Tag: tatimet

Rama, bizneseve për informalitetin: Mos e sprovoni shtetin

Kryeministri Edi Rama ka mbledhur të hënën në një takim drejtuesit e Tatimeve ku vërejti disa problematika duke nisur nga rritja e informalitetit në vend e deri tek mos lëshimi i kuponave nga bizneset.

Kryeministri në nisje të fjalës së tij tha se protestat e opozitës gjatë muajve të fundit dhe përpjekja e tyre për anti-shtet kanë ndikuar edhe në rritjen e informalitetit të vend dhe për këtë Rama kërkoi reagim frontal.

Ai prezantoi drejtoreshën e re të Tatimeve, Delina Ibrahmajn nga e cila kërkoi luftë ndaj informalitetit dhe rezultate konkrete, ndërsa çoi dhe një mesazh drejtuar bizneseve të cilët i këshilloi të mos e sprovojnë shtetin.  

“Apel për të gjithë bizesnet. Kemi zgjedhur për më shumë se 6 muajsh një qasje edukuese, informuese duke mos preferuar të shkojmë tek hapi i fundit pa bërë hapat e tjerë. Kjo periudhë ka përfunduar. Dhe besoj që legjislacioni është shumë i qartë dhe masat që legjislacioni parashikon për çdo biznes që nuk punon rregullisht me fatura përkatëse janë të atilla që nuk ia vlen aventura e moslëshimit të faturës. Dihet që nëse nuk lëshon një kupon në një lokal të mbyllet lokali, në njësitë tregtare të mbyllet njësia për një periudhë që sjell një dëm të madh. Kështu që ju lutem të gjithëve mos e sprovoni administratën dhe mos e sprovoni shtetin sepse nuk do të tolerohet askush”, tha Rama.  

Ai kërkoi që masat të jenë të matura nga ana e Tatimeve dhe larg çdo shfaqje agresiviteti dhe arbitrariteti ndaj biznesve.

“Hetimi tatimor nuk duhet të jetë një tufë paramilitare inspektimesh. Hetimi duhet të jetë shërbimi inteligjent i tatimeve. Do të jetë syri aty ku sheh kur të tjerët nuk shohin. Jo trupa që turret nëpër dyer sipërmarrjesh dhe që më shumë bën dëm sesa sjell rezultate. Kam besim se drejtuesja e re nën monitorimin e zëvendës kryeministrit i kanë të gjitha mundësitë për të bërë sukses. Por suksesi në këtë moment kërkon sakrificë, në kuptimin e angazhimit të çdo individi dhe çdo strukture me fokus objektiv”, tha Rama.

Kreu i qeverisë foli me tone të ashpra sa i përket mosfunksionimit të kasave në shumë biznese, duke ngritur pyetjen se kush duhet të mbajë përgjegjësi për 15 mijë kasa në biznese që nuk raportojnë.

“Si mundet të pranohet sot të kemi 15 mijë kasa jo raportuese në biznese që figurojnë aktive nga 1 qind e 12 mijë të tilla. Kujt i kërkohet përgjegjësia çdo ditë lidhur me këtë?”, tha Rama duke kërkuar luftë kundër çdo fenomeni korruptim brenda administratës tatimore.

Shqipëria, tashmë me akses mbi llogaritë offshore

Shqipëria nënshkroi Konventën Multilaterale për Zbatimin e Masave të Traktatit Tatimor për të Parandaluar Erozionin  Bazë dhe Zhvendosjen e Fitimit (Konventa), duke u bërë vendi i  88  që u bashkua me Konventën, e cila tani mbulon pothuajse 1,530 traktate dypalëshe tatimore.

Sipas standardit të ri global, një gamë e gjerë e informacionit do të shkëmbehet mbi llogaritë offshore, duke përfshirë bilancet e llogarive dhe të pronësisë. Kjo do të bëjë të mundur parandalimin e evazionit fiskal dhe trajtimin e mashtrimit fiskal. Kjo pasi, veprimtaria e evazorëve jo vetëm zvogëlon të ardhurat publike, por dhe dobëson besimin në drejtësinë e sistemit tatimor, si dhe rrit barrën mbi tatimpaguesit e ndershëm.

Po ashtu, kjo Konventë amendon apo modifikon marrëveshjet për shmangien e tatimit të dyfishtë të nënshkruara midis palëve. Konventa do të aplikohet në të gjitha marrëveshjet tatimore të nënshkruara duke modifikuar aplikimin e tyre me qëllim aplikimin e masave BEPS (Base Erosion Profti Shifting). Pra nënshkrimi i kësaj konvente ul burokracinë dhe redukton kohën që nevojitet për rishikimin dhe amendimin e secilës marrëveshje bilaterale të tatimit të dyfishtë të nënshkruar nga Shqipëria me qëllim zbatimin e masave BEPS.

Elton Haxhi, Zëvendësministër i Financave dhe Ekonomisë , nënshkroi  për palën shqiptare Konventën në prani të Angel Gurrës, Sekretarit të Përgjithshëm të OECD-së, Bruno Le Maire, Ministër i Ekonomisë dhe Financave të Francës, dhe Anila Denaj, Ministre e Financave dhe Ekonomisë,  në hapjen e 7  të takimit të Kornizës Gjithëpërfshirëse OECD / G20 mbi BEPS, që u mbajt në Paris.

Konventa është traktati i parë shumëpalësh i këtij lloji, duke lejuar vendet  të integrojnë rezultatet nga Projekti BEPS OECD / G20 në rrjetet e tyre ekzistuese të traktateve dypalëshe tatimore.

Kjo paketë i pajis shtetet pjesëmarrëse me instrumente vendase dhe ndërkombëtarë për të adresuar shmangien e taksave, në mënyrë që fitimet të tatohen aty ku kryhen aktivitetet ekonomike që i gjenerojnë ato dhe aty ku krijohet vlera. Aktualisht janë 129 juridiksione anëtare të Kuadrit Gjithëpërfshirës të Projektit Ndërkombëtar BEPS.

Skip to toolbar