte konsoliduar.

Rrugën e Katërt tashmë e dini. E keni ndjekur tek përgjimet. Tek fitorja e një mandati plus, kësaj radhe të socialistëve. Me gjasë ai është Ilir Ndraxhi, për tëcilin në përgjime Avdylaj mburret se do ta zgjedhe kandidat dhe fitues. Ne zgjedhjet e 2017, PS rritet me mbi 5000 vota. Mjaftueshëm më shumë sesa 2600 votat që i duheshin Agron Dukës, kësaj radhe kundërshtar I PS.

Opozita tani do t’i perdorë përgjimet si Molotov, por në fakt Molotovin e vërtetë e ka në dorë Edi Rama, meqë thotë se ai është ndryshe, dhe meqë thotë se sondazhet i ka me vete. Edhe kriminelët i ndjekin sondazhet. Ndaj në fund shkojnë me fituesin. Edi Rama ka në dorë të prishë rregullin: të largojë ata qëtë enjtën në RealStory i quajti “plera” nga partia e tij, tani që është në pushtet, se kur të dalë në opozitë ata ikin vetë. Të shkëputet nga Gjushi dhe “4 Rrugët” si model, për të prishur këtë kryqëzim të shëmtuar tëkrimit me politikën. Dhe që jo që të besojmë qëGjushi është rast i veçantë. Gjushi është në fakt rasti që i përfshin të gjithë, djathtas e majtas. Ai thjesht pati fatin e keq që u regjistrua. Prishja e këtij modeli nuk do t’i interpretohet Kryeministrit si shenjëdobësie apo reflektim ndaj PD dhe Bashës, por si pasqyrë ku Basha dhe të tijtë të shihen e gjejnëvetveten, dhe të ulin kokën. Basha nuk e bën dot këtë, pavarësisht cfarë thotë e bërtet. Ai i vodhi zgjedhjet Ramës në tavolinë dhe vjedhësin e bëri zëvendësin e tij. Ai i vodhi zgjedhjet deri edhe vetë Olldashit. Po jo me Nicen dhe Avdylajt. Ka sa të duash kriminelë me kostum.

Quhet kriminelët e jakave të bardha. Ndryshe nga Avdylajt që sot janë në burg, ata ia kanë hedhur gjithmonë. Deri në fund të qershorit. Kur të ngrihet SPAK.

Përgjimet, Rama tregon pse nuk kandidoi më Dako në Durrës

I pyetur nga gazetari Sokol Balla nëse përgjimet ishin shkaku që Vangjush Dakon nuk kandidoi më në Bashkinë Durrës, Rama tha në Real Story se ishin një sërë faktorësh që bënë që Dako hiqte dorë nga kandidimi.

“Kemi bërë një vlerësim të të gjitha gjërave dhe vetë Dako erdhi dhe tha që nuk dua të kandidojë më pasi ishte i lodhur nga baltosja politike dhe kishte 3 mandate në krye të Durrësit. Në videot e përgjimeve nuk ka asnjë provë që vërtetojnë shitblerjen e votave dhe këto grupe kriminale që sot ndodhen pas hekurave nuk kanë marrë kurrë asnjë favor nga Bashkia e Durrësit. Për aq kohë sa nuk ka asnjë provë për shitblerjen e votave, çdo muhabet tjetër është i kotë. Kjo është një lojë politike e ndyrë që nga një anë synon goditjen e qeverisë dhe nga ana tjetër synon dëmtimin e imazhit të vendit ne procesin e integrimit. “

Pas pak kryeministri Rama live në Real Story

Në orën 21:00 Kryeministri Edi Rama do të jetë i ftuar në emisionin “Real Story” të gazetarit Sokol Balla në Vizion Plus. Rama përballë analistëve për të sqaruar publikimin e përgjimeve për dosjen 339 që përfshin drejtues politikë e lokalë të Durrësi me elementët kriminalë.

Cili do të jetë qëndrimi ndaj Dakos? Dhe në kulm të një krize të shkaktuar nga opozita nën akuza për blerje votash, si dhe sa ndikon kjo ngjarje? A ka një opsion final Rama për zgjidhjen e krizës?

A ka vend për tërheqje nga ana e mazhorancës ndaj kërkesave të opozitës? A do të ketë zgjedhje në 30 qershor, por për më shumë a është mazhoranca e përgatitur për çdo skenar të mundshëm të protestës së radhës të shtunën?

Për të gjitha këto, ndiqni Kryeministrin Edi Rama në orë 21:00 në “Real Story” në Vizion Plus.